| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. сабариваараасанад̇т̇зраабад̣̇аанаван̣н̣анаа
6. Saparivārāsanattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о сабариваараасанад̇т̇зрасса абад̣̇аанам̣. соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавзсу виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз вибхавасамбаннз гулаг̇зхз ниб̣б̣ад̇д̇о вуд̣̇д̇хиббад̇д̇о сад̣̇д̇хааж̇аад̇о саасанз басанно д̣̇аанапалам̣ сад̣̇д̣̇аханд̇о наанаг̇г̇арасабхож̇анзна бхаг̇авад̇о бин̣д̣абаад̇ам̣ ад̣̇ааси, д̣̇ад̇ваа жа бана бхож̇анасаалааяам̣ бхож̇анад̇т̇ааяа нисиннаасанам̣ ж̇аад̇исуманамаллигаад̣̇ийхи алан̇гари. бхаг̇аваа жа бхад̇д̇аанумод̣̇анамагааси. со д̇зна бун̃н̃агаммзна д̣̇звамануссзсу сам̣саранд̇о анзгавид̇хам̣ самбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з вибхавасамбаннз гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хо басанно баб̣б̣аж̇ид̇ваа на жирассзва арахаа ахоси.
Padumuttarabuddhassātiādikaṃ āyasmato saparivārāsanattherassa apadānaṃ. Sopi purimabuddhesu katādhikāro tattha tattha bhavesu vivaṭṭūpanissayāni puññāni upacinanto padumuttarassa bhagavato kāle vibhavasampanne kulagehe nibbatto vuddhippatto saddhājāto sāsane pasanno dānaphalaṃ saddahanto nānaggarasabhojanena bhagavato piṇḍapātaṃ adāsi, datvā ca pana bhojanasālāyaṃ bhojanatthāya nisinnāsanaṃ jātisumanamallikādīhi alaṅkari. Bhagavā ca bhattānumodanamakāsi. So tena puññakammena devamanussesu saṃsaranto anekavidhaṃ sampattiṃ anubhavitvā imasmiṃ buddhuppāde vibhavasampanne kulagehe nibbatto vuddhimanvāya saddho pasanno pabbajitvā na cirasseva arahā ahosi.
43. со звам̣ бад̇д̇асанд̇ибад̣̇о ‘‘гзна ну ко бун̃н̃зна ид̣̇ам̣ санд̇ибад̣̇ам̣ ануббад̇д̇а’’нд̇и н̃аан̣зна убад̇хаарзнд̇о буб̣б̣агаммам̣ д̣̇исваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. д̇ам̣ вуд̇д̇ад̇т̇амзва. бин̣д̣абаад̇ам̣ ад̣̇аасаханд̇и д̇ад̇т̇а д̇ад̇т̇а лад̣̇д̇хаанам̣ бин̣д̣аанам̣ габ̣ал̣ам̣ габ̣ал̣ам̣ гад̇ваа баад̇аб̣б̣ад̇о каад̣̇ид̇аб̣б̣ад̇о аахааро бин̣д̣абаад̇о, д̇ам̣ бин̣д̣абаад̇ам̣ бхаг̇авад̇о ад̣̇аасим̣, бхаг̇аванд̇ам̣ бхож̇зсинд̇и ад̇т̇о.
43. So evaṃ pattasantipado ‘‘kena nu kho puññena idaṃ santipadaṃ anuppatta’’nti ñāṇena upadhārento pubbakammaṃ disvā somanassajāto pubbacaritāpadānaṃ pakāsento padumuttarabuddhassātiādimāha. Taṃ vuttatthameva. Piṇḍapātaṃ adāsahanti tattha tattha laddhānaṃ piṇḍānaṃ kabaḷaṃ kabaḷaṃ katvā pātabbato khāditabbato āhāro piṇḍapāto, taṃ piṇḍapātaṃ bhagavato adāsiṃ, bhagavantaṃ bhojesinti attho.
44. агид̇д̇аяи бин̣д̣абаад̇анд̇и маяаа д̣̇иннабин̣д̣абаад̇асса г̇ун̣ам̣ аанисам̣сам̣ багаасзсийд̇и ад̇т̇о.
44.Akittayipiṇḍapātanti mayā dinnapiṇḍapātassa guṇaṃ ānisaṃsaṃ pakāsesīti attho.
48. сам̣вуд̇о баад̇имогкасминд̇и баад̇имогкасам̣варасийлзна сам̣вуд̇о бихид̇о бадижчаннод̇и ад̇т̇о. инд̣̇риязсу жа бан̃жасууд̇и жагкунд̣̇рияаад̣̇ийсу бан̃жасу инд̣̇риязсу руубаад̣̇ийхи г̇обид̇о инд̣̇рияасам̣варасийлан̃жа г̇обид̇од̇и ад̇т̇о. сзсам̣ сувин̃н̃зяяамзваад̇и.
48.Saṃvuto pātimokkhasminti pātimokkhasaṃvarasīlena saṃvuto pihito paṭicchannoti attho. Indriyesu ca pañcasūti cakkhundriyādīsu pañcasu indriyesu rūpādīhi gopito indriyasaṃvarasīlañca gopitoti attho. Sesaṃ suviññeyyamevāti.
сабариваараасанад̇т̇зраабад̣̇аанаван̣н̣анаа самад̇д̇аа.
Saparivārāsanattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. сабариваараасанад̇т̇зраабад̣̇аанам̣ • 6. Saparivārāsanattheraapadānaṃ
