| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੨. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ
2. Sappāṇakasikkhāpadavaṇṇanā
੩੮੭. ਦੁਤਿਯੇ – ਸਪ੍ਪਾਣਕਨ੍ਤਿ ਯੇ ਪਾਣਕਾ ਪਰਿਭੋਗੇਨ ਮਰਨ੍ਤਿ, ਤੇਹਿ ਪਾਣਕੇਹਿ ਸਪ੍ਪਾਣਕਂ, ਤਾਦਿਸਞ੍ਹਿ ਜਾਨਂ ਪਰਿਭੁਞ੍ਜਤੋ ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਪਤ੍ਤਪੂਰਮ੍ਪਿ ਅવਿਚ੍ਛਿਨ੍ਦਿਤ੍વਾ ਏਕਪਯੋਗੇਨ ਪਿવਤੋ ਏਕਾ ਆਪਤ੍ਤਿ। ਤਾਦਿਸੇਨ ਉਦਕੇਨ ਸਾਮਿਸਂ ਪਤ੍ਤਂ ਆવਿਞ੍ਛਿਤ੍વਾ ਧੋવਤੋਪਿ ਤਾਦਿਸੇ ਉਦਕੇ ਉਣ੍ਹਯਾਗੁਪਤ੍ਤਂ ਨਿਬ੍ਬਾਪਯਤੋਪਿ ਤਂ ਉਦਕਂ ਹਤ੍ਥੇਨ વਾ ਉਲ਼ੁਙ੍ਕੇਨ વਾ ਗਹੇਤ੍વਾ ਨ੍ਹਾਯਤੋਪਿ ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਉਦਕਸੋਣ੍ਡਿਂ વਾ ਪੋਕ੍ਖਰਣਿਂ વਾ ਪવਿਸਿਤ੍વਾ ਬਹਿਨਿਕ੍ਖਮਨਤ੍ਥਾਯ વੀਚਿਂ ਉਟ੍ਠਾਪਯਤੋਪਿ। ਸੋਣ੍ਡਿਂ વਾ ਪੋਕ੍ਖਰਣਿਂ વਾ ਸੋਧੇਨ੍ਤੇਹਿ ਤਤੋ ਗਹਿਤਉਦਕਂ ਉਦਕੇਯੇવ ਆਸਿਞ੍ਚਿਤਬ੍ਬਂ। ਸਮੀਪਮ੍ਹਿ ਉਦਕੇ ਅਸਤਿ ਕਪ੍ਪਿਯਉਦਕਸ੍ਸ ਅਟ੍ਠ વਾ ਦਸ વਾ ਘਟੇ ਉਦਕਸਣ੍ਠਾਨਕਪ੍ਪਦੇਸੇ ਆਸਿਞ੍ਚਿਤ੍વਾ ਤਤ੍ਥ ਆਸਿਞ੍ਚਿਤਬ੍ਬਂ। ‘‘ਪવਟ੍ਟਿਤ੍વਾ ਉਦਕੇ ਪਤਿਸ੍ਸਤੀ’’ਤਿ ਉਣ੍ਹਪਾਸਾਣੇ ਉਦਕਂ ਨਾਸਿਞ੍ਚਿਤਬ੍ਬਂ। ਕਪ੍ਪਿਯਉਦਕੇਨ ਪਨ ਪਾਸਾਣਂ ਨਿਬ੍ਬਾਪੇਤ੍વਾ ਆਸਿਞ੍ਚਿਤੁਂ વਟ੍ਟਤਿ। ਸੇਸਮੇਤ੍ਥ ਉਤ੍ਤਾਨਮੇવ।
387. Dutiye – sappāṇakanti ye pāṇakā paribhogena maranti, tehi pāṇakehi sappāṇakaṃ, tādisañhi jānaṃ paribhuñjato payoge payoge pācittiyaṃ. Pattapūrampi avicchinditvā ekapayogena pivato ekā āpatti. Tādisena udakena sāmisaṃ pattaṃ āviñchitvā dhovatopi tādise udake uṇhayāgupattaṃ nibbāpayatopi taṃ udakaṃ hatthena vā uḷuṅkena vā gahetvā nhāyatopi payoge payoge pācittiyaṃ. Udakasoṇḍiṃ vā pokkharaṇiṃ vā pavisitvā bahinikkhamanatthāya vīciṃ uṭṭhāpayatopi. Soṇḍiṃ vā pokkharaṇiṃ vā sodhentehi tato gahitaudakaṃ udakeyeva āsiñcitabbaṃ. Samīpamhi udake asati kappiyaudakassa aṭṭha vā dasa vā ghaṭe udakasaṇṭhānakappadese āsiñcitvā tattha āsiñcitabbaṃ. ‘‘Pavaṭṭitvā udake patissatī’’ti uṇhapāsāṇe udakaṃ nāsiñcitabbaṃ. Kappiyaudakena pana pāsāṇaṃ nibbāpetvā āsiñcituṃ vaṭṭati. Sesamettha uttānameva.
ਤਿਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ,
Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ,
વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ। ਏਤ੍ਥ ਚ ਪਟਙ੍ਗਪਾਣਕਾਨਂ ਪਤਨਂ ਞਤ੍વਾਪਿ ਸੁਦ੍ਧਚਿਤ੍ਤਤਾਯ ਦੀਪਜਾਲਨੇ વਿਯ ਸਪ੍ਪਾਣਕਭਾવਂ ਞਤ੍વਾਪਿ ਉਦਕਸਞ੍ਞਾਯ ਪਰਿਭੁਞ੍ਜਿਤਬ੍ਬਤੋ ਪਣ੍ਣਤ੍ਤਿવਜ੍ਜਤਾ વੇਦਿਤਬ੍ਬਾਤਿ।
Vacīkammaṃ, ticittaṃ, tivedananti. Ettha ca paṭaṅgapāṇakānaṃ patanaṃ ñatvāpi suddhacittatāya dīpajālane viya sappāṇakabhāvaṃ ñatvāpi udakasaññāya paribhuñjitabbato paṇṇattivajjatā veditabbāti.
ਸਪ੍ਪਾਣਕਸਿਕ੍ਖਾਪਦਂ ਦੁਤਿਯਂ।
Sappāṇakasikkhāpadaṃ dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 2. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 2. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 2. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਸਪ੍ਪਾਣਕਸਿਕ੍ਖਾਪਦਂ • 2. Sappāṇakasikkhāpadaṃ
