| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ
10. Sappāṇakasikkhāpadavaṇṇanā
੧੪੦. ਦਸਮਸਿਕ੍ਖਾਪਦੇ – ਜਾਨਂ ਸਪ੍ਪਾਣਕਨ੍ਤਿ ਸਪ੍ਪਾਣਕਂ ਏਤਨ੍ਤਿ ਯਥਾ ਤਥਾ વਾ ਜਾਨਨ੍ਤੋ। ਸਿਞ੍ਚੇਯ੍ਯ વਾ ਸਿਞ੍ਚਾਪੇਯ੍ਯ વਾਤਿ ਤੇਨ ਉਦਕੇਨ ਸਯਂ વਾ ਸਿਞ੍ਚੇਯ੍ਯ, ਅਞ੍ਞਂ વਾ ਆਣਾਪੇਤ੍વਾ ਸਿਞ੍ਚਾਪੇਯ੍ਯ। ਪਾਲ਼ਿਯਂ ਪਨ ‘‘ਸਿਞ੍ਚੇਯ੍ਯਾਤਿ ਸਯਂ ਸਿਞ੍ਚਤੀ’’ਤਿ ਈਦਿਸਾਨਂ વਚਨਾਨਂ ਅਤ੍ਥੋ ਪੁਬ੍ਬੇ વੁਤ੍ਤਨਯੇਨੇવ વੇਦਿਤਬ੍ਬੋ।
140. Dasamasikkhāpade – jānaṃ sappāṇakanti sappāṇakaṃ etanti yathā tathā vā jānanto. Siñceyya vā siñcāpeyya vāti tena udakena sayaṃ vā siñceyya, aññaṃ vā āṇāpetvā siñcāpeyya. Pāḷiyaṃ pana ‘‘siñceyyāti sayaṃ siñcatī’’ti īdisānaṃ vacanānaṃ attho pubbe vuttanayeneva veditabbo.
ਤਤ੍ਥ ਧਾਰਂ ਅવਿਚ੍ਛਿਨ੍ਦਿਤ੍વਾ ਸਿਞ੍ਚਨ੍ਤਸ੍ਸ ਏਕਸ੍ਮਿਂ ਉਦਕਘਟੇ ਏਕਾવ ਆਪਤ੍ਤਿ। ਏਸ ਨਯੋ ਸਬ੍ਬਭਾਜਨੇਸੁ। ਧਾਰਂ વਿਚ੍ਛਿਨ੍ਦਨ੍ਤਸ੍ਸ ਪਨ ਪਯੋਗੇ ਪਯੋਗੇ ਆਪਤ੍ਤਿ । ਮਾਤਿਕਂ ਸਮ੍ਮੁਖਂ ਕਰੋਤਿ, ਦਿવਸਮ੍ਪਿ ਸਨ੍ਦਤੁ, ਏਕਾવ ਆਪਤ੍ਤਿ। ਸਚੇ ਤਤ੍ਥ ਤਤ੍ਥ ਬਨ੍ਧਿਤ੍વਾ ਅਞ੍ਞਤੋ ਅਞ੍ਞਤੋ ਨੇਤਿ, ਪਯੋਗੇ ਪਯੋਗੇ ਆਪਤ੍ਤਿ। ਸਕਟਭਾਰਮਤ੍ਤਞ੍ਚੇਪਿ ਤਿਣਂ ਏਕਪਯੋਗੇਨ ਉਦਕੇ ਪਕ੍ਖਿਪਤਿ, ਏਕਾવ ਆਪਤ੍ਤਿ। ਏਕੇਕਂ ਤਿਣਂ વਾ ਪਣ੍ਣਂ વਾ ਪਕ੍ਖਿਪਨ੍ਤਸ੍ਸ ਪਯੋਗੇ ਪਯੋਗੇ ਆਪਤ੍ਤਿ। ਮਤ੍ਤਿਕਾਯਪਿ ਅਞ੍ਞੇਸੁਪਿ ਕਟ੍ਠਗੋਮਯਾਦੀਸੁ ਏਸੇવ ਨਯੋ। ਇਦਂ ਪਨ ਮਹਾਉਦਕਂ ਸਨ੍ਧਾਯ ਨ વੁਤ੍ਤਂ, ਯਂ ਤਿਣੇ વਾ ਮਤ੍ਤਿਕਾਯ વਾ ਪਕ੍ਖਿਤ੍ਤਾਯ ਪਰਿਯਾਦਾਨਂ ਗਚ੍ਛਤਿ, ਆવਿਲਂ વਾ ਹੋਤਿ, ਯਤ੍ਥ ਪਾਣਕਾ ਮਰਨ੍ਤਿ, ਤਾਦਿਸਂ ਉਦਕਂ ਸਨ੍ਧਾਯ વੁਤ੍ਤਨ੍ਤਿ વੇਦਿਤਬ੍ਬਂ। ਸੇਸਮੇਤ੍ਥ ਉਤ੍ਤਾਨਮੇવਾਤਿ।
Tattha dhāraṃ avicchinditvā siñcantassa ekasmiṃ udakaghaṭe ekāva āpatti. Esa nayo sabbabhājanesu. Dhāraṃ vicchindantassa pana payoge payoge āpatti . Mātikaṃ sammukhaṃ karoti, divasampi sandatu, ekāva āpatti. Sace tattha tattha bandhitvā aññato aññato neti, payoge payoge āpatti. Sakaṭabhāramattañcepi tiṇaṃ ekapayogena udake pakkhipati, ekāva āpatti. Ekekaṃ tiṇaṃ vā paṇṇaṃ vā pakkhipantassa payoge payoge āpatti. Mattikāyapi aññesupi kaṭṭhagomayādīsu eseva nayo. Idaṃ pana mahāudakaṃ sandhāya na vuttaṃ, yaṃ tiṇe vā mattikāya vā pakkhittāya pariyādānaṃ gacchati, āvilaṃ vā hoti, yattha pāṇakā maranti, tādisaṃ udakaṃ sandhāya vuttanti veditabbaṃ. Sesamettha uttānamevāti.
ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ ਤਿવੇਦਨਨ੍ਤਿ।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ tivedananti.
ਸਪ੍ਪਾਣਕਸਿਕ੍ਖਾਪਦਂ ਦਸਮਂ।
Sappāṇakasikkhāpadaṃ dasamaṃ.
ਸਮਤ੍ਤੋ વਣ੍ਣਨਾਕ੍ਕਮੇਨ ਸੇਨਾਸਨવਗ੍ਗੋ ਦੁਤਿਯੋ।
Samatto vaṇṇanākkamena senāsanavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦. ਸਪ੍ਪਾਣਕਸਿਕ੍ਖਾਪਦਂ • 10. Sappāṇakasikkhāpadaṃ
