| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. сабариваарияад̇т̇зраабад̣̇аанаван̣н̣анаа
4. Saparivāriyattheraapadānavaṇṇanā
бад̣̇умуд̇д̇аро наама ж̇инод̇иаад̣̇игам̣ ааяасмад̇о сабариваарияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгаасу ж̇аад̇ийсу виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о махад̣̇д̇хано махаабхог̇о ахоси. ат̇а бад̣̇умуд̇д̇арз бхаг̇авад̇и бариниб̣б̣уд̇з махааж̇ано д̇асса д̇хаад̇ум̣ нид̣̇ахид̇ваа маханд̇ам̣ жзд̇ияам̣ гаарзд̇ваа бууж̇зси. д̇асмим̣ гаалз аяам̣ убаасаго д̇ассубари жанд̣̇анасаарзна жзд̇ияагхарам̣ гарид̇ваа махаабууж̇ам̣ агааси. со д̇знзва бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа гусалам̣ гад̇ваа сад̣̇д̇хааяа саасанз баб̣б̣аж̇ид̇ваа нажирассзва арахаа ахоси.
Padumuttaro nāma jinotiādikaṃ āyasmato saparivāriyattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto mahaddhano mahābhogo ahosi. Atha padumuttare bhagavati parinibbute mahājano tassa dhātuṃ nidahitvā mahantaṃ cetiyaṃ kāretvā pūjesi. Tasmiṃ kāle ayaṃ upāsako tassupari candanasārena cetiyagharaṃ karitvā mahāpūjaṃ akāsi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya kusalaṃ katvā saddhāya sāsane pabbajitvā nacirasseva arahā ahosi.
15-8. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ад̇т̇а омад̇д̇анд̇и лаамагабхаавам̣ нийжабхаавам̣ д̣̇угкид̇абхаавам̣ ваа на бассаами на ж̇аанаами, на д̣̇идтабуб̣б̣о маяаа нийжабхаавод̇и ад̇т̇о. сзсам̣ баагадамзваад̇и.
15-8. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha omattanti lāmakabhāvaṃ nīcabhāvaṃ dukkhitabhāvaṃ vā na passāmi na jānāmi, na diṭṭhapubbo mayā nīcabhāvoti attho. Sesaṃ pākaṭamevāti.
сабариваарияад̇т̇зраабад̣̇аанаван̣н̣анаа самад̇д̇аа.
Saparivāriyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. сабариваарияад̇т̇зраабад̣̇аанам̣ • 4. Saparivāriyattheraapadānaṃ
