| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ
10. Sappāṇakasikkhāpadavaṇṇanā
ਏਕਸ੍ਮਿਂ ਘਟੇ ਏਕਾવ ਆਪਤ੍ਤੀਤਿ ਏਕਸ੍ਮਿਂ ਉਦਕਘਟੇ ਏਕਾવ ਆਪਤ੍ਤਿ। ਏਸ ਨਯੋ ਸਬ੍ਬਭਾਜਨੇਸੁ । વਿਚ੍ਛਿਨ੍ਦਨ੍ਤਸ੍ਸਾਤਿ ਧਾਰਂ વਿਚ੍ਛਿਨ੍ਦਨ੍ਤਸ੍ਸ। ਏਕੇਕਂ ਪਕ੍ਖਿਪਨ੍ਤਸ੍ਸਾਤਿ ਏਕੇਕਂ ਤਿਣਂ વਾ ਪਣ੍ਣਂ વਾ ਮਤ੍ਤਿਕਂ વਾ ਅਞ੍ਞਂ વਾ ਕਟ੍ਠਗੋਮਯਾਦਿਂ ਪਕ੍ਖਿਪਨ੍ਤਸ੍ਸ। ਪਰਿਯਾਦਾਨਨ੍ਤਿ ਖਯਂ।
Ekasmiṃ ghaṭe ekāva āpattīti ekasmiṃ udakaghaṭe ekāva āpatti. Esa nayo sabbabhājanesu . Vicchindantassāti dhāraṃ vicchindantassa. Ekekaṃ pakkhipantassāti ekekaṃ tiṇaṃ vā paṇṇaṃ vā mattikaṃ vā aññaṃ vā kaṭṭhagomayādiṃ pakkhipantassa. Pariyādānanti khayaṃ.
‘‘ਪਦੀਪੇ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੧੪੦) ਪਤਿਤ੍વਾ ਪਟਙ੍ਗਾਦਿਪਾਣਕਾ ਮਰਿਸ੍ਸਨ੍ਤੀ’’ਤਿ ਜਾਨਨ੍ਤਸ੍ਸਾਪਿ ਕੁਸਲਚਿਤ੍ਤੇਨ ਪਦੀਪੁਜ੍ਜਲਨਂ વਿਯ ‘‘ਸਿਞ੍ਚਨੇਨ ਪਾਣਕਾ ਮਰਿਸ੍ਸਨ੍ਤੀ’’ਤਿ ਪੁਬ੍ਬਭਾਗੇ ਜਾਨਨ੍ਤਸ੍ਸਾਪਿ ‘‘ਇਦਂ ਜਲਂ ਸਿਞ੍ਚਾਮੀ’’ਤਿ ਸਿਞ੍ਚਨ੍ਤਸ੍ਸ વਧਕਚਿਤ੍ਤਂ ਨ ਹੋਤੀਤਿ ਆਹ ‘‘વਿਨਾ વਧਕਚੇਤਨਾਯਾ’’ਤਿਆਦਿ। ਏવਞ੍ਚ ਕਤ੍વਾ ‘‘ਪਣ੍ਣਤ੍ਤਿવਜ੍ਜ’’ਨ੍ਤਿ ਇਦਮ੍ਪਿ ਸਮਤ੍ਥਿਤਂ ਹੋਤਿ। ਤਿਚਿਤ੍ਤਨ੍ਤਿ ਕੁਸਲਾਕੁਸਲਾਬ੍ਯਾਕਤવਸੇਨ ਤਿਚਿਤ੍ਤਂ। ਤਥਾ ਹਿ ਪਣ੍ਣਤ੍ਤਿਂ ਮਦ੍ਦਿਤ੍વਾ ਸਿਞ੍ਚਨ੍ਤਸ੍ਸ વਾ ਸਿਞ੍ਚਾਪੇਨ੍ਤਸ੍ਸ વਾ ਅਕੁਸਲਚਿਤ੍ਤੇਨ ਹੋਤਿ, ‘‘ਆਸਨਂ ਧੋવਿਸ੍ਸਾਮੀ’’ਤਿ ਚਿਤ੍ਤੇਨ ਧੋવਨਤ੍ਥਂ ਸਿਞ੍ਚਨ੍ਤਸ੍ਸ વਾ ਸਿਞ੍ਚਾਪੇਨ੍ਤਸ੍ਸ વਾ ਕੁਸਲਚਿਤ੍ਤੇਨ ਹੋਤਿ, ਪਣ੍ਣਤ੍ਤਿਂ ਅਜਾਨਤਾ ਅਰਹਤਾ ਸਿਞ੍ਚਨਾਦਿਕਰਣੇ ਅਬ੍ਯਾਕਤਚਿਤ੍ਤੇਨ ਹੋਤੀਤਿ ਕੁਸਲਾਕੁਸਲਾਬ੍ਯਾਕਤਚਿਤ੍ਤવਸੇਨ ਤਿਚਿਤ੍ਤਂ ਹੋਤਿ।
‘‘Padīpe (sārattha. ṭī. pācittiya 3.140) patitvā paṭaṅgādipāṇakā marissantī’’ti jānantassāpi kusalacittena padīpujjalanaṃ viya ‘‘siñcanena pāṇakā marissantī’’ti pubbabhāge jānantassāpi ‘‘idaṃ jalaṃ siñcāmī’’ti siñcantassa vadhakacittaṃ na hotīti āha ‘‘vinā vadhakacetanāyā’’tiādi. Evañca katvā ‘‘paṇṇattivajja’’nti idampi samatthitaṃ hoti. Ticittanti kusalākusalābyākatavasena ticittaṃ. Tathā hi paṇṇattiṃ madditvā siñcantassa vā siñcāpentassa vā akusalacittena hoti, ‘‘āsanaṃ dhovissāmī’’ti cittena dhovanatthaṃ siñcantassa vā siñcāpentassa vā kusalacittena hoti, paṇṇattiṃ ajānatā arahatā siñcanādikaraṇe abyākatacittena hotīti kusalākusalābyākatacittavasena ticittaṃ hoti.
ਸਪ੍ਪਾਣਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sappāṇakasikkhāpadavaṇṇanā niṭṭhitā.
ਭੂਤਗਾਮવਗ੍ਗੋ ਦੁਤਿਯੋ।
Bhūtagāmavaggo dutiyo.
