| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৭. সপ্পাণকৰগ্গো
7. Sappāṇakavaggo
১১৪. সঞ্চিচ্চ পাণং জীৰিতা ৰোরোপেন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? আযস্মন্তং উদাযিং আরব্ভ। কিস্মিং ৰত্থুস্মিন্তি? আযস্মা উদাযী সঞ্চিচ্চ পাণং জীৰিতা ৰোরোপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
114. Sañcicca pāṇaṃ jīvitā voropentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī sañcicca pāṇaṃ jīvitā voropesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
১১৫. জানং সপ্পাণকং উদকং পরিভুঞ্জন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযে ভিক্খূ আরব্ভ। কিস্মিং ৰত্থুস্মিন্তি ? ছব্বগ্গিযা ভিক্খূ জানং সপ্পাণকং উদকং পরিভুঞ্জিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
115. Jānaṃ sappāṇakaṃ udakaṃ paribhuñjantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti ? Chabbaggiyā bhikkhū jānaṃ sappāṇakaṃ udakaṃ paribhuñjiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
১১৬. জানং যথাধম্মং নিহতাধিকরণং পুন কম্মায উক্কোটেন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযে ভিক্খূ আরব্ভ। কিস্মিং ৰত্থুস্মিন্তি? ছব্বগ্গিযা ভিক্খূ জানং যথাধম্মং নিহতাধিকরণং পুন কম্মায উক্কোটেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
116. Jānaṃ yathādhammaṃ nihatādhikaraṇaṃ puna kammāya ukkoṭentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū jānaṃ yathādhammaṃ nihatādhikaraṇaṃ puna kammāya ukkoṭesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
১১৭. ভিক্খুস্স জানং দুট্ঠুল্লং আপত্তিং পটিচ্ছাদেন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুং আরব্ভ। কিস্মিং ৰত্থুস্মিন্তি? অঞ্ঞতরো ভিক্খু ভিক্খুস্স জানং দুট্ঠুল্লং আপত্তিং পটিচ্ছাদেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…।
117. Bhikkhussa jānaṃ duṭṭhullaṃ āpattiṃ paṭicchādentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu bhikkhussa jānaṃ duṭṭhullaṃ āpattiṃ paṭicchādesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
১১৮. জানং ঊনৰীসতিৰস্সং পুগ্গলং উপসম্পাদেন্তস্স পাচিত্তিযং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? সম্বহুলে ভিক্খূ আরব্ভ। কিস্মিং ৰত্থুস্মিন্তি? সম্বহুলা ভিক্খূ জানং ঊনৰীসতিৰস্সং পুগ্গলং উপসম্পাদেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
118. Jānaṃ ūnavīsativassaṃ puggalaṃ upasampādentassa pācittiyaṃ kattha paññattanti? Rājagahe paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū jānaṃ ūnavīsativassaṃ puggalaṃ upasampādesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
১১৯. জানং থেয্যসত্থেন সদ্ধিং সংৰিধায একদ্ধানমগ্গং পটিপজ্জন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুং আরব্ভ। কিস্মিং ৰত্থুস্মিন্তি? অঞ্ঞতরো ভিক্খু জানং থেয্যসত্থেন সদ্ধিং সংৰিধায একদ্ধানমগ্গং পটিপজ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – সিযা কাযতো চ চিত্ততো চ সমুট্ঠাতি, ন ৰাচতো; সিযা কাযতো চ ৰাচতো চ চিত্ততো চ সমুট্ঠাতি…পে॰…।
119. Jānaṃ theyyasatthena saddhiṃ saṃvidhāya ekaddhānamaggaṃ paṭipajjantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu jānaṃ theyyasatthena saddhiṃ saṃvidhāya ekaddhānamaggaṃ paṭipajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā kāyato ca vācato ca cittato ca samuṭṭhāti…pe….
১২০. মাতুগামেন সদ্ধিং সংৰিধায একদ্ধানমগ্গং পটিপজ্জন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুং আরব্ভ। কিস্মিং ৰত্থুস্মিন্তি? অঞ্ঞতরো ভিক্খু মাতুগামেন সদ্ধিং সংৰিধায একদ্ধানমগ্গং পটিপজ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…।
120. Mātugāmena saddhiṃ saṃvidhāya ekaddhānamaggaṃ paṭipajjantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu mātugāmena saddhiṃ saṃvidhāya ekaddhānamaggaṃ paṭipajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ catūhi samuṭṭhānehi samuṭṭhāti…pe….
১২১. পাপিকায দিট্ঠিযা যাৰততিযং সমনুভাসনায ন পটিনিস্সজ্জন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অরিট্ঠং ভিক্খুং গদ্ধবাধিপুব্বং আরব্ভ। কিস্মিং ৰত্থুস্মিন্তি? অরিট্ঠো ভিক্খু গদ্ধবাধিপুব্বো পাপিকায দিট্ঠিযা যাৰততিযং সমনুভাসনায ন পটিনিস্সজ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি। কাযতো চ ৰাচতো চ চিত্ততো চ সমুট্ঠাতি…পে॰…।
121. Pāpikāya diṭṭhiyā yāvatatiyaṃ samanubhāsanāya na paṭinissajjantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Ariṭṭhaṃ bhikkhuṃ gaddhabādhipubbaṃ ārabbha. Kismiṃ vatthusminti? Ariṭṭho bhikkhu gaddhabādhipubbo pāpikāya diṭṭhiyā yāvatatiyaṃ samanubhāsanāya na paṭinissajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti. Kāyato ca vācato ca cittato ca samuṭṭhāti…pe….
১২২. জানং তথাৰাদিনা ভিক্খুনা 1 অকটানুধম্মেন তং দিট্ঠিং অপ্পটিনিস্সট্ঠেন সদ্ধিং সম্ভুঞ্জন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযে ভিক্খূ আরব্ভ। কিস্মিং ৰত্থুস্মিন্তি? ছব্বগ্গিযা ভিক্খূ জানং তথাৰাদিনা অরিট্ঠেন ভিক্খুনা অকটানুধম্মেন তং দিট্ঠিং অপ্পটিনিস্সট্ঠেন সদ্ধিং সম্ভুঞ্জিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
122. Jānaṃ tathāvādinā bhikkhunā 2 akaṭānudhammena taṃ diṭṭhiṃ appaṭinissaṭṭhena saddhiṃ sambhuñjantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū jānaṃ tathāvādinā ariṭṭhena bhikkhunā akaṭānudhammena taṃ diṭṭhiṃ appaṭinissaṭṭhena saddhiṃ sambhuñjiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
১২৩. জানং তথানাসিতং সমণুদ্দেসং উপলাপেন্তস্স পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযে ভিক্খূ আরব্ভ। কিস্মিং ৰত্থুস্মিন্তি? ছব্বগ্গিযা ভিক্খূ জানং তথানাসিতং কণ্টকং সমণুদ্দেসং উপলাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
123. Jānaṃ tathānāsitaṃ samaṇuddesaṃ upalāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū jānaṃ tathānāsitaṃ kaṇṭakaṃ samaṇuddesaṃ upalāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
সপ্পাণকৰগ্গো সত্তমো।
Sappāṇakavaggo sattamo.
Footnotes:
