| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
2. ஸப்பாணகஸிக்கா²பத³வண்ணனா
2. Sappāṇakasikkhāpadavaṇṇanā
387. து³தியே – ஸப்பாணகந்தி யே பாணகா பரிபோ⁴கே³ன மரந்தி, தேஹி பாணகேஹி ஸப்பாணகங், தாதி³ஸஞ்ஹி ஜானங் பரிபு⁴ஞ்ஜதோ பயோகே³ பயோகே³ பாசித்தியங். பத்தபூரம்பி அவிச்சி²ந்தி³த்வா ஏகபயோகே³ன பிவதோ ஏகா ஆபத்தி. தாதி³ஸேன உத³கேன ஸாமிஸங் பத்தங் ஆவிஞ்சி²த்வா தோ⁴வதோபி தாதி³ஸே உத³கே உண்ஹயாகு³பத்தங் நிப்³பா³பயதோபி தங் உத³கங் ஹத்தே²ன வா உளுங்கேன வா க³ஹெத்வா ந்ஹாயதோபி பயோகே³ பயோகே³ பாசித்தியங். உத³கஸொண்டி³ங் வா பொக்க²ரணிங் வா பவிஸித்வா ப³ஹினிக்க²மனத்தா²ய வீசிங் உட்டா²பயதோபி. ஸொண்டி³ங் வா பொக்க²ரணிங் வா ஸோதெ⁴ந்தேஹி ததோ க³ஹிதஉத³கங் உத³கேயேவ ஆஸிஞ்சிதப்³ப³ங். ஸமீபம்ஹி உத³கே அஸதி கப்பியஉத³கஸ்ஸ அட்ட² வா த³ஸ வா க⁴டே உத³கஸண்டா²னகப்பதே³ஸே ஆஸிஞ்சித்வா தத்த² ஆஸிஞ்சிதப்³ப³ங். ‘‘பவட்டித்வா உத³கே பதிஸ்ஸதீ’’தி உண்ஹபாஸாணே உத³கங் நாஸிஞ்சிதப்³ப³ங். கப்பியஉத³கேன பன பாஸாணங் நிப்³பா³பெத்வா ஆஸிஞ்சிதுங் வட்டதி. ஸேஸமெத்த² உத்தானமேவ.
387. Dutiye – sappāṇakanti ye pāṇakā paribhogena maranti, tehi pāṇakehi sappāṇakaṃ, tādisañhi jānaṃ paribhuñjato payoge payoge pācittiyaṃ. Pattapūrampi avicchinditvā ekapayogena pivato ekā āpatti. Tādisena udakena sāmisaṃ pattaṃ āviñchitvā dhovatopi tādise udake uṇhayāgupattaṃ nibbāpayatopi taṃ udakaṃ hatthena vā uḷuṅkena vā gahetvā nhāyatopi payoge payoge pācittiyaṃ. Udakasoṇḍiṃ vā pokkharaṇiṃ vā pavisitvā bahinikkhamanatthāya vīciṃ uṭṭhāpayatopi. Soṇḍiṃ vā pokkharaṇiṃ vā sodhentehi tato gahitaudakaṃ udakeyeva āsiñcitabbaṃ. Samīpamhi udake asati kappiyaudakassa aṭṭha vā dasa vā ghaṭe udakasaṇṭhānakappadese āsiñcitvā tattha āsiñcitabbaṃ. ‘‘Pavaṭṭitvā udake patissatī’’ti uṇhapāsāṇe udakaṃ nāsiñcitabbaṃ. Kappiyaudakena pana pāsāṇaṃ nibbāpetvā āsiñcituṃ vaṭṭati. Sesamettha uttānameva.
திஸமுட்டா²னங் – கிரியங், ஸஞ்ஞாவிமொக்க²ங், ஸசித்தகங், பண்ணத்திவஜ்ஜங், காயகம்மங்,
Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ,
வசீகம்மங், திசித்தங், திவேத³னந்தி. எத்த² ச படங்க³பாணகானங் பதனங் ஞத்வாபி ஸுத்³த⁴சித்ததாய தீ³பஜாலனே விய ஸப்பாணகபா⁴வங் ஞத்வாபி உத³கஸஞ்ஞாய பரிபு⁴ஞ்ஜிதப்³ப³தோ பண்ணத்திவஜ்ஜதா வேதி³தப்³பா³தி.
Vacīkammaṃ, ticittaṃ, tivedananti. Ettha ca paṭaṅgapāṇakānaṃ patanaṃ ñatvāpi suddhacittatāya dīpajālane viya sappāṇakabhāvaṃ ñatvāpi udakasaññāya paribhuñjitabbato paṇṇattivajjatā veditabbāti.
ஸப்பாணகஸிக்கா²பத³ங் து³தியங்.
Sappāṇakasikkhāpadaṃ dutiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. ஸப்பாணகஸிக்கா²பத³வண்ணனா • 2. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. ஸப்பாணகஸிக்கா²பத³வண்ணனா • 2. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. ஸப்பாணகஸிக்கா²பத³வண்ணனா • 2. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. ஸப்பாணகஸிக்கா²பத³ங் • 2. Sappāṇakasikkhāpadaṃ
