| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
2. සප්‌පාණකසික්‌ඛාපදවණ්‌ණනා
2. Sappāṇakasikkhāpadavaṇṇanā
සප්‌පාණකන්‌ති පාණකානං මරණවසෙන පාචිත්‌තියං, න සප්‌පාණකඋදකපරිභොගවසෙන පාචිත්‌තියං, තස්‌මා එව ‘‘පණ්‌ණත්‌තිවජ්‌ජ’’න්‌ති වුත්‌තං. අසුද්‌ධචිත්‌තත්‌තා පාචිත්‌තියං, සුද්‌ධචිත්‌තෙ අනාපත්‌ති. පදීපුජ්‌ජලනෙ විය පණ්‌ණත්‌තිවජ්‌ජතා වුත්‌තාති ලිඛිතං.
Sappāṇakanti pāṇakānaṃ maraṇavasena pācittiyaṃ, na sappāṇakaudakaparibhogavasena pācittiyaṃ, tasmā eva ‘‘paṇṇattivajja’’nti vuttaṃ. Asuddhacittattā pācittiyaṃ, suddhacitte anāpatti. Padīpujjalane viya paṇṇattivajjatā vuttāti likhitaṃ.
ජලෙ පක්‌ඛිපනං පුබ්‌බං, ජලප්‌පවෙසනං ඉදං;
Jale pakkhipanaṃ pubbaṃ, jalappavesanaṃ idaṃ;
එවං උභින්‌නං නානාත්‌තං, ඤෙය්‍යං ඤාණවතා සදාති. (වජිර. ටී. පාචිත්‌තිය 387)
Evaṃ ubhinnaṃ nānāttaṃ, ñeyyaṃ ñāṇavatā sadāti. (vajira. ṭī. pācittiya 387)
සප්‌පාණකසික්‌ඛාපදවණ්‌ණනා නිට්‌ඨිතා.
Sappāṇakasikkhāpadavaṇṇanā niṭṭhitā.
