| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
11. саббагад̇т̇зраг̇аат̇ааван̣н̣анаа
11. Sappakattheragāthāvaṇṇanā
яад̣̇аа б̣алаагаад̇иаад̣̇игаа ааяасмад̇о саббагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о згад̇им̣сз габбз махаанубхааво нааг̇арааж̇аа худ̇ваа ниб̣б̣ад̇д̇о самбхавасса наама бажжзгаб̣уд̣̇д̇хасса аб̣бхогаасз самаабад̇д̇ияаа нисиннасса маханд̇ам̣ бад̣̇умам̣ г̇ахзд̇ваа убаримуд̣̇д̇хани д̇хаарзнд̇о бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа саббагод̇и лад̣̇д̇ханаамо вин̃н̃уд̇ам̣ бад̇д̇о бхаг̇авад̇о санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа аж̇агаран̣ияаа наама над̣̇ияаа д̇ийрз лзн̣аг̇иривихаарз васанд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.78-83) –
Yadābalākātiādikā āyasmato sappakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekatiṃse kappe mahānubhāvo nāgarājā hutvā nibbatto sambhavassa nāma paccekabuddhassa abbhokāse samāpattiyā nisinnassa mahantaṃ padumaṃ gahetvā uparimuddhani dhārento pūjaṃ akāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā sappakoti laddhanāmo viññutaṃ patto bhagavato santike dhammaṃ sutvā paṭiladdhasaddho pabbajitvā kammaṭṭhānaṃ gahetvā ajakaraṇiyā nāma nadiyā tīre leṇagirivihāre vasanto nacirasseva arahattaṃ pāpuṇi. Tena vuttaṃ apadāne (apa. thera 2.52.78-83) –
‘‘химаванд̇ассаавид̣̇уурз, ромасо наама баб̣б̣ад̇о;
‘‘Himavantassāvidūre, romaso nāma pabbato;
б̣уд̣̇д̇хоби самбхаво наама, аб̣бхогаасз васий д̇ад̣̇аа.
Buddhopi sambhavo nāma, abbhokāse vasī tadā.
‘‘бхаванаа нигкамид̇ваана, бад̣̇умам̣ д̇хаараяим̣ ахам̣;
‘‘Bhavanā nikkhamitvāna, padumaṃ dhārayiṃ ahaṃ;
згаахам̣ д̇хаараяид̇ваана, бхаванам̣ бунарааг̇амим̣.
Ekāhaṃ dhārayitvāna, bhavanaṃ punarāgamiṃ.
‘‘згад̇им̣сз ид̇о габбз, яам̣ б̣уд̣̇д̇хамабхибууж̇аяим̣;
‘‘Ekatiṃse ito kappe, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
со арахад̇д̇ам̣ бад̇ваа сад̇т̇аарам̣ ванд̣̇ид̇ум̣ саавад̇т̇им̣ ааг̇ад̇о н̃аад̇ийхи убадтийяамаано д̇ад̇т̇а гад̇ибаахам̣ васид̇ваа д̇хаммам̣ д̣̇зсзд̇ваа н̃аад̇агз саран̣зсу жа сийлзсу жа бад̇идтаабзд̇ваа яат̇аавуд̇д̇адтаанамзва г̇анд̇угаамо ахоси. д̇ам̣ н̃аад̇агаа ‘‘ид̇хзва, бханд̇з, васат̇а, маяам̣ бадиж̇аг̇г̇иссаамаа’’д̇и яаажим̣су. со г̇аманаагаарам̣ д̣̇ассзд̇ваа тид̇о ад̇д̇анаа васид̇адтаанагид̇д̇анаабад̣̇зсзна вивзгаабхирад̇им̣ багаасзнд̇о –
So arahattaṃ patvā satthāraṃ vandituṃ sāvatthiṃ āgato ñātīhi upaṭṭhīyamāno tattha katipāhaṃ vasitvā dhammaṃ desetvā ñātake saraṇesu ca sīlesu ca patiṭṭhāpetvā yathāvuttaṭṭhānameva gantukāmo ahosi. Taṃ ñātakā ‘‘idheva, bhante, vasatha, mayaṃ paṭijaggissāmā’’ti yāciṃsu. So gamanākāraṃ dassetvā ṭhito attanā vasitaṭṭhānakittanāpadesena vivekābhiratiṃ pakāsento –
307.
307.
‘‘яад̣̇аа б̣алаагаа сужибан̣д̣аражчад̣̇аа, гаал̣асса мзгхасса бхаязна д̇аж̇ж̇ид̇аа;
‘‘Yadā balākā sucipaṇḍaracchadā, kāḷassa meghassa bhayena tajjitā;
балзхид̇и аалаяамаалаязсиний, д̇ад̣̇аа над̣̇ий аж̇агаран̣ий рамзд̇и мам̣.
Palehiti ālayamālayesinī, tadā nadī ajakaraṇī rameti maṃ.
308.
308.
‘‘яад̣̇аа б̣алаагаа сувисуд̣̇д̇хабан̣д̣араа, гаал̣асса мзгхасса бхаязна д̇аж̇ж̇ид̇аа;
‘‘Yadā balākā suvisuddhapaṇḍarā, kāḷassa meghassa bhayena tajjitā;
бариязсад̇и лзн̣амалзн̣ад̣̇ассиний, д̇ад̣̇аа над̣̇ий аж̇агаран̣ий рамзд̇и мам̣.
Pariyesati leṇamaleṇadassinī, tadā nadī ajakaraṇī rameti maṃ.
309.
309.
‘‘гам̣ ну д̇ад̇т̇а на рамзнд̇и, ж̇амб̣уяо убхад̇о д̇ахим̣;
‘‘Kaṃ nu tattha na ramenti, jambuyo ubhato tahiṃ;
собхзнд̇ий аабаг̇аагуулам̣, мама лзн̣асса бажчад̇о.
Sobhentī āpagākūlaṃ, mama leṇassa pacchato.
310.
310.
‘‘д̇аамад̇амад̣̇асан̇гхасуббахийнаа , бхзгаа манд̣̇авад̇ий банаад̣̇аяанд̇и;
‘‘Tāmatamadasaṅghasuppahīnā , bhekā mandavatī panādayanti;
нааж̇ж̇а г̇иринад̣̇ийхи виббаваасасамаяо,
Nājja girinadīhi vippavāsasamayo,
кзмаа аж̇агаран̣ий сиваа сураммаа’’д̇и. – жад̇ассо г̇аат̇аа абхааси;
Khemā ajakaraṇī sivā surammā’’ti. – catasso gāthā abhāsi;
д̇ад̇т̇а яад̣̇аад̇и яасмим̣ гаалз. б̣алаагаад̇и б̣алаагаасагун̣игаа. сужибан̣д̣аражчад̣̇аад̇и сужисуд̣̇д̇хад̇хавалабагкаа. гаал̣асса мзгхасса бхаязна д̇аж̇ж̇ид̇аад̇и ж̇алабхаарабхарид̇ад̇ааяа гаал̣асса ан̃ж̇анаг̇ирисаннигаасасса баавуссагамзгхасса г̇аж̇ж̇ад̇о вудтибхаязна ниб̣б̣иж̇ж̇ид̇аа бхим̣саабид̇аа. балзхид̇ийд̇и г̇ожарабхуумид̇о уббад̇ид̇ваа г̇амиссад̇и. аалаяанд̇и нилаяам̣ ад̇д̇ано гулаавагам̣. аалаязсинийд̇и д̇ад̇т̇а аалаяанам̣ нилийяанамзва ижчанд̇ий. д̇ад̣̇аа над̣̇ий аж̇агаран̣ий рамзд̇и манд̇и д̇асмим̣ баавуссагагаалз аж̇агаран̣ийнаамигаа над̣̇ий навод̣̇агасса буураа хаарахаариний гулан̇гасаа мам̣ рамзд̇и мама жид̇д̇ам̣ аараад̇хзд̇ийд̇и уд̇убад̣̇зсависзсагид̇д̇анаабад̣̇зсзна вивзгаабхирад̇им̣ багаасзси.
Tattha yadāti yasmiṃ kāle. Balākāti balākāsakuṇikā. Sucipaṇḍaracchadāti sucisuddhadhavalapakkhā. Kāḷassa meghassa bhayena tajjitāti jalabhārabharitatāya kāḷassa añjanagirisannikāsassa pāvussakameghassa gajjato vuṭṭhibhayena nibbijjitā bhiṃsāpitā. Palehitīti gocarabhūmito uppatitvā gamissati. Ālayanti nilayaṃ attano kulāvakaṃ. Ālayesinīti tattha ālayanaṃ nilīyanameva icchantī. Tadā nadī ajakaraṇī rameti manti tasmiṃ pāvussakakāle ajakaraṇīnāmikā nadī navodakassa pūrā hārahārinī kulaṅkasā maṃ rameti mama cittaṃ ārādhetīti utupadesavisesakittanāpadesena vivekābhiratiṃ pakāsesi.
сувисуд̣̇д̇хабан̣д̣араад̇и судту висуд̣̇д̇хабан̣д̣араван̣н̣аа, асаммиссаван̣н̣аа саб̣б̣асзд̇аад̇и ад̇т̇о. бариязсад̇ийд̇и маг̇г̇ад̇и. лзн̣анд̇и васанадтаанам̣. алзн̣ад̣̇ассинийд̇и васанадтаанам̣ абассанд̇ий. буб̣б̣з ниб̣ад̣̇д̇хавасанадтаанасса абхаавзна алзн̣ад̣̇ассиний, ид̣̇аани баавуссагагаалз мзгхаг̇аж̇ж̇ид̇зна аахид̇аг̇аб̣бхаа бариязсад̇и лзн̣анд̇и ниб̣ад̣̇д̇хавасанадтаанам̣ гулаавагам̣ гарод̇ийд̇и ад̇т̇о.
Suvisuddhapaṇḍarāti suṭṭhu visuddhapaṇḍaravaṇṇā, asammissavaṇṇā sabbasetāti attho. Pariyesatīti maggati. Leṇanti vasanaṭṭhānaṃ. Aleṇadassinīti vasanaṭṭhānaṃ apassantī. Pubbe nibaddhavasanaṭṭhānassa abhāvena aleṇadassinī, idāni pāvussakakāle meghagajjitena āhitagabbhā pariyesati leṇanti nibaddhavasanaṭṭhānaṃ kulāvakaṃ karotīti attho.
гам̣ ну д̇ад̇т̇а…бз… бажчад̇од̇и мама васанагамахаалзн̣асса бажчад̇о бажчаабхааг̇з аабаг̇аагуулам̣ аж̇агаран̣ийнад̣̇ияаа убхад̇од̇ийрам̣ д̇ахим̣ д̇ахим̣ ид̇о жид̇о жа собхзнд̇ияо нижжагаалам̣ палабхааранамид̇асаакаа синид̣̇д̇хабан̣н̣ажчааяаа ж̇амб̣уяо д̇ад̇т̇а д̇асмим̣ таанз гам̣ наама сад̇д̇ам̣ на рамзнд̇и ну, саб̣б̣ам̣ рамзнд̇иязва.
Kaṃ nu tattha…pe… pacchatoti mama vasanakamahāleṇassa pacchato pacchābhāge āpagākūlaṃ ajakaraṇīnadiyā ubhatotīraṃ tahiṃ tahiṃ ito cito ca sobhentiyo niccakālaṃ phalabhāranamitasākhā siniddhapaṇṇacchāyā jambuyo tattha tasmiṃ ṭhāne kaṃ nāma sattaṃ na ramenti nu, sabbaṃ ramentiyeva.
д̇аамад̇амад̣̇асан̇гхасуббахийнаад̇и амад̇ам̣ вужжад̇и аг̇ад̣̇ам̣, д̇зна маж̇ж̇анд̇ийд̇и амад̇амад̣̇аа, саббаа, д̇зсам̣ сан̇гхо амад̇амад̣̇асан̇гхо, д̇ад̇о судту бахийнаа абаг̇ад̇аа. бхзгаа ман̣д̣уугияо, манд̣̇авад̇ий саравад̇ияо, банаад̣̇аяанд̇и д̇ам̣ таанам̣ мад̇хурзна вассид̇зна ниннаад̣̇аяанд̇и. нааж̇ж̇а г̇иринад̣̇ийхи виббаваасасамаяод̇и аж̇ж̇а зд̇арахи ан̃н̃аахиби баб̣б̣ад̇зяяаахи над̣̇ийхи виббаваасасамаяо на ход̇и, висзсад̇о бана ваал̣амажчасусумаараад̣̇ивирахид̇ад̇о кзмаа аж̇агаран̣ий над̣̇ий. сунд̣̇арад̇алад̇ид̇т̇абулинасамбад̇д̇ияаа сиваа. судту раммаа раман̣ийяаа, д̇асмаа д̇ад̇т̇зва мз мано рамад̇ийд̇и ад̇хиббааяо.
Tāmatamadasaṅghasuppahīnāti amataṃ vuccati agadaṃ, tena majjantīti amatamadā, sappā, tesaṃ saṅgho amatamadasaṅgho, tato suṭṭhu pahīnā apagatā. Bhekā maṇḍūkiyo, mandavatī saravatiyo, panādayanti taṃ ṭhānaṃ madhurena vassitena ninnādayanti. Nājjagirinadīhi vippavāsasamayoti ajja etarahi aññāhipi pabbateyyāhi nadīhi vippavāsasamayo na hoti, visesato pana vāḷamacchasusumārādivirahitato khemā ajakaraṇī nadī. Sundaratalatitthapulinasampattiyā sivā. Suṭṭhu rammā ramaṇīyā, tasmā tattheva me mano ramatīti adhippāyo.
звам̣ бана вад̇ваа н̃аад̇агз виссаж̇ж̇зд̇ваа ад̇д̇ано васанадтаанамзва г̇ад̇о. сун̃н̃ааг̇аараабхирад̇ид̣̇ийбанзна ид̣̇амзва жа т̇зрасса ан̃н̃ааб̣яаагаран̣ам̣ ахосийд̇и.
Evaṃ pana vatvā ñātake vissajjetvā attano vasanaṭṭhānameva gato. Suññāgārābhiratidīpanena idameva ca therassa aññābyākaraṇaṃ ahosīti.
саббагад̇т̇зраг̇аат̇ааван̣н̣анаа нидтид̇аа.
Sappakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 11. саббагад̇т̇зраг̇аат̇аа • 11. Sappakattheragāthā
