| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
7. සන්‌තුට්‌ඨිසුත්‌තවණ්‌ණනා
7. Santuṭṭhisuttavaṇṇanā
27. සත්‌තමෙ අප්‌පානීති පරිත්‌තානි. සුලභානීති සුඛෙන ලද්‌ධබ්‌බානි, යත්‌ථ කත්‌ථචි සක්‌කා හොන්‌ති ලභිතුං. අනවජ්‌ජානීති නිද්‌දොසානි. පිණ්‌ඩියාලොපභොජනන්‌ති ජඞ්‌ඝාපිණ්‌ඩියබලෙන චරිත්‌වා ආලොපමත්‌තං ලද්‌ධං භොජනං. පූතිමුත්‌තන්‌ති යංකිඤ්‌චි මුත්‌තං. යථා හි සුවණ්‌ණවණ්‌ණොපි කායො පූතිකායොති වුච්‌චති, එවං අභිනවම්‌පි මුත්‌තං පූතිමුත්‌තමෙව.
27. Sattame appānīti parittāni. Sulabhānīti sukhena laddhabbāni, yattha katthaci sakkā honti labhituṃ. Anavajjānīti niddosāni. Piṇḍiyālopabhojananti jaṅghāpiṇḍiyabalena caritvā ālopamattaṃ laddhaṃ bhojanaṃ. Pūtimuttanti yaṃkiñci muttaṃ. Yathā hi suvaṇṇavaṇṇopi kāyo pūtikāyoti vuccati, evaṃ abhinavampi muttaṃ pūtimuttameva.
විඝාතොති විගතඝාතො, චිත්‌තස්‌ස දුක්‌ඛං න හොතීති අත්‌ථො. දිසා නප්‌පටිහඤ්‌ඤතීති යස්‌ස හි ‘‘අසුකට්‌ඨානං නාම ගතො චීවරාදීනි ලභිස්‌සාමී’’ති චිත්‌තං උප්‌පජ්‌ජති, තස්‌ස දිසා පටිහඤ්‌ඤති නාම. යස්‌ස එවං න උප්‌පජ්‌ජති, තස්‌ස නප්‌පටිහඤ්‌ඤති නාම. ධම්‌මාති පටිපත්‌තිධම්‌මා. සාමඤ්‌ඤස්‌සානුලොමිකාති සමණධම්‌මස්‌ස අනුලොමා. අධිග්‌ගහිතාති සබ්‌බෙතෙ තුට්‌ඨචිත්‌තස්‌ස භික්‌ඛුනො අධිග්‌ගහිතා හොන්‌ති අන්‌තොගතා න පරිබාහිරාති.
Vighātoti vigataghāto, cittassa dukkhaṃ na hotīti attho. Disānappaṭihaññatīti yassa hi ‘‘asukaṭṭhānaṃ nāma gato cīvarādīni labhissāmī’’ti cittaṃ uppajjati, tassa disā paṭihaññati nāma. Yassa evaṃ na uppajjati, tassa nappaṭihaññati nāma. Dhammāti paṭipattidhammā. Sāmaññassānulomikāti samaṇadhammassa anulomā. Adhiggahitāti sabbete tuṭṭhacittassa bhikkhuno adhiggahitā honti antogatā na paribāhirāti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. සන්‌තුට්‌ඨිසුත්‌තං • 7. Santuṭṭhisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7. සන්‌තුට්‌ඨිසුත්‌තවණ්‌ණනා • 7. Santuṭṭhisuttavaṇṇanā
