| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. සපරිවාරාසනත්‌ථෙරඅපදානං
6. Saparivārāsanattheraapadānaṃ
43.
43.
‘‘පදුමුත්‌තරබුද්‌ධස්‌ස, පිණ්‌ඩපාතං අදාසහං;
‘‘Padumuttarabuddhassa, piṇḍapātaṃ adāsahaṃ;
44.
44.
‘‘තම්‌හාසනම්‌හි ආසීනො, බුද්‌ධො ලොකග්‌ගනායකො;
‘‘Tamhāsanamhi āsīno, buddho lokagganāyako;
අකිත්‌තයි පිණ්‌ඩපාතං, උජුභූතො සමාහිතො.
Akittayi piṇḍapātaṃ, ujubhūto samāhito.
45.
45.
‘‘යථාපි භද්‌දකෙ ඛෙත්‌තෙ, බීජං අප්‌පම්‌පි රොපිතං;
‘‘Yathāpi bhaddake khette, bījaṃ appampi ropitaṃ;
සම්‌මා ධාරං පවෙච්‌ඡන්‌තෙ, ඵලං තොසෙති කස්‌සකං.
Sammā dhāraṃ pavecchante, phalaṃ toseti kassakaṃ.
46.
46.
‘‘තථෙවායං පිණ්‌ඩපාතො, සුඛෙත්‌තෙ රොපිතො තයා;
‘‘Tathevāyaṃ piṇḍapāto, sukhette ropito tayā;
47.
47.
‘‘ඉදං වත්‌වාන සම්‌බුද්‌ධො, ජලජුත්‌තමනාමකො;
‘‘Idaṃ vatvāna sambuddho, jalajuttamanāmako;
පිණ්‌ඩපාතං ගහෙත්‌වාන, පක්‌කාමි උත්‌තරාමුඛො.
Piṇḍapātaṃ gahetvāna, pakkāmi uttarāmukho.
48.
48.
‘‘සංවුතො පාතිමොක්‌ඛස්‌මිං, ඉන්‌ද්‍රියෙසු ච පඤ්‌චසු;
‘‘Saṃvuto pātimokkhasmiṃ, indriyesu ca pañcasu;
පවිවෙකමනුයුත්‌තො, විහරාමි අනාසවො.
Pavivekamanuyutto, viharāmi anāsavo.
49.
49.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සපරිවාරාසනො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā saparivārāsano thero imā gāthāyo abhāsitthāti.
සපරිවාරාසනත්‌ථෙරස්‌සාපදානං ඡට්‌ඨං.
Saparivārāsanattherassāpadānaṃ chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 6. සපරිවාරාසනත්‌ථෙරඅපදානවණ්‌ණනා • 6. Saparivārāsanattheraapadānavaṇṇanā
