| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. සන්‌තුට්‌ඨිතාසුත්‌තං
8. Santuṭṭhitāsuttaṃ
114. ‘‘තයොමෙ, භික්‌ඛවෙ, ධම්‌මා. කතමෙ තයො? අසන්‌තුට්‌ඨිතා, අසම්‌පජඤ්‌ඤං, මහිච්‌ඡතා. ඉමෙ ඛො, භික්‌ඛවෙ, තයො ධම්‌මා. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය තයො ධම්‌මා භාවෙතබ්‌බා. කතමෙ තයො? අසන්‌තුට්‌ඨිතාය පහානාය සන්‌තුට්‌ඨිතා භාවෙතබ්‌බා, අසම්‌පජඤ්‌ඤස්‌ස පහානාය සම්‌පජඤ්‌ඤං භාවෙතබ්‌බං, මහිච්‌ඡතාය පහානාය අප්‌පිච්‌ඡතා භාවෙතබ්‌බා. ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය ඉමෙ තයො ධම්‌මා භාවෙතබ්‌බා’’ති. අට්‌ඨමං.
114. ‘‘Tayome, bhikkhave, dhammā. Katame tayo? Asantuṭṭhitā, asampajaññaṃ, mahicchatā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Asantuṭṭhitāya pahānāya santuṭṭhitā bhāvetabbā, asampajaññassa pahānāya sampajaññaṃ bhāvetabbaṃ, mahicchatāya pahānāya appicchatā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Aṭṭhamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
