| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៨. សន្តុដ្ឋិតាសុត្តំ
8. Santuṭṭhitāsuttaṃ
១១៤. ‘‘តយោមេ, ភិក្ខវេ, ធម្មា។ កតមេ តយោ? អសន្តុដ្ឋិតា, អសម្បជញ្ញំ, មហិច្ឆតា។ ឥមេ ខោ, ភិក្ខវេ, តយោ ធម្មា។ ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា។ កតមេ តយោ? អសន្តុដ្ឋិតាយ បហានាយ សន្តុដ្ឋិតា ភាវេតព្ពា, អសម្បជញ្ញស្ស បហានាយ សម្បជញ្ញំ ភាវេតព្ពំ, មហិច្ឆតាយ បហានាយ អប្បិច្ឆតា ភាវេតព្ពា។ ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ។ អដ្ឋមំ។
114. ‘‘Tayome, bhikkhave, dhammā. Katame tayo? Asantuṭṭhitā, asampajaññaṃ, mahicchatā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Asantuṭṭhitāya pahānāya santuṭṭhitā bhāvetabbā, asampajaññassa pahānāya sampajaññaṃ bhāvetabbaṃ, mahicchatāya pahānāya appicchatā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Aṭṭhamaṃ.
Related texts:
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១១. បាតុភាវសុត្តាទិវណ្ណនា • 1-11. Pātubhāvasuttādivaṇṇanā
