| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸந்துட்டி²ஸுத்தவண்ணனா
7. Santuṭṭhisuttavaṇṇanā
27. ஸத்தமே அப்பானீதி பரித்தானி. ஸுலபா⁴னீதி ஸுகே²ன லத்³த⁴ப்³பா³னி, யத்த² கத்த²சி ஸக்கா ஹொந்தி லபி⁴துங். அனவஜ்ஜானீதி நித்³தோ³ஸானி. பிண்டி³யாலோபபோ⁴ஜனந்தி ஜங்கா⁴பிண்டி³யப³லேன சரித்வா ஆலோபமத்தங் லத்³த⁴ங் போ⁴ஜனங். பூதிமுத்தந்தி யங்கிஞ்சி முத்தங். யதா² ஹி ஸுவண்ணவண்ணோபி காயோ பூதிகாயோதி வுச்சதி, ஏவங் அபி⁴னவம்பி முத்தங் பூதிமுத்தமேவ.
27. Sattame appānīti parittāni. Sulabhānīti sukhena laddhabbāni, yattha katthaci sakkā honti labhituṃ. Anavajjānīti niddosāni. Piṇḍiyālopabhojananti jaṅghāpiṇḍiyabalena caritvā ālopamattaṃ laddhaṃ bhojanaṃ. Pūtimuttanti yaṃkiñci muttaṃ. Yathā hi suvaṇṇavaṇṇopi kāyo pūtikāyoti vuccati, evaṃ abhinavampi muttaṃ pūtimuttameva.
விகா⁴தோதி விக³தகா⁴தோ, சித்தஸ்ஸ து³க்க²ங் ந ஹோதீதி அத்தோ². தி³ஸா நப்படிஹஞ்ஞதீதி யஸ்ஸ ஹி ‘‘அஸுகட்டா²னங் நாம க³தோ சீவராதீ³னி லபி⁴ஸ்ஸாமீ’’தி சித்தங் உப்பஜ்ஜதி, தஸ்ஸ தி³ஸா படிஹஞ்ஞதி நாம. யஸ்ஸ ஏவங் ந உப்பஜ்ஜதி, தஸ்ஸ நப்படிஹஞ்ஞதி நாம. த⁴ம்மாதி படிபத்தித⁴ம்மா. ஸாமஞ்ஞஸ்ஸானுலோமிகாதி ஸமணத⁴ம்மஸ்ஸ அனுலோமா. அதி⁴க்³க³ஹிதாதி ஸப்³பே³தே துட்ட²சித்தஸ்ஸ பி⁴க்கு²னோ அதி⁴க்³க³ஹிதா ஹொந்தி அந்தோக³தா ந பரிபா³ஹிராதி.
Vighātoti vigataghāto, cittassa dukkhaṃ na hotīti attho. Disānappaṭihaññatīti yassa hi ‘‘asukaṭṭhānaṃ nāma gato cīvarādīni labhissāmī’’ti cittaṃ uppajjati, tassa disā paṭihaññati nāma. Yassa evaṃ na uppajjati, tassa nappaṭihaññati nāma. Dhammāti paṭipattidhammā. Sāmaññassānulomikāti samaṇadhammassa anulomā. Adhiggahitāti sabbete tuṭṭhacittassa bhikkhuno adhiggahitā honti antogatā na paribāhirāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸந்துட்டி²ஸுத்தங் • 7. Santuṭṭhisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸந்துட்டி²ஸுத்தவண்ணனா • 7. Santuṭṭhisuttavaṇṇanā
