| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. саануд̇т̇зраг̇аат̇ааван̣н̣анаа
4. Sānuttheragāthāvaṇṇanā
мад̇ам̣ ваа амма род̣̇анд̇ийд̇и ааяасмад̇о саануд̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о жад̇унавуд̇з габбз сид̣̇д̇хад̇т̇асса бхаг̇авад̇о хад̇т̇абаад̣̇ад̇хованамукавигкааланаанам̣ ад̇т̇ааяа уд̣̇агам̣ убанзси. сад̇т̇аа хи бхож̇анагаалз хад̇т̇абаад̣̇з д̇ховид̇угаамо ахоси. со сад̇т̇у аагаарам̣ саллагкзд̇ваа уд̣̇агам̣ убанзси. бхаг̇аваа хад̇т̇абаад̣̇з д̇ховид̇ваа бхун̃ж̇ид̇ваа мукам̣ вигкаалзд̇угаамо ахоси. со д̇амби н̃ад̇ваа мукод̣̇агам̣ убанзси. сад̇т̇аа мукам̣ вигкаалзд̇ваа мукад̇хованагижжам̣ нидтаабзси. звам̣ бхаг̇аваа анугамбам̣ убаад̣̇ааяа д̇зна гарийяамаанам̣ взяяааважжам̣ саад̣̇ияи. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса убаасагасса г̇зхз бадисанд̇хим̣ г̇ан̣хи. д̇асмим̣ г̇аб̣бхаг̇ад̇зязва бид̇аа баваасам̣ г̇ад̇о, убаасигаа д̣̇асамаасажжаязна буд̇д̇ам̣ виж̇ааяид̇ваа саанууд̇исса наамам̣ агааси. д̇асмим̣ ануггамзна вад̣дханд̇з сад̇д̇авассигам̣язва нам̣ бхигкуунам̣ санд̇игз баб̣б̣ааж̇зси, ‘‘звамаяам̣ ананд̇арааяо вад̣дхид̇ваа ажжанд̇асукабхааг̇ий бхависсад̇ий’’д̇и. ‘‘со саанусааман̣зро’’д̇и бан̃н̃аад̇о бан̃н̃аваа вад̇д̇асамбанно б̣ахуссуд̇о д̇хаммагат̇иго сад̇д̇зсу мзд̇д̇аж̇жхаасаяо худ̇ваа д̣̇звамануссаанам̣ бияо ахоси манаабод̇и саб̣б̣ам̣ саанусуд̇д̇з ааг̇ад̇анаязна взд̣̇ид̇аб̣б̣ам̣.
Mataṃvā amma rodantīti āyasmato sānuttherassa gāthā. Kā uppatti? Sopi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito catunavute kappe siddhatthassa bhagavato hatthapādadhovanamukhavikkhālanānaṃ atthāya udakaṃ upanesi. Satthā hi bhojanakāle hatthapāde dhovitukāmo ahosi. So satthu ākāraṃ sallakkhetvā udakaṃ upanesi. Bhagavā hatthapāde dhovitvā bhuñjitvā mukhaṃ vikkhāletukāmo ahosi. So tampi ñatvā mukhodakaṃ upanesi. Satthā mukhaṃ vikkhāletvā mukhadhovanakiccaṃ niṭṭhāpesi. Evaṃ bhagavā anukampaṃ upādāya tena karīyamānaṃ veyyāvaccaṃ sādiyi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde sāvatthiyaṃ aññatarassa upāsakassa gehe paṭisandhiṃ gaṇhi. Tasmiṃ gabbhagateyeva pitā pavāsaṃ gato, upāsikā dasamāsaccayena puttaṃ vijāyitvā sānūtissa nāmaṃ akāsi. Tasmiṃ anukkamena vaḍḍhante sattavassikaṃyeva naṃ bhikkhūnaṃ santike pabbājesi, ‘‘evamayaṃ anantarāyo vaḍḍhitvā accantasukhabhāgī bhavissatī’’ti. ‘‘So sānusāmaṇero’’ti paññāto paññavā vattasampanno bahussuto dhammakathiko sattesu mettajjhāsayo hutvā devamanussānaṃ piyo ahosi manāpoti sabbaṃ sānusutte āgatanayena veditabbaṃ.
д̇асса ад̇ийд̇аж̇аад̇ияам̣ маад̇аа яагкаяонияам̣ ниб̣б̣ад̇д̇и. д̇ам̣ яагкаа ‘‘саануд̇т̇зрасса аяам̣ маад̇аа’’д̇и г̇аружид̇д̇игаараб̣ахулаа худ̇ваа маанзнд̇и. звам̣ г̇ажчанд̇з гаалз бут̇уж̇ж̇анабхаавасса аад̣̇ийнавам̣ вибхаавзнд̇ам̣ вияа згад̣̇ивасам̣ саанусса яонисо манасигаараабхааваа аяонисо уммуж̇ж̇анд̇асса виб̣бхамид̇угаамад̇аажид̇д̇ам̣ уббаж̇ж̇и. д̇ам̣ д̇асса яагкинимаад̇аа н̃ад̇ваа мануссамаад̇уяаа аарожзси – ‘‘д̇ава буд̇д̇о, саану, ‘виб̣бхамиссаамий’д̇и жид̇д̇ам̣ уббаад̣̇зси, д̇асмаа д̇вам̣ –
Tassa atītajātiyaṃ mātā yakkhayoniyaṃ nibbatti. Taṃ yakkhā ‘‘sānuttherassa ayaṃ mātā’’ti garucittikārabahulā hutvā mānenti. Evaṃ gacchante kāle puthujjanabhāvassa ādīnavaṃ vibhāventaṃ viya ekadivasaṃ sānussa yoniso manasikārābhāvā ayoniso ummujjantassa vibbhamitukāmatācittaṃ uppajji. Taṃ tassa yakkhinimātā ñatvā manussamātuyā ārocesi – ‘‘tava putto, sānu, ‘vibbhamissāmī’ti cittaṃ uppādesi, tasmā tvaṃ –
‘‘саанум̣ баб̣уд̣̇д̇хам̣ важ̇ж̇ааси, яагкаанам̣ важанам̣ ид̣̇ам̣;
‘‘Sānuṃ pabuddhaṃ vajjāsi, yakkhānaṃ vacanaṃ idaṃ;
маагааси баабагам̣ гаммам̣, аави ваа яад̣̇и ваа рахо.
Mākāsi pāpakaṃ kammaṃ, āvi vā yadi vā raho.
‘‘сажз д̇вам̣ баабагам̣ гаммам̣, гариссаси гароси ваа;
‘‘Sace tvaṃ pāpakaṃ kammaṃ, karissasi karosi vā;
на д̇з д̣̇угкаа бамуд̇яад̇т̇и, уббажжааби балааяад̇о’’д̇и. (сам̣. ни. 1.239; д̇ха. ба. адта. 2.325 саанусааман̣зравад̇т̇у) –
Na te dukkhā pamutyatthi, uppaccāpi palāyato’’ti. (saṃ. ni. 1.239; dha. pa. aṭṭha. 2.325 sānusāmaṇeravatthu) –
звам̣ бхан̣аахий’’д̇и. зван̃жа бана вад̇ваа яагкинимаад̇аа д̇ад̇т̇званд̇арад̇хааяи. мануссамаад̇аа бана д̇ам̣ суд̇ваа барид̣̇звасогасамаабаннаа жзд̇од̣̇угкасамаббид̇аа ахоси. ат̇а саанусааман̣зро буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа маад̇у санд̇игам̣ убаг̇ад̇о маад̇арам̣ род̣̇амаанам̣ д̣̇исваа ‘‘амма, гим̣ ниссааяа род̣̇асий’’д̇и вад̇ваа ‘‘д̇ам̣ ниссааяаа’’д̇и жа вуд̇д̇о маад̇у ‘‘мад̇ам̣ ваа, амма, род̣̇анд̇и, яо ваа ж̇ийвам̣ на д̣̇иссад̇ий’’д̇и г̇аат̇ам̣ абхааси.
Evaṃ bhaṇāhī’’ti. Evañca pana vatvā yakkhinimātā tatthevantaradhāyi. Manussamātā pana taṃ sutvā paridevasokasamāpannā cetodukkhasamappitā ahosi. Atha sānusāmaṇero pubbaṇhasamayaṃ nivāsetvā pattacīvaramādāya mātu santikaṃ upagato mātaraṃ rodamānaṃ disvā ‘‘amma, kiṃ nissāya rodasī’’ti vatvā ‘‘taṃ nissāyā’’ti ca vutto mātu ‘‘mataṃ vā, amma, rodanti, yo vā jīvaṃ na dissatī’’ti gāthaṃ abhāsi.
44. д̇ассад̇т̇о – ‘‘амма, род̣̇анд̇аа наама н̃аад̇агаа мид̇д̇аа ваа ад̇д̇ано н̃аад̇агам̣ мид̇д̇ам̣ ваа мад̇ам̣ уд̣̇д̣̇исса род̣̇анд̇и баралогам̣ г̇ад̇ад̇д̇аа, яо ваа н̃аад̇аго мид̇д̇о ваа ж̇ийвам̣ ж̇ийванд̇о д̣̇зсанд̇арам̣ багганд̇ад̇ааяа жа на д̣̇иссад̇и, д̇ам̣ ваа уд̣̇д̣̇исса род̣̇анд̇и, убхаяамбзд̇ам̣ маяи на виж̇ж̇ад̇и, звам̣ санд̇з ж̇ийванд̇ам̣ д̇харамаанам̣ мам̣ бурад̇о тид̇ам̣ бассанд̇ий; гасмаа, амма, род̣̇аси?мам̣ уд̣̇д̣̇исса д̇ава род̣̇анасса гааран̣амзва над̇т̇ий’’д̇и.
44. Tassattho – ‘‘amma, rodantā nāma ñātakā mittā vā attano ñātakaṃ mittaṃ vā mataṃ uddissa rodanti paralokaṃ gatattā, yo vā ñātako mitto vā jīvaṃ jīvanto desantaraṃ pakkantatāya ca na dissati, taṃ vā uddissa rodanti, ubhayampetaṃ mayi na vijjati, evaṃ sante jīvantaṃ dharamānaṃ maṃ purato ṭhitaṃ passantī; kasmā, amma, rodasi?Maṃ uddissa tava rodanassa kāraṇameva natthī’’ti.
д̇ам̣ суд̇ваа д̇асса маад̇аа ‘‘маран̣ан̃хзд̇ам̣, бхигкавз, яо сигкам̣ бажжагкааяа хийнааяаавад̇д̇ад̇ий’’д̇и (ма. ни. 3.63) суд̇д̇абад̣̇аанусаарзна уббаб̣б̣аж̇анам̣ арияасса винаяз маран̣анд̇и д̣̇ассзнд̇ий –
Taṃ sutvā tassa mātā ‘‘maraṇañhetaṃ, bhikkhave, yo sikkhaṃ paccakkhāya hīnāyāvattatī’’ti (ma. ni. 3.63) suttapadānusārena uppabbajanaṃ ariyassa vinaye maraṇanti dassentī –
‘‘мад̇ам̣ ваа буд̇д̇а род̣̇анд̇и, яо ваа ж̇ийвам̣ на д̣̇иссад̇и;
‘‘Mataṃ vā putta rodanti, yo vā jīvaṃ na dissati;
яо жа гаамз жаж̇ид̇ваана, бунарааг̇ажчад̇з ид̇ха.
Yo ca kāme cajitvāna, punarāgacchate idha.
‘‘д̇ам̣ вааби буд̇д̇а род̣̇анд̇и, буна ж̇ийвам̣ мад̇о хи со;
‘‘Taṃ vāpi putta rodanti, puna jīvaṃ mato hi so;
гуггул̣аа уб̣бхад̇о д̇аад̇а, гуггул̣ам̣ бад̇ид̇умижчасий’’д̇и. (сам̣. ни. 1.239; д̇ха. ба. адта. 2.саанусааман̣зравад̇т̇у) –
Kukkuḷā ubbhato tāta, kukkuḷaṃ patitumicchasī’’ti. (saṃ. ni. 1.239; dha. pa. aṭṭha. 2.sānusāmaṇeravatthu) –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а гаамз жаж̇ид̇ваанаад̇и нзгкаммаж̇жхаасаязна вад̇т̇угаамз бахааяа, д̇ан̃жа гилзсагаамасса д̇ад̣̇ан̇г̇аббахаанавасзна взд̣̇ид̇аб̣б̣ам̣. баб̣б̣аж̇ж̇аа хзд̇т̇а гаамабарижжааг̇о ад̇хиббзд̇о. бунарааг̇ажчад̇з ид̇хаад̇и ид̇ха г̇зхз бунад̣̇зва ааг̇ажчад̇и, хийнааяаавад̇д̇анам̣ санд̇хааяа вад̣̇ад̇и. д̇ам̣ ваабийд̇и яо баб̣б̣аж̇ид̇ваа виб̣бхамад̇и , д̇ам̣ вааби буг̇г̇алам̣ мад̇ам̣ вияамаад̣̇исияо род̣̇анд̇и. гасмаад̇и жз? буна ж̇ийвам̣ мад̇о хи сод̇и виб̣бхаманад̇о бажчаа яо ж̇ийванд̇о, со г̇ун̣амаран̣зна ад̇т̇ад̇о мад̇оязва. ид̣̇аанисса сависзсасам̣взг̇ам̣ ж̇анзд̇ум̣ ‘‘гуггул̣аа’’д̇иаад̣̇и вуд̇д̇ам̣. д̇ассад̇т̇о – ‘‘ахорад̇д̇ам̣ аад̣̇ид̇д̇ам̣ вияа худ̇ваа д̣аханадтзна гуггул̣анираяасад̣̇исад̇д̇аа гуггул̣аа г̇ихибхааваа анугамбанд̇ияаа маяаа уб̣бхад̇о уд̣̇д̇хад̇о, д̇аад̇а саану, гуггул̣ам̣ бад̇ид̇ум̣ ижчаси бад̇ид̇угаамосий’’д̇и.
Tattha kāme cajitvānāti nekkhammajjhāsayena vatthukāme pahāya, tañca kilesakāmassa tadaṅgappahānavasena veditabbaṃ. Pabbajjā hettha kāmapariccāgo adhippeto. Punarāgacchate idhāti idha gehe punadeva āgacchati, hīnāyāvattanaṃ sandhāya vadati. Taṃ vāpīti yo pabbajitvā vibbhamati , taṃ vāpi puggalaṃ mataṃ viyamādisiyo rodanti. Kasmāti ce? Puna jīvaṃ mato hi soti vibbhamanato pacchā yo jīvanto, so guṇamaraṇena atthato matoyeva. Idānissa savisesasaṃvegaṃ janetuṃ ‘‘kukkuḷā’’tiādi vuttaṃ. Tassattho – ‘‘ahorattaṃ ādittaṃ viya hutvā ḍahanaṭṭhena kukkuḷanirayasadisattā kukkuḷā gihibhāvā anukampantiyā mayā ubbhato uddhato, tāta sānu, kukkuḷaṃ patituṃ icchasi patitukāmosī’’ti.
д̇ам̣ суд̇ваа саанусааман̣зро сам̣взг̇аж̇аад̇о худ̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.21.25-29) –
Taṃ sutvā sānusāmaṇero saṃvegajāto hutvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.21.25-29) –
‘‘бхун̃ж̇анд̇ам̣ саман̣ам̣ д̣̇исваа, виббасаннаманаавилам̣;
‘‘Bhuñjantaṃ samaṇaṃ disvā, vippasannamanāvilaṃ;
гхадзнод̣̇агамаад̣̇ааяа, сид̣̇д̇хад̇т̇асса ад̣̇аасахам̣.
Ghaṭenodakamādāya, siddhatthassa adāsahaṃ.
‘‘ниммало хомахам̣ аж̇ж̇а, вимало кийн̣асам̣саяо;
‘‘Nimmalo homahaṃ ajja, vimalo khīṇasaṃsayo;
бхавз ниб̣б̣ад̇д̇амаанасса, палам̣ ниб̣б̣ад̇д̇ад̇з субхам̣.
Bhave nibbattamānassa, phalaṃ nibbattate subhaṃ.
‘‘жад̇уннавуд̇ид̇о габбз, уд̣̇агам̣ яамад̣̇аасахам̣;
‘‘Catunnavutito kappe, udakaṃ yamadāsahaṃ;
д̣̇уг̇г̇ад̇им̣ наабхиж̇аанаами, д̣̇агад̣̇аанассид̣̇ам̣ палам̣.
Duggatiṃ nābhijānāmi, dakadānassidaṃ phalaṃ.
‘‘згасадтимхид̇о габбз, згова вимало аху;
‘‘Ekasaṭṭhimhito kappe, ekova vimalo ahu;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро имиссаа г̇аат̇ааяа васзна ‘‘маяхам̣ вибассанаарамбхо арахад̇д̇аббад̇д̇и жа ж̇аад̇аа’’д̇и уд̣̇аанавасзна д̇амзва г̇аат̇ам̣ бажжуд̣̇аахааси.
Arahattaṃ pana patvā thero imissā gāthāya vasena ‘‘mayhaṃ vipassanārambho arahattappatti ca jātā’’ti udānavasena tameva gāthaṃ paccudāhāsi.
саануд̇т̇зраг̇аат̇ааван̣н̣анаа нидтид̇аа.
Sānuttheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. саануд̇т̇зраг̇аат̇аа • 4. Sānuttheragāthā
