| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
4. ஸபரிவாரியத்தே²ரஅபதா³னவண்ணனா
4. Saparivāriyattheraapadānavaṇṇanā
பது³முத்தரோ நாம ஜினோதிஆதி³கங் ஆயஸ்மதோ ஸபரிவாரியத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அனேகாஸு ஜாதீஸு விவட்டூபனிஸ்ஸயானி புஞ்ஞானி உபசினந்தோ பது³முத்தரஸ்ஸ ப⁴க³வதோ காலே குலகே³ஹே நிப்³ப³த்தோ விஞ்ஞுதங் பத்தோ மஹத்³த⁴னோ மஹாபோ⁴கோ³ அஹோஸி. அத² பது³முத்தரே ப⁴க³வதி பரினிப்³பு³தே மஹாஜனோ தஸ்ஸ தா⁴துங் நித³ஹித்வா மஹந்தங் சேதியங் காரெத்வா பூஜேஸி. தஸ்மிங் காலே அயங் உபாஸகோ தஸ்ஸுபரி சந்த³னஸாரேன சேதியக⁴ரங் கரித்வா மஹாபூஜங் அகாஸி. ஸோ தேனேவ புஞ்ஞேன தே³வமனுஸ்ஸேஸு ஸங்ஸரந்தோ உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய குஸலங் கத்வா ஸத்³தா⁴ய ஸாஸனே பப்³ப³ஜித்வா நசிரஸ்ஸேவ அரஹா அஹோஸி.
Padumuttaro nāma jinotiādikaṃ āyasmato saparivāriyattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto mahaddhano mahābhogo ahosi. Atha padumuttare bhagavati parinibbute mahājano tassa dhātuṃ nidahitvā mahantaṃ cetiyaṃ kāretvā pūjesi. Tasmiṃ kāle ayaṃ upāsako tassupari candanasārena cetiyagharaṃ karitvā mahāpūjaṃ akāsi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya kusalaṃ katvā saddhāya sāsane pabbajitvā nacirasseva arahā ahosi.
15-8. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பது³முத்தரோ நாம ஜினோதிஆதி³மாஹ. தத்த² ஓமத்தந்தி லாமகபா⁴வங் நீசபா⁴வங் து³க்கி²தபா⁴வங் வா ந பஸ்ஸாமி ந ஜானாமி, ந தி³ட்ட²புப்³போ³ மயா நீசபா⁴வோதி அத்தோ². ஸேஸங் பாகடமேவாதி.
15-8. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha omattanti lāmakabhāvaṃ nīcabhāvaṃ dukkhitabhāvaṃ vā na passāmi na jānāmi, na diṭṭhapubbo mayā nīcabhāvoti attho. Sesaṃ pākaṭamevāti.
ஸபரிவாரியத்தே²ரஅபதா³னவண்ணனா ஸமத்தா.
Saparivāriyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 4. ஸபரிவாரியத்தே²ரஅபதா³னங் • 4. Saparivāriyattheraapadānaṃ
