| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
১০. সপ্পাণকসিক্খাপদৰণ্ণনা
10. Sappāṇakasikkhāpadavaṇṇanā
১৪০. দসমে মাতিকাযং সপ্পাণকউদকং তিণেন ৰা মত্তিকায ৰা সিঞ্চেয্য, ছড্ডেয্যাতি অত্থো। অথ ৰা উদকং গহেত্ৰা বহি সিঞ্চেয্য, তস্মিঞ্চ উদকে তিণং ৰা মত্তিকং ৰা আহরিত্ৰা পক্খিপেয্যাতি অজ্ঝাহরিত্ৰা অত্থো ৰেদিতব্বো। তেনাহ ‘‘সকটভারমত্তঞ্চেপী’’তিআদি। ইদন্তি তিণমত্তিকপক্খিপনৰিধানং। ৰুত্তন্তি মাতিকাযং ‘‘তিণং ৰা মত্তিকং ৰা’’তি এৰং ৰুত্তং, অট্ঠকথাসু ৰা ৰুত্তং।
140. Dasame mātikāyaṃ sappāṇakaudakaṃ tiṇena vā mattikāya vā siñceyya, chaḍḍeyyāti attho. Atha vā udakaṃ gahetvā bahi siñceyya, tasmiñca udake tiṇaṃ vā mattikaṃ vā āharitvā pakkhipeyyāti ajjhāharitvā attho veditabbo. Tenāha ‘‘sakaṭabhāramattañcepī’’tiādi. Idanti tiṇamattikapakkhipanavidhānaṃ. Vuttanti mātikāyaṃ ‘‘tiṇaṃ vā mattikaṃ vā’’ti evaṃ vuttaṃ, aṭṭhakathāsu vā vuttaṃ.
ইদঞ্চ সিক্খাপদং বাহিরপরিভোগং সন্ধায ৰত্থুৰসেন ৰুত্তং অব্ভন্তরপরিভোগস্স ৰিসুং ৰক্খমানত্তা। তদুভযম্পি ‘‘সপ্পাণক’’ন্তি কত্ৰা ৰধকচিত্তং ৰিনাৰ সিঞ্চনে পঞ্ঞত্তত্তা ‘‘পণ্ণত্তিৰজ্জ’’ন্তি ৰুত্তং। ৰধকচিত্তে পন সতি সিক্খাপদন্তরেনেৰ পাচিত্তিযং, ন ইমিনাতি দট্ঠব্বং। উদকস্স সপ্পাণকতা, ‘‘সিঞ্চনেন পাণকা মরিস্সন্তী’’তি জাননং, তাদিসমেৰ চ উদকং ৰিনা ৰধকচেতনায কেনচিদেৰ করণীযেন তিণাদীনং সিঞ্চনন্তি ইমানেত্থ চত্তারি অঙ্গানি।
Idañca sikkhāpadaṃ bāhiraparibhogaṃ sandhāya vatthuvasena vuttaṃ abbhantaraparibhogassa visuṃ vakkhamānattā. Tadubhayampi ‘‘sappāṇaka’’nti katvā vadhakacittaṃ vināva siñcane paññattattā ‘‘paṇṇattivajja’’nti vuttaṃ. Vadhakacitte pana sati sikkhāpadantareneva pācittiyaṃ, na imināti daṭṭhabbaṃ. Udakassa sappāṇakatā, ‘‘siñcanena pāṇakā marissantī’’ti jānanaṃ, tādisameva ca udakaṃ vinā vadhakacetanāya kenacideva karaṇīyena tiṇādīnaṃ siñcananti imānettha cattāri aṅgāni.
সপ্পাণকসিক্খাপদৰণ্ণনা নিট্ঠিতা।
Sappāṇakasikkhāpadavaṇṇanā niṭṭhitā.
নিট্ঠিতো সেনাসনৰগ্গো দুতিযো।
Niṭṭhito senāsanavaggo dutiyo.
‘‘ভূতগামৰগ্গো’’তিপি এতস্সেৰ নামং।
‘‘Bhūtagāmavaggo’’tipi etasseva nāmaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. ভূতগামৰগ্গো • 2. Bhūtagāmavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ১০. সপ্পাণকসিক্খাপদৰণ্ণনা • 10. Sappāṇakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১০. সপ্পাণকসিক্খাপদৰণ্ণনা • 10. Sappāṇakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১০. সপ্পাণকসিক্খাপদৰণ্ণনা • 10. Sappāṇakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১০. সপ্পাণকসিক্খাপদং • 10. Sappāṇakasikkhāpadaṃ
