| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. สปริวาริยเตฺถรอปทานํ
4. Saparivāriyattheraapadānaṃ
๑๕.
15.
‘‘ปทุมุตฺตโร นาม ชิโน, โลกเชโฎฺฐ นราสโภ;
‘‘Padumuttaro nāma jino, lokajeṭṭho narāsabho;
ชลิตฺวา อคฺคิกฺขโนฺธว, สมฺพุโทฺธ ปรินิพฺพุโตฯ
Jalitvā aggikkhandhova, sambuddho parinibbuto.
๑๖.
16.
‘‘นิพฺพุเต จ มหาวีเร, ถูโป วิตฺถาริโก อหุ;
‘‘Nibbute ca mahāvīre, thūpo vitthāriko ahu;
๑๗.
17.
‘‘ปสนฺนจิโตฺต สุมโน, อกํ จนฺทนเวทิกํ;
‘‘Pasannacitto sumano, akaṃ candanavedikaṃ;
๑๘.
18.
‘‘ภเว นิพฺพตฺตมานมฺหิ, เทวเตฺต อถ มานุเส;
‘‘Bhave nibbattamānamhi, devatte atha mānuse;
โอมตฺตํ เม น ปสฺสามิ, ปุพฺพกมฺมสฺสิทํ ผลํฯ
Omattaṃ me na passāmi, pubbakammassidaṃ phalaṃ.
๑๙.
19.
‘‘ปญฺจทสกปฺปสเต , อิโต อฎฺฐ ชนา อหุํ;
‘‘Pañcadasakappasate , ito aṭṭha janā ahuṃ;
สเพฺพ สมตฺตนามา เต, จกฺกวตฺตี มหพฺพลาฯ
Sabbe samattanāmā te, cakkavattī mahabbalā.
๒๐.
20.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สปริวาริโย เถโร อิมา คาถาโย อภาสิตฺถาติฯ
Itthaṃ sudaṃ āyasmā saparivāriyo thero imā gāthāyo abhāsitthāti.
สปริวาริยเตฺถรสฺสาปทานํ จตุตฺถํฯ
Saparivāriyattherassāpadānaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๔. สปริวาริยเตฺถรอปทานวณฺณนา • 4. Saparivāriyattheraapadānavaṇṇanā
