| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
4. සපරිවාරියත්‌ථෙරඅපදානවණ්‌ණනා
4. Saparivāriyattheraapadānavaṇṇanā
පදුමුත්‌තරො නාම ජිනොතිආදිකං ආයස්‌මතො සපරිවාරියත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො අනෙකාසු ජාතීසු විවට්‌ටූපනිස්‌සයානි පුඤ්‌ඤානි උපචිනන්‌තො පදුමුත්‌තරස්‌ස භගවතො කාලෙ කුලගෙහෙ නිබ්‌බත්‌තො විඤ්‌ඤුතං පත්‌තො මහද්‌ධනො මහාභොගො අහොසි. අථ පදුමුත්‌තරෙ භගවති පරිනිබ්‌බුතෙ මහාජනො තස්‌ස ධාතුං නිදහිත්‌වා මහන්‌තං චෙතියං කාරෙත්‌වා පූජෙසි. තස්‌මිං කාලෙ අයං උපාසකො තස්‌සුපරි චන්‌දනසාරෙන චෙතියඝරං කරිත්‌වා මහාපූජං අකාසි. සො තෙනෙව පුඤ්‌ඤෙන දෙවමනුස්‌සෙසු සංසරන්‌තො උභයසම්‌පත්‌තියො අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං කුලගෙහෙ නිබ්‌බත්‌තො වුද්‌ධිමන්‌වාය කුසලං කත්‌වා සද්‌ධාය සාසනෙ පබ්‌බජිත්‌වා නචිරස්‌සෙව අරහා අහොසි.
Padumuttaro nāma jinotiādikaṃ āyasmato saparivāriyattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto mahaddhano mahābhogo ahosi. Atha padumuttare bhagavati parinibbute mahājano tassa dhātuṃ nidahitvā mahantaṃ cetiyaṃ kāretvā pūjesi. Tasmiṃ kāle ayaṃ upāsako tassupari candanasārena cetiyagharaṃ karitvā mahāpūjaṃ akāsi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya kusalaṃ katvā saddhāya sāsane pabbajitvā nacirasseva arahā ahosi.
15-8. සො අපරභාගෙ අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො පදුමුත්‌තරො නාම ජිනොතිආදිමාහ. තත්‌ථ ඔමත්‌තන්‌ති ලාමකභාවං නීචභාවං දුක්‌ඛිතභාවං වා න පස්‌සාමි න ජානාමි, න දිට්‌ඨපුබ්‌බො මයා නීචභාවොති අත්‌ථො. සෙසං පාකටමෙවාති.
15-8. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha omattanti lāmakabhāvaṃ nīcabhāvaṃ dukkhitabhāvaṃ vā na passāmi na jānāmi, na diṭṭhapubbo mayā nīcabhāvoti attho. Sesaṃ pākaṭamevāti.
සපරිවාරියත්‌ථෙරඅපදානවණ්‌ණනා සමත්‌තා.
Saparivāriyattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 4. සපරිවාරියත්‌ථෙරඅපදානං • 4. Saparivāriyattheraapadānaṃ
