| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. སནྟུཊྛིཏཱསུཏྟཾ
8. Santuṭṭhitāsuttaṃ
༡༡༤. ‘‘ཏཡོམེ, བྷིཀྑཝེ, དྷམྨཱ། ཀཏམེ ཏཡོ? ཨསནྟུཊྛིཏཱ, ཨསམྤཛཉྙཾ, མཧིཙྪཏཱ། ཨིམེ ཁོ, བྷིཀྑཝེ, ཏཡོ དྷམྨཱ། ཨིམེསཾ ཁོ, བྷིཀྑཝེ, ཏིཎྞཾ དྷམྨཱནཾ པཧཱནཱཡ ཏཡོ དྷམྨཱ བྷཱཝེཏབྦཱ། ཀཏམེ ཏཡོ? ཨསནྟུཊྛིཏཱཡ པཧཱནཱཡ སནྟུཊྛིཏཱ བྷཱཝེཏབྦཱ, ཨསམྤཛཉྙསྶ པཧཱནཱཡ སམྤཛཉྙཾ བྷཱཝེཏབྦཾ, མཧིཙྪཏཱཡ པཧཱནཱཡ ཨཔྤིཙྪཏཱ བྷཱཝེཏབྦཱ། ཨིམེསཾ ཁོ, བྷིཀྑཝེ, ཏིཎྞཾ དྷམྨཱནཾ པཧཱནཱཡ ཨིམེ ཏཡོ དྷམྨཱ བྷཱཝེཏབྦཱ’’ཏི། ཨཊྛམཾ།
114. ‘‘Tayome, bhikkhave, dhammā. Katame tayo? Asantuṭṭhitā, asampajaññaṃ, mahicchatā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Asantuṭṭhitāya pahānāya santuṭṭhitā bhāvetabbā, asampajaññassa pahānāya sampajaññaṃ bhāvetabbaṃ, mahicchatāya pahānāya appicchatā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Aṭṭhamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༡. པཱཏུབྷཱཝསུཏྟཱདིཝཎྞནཱ • 1-11. Pātubhāvasuttādivaṇṇanā
