| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
10. ஸப்பாணகஸிக்கா²பத³வண்ணனா
10. Sappāṇakasikkhāpadavaṇṇanā
140. த³ஸமே மாதிகாயங் ஸப்பாணகஉத³கங் திணேன வா மத்திகாய வா ஸிஞ்செய்ய, ச²ட்³டெ³ய்யாதி அத்தோ². அத² வா உத³கங் க³ஹெத்வா ப³ஹி ஸிஞ்செய்ய, தஸ்மிஞ்ச உத³கே திணங் வா மத்திகங் வா ஆஹரித்வா பக்கி²பெய்யாதி அஜ்ஜா²ஹரித்வா அத்தோ² வேதி³தப்³போ³. தேனாஹ ‘‘ஸகடபா⁴ரமத்தஞ்சேபீ’’திஆதி³. இத³ந்தி திணமத்திகபக்கி²பனவிதா⁴னங். வுத்தந்தி மாதிகாயங் ‘‘திணங் வா மத்திகங் வா’’தி ஏவங் வுத்தங், அட்ட²கதா²ஸு வா வுத்தங்.
140. Dasame mātikāyaṃ sappāṇakaudakaṃ tiṇena vā mattikāya vā siñceyya, chaḍḍeyyāti attho. Atha vā udakaṃ gahetvā bahi siñceyya, tasmiñca udake tiṇaṃ vā mattikaṃ vā āharitvā pakkhipeyyāti ajjhāharitvā attho veditabbo. Tenāha ‘‘sakaṭabhāramattañcepī’’tiādi. Idanti tiṇamattikapakkhipanavidhānaṃ. Vuttanti mātikāyaṃ ‘‘tiṇaṃ vā mattikaṃ vā’’ti evaṃ vuttaṃ, aṭṭhakathāsu vā vuttaṃ.
இத³ஞ்ச ஸிக்கா²பத³ங் பா³ஹிரபரிபோ⁴க³ங் ஸந்தா⁴ய வத்து²வஸேன வுத்தங் அப்³ப⁴ந்தரபரிபோ⁴க³ஸ்ஸ விஸுங் வக்க²மானத்தா. தது³ப⁴யம்பி ‘‘ஸப்பாணக’’ந்தி கத்வா வத⁴கசித்தங் வினாவ ஸிஞ்சனே பஞ்ஞத்தத்தா ‘‘பண்ணத்திவஜ்ஜ’’ந்தி வுத்தங். வத⁴கசித்தே பன ஸதி ஸிக்கா²பத³ந்தரேனேவ பாசித்தியங், ந இமினாதி த³ட்ட²ப்³ப³ங். உத³கஸ்ஸ ஸப்பாணகதா, ‘‘ஸிஞ்சனேன பாணகா மரிஸ்ஸந்தீ’’தி ஜானநங், தாதி³ஸமேவ ச உத³கங் வினா வத⁴கசேதனாய கேனசிதே³வ கரணீயேன திணாதீ³னங் ஸிஞ்சனந்தி இமானெத்த² சத்தாரி அங்கா³னி.
Idañca sikkhāpadaṃ bāhiraparibhogaṃ sandhāya vatthuvasena vuttaṃ abbhantaraparibhogassa visuṃ vakkhamānattā. Tadubhayampi ‘‘sappāṇaka’’nti katvā vadhakacittaṃ vināva siñcane paññattattā ‘‘paṇṇattivajja’’nti vuttaṃ. Vadhakacitte pana sati sikkhāpadantareneva pācittiyaṃ, na imināti daṭṭhabbaṃ. Udakassa sappāṇakatā, ‘‘siñcanena pāṇakā marissantī’’ti jānanaṃ, tādisameva ca udakaṃ vinā vadhakacetanāya kenacideva karaṇīyena tiṇādīnaṃ siñcananti imānettha cattāri aṅgāni.
ஸப்பாணகஸிக்கா²பத³வண்ணனா நிட்டி²தா.
Sappāṇakasikkhāpadavaṇṇanā niṭṭhitā.
நிட்டி²தோ ஸேனாஸனவக்³கோ³ து³தியோ.
Niṭṭhito senāsanavaggo dutiyo.
‘‘பூ⁴தகா³மவக்³கோ³’’திபி ஏதஸ்ஸேவ நாமங்.
‘‘Bhūtagāmavaggo’’tipi etasseva nāmaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 10. ஸப்பாணகஸிக்கா²பத³வண்ணனா • 10. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 10. ஸப்பாணகஸிக்கா²பத³வண்ணனா • 10. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 10. ஸப்பாணகஸிக்கா²பத³வண்ணனா • 10. Sappāṇakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 10. ஸப்பாணகஸிக்கா²பத³ங் • 10. Sappāṇakasikkhāpadaṃ
