| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
५. सानुसुत्तं
5. Sānusuttaṃ
२३९. एकं समयं भगवा सावत्थियं विहरति जेतवने अनाथपिण्डिकस्स आरामे। तेन खो पन समयेन अञ्ञतरिस्सा उपासिकाय सानु नाम पुत्तो यक्खेन गहितो होति। अथ खो सा उपासिका परिदेवमाना तायं वेलायं इमा गाथायो अभासि –
239. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarissā upāsikāya sānu nāma putto yakkhena gahito hoti. Atha kho sā upāsikā paridevamānā tāyaṃ velāyaṃ imā gāthāyo abhāsi –
‘‘चातुद्दसिं पञ्चदसिं, या च पक्खस्स अट्ठमी।
‘‘Cātuddasiṃ pañcadasiṃ, yā ca pakkhassa aṭṭhamī;
पाटिहारियपक्खञ्च, अट्ठङ्गसुसमागतं॥
Pāṭihāriyapakkhañca, aṭṭhaṅgasusamāgataṃ.
‘‘उपोसथं उपवसन्ति, ब्रह्मचरियं चरन्ति ये।
‘‘Uposathaṃ upavasanti, brahmacariyaṃ caranti ye;
न तेहि यक्खा कीळन्ति, इति मे अरहतं सुतं।
Na tehi yakkhā kīḷanti, iti me arahataṃ sutaṃ;
सा दानि अज्ज पस्सामि, यक्खा कीळन्ति सानुना’’ति॥
Sā dāni ajja passāmi, yakkhā kīḷanti sānunā’’ti.
‘‘चातुद्दसिं पञ्चदसिं, या च पक्खस्स अट्ठमी।
‘‘Cātuddasiṃ pañcadasiṃ, yā ca pakkhassa aṭṭhamī;
पाटिहारियपक्खञ्च, अट्ठङ्गसुसमागतं।
Pāṭihāriyapakkhañca, aṭṭhaṅgasusamāgataṃ;
उपोसथं उपवसन्ति, ब्रह्मचरियं चरन्ति ये॥
Uposathaṃ upavasanti, brahmacariyaṃ caranti ye.
‘‘न तेहि यक्खा कीळन्ति, साहु ते अरहतं सुतं।
‘‘Na tehi yakkhā kīḷanti, sāhu te arahataṃ sutaṃ;
सानुं पबुद्धं वज्जासि, यक्खानं वचनं इदं।
Sānuṃ pabuddhaṃ vajjāsi, yakkhānaṃ vacanaṃ idaṃ;
माकासि पापकं कम्मं, आवि वा यदि वा रहो॥
Mākāsi pāpakaṃ kammaṃ, āvi vā yadi vā raho.
न ते दुक्खा पमुत्यत्थि, उप्पच्चापि पलायतो’’ति॥
Na te dukkhā pamutyatthi, uppaccāpi palāyato’’ti.
‘‘मतं वा अम्म रोदन्ति, यो वा जीवं न दिस्सति।
‘‘Mataṃ vā amma rodanti, yo vā jīvaṃ na dissati;
जीवन्तं अम्म पस्सन्ती, कस्मा मं अम्म रोदसी’’ति॥
Jīvantaṃ amma passantī, kasmā maṃ amma rodasī’’ti.
‘‘मतं वा पुत्त रोदन्ति, यो वा जीवं न दिस्सति।
‘‘Mataṃ vā putta rodanti, yo vā jīvaṃ na dissati;
यो च कामे चजित्वान, पुनरागच्छते इध।
Yo ca kāme cajitvāna, punarāgacchate idha;
तं वापि पुत्त रोदन्ति, पुन जीवं मतो हि सो॥
Taṃ vāpi putta rodanti, puna jīvaṃ mato hi so.
‘‘कुक्कुळा उब्भतो तात, कुक्कुळं 3 पतितुमिच्छसि।
‘‘Kukkuḷā ubbhato tāta, kukkuḷaṃ 4 patitumicchasi;
नरका उब्भतो तात, नरकं पतितुमिच्छसि॥
Narakā ubbhato tāta, narakaṃ patitumicchasi.
‘‘अभिधावथ भद्दन्ते, कस्स उज्झापयामसे।
‘‘Abhidhāvatha bhaddante, kassa ujjhāpayāmase;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. सानुसुत्तवण्णना • 5. Sānusuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ५. सानुसुत्तवण्णना • 5. Sānusuttavaṇṇanā
