Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga

    7. саббаан̣агаваг̇г̇о

    7. Sappāṇakavaggo

    1. сан̃жижжасигкаабад̣̇ам̣

    1. Sañciccasikkhāpadaṃ

    382. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа уд̣̇ааяий иссаасо ход̇и, гаагаа жасса аманаабаа хонд̇и. со гаагз виж̇жхид̇ваа виж̇жхид̇ваа сийсам̣ чинд̣̇ид̇ваа суулз бадибаадияаа табзси. бхигкуу звамаахам̣су – ‘‘гзнимз, аавусо, гаагаа ж̇ийвид̇аа воробид̇аа’’д̇и? ‘‘маяаа, аавусо. аманаабаа мз гаагаа’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий сан̃жижжа баан̣ам̣ ж̇ийвид̇аа воробзссад̇ий’’д̇и…бз… сажжам̣ гира д̇вам̣, уд̣̇ааяи, сан̃жижжа баан̣ам̣ ж̇ийвид̇аа воробзсийд̇и? ‘‘сажжам̣ , бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, сан̃жижжа баан̣ам̣ ж̇ийвид̇аа воробзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    382. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī issāso hoti, kākā cassa amanāpā honti. So kāke vijjhitvā vijjhitvā sīsaṃ chinditvā sūle paṭipāṭiyā ṭhapesi. Bhikkhū evamāhaṃsu – ‘‘kenime, āvuso, kākā jīvitā voropitā’’ti? ‘‘Mayā, āvuso. Amanāpā me kākā’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī sañcicca pāṇaṃ jīvitā voropessatī’’ti…pe… saccaṃ kira tvaṃ, udāyi, sañcicca pāṇaṃ jīvitā voropesīti? ‘‘Saccaṃ , bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, sañcicca pāṇaṃ jīvitā voropessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    383. ‘‘яо бана бхигку сан̃жижжа баан̣ам̣ ж̇ийвид̇аа воробзяяа, баажид̇д̇ияа’’нд̇и.

    383.‘‘Yopana bhikkhu sañcicca pāṇaṃ jīvitā voropeyya, pācittiya’’nti.

    384. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    384.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    сан̃жижжаад̇и ж̇аананд̇о сан̃ж̇аананд̇о жзжжа абхивид̇арид̇ваа вийд̇иггамо.

    Sañciccāti jānanto sañjānanto cecca abhivitaritvā vītikkamo.

    баан̣о наама д̇иражчаанаг̇ад̇абаан̣о вужжад̇и.

    Pāṇo nāma tiracchānagatapāṇo vuccati.

    ж̇ийвид̇аа воробзяяаад̇и ж̇ийвид̇инд̣̇рияам̣ убажчинд̣̇ад̇и убарод̇хзд̇и санд̇ад̇им̣ вигобзд̇и, аабад̇д̇и баажид̇д̇ияасса.

    Jīvitā voropeyyāti jīvitindriyaṃ upacchindati uparodheti santatiṃ vikopeti, āpatti pācittiyassa.

    385. баан̣з баан̣асан̃н̃ий ж̇ийвид̇аа воробзд̇и, аабад̇д̇и баажид̇д̇ияасса. баан̣з взмад̇иго ж̇ийвид̇аа воробзд̇и, аабад̇д̇и д̣̇уггадасса. баан̣з аббаан̣асан̃н̃ий ж̇ийвид̇аа воробзд̇и, анаабад̇д̇и. аббаан̣з баан̣асан̃н̃ий, аабад̇д̇и д̣̇уггадасса. аббаан̣з взмид̇аго, аабад̇д̇и д̣̇уггадасса. аббаан̣з аббаан̣асан̃н̃ий, анаабад̇д̇и.

    385. Pāṇe pāṇasaññī jīvitā voropeti, āpatti pācittiyassa. Pāṇe vematiko jīvitā voropeti, āpatti dukkaṭassa. Pāṇe appāṇasaññī jīvitā voropeti, anāpatti. Appāṇe pāṇasaññī, āpatti dukkaṭassa. Appāṇe vemitako, āpatti dukkaṭassa. Appāṇe appāṇasaññī, anāpatti.

    386. анаабад̇д̇и асан̃жижжа, ассад̇ияаа, аж̇аананд̇асса, намаран̣аад̇хиббааяасса, уммад̇д̇агасса, аад̣̇игаммигассаад̇и.

    386. Anāpatti asañcicca, assatiyā, ajānantassa, namaraṇādhippāyassa, ummattakassa, ādikammikassāti.

    сан̃жижжасигкаабад̣̇ам̣ нидтид̇ам̣ батамам̣.

    Sañciccasikkhāpadaṃ niṭṭhitaṃ paṭhamaṃ.

    2. саббаан̣агасигкаабад̣̇ам̣

    2. Sappāṇakasikkhāpadaṃ

    387. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу ж̇аанам̣ саббаан̣агам̣ уд̣̇агам̣ барибхун̃ж̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ж̇аанам̣ саббаан̣агам̣ уд̣̇агам̣ барибхун̃ж̇иссанд̇ий’’д̇и…бз… сажжам̣ гира д̇умхз, бхигкавз, ж̇аанам̣ саббаан̣агам̣ уд̣̇агам̣ барибхун̃ж̇ат̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ж̇аанам̣ саббаан̣агам̣ уд̣̇агам̣ барибхун̃ж̇иссат̇а! нзд̇ам̣ , могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    387. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū jānaṃ sappāṇakaṃ udakaṃ paribhuñjanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jānaṃ sappāṇakaṃ udakaṃ paribhuñjissantī’’ti…pe… saccaṃ kira tumhe, bhikkhave, jānaṃ sappāṇakaṃ udakaṃ paribhuñjathāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ sappāṇakaṃ udakaṃ paribhuñjissatha! Netaṃ , moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    388. ‘‘яо бана бхигку ж̇аанам̣ саббаан̣агам̣ уд̣̇агам̣ барибхун̃ж̇зяяа, баажид̇д̇ияа’’нд̇и.

    388.‘‘Yo pana bhikkhu jānaṃ sappāṇakaṃ udakaṃ paribhuñjeyya, pācittiya’’nti.

    389. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    389.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и. ‘‘саббаан̣ага’’нд̇и ж̇аананд̇о, ‘‘барибхог̇зна мариссанд̇ий’’д̇и ж̇аананд̇о барибхун̃ж̇ад̇и, аабад̇д̇и баажид̇д̇ияасса.

    Jānāti nāma sāmaṃ vā jānāti, aññe vā tassa ārocenti. ‘‘Sappāṇaka’’nti jānanto, ‘‘paribhogena marissantī’’ti jānanto paribhuñjati, āpatti pācittiyassa.

    390. саббаан̣агз саббаан̣агасан̃н̃ий барибхун̃ж̇ад̇и, аабад̇д̇и баажид̇д̇ияасса. саббаан̣агз взмад̇иго барибхун̃ж̇ад̇и, аабад̇д̇и д̣̇уггадасса . саббаан̣агз аббаан̣агасан̃н̃ий барибхун̃ж̇ад̇и, анаабад̇д̇и. аббаан̣агз саббаан̣агасан̃н̃ий, аабад̇д̇и д̣̇уггадасса. аббаан̣агз взмад̇иго, аабад̇д̇и д̣̇уггадасса. аббаан̣агз аббаан̣агасан̃н̃ий, анаабад̇д̇и.

    390. Sappāṇake sappāṇakasaññī paribhuñjati, āpatti pācittiyassa. Sappāṇake vematiko paribhuñjati, āpatti dukkaṭassa . Sappāṇake appāṇakasaññī paribhuñjati, anāpatti. Appāṇake sappāṇakasaññī, āpatti dukkaṭassa. Appāṇake vematiko, āpatti dukkaṭassa. Appāṇake appāṇakasaññī, anāpatti.

    391. анаабад̇д̇и ‘‘саббаан̣ага’’нд̇и аж̇аананд̇о, ‘‘аббаан̣ага’’нд̇и ж̇аананд̇о, ‘‘барибхог̇зна на мариссанд̇ий’’д̇и ж̇аананд̇о барибхун̃ж̇ад̇и, уммад̇д̇агасса, аад̣̇игаммигассаад̇и.

    391. Anāpatti ‘‘sappāṇaka’’nti ajānanto, ‘‘appāṇaka’’nti jānanto, ‘‘paribhogena na marissantī’’ti jānanto paribhuñjati, ummattakassa, ādikammikassāti.

    саббаан̣агасигкаабад̣̇ам̣ нидтид̇ам̣ д̣̇уд̇ияам̣.

    Sappāṇakasikkhāpadaṃ niṭṭhitaṃ dutiyaṃ.

    3. уггоданасигкаабад̣̇ам̣

    3. Ukkoṭanasikkhāpadaṃ

    392. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзнд̇и – ‘‘агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гаммам̣ анихад̇ам̣ д̣̇уннихад̇ам̣ буна ниханид̇аб̣б̣а’’нд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзссанд̇ий’’д̇и …бз… сажжам̣ гира д̇умхз, бхигкавз, ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    392. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū jānaṃ yathādhammaṃ nihatādhikaraṇaṃ punakammāya ukkoṭenti – ‘‘akataṃ kammaṃ dukkaṭaṃ kammaṃ puna kātabbaṃ kammaṃ anihataṃ dunnihataṃ puna nihanitabba’’nti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jānaṃ yathādhammaṃ nihatādhikaraṇaṃ punakammāya ukkoṭessantī’’ti …pe… saccaṃ kira tumhe, bhikkhave, jānaṃ yathādhammaṃ nihatādhikaraṇaṃ punakammāya ukkoṭethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ yathādhammaṃ nihatādhikaraṇaṃ punakammāya ukkoṭessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    393. ‘‘яо бана бхигку ж̇аанам̣ яат̇аад̇хаммам̣ нихад̇аад̇хигаран̣ам̣ бунагаммааяа уггодзяяа, баажид̇д̇ияа’’нд̇и.

    393.‘‘Yo pana bhikkhu jānaṃ yathādhammaṃ nihatādhikaraṇaṃ punakammāya ukkoṭeyya, pācittiya’’nti.

    394. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    394.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti, aññe vā tassa ārocenti, so vā āroceti.

    яат̇аад̇хаммам̣ наама д̇хаммзна винаязна сад̇т̇усаасанзна гад̇ам̣, зд̇ам̣ яат̇аад̇хаммам̣ наама.

    Yathādhammaṃ nāma dhammena vinayena satthusāsanena kataṃ, etaṃ yathādhammaṃ nāma.

    ад̇хигаран̣ам̣ наама жад̇д̇аари ад̇хигаран̣аани – виваад̣̇аад̇хигаран̣ам̣, ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣.

    Adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.

    бунагаммааяа уггодзяяаад̇и ‘‘агад̇ам̣ гаммам̣ д̣̇уггадам̣ гаммам̣ бунагаад̇аб̣б̣ам̣ гаммам̣ анихад̇ам̣ д̣̇уннихад̇ам̣ буна ниханид̇аб̣б̣ам̣’’д̇и уггодзд̇и, аабад̇д̇и баажид̇д̇ияасса.

    Punakammāya ukkoṭeyyāti ‘‘akataṃ kammaṃ dukkaṭaṃ kammaṃ punakātabbaṃ kammaṃ anihataṃ dunnihataṃ puna nihanitabbaṃ’’ti ukkoṭeti, āpatti pācittiyassa.

    395. д̇хаммагаммз д̇хаммагаммасан̃н̃ий уггодзд̇и, аабад̇д̇и баажид̇д̇ияасса. д̇хаммагаммз взмад̇иго уггодзд̇и, аабад̇д̇и д̣̇уггадасса. д̇хаммагаммз ад̇хаммагаммасан̃н̃ий уггодзд̇и, анаабад̇д̇и. ад̇хаммагаммз д̇хаммагаммасан̃н̃ий, аабад̇д̇и д̣̇уггадасса. ад̇хаммагаммз взмад̇иго, аабад̇д̇и д̣̇уггадасса. ад̇хаммагаммз ад̇хаммагаммасан̃н̃ий, анаабад̇д̇и.

    395. Dhammakamme dhammakammasaññī ukkoṭeti, āpatti pācittiyassa. Dhammakamme vematiko ukkoṭeti, āpatti dukkaṭassa. Dhammakamme adhammakammasaññī ukkoṭeti, anāpatti. Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī, anāpatti.

    396. анаабад̇д̇и ‘‘ад̇хаммзна ваа ваг̇г̇зна ваа на гаммаарахасса ваа гаммам̣ гад̇а’’нд̇и ж̇аананд̇о уггодзд̇и, уммад̇д̇агасса, аад̣̇игаммигассаад̇и.

    396. Anāpatti ‘‘adhammena vā vaggena vā na kammārahassa vā kammaṃ kata’’nti jānanto ukkoṭeti, ummattakassa, ādikammikassāti.

    уггоданасигкаабад̣̇ам̣ нидтид̇ам̣ д̇ад̇ияам̣.

    Ukkoṭanasikkhāpadaṃ niṭṭhitaṃ tatiyaṃ.

    4. д̣̇удтулласигкаабад̣̇ам̣

    4. Duṭṭhullasikkhāpadaṃ

    397. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа убананд̣̇о сагяабуд̇д̇о сан̃жзд̇анигам̣ суггависсадтим̣ аабад̇д̇им̣ аабаж̇ж̇ид̇ваа бхаад̇уно сад̣̇д̇хивихааригасса бхигкуно аарожзси – ‘‘ахам̣, аавусо, сан̃жзд̇анигам̣ суггависсадтим̣ аабад̇д̇им̣ аабанно. маа гассажи аарожзхий’’д̇и. д̇зна ко бана самаязна ан̃н̃ад̇аро бхигку сан̃жзд̇анигам̣ суггависсадтим̣ аабад̇д̇им̣ аабаж̇ж̇ид̇ваа сан̇гхам̣ д̇ассаа аабад̇д̇ияаа бариваасам̣ яаажи. д̇асса сан̇гхо д̇ассаа аабад̇д̇ияаа бариваасам̣ ад̣̇ааси. со баривасанд̇о д̇ам̣ бхигкум̣ бассид̇ваа зд̇ад̣̇авожа – ‘‘ахам̣, аавусо, сан̃жзд̇анигам̣ суггависсадтим̣ аабад̇д̇им̣ аабаж̇ж̇ид̇ваа сан̇гхам̣ д̇ассаа аабад̇д̇ияаа бариваасам̣ яаажим̣, д̇асса мз сан̇гхо д̇ассаа аабад̇д̇ияаа бариваасам̣ ад̣̇ааси, сохам̣ баривасаами, взд̣̇ияаамахам̣ 1, аавусо, взд̣̇ияад̇ий’’д̇и мам̣ ааяасмаа д̇хаарзд̇уу’’д̇и.

    397. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto sañcetanikaṃ sukkavissaṭṭhiṃ āpattiṃ āpajjitvā bhātuno saddhivihārikassa bhikkhuno ārocesi – ‘‘ahaṃ, āvuso, sañcetanikaṃ sukkavissaṭṭhiṃ āpattiṃ āpanno. Mā kassaci ārocehī’’ti. Tena kho pana samayena aññataro bhikkhu sañcetanikaṃ sukkavissaṭṭhiṃ āpattiṃ āpajjitvā saṅghaṃ tassā āpattiyā parivāsaṃ yāci. Tassa saṅgho tassā āpattiyā parivāsaṃ adāsi. So parivasanto taṃ bhikkhuṃ passitvā etadavoca – ‘‘ahaṃ, āvuso, sañcetanikaṃ sukkavissaṭṭhiṃ āpattiṃ āpajjitvā saṅghaṃ tassā āpattiyā parivāsaṃ yāciṃ, tassa me saṅgho tassā āpattiyā parivāsaṃ adāsi, sohaṃ parivasāmi, vediyāmahaṃ 2, āvuso, vediyatī’’ti maṃ āyasmā dhāretū’’ti.

    ‘‘гим̣ ну ко, аавусо, яо ан̃н̃оби имам̣ аабад̇д̇им̣ аабаж̇ж̇ад̇и соби звам̣ гарод̇ий’’д̇и? ‘‘звамаавусо’’д̇и. ‘‘аяам̣, аавусо, ааяасмаа убананд̣̇о сагяабуд̇д̇о сан̃жзд̇анигам̣ суггависсадтим̣ аабад̇д̇им̣ аабаж̇ж̇ид̇ваа 3 со мз аарожзд̇и маа гассажи аарожзхий’’д̇и. ‘‘гим̣ бана д̇вам̣, аавусо, бадижчаад̣̇зсий’’д̇и? ‘‘звамаавусо’’д̇и. ат̇а ко со бхигку бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку бхигкусса ж̇аанам̣ д̣̇удтуллам̣ аабад̇д̇им̣ бадижчаад̣̇зссад̇ий’’д̇и…бз… сажжам̣ гира д̇вам̣, бхигку, бхигкусса ж̇аанам̣ д̣̇удтуллам̣ аабад̇д̇им̣ бадижчаад̣̇зсийд̇и. ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, бхигкусса ж̇аанам̣ д̣̇удтуллам̣ аабад̇д̇им̣ бадижчаад̣̇зссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    ‘‘Kiṃ nu kho, āvuso, yo aññopi imaṃ āpattiṃ āpajjati sopi evaṃ karotī’’ti? ‘‘Evamāvuso’’ti. ‘‘Ayaṃ, āvuso, āyasmā upanando sakyaputto sañcetanikaṃ sukkavissaṭṭhiṃ āpattiṃ āpajjitvā 4 so me āroceti mā kassaci ārocehī’’ti. ‘‘Kiṃ pana tvaṃ, āvuso, paṭicchādesī’’ti? ‘‘Evamāvuso’’ti. Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu bhikkhussa jānaṃ duṭṭhullaṃ āpattiṃ paṭicchādessatī’’ti…pe… saccaṃ kira tvaṃ, bhikkhu, bhikkhussa jānaṃ duṭṭhullaṃ āpattiṃ paṭicchādesīti. ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, bhikkhussa jānaṃ duṭṭhullaṃ āpattiṃ paṭicchādessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    398. ‘‘яо бана бхигку бхигкусса ж̇аанам̣ д̣̇удтуллам̣ аабад̇д̇им̣ бадижчаад̣̇зяяа, баажид̇д̇ияа’’нд̇и.

    398.‘‘Yopana bhikkhu bhikkhussa jānaṃ duṭṭhullaṃ āpattiṃ paṭicchādeyya, pācittiya’’nti.

    399. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    399.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    бхигкуссаад̇и ан̃н̃асса бхигкусса.

    Bhikkhussāti aññassa bhikkhussa.

    ж̇аанаад̇и наама саамам̣ ваа ж̇аанаад̇и ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti aññe vā tassa ārocenti, so vā āroceti.

    д̣̇удтуллаа наама аабад̇д̇и жад̇д̇аари жа баарааж̇игаани д̇зраса жа сан̇гхаад̣̇исзсаа.

    Duṭṭhullā nāma āpatti cattāri ca pārājikāni terasa ca saṅghādisesā.

    бадижчаад̣̇зяяаад̇и ‘‘имам̣ ж̇аанид̇ваа жод̣̇зссанд̇и, саарзссанд̇и кум̣сзссанд̇и, вамбхзссанд̇и, ман̇гум̣ гариссанд̇и наарожзссаамий’’д̇и д̇хурам̣ нигкид̇д̇амад̇д̇з, аабад̇д̇и баажид̇д̇ияасса.

    Paṭicchādeyyāti ‘‘imaṃ jānitvā codessanti, sāressanti khuṃsessanti, vambhessanti, maṅkuṃ karissanti nārocessāmī’’ti dhuraṃ nikkhittamatte, āpatti pācittiyassa.

    400. д̣̇удтуллааяа аабад̇д̇ияаа д̣̇удтуллаабад̇д̇исан̃н̃ий бадижчаад̣̇зд̇и, аабад̇д̇и баажид̇д̇ияасса. д̣̇удтуллааяа аабад̇д̇ияаа взмад̇иго бадижчаад̣̇зд̇и , аабад̇д̇и д̣̇уггадасса. д̣̇удтуллааяа аабад̇д̇ияаа ад̣̇удтуллаабад̇д̇исан̃н̃ий бадижчаад̣̇зд̇и, аабад̇д̇и д̣̇уггадасса. ад̣̇удтуллам̣ аабад̇д̇им̣ бадижчаад̣̇зд̇и, аабад̇д̇и д̣̇уггадасса. анубасамбаннасса д̣̇удтуллам̣ ваа ад̣̇удтуллам̣ ваа аж̇жхаажаарам̣ бадижчаад̣̇зд̇и, аабад̇д̇и д̣̇уггадасса. ад̣̇удтуллааяа аабад̇д̇ияаа д̣̇удтуллаабад̇д̇исан̃н̃ий, аабад̇д̇и д̣̇уггадасса. ад̣̇удтуллааяа аабад̇д̇ияаа взмад̇иго, аабад̇д̇и д̣̇уггадасса. ад̣̇удтуллааяа аабад̇д̇ияаа ад̣̇удтуллаабад̇д̇исан̃н̃ий, аабад̇д̇и д̣̇уггадасса.

    400. Duṭṭhullāya āpattiyā duṭṭhullāpattisaññī paṭicchādeti, āpatti pācittiyassa. Duṭṭhullāya āpattiyā vematiko paṭicchādeti , āpatti dukkaṭassa. Duṭṭhullāya āpattiyā aduṭṭhullāpattisaññī paṭicchādeti, āpatti dukkaṭassa. Aduṭṭhullaṃ āpattiṃ paṭicchādeti, āpatti dukkaṭassa. Anupasampannassa duṭṭhullaṃ vā aduṭṭhullaṃ vā ajjhācāraṃ paṭicchādeti, āpatti dukkaṭassa. Aduṭṭhullāya āpattiyā duṭṭhullāpattisaññī, āpatti dukkaṭassa. Aduṭṭhullāya āpattiyā vematiko, āpatti dukkaṭassa. Aduṭṭhullāya āpattiyā aduṭṭhullāpattisaññī, āpatti dukkaṭassa.

    401. анаабад̇д̇и – ‘‘сан̇гхасса бхан̣д̣анам̣ ваа галахо ваа виг̇г̇ахо ваа виваад̣̇о ваа бхависсад̇ий’’д̇и наарожзд̇и, ‘‘сан̇гхабхзд̣̇о ваа сан̇гхарааж̇и ваа бхависсад̇ий’’д̇и наарожзд̇и, ‘‘аяам̣ гагкал̣о парусо ж̇ийвид̇анд̇арааяам̣ ваа б̣рахмажарияанд̇арааяам̣ ваа гариссад̇ий’’д̇и наарожзд̇и, ан̃н̃з бад̇ируубз бхигкуу абассанд̇о наарожзд̇и, начаад̣̇зд̇угаамо наарожзд̇и, ‘‘бан̃н̃ааяиссад̇и сагзна гаммзнаа’’д̇и наарожзд̇и, уммад̇д̇агасса, аад̣̇игаммигассаад̇и.

    401. Anāpatti – ‘‘saṅghassa bhaṇḍanaṃ vā kalaho vā viggaho vā vivādo vā bhavissatī’’ti nāroceti, ‘‘saṅghabhedo vā saṅgharāji vā bhavissatī’’ti nāroceti, ‘‘ayaṃ kakkhaḷo pharuso jīvitantarāyaṃ vā brahmacariyantarāyaṃ vā karissatī’’ti nāroceti, aññe patirūpe bhikkhū apassanto nāroceti, nachādetukāmo nāroceti, ‘‘paññāyissati sakena kammenā’’ti nāroceti, ummattakassa, ādikammikassāti.

    д̣̇удтулласигкаабад̣̇ам̣ нидтид̇ам̣ жад̇уд̇т̇ам̣.

    Duṭṭhullasikkhāpadaṃ niṭṭhitaṃ catutthaṃ.

    5. уунавийсад̇ивассасигкаабад̣̇ам̣

    5. Ūnavīsativassasikkhāpadaṃ

    402. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. 5 д̇зна ко бана самаязна рааж̇аг̇ахз сад̇д̇арасаваг̇г̇ияаа д̣̇аарагаа сахааяагаа хонд̇и. убаалид̣̇аараго д̇зсам̣ баамогко ход̇и. ат̇а ко убаалисса маад̇аабид̇уунам̣ зд̇ад̣̇ахоси – ‘‘гзна ну ко убааязна убаали амхаагам̣ ажжаязна сукан̃жа ж̇ийвзяяа на жа гиламзяяаа’’д̇и? ат̇а ко убаалисса маад̇аабид̇уунам̣ зд̇ад̣̇ахоси – ‘‘сажз ко убаали лзкам̣ сигкзяяа, звам̣ ко убаали амхаагам̣ ажжаязна сукан̃жа ж̇ийвзяяа, на жа гиламзяяаа’’д̇и. ат̇а ко убаалисса маад̇аабид̇уунам̣ зд̇ад̣̇ахоси – ‘‘сажз ко убаали лзкам̣ сигкиссад̇и, ан̇г̇улияо д̣̇угкаа бхависсанд̇и. сажз ко убаали г̇ан̣анам̣ сигкзяяа, звам̣ ко убаали амхаагам̣ ажжаязна сукан̃жа ж̇ийвзяяа на жа гиламзяяаа’’д̇и. ат̇а ко убаалисса маад̇аабид̇уунам̣ зд̇ад̣̇ахоси – ‘‘сажз ко убаали г̇ан̣анам̣ сигкиссад̇и, урасса д̣̇угко бхависсад̇и. сажз ко убаали руубам̣ сигкзяяа, звам̣ ко убаали амхаагам̣ ажжаязна сукан̃жа ж̇ийвзяяа на жа гиламзяяаа’’д̇и. ат̇а ко убаалисса маад̇аабид̇уунам̣ зд̇ад̣̇ахоси – ‘‘сажз ко убаали руубам̣ сигкиссад̇и, агкийни д̣̇угкаа бхависсанд̇и. имз ко саман̣аа сагяабуд̇д̇ияаа сукасийлаа сукасамаажаараа субхож̇анаани бхун̃ж̇ид̇ваа ниваад̇зсу саяанзсу саяанд̇и. сажз ко убаали саман̣зсу сагяабуд̇д̇иязсу баб̣б̣аж̇зяяа, звам̣ ко убаали амхаагам̣ ажжаязна сукан̃жа ж̇ийвзяяа, на жа гиламзяяаа’’д̇и.

    402. Tena samayena buddho bhagavā rājagahe viharati veḷuvane kalandakanivāpe. 6 Tena kho pana samayena rājagahe sattarasavaggiyā dārakā sahāyakā honti. Upālidārako tesaṃ pāmokkho hoti. Atha kho upālissa mātāpitūnaṃ etadahosi – ‘‘kena nu kho upāyena upāli amhākaṃ accayena sukhañca jīveyya na ca kilameyyā’’ti? Atha kho upālissa mātāpitūnaṃ etadahosi – ‘‘sace kho upāli lekhaṃ sikkheyya, evaṃ kho upāli amhākaṃ accayena sukhañca jīveyya, na ca kilameyyā’’ti. Atha kho upālissa mātāpitūnaṃ etadahosi – ‘‘sace kho upāli lekhaṃ sikkhissati, aṅguliyo dukkhā bhavissanti. Sace kho upāli gaṇanaṃ sikkheyya, evaṃ kho upāli amhākaṃ accayena sukhañca jīveyya na ca kilameyyā’’ti. Atha kho upālissa mātāpitūnaṃ etadahosi – ‘‘sace kho upāli gaṇanaṃ sikkhissati, urassa dukkho bhavissati. Sace kho upāli rūpaṃ sikkheyya, evaṃ kho upāli amhākaṃ accayena sukhañca jīveyya na ca kilameyyā’’ti. Atha kho upālissa mātāpitūnaṃ etadahosi – ‘‘sace kho upāli rūpaṃ sikkhissati, akkhīni dukkhā bhavissanti. Ime kho samaṇā sakyaputtiyā sukhasīlā sukhasamācārā subhojanāni bhuñjitvā nivātesu sayanesu sayanti. Sace kho upāli samaṇesu sakyaputtiyesu pabbajeyya, evaṃ kho upāli amhākaṃ accayena sukhañca jīveyya, na ca kilameyyā’’ti.

    ассоси ко убаалид̣̇аараго маад̇аабид̇уунам̣ имам̣ гат̇аасаллаабам̣. ат̇а ко убаалид̣̇аараго язна д̇з д̣̇аарагаа д̇знубасан̇гами; убасан̇гамид̇ваа д̇з д̣̇аарагз зд̇ад̣̇авожа – ‘‘зт̇а маяам̣, аяяаа, саман̣зсу сагяабуд̇д̇иязсу баб̣б̣аж̇иссаамаа’’д̇и. ‘‘сажз ко д̇вам̣, аяяа, баб̣б̣аж̇иссаси, звам̣ маяамби баб̣б̣аж̇иссаамаа’’д̇и. ат̇а ко д̇з д̣̇аарагаа згамзгасса маад̇аабид̇аро убасан̇гамид̇ваа зд̇ад̣̇авожум̣ – ‘‘ануж̇аанаат̇а мам̣ аг̇аарасмаа анаг̇аарияам̣ баб̣б̣аж̇ж̇ааяаа’’д̇и. ат̇а ко д̇зсам̣ д̣̇аарагаанам̣ маад̇аабид̇аро – ‘‘саб̣б̣збимз д̣̇аарагаа самаанажчанд̣̇аа галяаан̣аад̇хиббааяаа’’д̇и ануж̇ааним̣су. д̇з бхигкуу убасан̇гамид̇ваа баб̣б̣аж̇ж̇ам̣ яаажим̣су. д̇з бхигкуу баб̣б̣ааж̇зсум̣ убасамбаад̣̇зсум̣. д̇з рад̇д̇ияаа бажжуусасамаяам̣ бажжудтааяа род̣̇анд̇и – ‘‘яааг̇ум̣ д̣̇зт̇а , бхад̇д̇ам̣ д̣̇зт̇а, каад̣̇анийяам̣ д̣̇зт̇аа’’д̇и. бхигкуу звамаахам̣су – ‘‘ааг̇амзт̇а, аавусо, яаава рад̇д̇и вибхааяад̇и. сажз яааг̇у бхависсад̇и, бивиссат̇а. сажз бхад̇д̇ам̣ бхависсад̇и, бхун̃ж̇иссат̇а. сажз каад̣̇анийяам̣ бхависсад̇и, каад̣̇иссат̇а. но жз бхависсад̇и яааг̇у ваа бхад̇д̇ам̣ ваа каад̣̇анийяам̣ ваа, бин̣д̣ааяа жарид̇ваа бхун̃ж̇иссат̇аа’’д̇и. звамби ко д̇з бхигкуу бхигкуухи вужжамаанаа род̣̇анд̇иязва – ‘‘яааг̇ум̣ д̣̇зт̇а, бхад̇д̇ам̣ д̣̇зт̇а, каад̣̇анийяам̣ д̣̇зт̇аа’’д̇и. сзнаасанам̣ уухад̣̇анд̇иби уммиханд̇иби.

    Assosi kho upālidārako mātāpitūnaṃ imaṃ kathāsallāpaṃ. Atha kho upālidārako yena te dārakā tenupasaṅkami; upasaṅkamitvā te dārake etadavoca – ‘‘etha mayaṃ, ayyā, samaṇesu sakyaputtiyesu pabbajissāmā’’ti. ‘‘Sace kho tvaṃ, ayya, pabbajissasi, evaṃ mayampi pabbajissāmā’’ti. Atha kho te dārakā ekamekassa mātāpitaro upasaṅkamitvā etadavocuṃ – ‘‘anujānātha maṃ agārasmā anagāriyaṃ pabbajjāyā’’ti. Atha kho tesaṃ dārakānaṃ mātāpitaro – ‘‘sabbepime dārakā samānacchandā kalyāṇādhippāyā’’ti anujāniṃsu. Te bhikkhū upasaṅkamitvā pabbajjaṃ yāciṃsu. Te bhikkhū pabbājesuṃ upasampādesuṃ. Te rattiyā paccūsasamayaṃ paccuṭṭhāya rodanti – ‘‘yāguṃ detha , bhattaṃ detha, khādanīyaṃ dethā’’ti. Bhikkhū evamāhaṃsu – ‘‘āgametha, āvuso, yāva ratti vibhāyati. Sace yāgu bhavissati, pivissatha. Sace bhattaṃ bhavissati, bhuñjissatha. Sace khādanīyaṃ bhavissati, khādissatha. No ce bhavissati yāgu vā bhattaṃ vā khādanīyaṃ vā, piṇḍāya caritvā bhuñjissathā’’ti. Evampi kho te bhikkhū bhikkhūhi vuccamānā rodantiyeva – ‘‘yāguṃ detha, bhattaṃ detha, khādanīyaṃ dethā’’ti. Senāsanaṃ ūhadantipi ummihantipi.

    ассоси ко бхаг̇аваа рад̇д̇ияаа бажжуусасамаяам̣ бажжудтааяа д̣̇аарагасад̣̇д̣̇ам̣. суд̇ваана ааяасманд̇ам̣ аананд̣̇ам̣ ааманд̇зси – ‘‘гим̣ ну ко со, аананд̣̇а, д̣̇аарагасад̣̇д̣̇о’’д̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, бхигкуу ж̇аанам̣ уунавийсад̇ивассам̣ буг̇г̇алам̣ убасамбаад̣̇знд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа ж̇аанам̣ уунавийсад̇ивассам̣ буг̇г̇алам̣ убасамбаад̣̇зссанд̇и! уунагавийсад̇ивассо, бхигкавз, буг̇г̇ало агкамо ход̇и сийд̇асса ун̣хасса ж̇игхажчааяа бибаасааяа д̣ам̣самагасаваад̇аад̇абасарийсабасампассаанам̣ д̣̇уруд̇д̇аанам̣ д̣̇урааг̇ад̇аанам̣ важанабат̇аанам̣ уббаннаанам̣ саарийригаанам̣ взд̣̇анаанам̣ д̣̇угкаанам̣ д̇иб̣б̣аанам̣ караанам̣ гадугаанам̣ асаад̇аанам̣ аманаабаанам̣ баан̣ахараанам̣ анад̇хиваасагаж̇аад̇иго ход̇и. вийсад̇ивассова ко, бхигкавз, буг̇г̇ало камо ход̇и сийд̇асса ун̣хасса…бз… баан̣ахараанам̣ ад̇хиваасагаж̇аад̇иго ход̇и. нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Assosi kho bhagavā rattiyā paccūsasamayaṃ paccuṭṭhāya dārakasaddaṃ. Sutvāna āyasmantaṃ ānandaṃ āmantesi – ‘‘kiṃ nu kho so, ānanda, dārakasaddo’’ti? Atha kho āyasmā ānando bhagavato etamatthaṃ ārocesi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, bhikkhū jānaṃ ūnavīsativassaṃ puggalaṃ upasampādentī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā jānaṃ ūnavīsativassaṃ puggalaṃ upasampādessanti! Ūnakavīsativasso, bhikkhave, puggalo akkhamo hoti sītassa uṇhassa jighacchāya pipāsāya ḍaṃsamakasavātātapasarīsapasamphassānaṃ duruttānaṃ durāgatānaṃ vacanapathānaṃ uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ anadhivāsakajātiko hoti. Vīsativassova kho, bhikkhave, puggalo khamo hoti sītassa uṇhassa…pe… pāṇaharānaṃ adhivāsakajātiko hoti. Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    403. ‘‘яо бана бхигку ж̇аанам̣ уунавийсад̇ивассам̣ буг̇г̇алам̣ убасамбаад̣̇зяяа, со жа буг̇г̇ало анубасамбанно , д̇з жа бхигкуу г̇аараяхаа, ид̣̇ам̣ д̇асмим̣ баажид̇д̇ияа’’нд̇и.

    403.‘‘Yo pana bhikkhu jānaṃ ūnavīsativassaṃ puggalaṃ upasampādeyya, so ca puggalo anupasampanno, te ca bhikkhū gārayhā, idaṃ tasmiṃ pācittiya’’nti.

    404. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    404.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti, aññe vā tassa ārocenti, so vā āroceti.

    уунавийсад̇ивассо наама аббад̇д̇авийсад̇ивассо.

    Ūnavīsativasso nāma appattavīsativasso.

    ‘‘убасамбаад̣̇зссаамий’’д̇и г̇ан̣ам̣ ваа аажарияам̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и 7, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяасса аабад̇д̇и баажид̇д̇ияасса. г̇ан̣асса жа аажарияасса жа аабад̇д̇и д̣̇уггадасса.

    ‘‘Upasampādessāmī’’ti gaṇaṃ vā ācariyaṃ vā pattaṃ vā cīvaraṃ vā pariyesati, sīmaṃ vā sammannati 8, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyassa āpatti pācittiyassa. Gaṇassa ca ācariyassa ca āpatti dukkaṭassa.

    405. уунавийсад̇ивассз уунавийсад̇ивассасан̃н̃ий убасамбаад̣̇зд̇и, аабад̇д̇и баажид̇д̇ияасса. уунавийсад̇ивассз взмад̇иго убасамбаад̣̇зд̇и, аабад̇д̇и д̣̇уггадасса. уунавийсад̇ивассз барибун̣н̣авийсад̇ивассасан̃н̃ий убасамбаад̣̇зд̇и, анаабад̇д̇и. барибун̣н̣авийсад̇ивассз уунавийсад̇ивассасан̃н̃ий, аабад̇д̇и д̣̇уггадасса. барибун̣н̣авийсад̇ивассз взмад̇иго, аабад̇д̇и д̣̇уггадасса. барибун̣н̣авийсад̇ивассз барибун̣н̣авийсад̇ивассасан̃н̃ий, анаабад̇д̇и.

    405. Ūnavīsativasse ūnavīsativassasaññī upasampādeti, āpatti pācittiyassa. Ūnavīsativasse vematiko upasampādeti, āpatti dukkaṭassa. Ūnavīsativasse paripuṇṇavīsativassasaññī upasampādeti, anāpatti. Paripuṇṇavīsativasse ūnavīsativassasaññī, āpatti dukkaṭassa. Paripuṇṇavīsativasse vematiko, āpatti dukkaṭassa. Paripuṇṇavīsativasse paripuṇṇavīsativassasaññī, anāpatti.

    406. анаабад̇д̇и уунавийсад̇ивассам̣ барибун̣н̣авийсад̇ивассасан̃н̃ий убасамбаад̣̇зд̇и, барибун̣н̣авийсад̇ивассам̣ барибун̣н̣авийсад̇ивассасан̃н̃ий убасамбаад̣̇зд̇и, уммад̇д̇агасса, аад̣̇игаммигассаад̇и.

    406. Anāpatti ūnavīsativassaṃ paripuṇṇavīsativassasaññī upasampādeti, paripuṇṇavīsativassaṃ paripuṇṇavīsativassasaññī upasampādeti, ummattakassa, ādikammikassāti.

    уунавийсад̇ивассасигкаабад̣̇ам̣ нидтид̇ам̣ бан̃жамам̣.

    Ūnavīsativassasikkhāpadaṃ niṭṭhitaṃ pañcamaṃ.

    6. т̇зяяасад̇т̇асигкаабад̣̇ам̣

    6. Theyyasatthasikkhāpadaṃ

    407. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро сад̇т̇о рааж̇аг̇ахаа бадияаалогам̣ г̇анд̇угаамо ход̇и. ан̃н̃ад̇аро бхигку д̇з мануссз зд̇ад̣̇авожа – ‘‘ахамбааяасманд̇зхи сад̣̇д̇хим̣ г̇амиссаамий’’д̇и. ‘‘маяам̣ ко, бханд̇з, сун̇гам̣ барихариссаамаа’’д̇и. ‘‘баж̇аанаат̇аавусо’’д̇и. ассосум̣ ко гаммияаа 9 – ‘‘сад̇т̇о гира сун̇гам̣ барихариссад̇ий’’д̇и. д̇з маг̇г̇з барияудтим̣су. ат̇а ко д̇з гаммигаа д̇ам̣ сад̇т̇ам̣ г̇ахзд̇ваа ажчинд̣̇ид̇ваа д̇ам̣ бхигкум̣ зд̇ад̣̇авожум̣ – ‘‘гисса д̇вам̣, бханд̇з, ж̇аанам̣ т̇зяяасад̇т̇зна сад̣̇д̇хим̣ г̇ажчасий’’д̇и? балиб̣унд̇хзд̇ваа мун̃жим̣су. ат̇а ко со бхигку саавад̇т̇им̣ г̇анд̇ваа бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссад̇ий’’д̇и…бз… сажжам̣ гира д̇вам̣, бхигку, ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇асийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    407. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro sattho rājagahā paṭiyālokaṃ gantukāmo hoti. Aññataro bhikkhu te manusse etadavoca – ‘‘ahampāyasmantehi saddhiṃ gamissāmī’’ti. ‘‘Mayaṃ kho, bhante, suṅkaṃ pariharissāmā’’ti. ‘‘Pajānāthāvuso’’ti. Assosuṃ kho kammiyā 10 – ‘‘sattho kira suṅkaṃ pariharissatī’’ti. Te magge pariyuṭṭhiṃsu. Atha kho te kammikā taṃ satthaṃ gahetvā acchinditvā taṃ bhikkhuṃ etadavocuṃ – ‘‘kissa tvaṃ, bhante, jānaṃ theyyasatthena saddhiṃ gacchasī’’ti? Palibundhetvā muñciṃsu. Atha kho so bhikkhu sāvatthiṃ gantvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu jānaṃ theyyasatthena saddhiṃ saṃvidhāya ekaddhānamaggaṃ paṭipajjissatī’’ti…pe… saccaṃ kira tvaṃ, bhikkhu, jānaṃ theyyasatthena saddhiṃ saṃvidhāya ekaddhānamaggaṃ paṭipajjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, jānaṃ theyyasatthena saddhiṃ saṃvidhāya ekaddhānamaggaṃ paṭipajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    408. ‘‘яо бана бхигку ж̇аанам̣ т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа, анд̇амасо г̇ааманд̇арамби, баажид̇д̇ияа’’нд̇и.

    408.‘‘Yopana bhikkhu jānaṃ theyyasatthenasaddhiṃ saṃvidhāya ekaddhānamaggaṃ paṭipajjeyya, antamaso gāmantarampi, pācittiya’’nti.

    409. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    409.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti, aññe vā tassa ārocenti, so vā āroceti.

    т̇зяяасад̇т̇о наама жораа гад̇агаммаа ваа хонд̇и агад̇агаммаа ваа, рааж̇аанам̣ ваа т̇зяяам̣ г̇ажчанд̇и сун̇гам̣ ваа барихаранд̇и.

    Theyyasattho nāma corā katakammā vā honti akatakammā vā, rājānaṃ vā theyyaṃ gacchanti suṅkaṃ vā pariharanti.

    сад̣̇д̇хинд̇и згад̇о.

    Saddhinti ekato.

    сам̣вид̇хааяаад̇и – ‘‘г̇ажчаамаавусо, г̇ажчаама бханд̇з; г̇ажчаама бханд̇з, г̇ажчаамаавусо, аж̇ж̇а ваа хияяо ваа барз ваа г̇ажчаамаа’’д̇и сам̣вид̣̇ахад̇и, аабад̇д̇и д̣̇уггадасса.

    Saṃvidhāyāti – ‘‘gacchāmāvuso, gacchāma bhante; gacchāma bhante, gacchāmāvuso, ajja vā hiyyo vā pare vā gacchāmā’’ti saṃvidahati, āpatti dukkaṭassa.

    анд̇амасо г̇ааманд̇арамбийд̇и гуггудасамбаад̇з г̇аамз г̇ааманд̇арз г̇ааманд̇арз аабад̇д̇и баажид̇д̇ияасса. аг̇аамагз аран̃н̃з ад̣̇д̇хаяож̇анз ад̣̇д̇хаяож̇анз аабад̇д̇и баажид̇д̇ияасса.

    Antamaso gāmantarampīti kukkuṭasampāte gāme gāmantare gāmantare āpatti pācittiyassa. Agāmake araññe addhayojane addhayojane āpatti pācittiyassa.

    410. т̇зяяасад̇т̇з т̇зяяасад̇т̇асан̃н̃ий сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и баажид̇д̇ияасса. т̇зяяасад̇т̇з взмад̇иго сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и д̣̇уггадасса. т̇зяяасад̇т̇з ат̇зяяасад̇т̇асан̃н̃ий сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, анаабад̇д̇и. бхигку сам̣вид̣̇ахад̇и, мануссаа на сам̣вид̣̇аханд̇и, аабад̇д̇и д̣̇уггадасса. ат̇зяяасад̇т̇з т̇зяяасад̇т̇асан̃н̃ий, аабад̇д̇и д̣̇уггадасса. ат̇зяяасад̇т̇з взмад̇иго, аабад̇д̇и д̣̇уггадасса. ат̇зяяасад̇т̇з ат̇зяяасад̇т̇асан̃н̃ий анаабад̇д̇и.

    410. Theyyasatthe theyyasatthasaññī saṃvidhāya ekaddhānamaggaṃ paṭipajjati, antamaso gāmantarampi, āpatti pācittiyassa. Theyyasatthe vematiko saṃvidhāya ekaddhānamaggaṃ paṭipajjati, antamaso gāmantarampi, āpatti dukkaṭassa. Theyyasatthe atheyyasatthasaññī saṃvidhāya ekaddhānamaggaṃ paṭipajjati, antamaso gāmantarampi, anāpatti. Bhikkhu saṃvidahati, manussā na saṃvidahanti, āpatti dukkaṭassa. Atheyyasatthe theyyasatthasaññī, āpatti dukkaṭassa. Atheyyasatthe vematiko, āpatti dukkaṭassa. Atheyyasatthe atheyyasatthasaññī anāpatti.

    411. анаабад̇д̇и асам̣вид̣̇ахид̇ваа г̇ажчад̇и, мануссаа сам̣вид̣̇аханд̇и бхигку на сам̣вид̣̇ахад̇и, висан̇гзд̇зна г̇ажчад̇и, аабад̣̇аасу, уммад̇д̇агасса, аад̣̇игаммигассаад̇и.

    411. Anāpatti asaṃvidahitvā gacchati, manussā saṃvidahanti bhikkhu na saṃvidahati, visaṅketena gacchati, āpadāsu, ummattakassa, ādikammikassāti.

    т̇зяяасад̇т̇асигкаабад̣̇ам̣ нидтид̇ам̣ чадтам̣.

    Theyyasatthasikkhāpadaṃ niṭṭhitaṃ chaṭṭhaṃ.

    7. сам̣вид̇хаанасигкаабад̣̇ам̣

    7. Saṃvidhānasikkhāpadaṃ

    412. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро бхигку госалзсу ж̇анабад̣̇з саавад̇т̇им̣ г̇ажчанд̇о ан̃н̃ад̇арзна г̇аамад̣̇ваарзна ад̇иггамад̇и. ан̃н̃ад̇араа ид̇т̇ий саамигзна саха бхан̣д̣ид̇ваа г̇аамад̇о нигкамид̇ваа д̇ам̣ бхигкум̣ бассид̇ваа зд̇ад̣̇авожа – ‘‘гахам̣, бханд̇з, аяяо г̇амиссад̇ий’’д̇и? ‘‘саавад̇т̇им̣ ко ахам̣, бхаг̇ини, г̇амиссаамий’’д̇и. ‘‘ахам̣ аяязна сад̣̇д̇хим̣ г̇амиссаамий’’д̇и. ‘‘зяяааси, бхаг̇иний’’д̇и. ат̇а ко д̇ассаа ид̇т̇ияаа саамиго г̇аамад̇о нигкамид̇ваа мануссз бужчи – ‘‘абааяяо 11 зваруубим̣ ид̇т̇им̣ бассзяяаат̇аа’’д̇и? ‘‘зсааяяо, баб̣б̣аж̇ид̇зна саха г̇ажчад̇ий’’д̇и. ат̇а ко со бурисо ануб̣анд̇хид̇ваа д̇ам̣ бхигкум̣ г̇ахзд̇ваа аагодзд̇ваа мун̃жи. ат̇а ко со бхигку ан̃н̃ад̇арасмим̣ ругкамуулз бад̇хуубзнд̇о нисийд̣̇и. ат̇а ко саа ид̇т̇ий д̇ам̣ бурисам̣ зд̇ад̣̇авожа – ‘‘нааяяо со бхигку мам̣ ниббаад̇зси; абижа, ахамзва д̇зна бхигкунаа сад̣̇д̇хим̣ г̇ажчаами; агаараго со бхигку; г̇ажча, нам̣ камаабзхий’’д̇и. ат̇а ко со бурисо д̇ам̣ бхигкум̣ камаабзси. ат̇а ко со бхигку саавад̇т̇им̣ г̇анд̇ваа бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку маад̇уг̇аамзна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссад̇ий’’д̇и…бз… сажжам̣ гира д̇вам̣, бхигку, маад̇уг̇аамзна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇асийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, маад̇уг̇аамзна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣, уд̣̇д̣̇исзяяаат̇а –

    412. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro bhikkhu kosalesu janapade sāvatthiṃ gacchanto aññatarena gāmadvārena atikkamati. Aññatarā itthī sāmikena saha bhaṇḍitvā gāmato nikkhamitvā taṃ bhikkhuṃ passitvā etadavoca – ‘‘kahaṃ, bhante, ayyo gamissatī’’ti? ‘‘Sāvatthiṃ kho ahaṃ, bhagini, gamissāmī’’ti. ‘‘Ahaṃ ayyena saddhiṃ gamissāmī’’ti. ‘‘Eyyāsi, bhaginī’’ti. Atha kho tassā itthiyā sāmiko gāmato nikkhamitvā manusse pucchi – ‘‘apāyyo 12 evarūpiṃ itthiṃ passeyyāthā’’ti? ‘‘Esāyyo, pabbajitena saha gacchatī’’ti. Atha kho so puriso anubandhitvā taṃ bhikkhuṃ gahetvā ākoṭetvā muñci. Atha kho so bhikkhu aññatarasmiṃ rukkhamūle padhūpento nisīdi. Atha kho sā itthī taṃ purisaṃ etadavoca – ‘‘nāyyo so bhikkhu maṃ nippātesi; apica, ahameva tena bhikkhunā saddhiṃ gacchāmi; akārako so bhikkhu; gaccha, naṃ khamāpehī’’ti. Atha kho so puriso taṃ bhikkhuṃ khamāpesi. Atha kho so bhikkhu sāvatthiṃ gantvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu mātugāmena saddhiṃ saṃvidhāya ekaddhānamaggaṃ paṭipajjissatī’’ti…pe… saccaṃ kira tvaṃ, bhikkhu, mātugāmena saddhiṃ saṃvidhāya ekaddhānamaggaṃ paṭipajjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, mātugāmena saddhiṃ saṃvidhāya ekaddhānamaggaṃ paṭipajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ, uddiseyyātha –

    413. ‘‘яо бана бхигку маад̇уг̇аамзна сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇зяяа, анд̇амасо г̇ааманд̇арамби, баажид̇д̇ияа’’нд̇и.

    413.‘‘Yo pana bhikkhu mātugāmena saddhiṃ saṃvidhāya ekaddhānamaggaṃ paṭipajjeyya, antamaso gāmantarampi, pācittiya’’nti.

    414. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    414.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    маад̇уг̇аамо наама мануссид̇т̇ий, на яагкий на бзд̇ий на д̇иражчаанаг̇ад̇аа вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇ум̣.

    Mātugāmo nāma manussitthī, na yakkhī na petī na tiracchānagatā viññū paṭibalā subhāsitadubbhāsitaṃ duṭṭhullāduṭṭhullaṃ ājānituṃ.

    сад̣̇д̇хинд̇и згад̇о.

    Saddhinti ekato.

    сам̣вид̇хааяаад̇и – ‘‘г̇ажчаама бхаг̇ини, г̇ажчаамааяяа, г̇ажчаамааяяа, г̇ажчаама бхаг̇ини, аж̇ж̇а ваа хияяо ваа барз ваа г̇ажчаамаа’’д̇и сам̣вид̣̇ахад̇и, аабад̇д̇и д̣̇уггадасса.

    Saṃvidhāyāti – ‘‘gacchāma bhagini, gacchāmāyya, gacchāmāyya, gacchāma bhagini, ajja vā hiyyo vā pare vā gacchāmā’’ti saṃvidahati, āpatti dukkaṭassa.

    анд̇амасо г̇ааманд̇арамбийд̇и гуггудасамбаад̇з г̇аамз г̇ааманд̇арз г̇ааманд̇арз аабад̇д̇и баажид̇д̇ияасса. аг̇аамагз аран̃н̃з ад̣̇д̇хаяож̇анз ад̣̇д̇хаяож̇анз аабад̇д̇и баажид̇д̇ияасса.

    Antamaso gāmantarampīti kukkuṭasampāte gāme gāmantare gāmantare āpatti pācittiyassa. Agāmake araññe addhayojane addhayojane āpatti pācittiyassa.

    415. маад̇уг̇аамз маад̇уг̇аамасан̃н̃ий сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и баажид̇д̇ияасса. маад̇уг̇аамз взмад̇иго сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и баажид̇д̇ияасса. маад̇уг̇аамз амаад̇уг̇аамасан̃н̃ий сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и баажид̇д̇ияасса.

    415. Mātugāme mātugāmasaññī saṃvidhāya ekaddhānamaggaṃ paṭipajjati, antamaso gāmantarampi, āpatti pācittiyassa. Mātugāme vematiko saṃvidhāya ekaddhānamaggaṃ paṭipajjati, antamaso gāmantarampi, āpatti pācittiyassa. Mātugāme amātugāmasaññī saṃvidhāya ekaddhānamaggaṃ paṭipajjati, antamaso gāmantarampi, āpatti pācittiyassa.

    бхигку сам̣вид̣̇ахад̇и маад̇уг̇аамо на сам̣вид̣̇ахад̇и, аабад̇д̇и д̣̇уггадасса. яагкияаа ваа бзд̇ияаа бан̣д̣агзна ваа д̇иражчаанаг̇ад̇амануссавиг̇г̇ахид̇т̇ияаа ваа сад̣̇д̇хим̣ сам̣вид̇хааяа згад̣̇д̇хаанамаг̇г̇ам̣ бадибаж̇ж̇ад̇и, анд̇амасо г̇ааманд̇арамби, аабад̇д̇и д̣̇уггадасса. амаад̇уг̇аамз маад̇уг̇аамасан̃н̃ий, аабад̇д̇и д̣̇уггадасса. амаад̇уг̇аамз взмад̇иго, аабад̇д̇и д̣̇уггадасса. амаад̇уг̇аамз амаад̇уг̇аамасан̃н̃ий, анаабад̇д̇и.

    Bhikkhu saṃvidahati mātugāmo na saṃvidahati, āpatti dukkaṭassa. Yakkhiyā vā petiyā paṇḍakena vā tiracchānagatamanussaviggahitthiyā vā saddhiṃ saṃvidhāya ekaddhānamaggaṃ paṭipajjati, antamaso gāmantarampi, āpatti dukkaṭassa. Amātugāme mātugāmasaññī, āpatti dukkaṭassa. Amātugāme vematiko, āpatti dukkaṭassa. Amātugāme amātugāmasaññī, anāpatti.

    416. анаабад̇д̇и асам̣вид̣̇ахид̇ваа г̇ажчад̇и, маад̇уг̇аамо сам̣вид̣̇ахад̇и бхигку на сам̣вид̣̇ахад̇и, висан̇гзд̇зна г̇ажчад̇и, аабад̣̇аасу, уммад̇д̇агасса, аад̣̇игаммигассаад̇и.

    416. Anāpatti asaṃvidahitvā gacchati, mātugāmo saṃvidahati bhikkhu na saṃvidahati, visaṅketena gacchati, āpadāsu, ummattakassa, ādikammikassāti.

    сам̣вид̇хаанасигкаабад̣̇ам̣ нидтид̇ам̣ сад̇д̇амам̣.

    Saṃvidhānasikkhāpadaṃ niṭṭhitaṃ sattamaṃ.

    8. аридтасигкаабад̣̇ам̣

    8. Ariṭṭhasikkhāpadaṃ

    417. 13 д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна аридтасса наама бхигкуно г̇ад̣̇д̇хаб̣аад̇хибуб̣б̣асса 14 зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и. ассосум̣ ко самб̣ахулаа бхигкуу – ‘‘аридтасса гира наама бхигкуно г̇ад̣̇д̇хаб̣аад̇хибуб̣б̣асса зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’’д̇и. ат̇а ко д̇з бхигкуу язна аридто бхигку г̇ад̣̇д̇хаб̣аад̇хибуб̣б̣о д̇знубасан̇гамим̣су; убасан̇гамид̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇ад̣̇авожум̣ – ‘‘сажжам̣ гира д̇з, аавусо аридта, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и? ‘‘звам̣б̣яаако ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и.

    417.15 Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena ariṭṭhassa nāma bhikkhuno gaddhabādhipubbassa 16 evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti. Assosuṃ kho sambahulā bhikkhū – ‘‘ariṭṭhassa kira nāma bhikkhuno gaddhabādhipubbassa evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’’ti. Atha kho te bhikkhū yena ariṭṭho bhikkhu gaddhabādhipubbo tenupasaṅkamiṃsu; upasaṅkamitvā ariṭṭhaṃ bhikkhuṃ gaddhabādhipubbaṃ etadavocuṃ – ‘‘saccaṃ kira te, āvuso ariṭṭha, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’ti? ‘‘Evaṃbyākho ahaṃ, āvuso, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti.

    ‘‘маа, аавусо аридта, звам̣ аважа. маа бхаг̇аванд̇ам̣ аб̣бхаажигки. на хи саад̇ху бхаг̇авад̇о аб̣бхагкаанам̣ 17. на хи бхаг̇аваа звам̣ вад̣̇зяяа . анзгабарияааязнаавусо аридта, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. мам̣сабзсуубамаа гаамаа вуд̇д̇аа бхаг̇авад̇аа…бз… д̇ин̣уггуубамаа гаамаа вуд̇д̇аа бхаг̇авад̇аа… ан̇г̇аарагаасуубамаа гаамаа вуд̇д̇аа бхаг̇авад̇аа… субинагуубамаа гаамаа вуд̇д̇аа бхаг̇авад̇аа… яаажид̇агуубамаа гаамаа вуд̇д̇аа бхаг̇авад̇аа… ругкапалуубамаа гаамаа вуд̇д̇аа бхаг̇авад̇аа… асисуунуубамаа гаамаа вуд̇д̇аа бхаг̇авад̇аа… сад̇д̇исуулуубамаа гаамаа вуд̇д̇аа бхаг̇авад̇аа… саббасируубамаа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо’’д̇и.

    ‘‘Mā, āvuso ariṭṭha, evaṃ avaca. Mā bhagavantaṃ abbhācikkhi. Na hi sādhu bhagavato abbhakkhānaṃ 18. Na hi bhagavā evaṃ vadeyya . Anekapariyāyenāvuso ariṭṭha, antarāyikā dhammā antarāyikā vuttā bhagavatā. Alañca pana te paṭisevato antarāyāya. Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo. Maṃsapesūpamā kāmā vuttā bhagavatā…pe… tiṇukkūpamā kāmā vuttā bhagavatā… aṅgārakāsūpamā kāmā vuttā bhagavatā… supinakūpamā kāmā vuttā bhagavatā… yācitakūpamā kāmā vuttā bhagavatā… rukkhaphalūpamā kāmā vuttā bhagavatā… asisūnūpamā kāmā vuttā bhagavatā… sattisūlūpamā kāmā vuttā bhagavatā… sappasirūpamā kāmā vuttā bhagavatā bahudukkhā bahupāyāsā, ādīnavo ettha bhiyyo’’ti.

    звамби ко аридто бхигку г̇ад̣̇д̇хаб̣аад̇хибуб̣б̣о д̇зхи бхигкуухи вужжамаано д̇ат̇зва д̇ам̣ баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘‘звам̣б̣яаако ахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами, – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’’д̇и. яад̇о жа ко д̇з бхигкуу наасагким̣су аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа аридтам̣ бхигкум̣ г̇ад̣̇д̇хаб̣аад̇хибуб̣б̣ам̣ бадибужчи – ‘‘сажжам̣ гира д̇з, аридта, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и ? ‘‘звам̣б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и.

    Evampi kho ariṭṭho bhikkhu gaddhabādhipubbo tehi bhikkhūhi vuccamāno tatheva taṃ pāpakaṃ diṭṭhigataṃ thāmasā parāmāsā abhinivissa voharati – ‘‘evaṃbyākho ahaṃ, āvuso, bhagavatā dhammaṃ desitaṃ ājānāmi, – ‘yathā yeme antarāyikā dhammā vuttā bhagavatā, te paṭisevato nālaṃ antarāyāyā’’’ti. Yato ca kho te bhikkhū nāsakkhiṃsu ariṭṭhaṃ bhikkhuṃ gaddhabādhipubbaṃ etasmā pāpakā diṭṭhigatā vivecetuṃ, atha kho te bhikkhū yena bhagavā tenupasaṅkamiṃsu; upasaṅkamitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā ariṭṭhaṃ bhikkhuṃ gaddhabādhipubbaṃ paṭipucchi – ‘‘saccaṃ kira te, ariṭṭha, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti ? ‘‘Evaṃbyākho ahaṃ, bhante, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti.

    гасса ну ко наама д̇вам̣, могхабуриса, маяаа звам̣ д̇хаммам̣ д̣̇зсид̇ам̣ ааж̇аанааси? нану маяаа, могхабуриса, анзгабарияааязна анд̇арааяигаа д̇хаммаа анд̇арааяигаа вуд̇д̇аа. алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа маяаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа маяаа…бз… мам̣сабзсуубамаа гаамаа вуд̇д̇аа маяаа… д̇ин̣уггуубамаа гаамаа вуд̇д̇аа маяаа… ан̇г̇аарагаасуубамаа гаамаа вуд̇д̇аа маяаа… субинагуубамаа гаамаа вуд̇д̇аа маяаа… яаажид̇агуубамаа гаамаа вуд̇д̇аа маяаа… ругкапалуубамаа гаамаа вуд̇д̇аа маяаа… асисуунуубамаа гаамаа вуд̇д̇аа маяаа… сад̇д̇исуулуубамаа гаамаа вуд̇д̇аа маяаа… саббасируубамаа гаамаа вуд̇д̇аа маяаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. ат̇а жа бана д̇вам̣, могхабуриса, ад̇д̇анаа д̣̇уг̇г̇ахид̇зна амхз жзва аб̣бхаажигкаси, ад̇д̇аанан̃жа кан̣аси, б̣ахун̃жа абун̃н̃ам̣ басаваси. д̇ан̃хи д̇з, могхабуриса, бхависсад̇и д̣̇ийгхарад̇д̇ам̣ ахид̇ааяа д̣̇угкааяа. нзд̇ам̣, могхабуриса, аббасаннаанам̣ ваа басаад̣̇ааяа…бз…. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Kassa nu kho nāma tvaṃ, moghapurisa, mayā evaṃ dhammaṃ desitaṃ ājānāsi? Nanu mayā, moghapurisa, anekapariyāyena antarāyikā dhammā antarāyikā vuttā. Alañca pana te paṭisevato antarāyāya. Appassādā kāmā vuttā mayā bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā mayā…pe… maṃsapesūpamā kāmā vuttā mayā… tiṇukkūpamā kāmā vuttā mayā… aṅgārakāsūpamā kāmā vuttā mayā… supinakūpamā kāmā vuttā mayā… yācitakūpamā kāmā vuttā mayā… rukkhaphalūpamā kāmā vuttā mayā… asisūnūpamā kāmā vuttā mayā… sattisūlūpamā kāmā vuttā mayā… sappasirūpamā kāmā vuttā mayā bahudukkhā bahupāyāsā, ādīnavo ettha bhiyyo. Atha ca pana tvaṃ, moghapurisa, attanā duggahitena amhe ceva abbhācikkhasi, attānañca khaṇasi, bahuñca apuññaṃ pasavasi. Tañhi te, moghapurisa, bhavissati dīgharattaṃ ahitāya dukkhāya. Netaṃ, moghapurisa, appasannānaṃ vā pasādāya…pe…. Evañca pana, bhikkhave, imaṃ sikkhāpadaṃ uddiseyyātha –

    418. ‘‘яо бана бхигку звам̣ вад̣̇зяяа – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’д̇и со бхигку бхигкуухи звамасса важанийяо – ‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа, анзгабарияааязнаавусо, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа, алан̃жа бана д̇з бадисзвад̇о анд̇арааяааяаа’д̇и. зван̃жа 19 со бхигку бхигкуухи вужжамаано д̇ат̇зва баг̇г̇ан̣хзяяа, со бхигку бхигкуухи яаавад̇ад̇ияам̣ саманубхаасид̇аб̣б̣о д̇асса бадиниссаг̇г̇ааяа. яаавад̇ад̇ияан̃жз саманубхаасияамаано д̇ам̣ бадиниссаж̇ж̇зяяа, ижжзд̇ам̣ гусалам̣, но жз бадиниссаж̇ж̇зяяа, баажид̇д̇ияа’’нд̇и.

    418.‘‘Yo pana bhikkhu evaṃ vadeyya – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’ti so bhikkhu bhikkhūhi evamassa vacanīyo – ‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya, anekapariyāyenāvuso, antarāyikā dhammā antarāyikā vuttā bhagavatā, alañca pana te paṭisevato antarāyāyā’ti. Evañca 20 so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṃ samanubhāsitabbo tassa paṭinissaggāya. Yāvatatiyañce samanubhāsiyamāno taṃ paṭinissajjeyya, iccetaṃ kusalaṃ, no ce paṭinissajjeyya, pācittiya’’nti.

    419. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    419.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    звам̣ вад̣̇зяяаад̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и.

    Evaṃ vadeyyāti – ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti.

    со бхигкууд̇и яо со звам̣ваад̣̇ий бхигку.

    Sobhikkhūti yo so evaṃvādī bhikkhu.

    бхигкуухийд̇и ан̃н̃зхи бхигкуухи. яз бассанд̇и яз сун̣анд̇и д̇зхи вад̇д̇аб̣б̣о – ‘‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа, анзгабарияааязнаавусо анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяаа’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и , ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. со бхигку сан̇гхамаж̇жхамби аагад̣дхид̇ваа вад̇д̇аб̣б̣о – ‘‘мааяасмаа звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа, анзгабарияааязнаавусо анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяаа’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и, ижжзд̇ам̣ гусалам̣. но жз бадиниссаж̇ж̇ад̇и, аабад̇д̇и д̣̇уггадасса. со бхигку саманубхаасид̇аб̣б̣о. зван̃жа бана, бхигкавз, саманубхаасид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –

    Bhikkhūhīti aññehi bhikkhūhi. Ye passanti ye suṇanti tehi vattabbo – ‘‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya, anekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā’’ti. Dutiyampi vattabbo. Tatiyampi vattabbo. Sace paṭinissajjati , iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti, āpatti dukkaṭassa. So bhikkhu saṅghamajjhampi ākaḍḍhitvā vattabbo – ‘‘māyasmā evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya, anekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā’’ti. Dutiyampi vattabbo. Tatiyampi vattabbo. Sace paṭinissajjati, iccetaṃ kusalaṃ. No ce paṭinissajjati, āpatti dukkaṭassa. So bhikkhu samanubhāsitabbo. Evañca pana, bhikkhave, samanubhāsitabbo. Byattena bhikkhunā paṭibalena saṅgho ñāpetabbo –

    420. ‘‘сун̣аад̇у мз, бханд̇з, сан̇гхо. ид̇т̇аннаамасса бхигкуно зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’д̇и. со д̇ам̣ д̣̇идтим̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ саманубхаасзяяа – д̇ассаа д̣̇идтияаа бадиниссаг̇г̇ааяа. зсаа н̃ад̇д̇и.

    420. ‘‘Suṇātu me, bhante, saṅgho. Itthannāmassa bhikkhuno evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’ti. So taṃ diṭṭhiṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuṃ samanubhāseyya – tassā diṭṭhiyā paṭinissaggāya. Esā ñatti.

    ‘‘сун̣аад̇у мз, бханд̇з, сан̇гхо. ид̇т̇аннаамасса бхигкуно зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’д̇и. со д̇ам̣ д̣̇идтим̣ на бадиниссаж̇ж̇ад̇и. сан̇гхо ид̇т̇аннаамам̣ бхигкум̣ саманубхаасад̇и д̇ассаа д̣̇идтияаа бадиниссаг̇г̇ааяа. яассааяасмад̇о камад̇и ид̇т̇аннаамасса бхигкуно саманубхаасанаа, д̇ассаа д̣̇идтияаа бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.

    ‘‘Suṇātu me, bhante, saṅgho. Itthannāmassa bhikkhuno evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’ti. So taṃ diṭṭhiṃ na paṭinissajjati. Saṅgho itthannāmaṃ bhikkhuṃ samanubhāsati tassā diṭṭhiyā paṭinissaggāya. Yassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa; yassa nakkhamati, so bhāseyya.

    ‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – ‘‘сун̣аад̇у мз, бханд̇з, сан̇гхо. ид̇т̇аннаамасса бхигкуно зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и . со д̇ам̣ д̣̇идтим̣ на бадиниссаж̇ж̇ад̇и. сан̇гхо ид̇т̇аннаамам̣ бхигкум̣ саманубхаасад̇и д̇ассаа д̣̇идтияаа бадиниссаг̇г̇ааяа. яассааяасмад̇о камад̇и ид̇т̇аннаамасса бхигкуно саманубхаасанаа, д̇ассаа д̣̇идтияаа бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.

    ‘‘Dutiyampi etamatthaṃ vadāmi…pe… tatiyampi etamatthaṃ vadāmi – ‘‘suṇātu me, bhante, saṅgho. Itthannāmassa bhikkhuno evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā yeme antarāyikā dhammā vuttā bhagavatā te paṭisevato nālaṃ antarāyāyā’ti . So taṃ diṭṭhiṃ na paṭinissajjati. Saṅgho itthannāmaṃ bhikkhuṃ samanubhāsati tassā diṭṭhiyā paṭinissaggāya. Yassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa; yassa nakkhamati, so bhāseyya.

    ‘‘саманубхадто сан̇гхзна ид̇т̇аннаамо бхигку, д̇ассаа д̣̇идтияаа бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.

    ‘‘Samanubhaṭṭho saṅghena itthannāmo bhikkhu, tassā diṭṭhiyā paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.

    н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз аабад̇д̇и баажид̇д̇ияасса.

    Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne āpatti pācittiyassa.

    421. д̇хаммагаммз д̇хаммагаммасан̃н̃ий на бадиниссаж̇ж̇ад̇и, аабад̇д̇и баажид̇д̇ияасса. д̇хаммагаммз взмад̇иго на бадиниссаж̇ж̇ад̇и, аабад̇д̇и баажид̇д̇ияасса д̇хаммагаммз ад̇хаммагаммасан̃н̃ий на бадиниссаж̇ж̇ад̇и, аабад̇д̇и баажид̇д̇ияасса.

    421. Dhammakamme dhammakammasaññī na paṭinissajjati, āpatti pācittiyassa. Dhammakamme vematiko na paṭinissajjati, āpatti pācittiyassa dhammakamme adhammakammasaññī na paṭinissajjati, āpatti pācittiyassa.

    ад̇хаммагаммз д̇хаммагаммасан̃н̃ий, аабад̇д̇и д̣̇уггадасса. ад̇хаммагаммз взмад̇иго, аабад̇д̇и д̣̇уггадасса. ад̇хаммагаммз ад̇хаммагаммасан̃н̃ий, аабад̇д̇и д̣̇уггадасса.

    Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī, āpatti dukkaṭassa.

    422. анаабад̇д̇и асаманубхаасанд̇асса, бадиниссаж̇ж̇анд̇асса, уммад̇д̇агассаад̇и.

    422. Anāpatti asamanubhāsantassa, paṭinissajjantassa, ummattakassāti.

    аридтасигкаабад̣̇ам̣ нидтид̇ам̣ адтамам̣.

    Ariṭṭhasikkhāpadaṃ niṭṭhitaṃ aṭṭhamaṃ.

    9. угкид̇д̇асамбхог̇асигкаабад̣̇ам̣

    9. Ukkhittasambhogasikkhāpadaṃ

    423. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу ж̇аанам̣ д̇ат̇ааваад̣̇инаа аридтзна бхигкунаа 21 агадаануд̇хаммзна д̇ам̣ д̣̇идтим̣ аббадиниссадтзна сад̣̇д̇хим̣ самбхун̃ж̇анд̇иби сам̣васанд̇иби сахааби сзяяам̣ габбзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – гат̇ан̃хи наама чаб̣б̣аг̇г̇ияаа бхигкуу ж̇аанам̣ д̇ат̇ааваад̣̇инаа аридтзна бхигкунаа 22 агадаануд̇хаммзна д̇ам̣ д̣̇идтим̣ аббадиниссадтзна сад̣̇д̇хим̣ самбхун̃ж̇иссанд̇иби сам̣васиссанд̇иби сахааби сзяяам̣ габбзссанд̇ийд̇и…бз… сажжам̣ гира д̇умхз, бхигкавз, ж̇аанам̣ д̇ат̇ааваад̣̇инаа аридтзна бхигкунаа 23 агадаануд̇хаммзна д̇ам̣ д̣̇идтим̣ аббадиниссадтзна сад̣̇д̇хим̣ самбхун̃ж̇ат̇ааби сам̣васат̇ааби сахааби сзяяам̣ габбзт̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ж̇аанам̣ д̇ат̇ааваад̣̇инаа аридтзна бхигкунаа 24 агадаануд̇хаммзна д̇ам̣ д̣̇идтим̣ аббадиниссадтзна сад̣̇д̇хим̣ самбхун̃ж̇иссат̇ааби сам̣васиссат̇ааби сахааби сзяяам̣ габбзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    423. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū jānaṃ tathāvādinā ariṭṭhena bhikkhunā 25 akaṭānudhammena taṃ diṭṭhiṃ appaṭinissaṭṭhena saddhiṃ sambhuñjantipi saṃvasantipi sahāpi seyyaṃ kappenti. Ye te bhikkhū appicchā…pe… te ujjhāyanti khiyyanti vipācenti – kathañhi nāma chabbaggiyā bhikkhū jānaṃ tathāvādinā ariṭṭhena bhikkhunā 26 akaṭānudhammena taṃ diṭṭhiṃ appaṭinissaṭṭhena saddhiṃ sambhuñjissantipi saṃvasissantipi sahāpi seyyaṃ kappessantīti…pe… saccaṃ kira tumhe, bhikkhave, jānaṃ tathāvādinā ariṭṭhena bhikkhunā 27 akaṭānudhammena taṃ diṭṭhiṃ appaṭinissaṭṭhena saddhiṃ sambhuñjathāpi saṃvasathāpi sahāpi seyyaṃ kappethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ tathāvādinā ariṭṭhena bhikkhunā 28 akaṭānudhammena taṃ diṭṭhiṃ appaṭinissaṭṭhena saddhiṃ sambhuñjissathāpi saṃvasissathāpi sahāpi seyyaṃ kappessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    424. ‘‘яо бана бхигку ж̇аанам̣ д̇ат̇ааваад̣̇инаа бхигкунаа агадаануд̇хаммзна д̇ам̣ д̣̇идтим̣ аббадиниссадтзна сад̣̇д̇хим̣ самбхун̃ж̇зяяа ваа сам̣васзяяа ваа саха ваа сзяяам̣ габбзяяа, баажид̇д̇ияа’’нд̇и.

    424.‘‘Yopana bhikkhu jānaṃ tathāvādinā bhikkhunā akaṭānudhammena taṃ diṭṭhiṃ appaṭinissaṭṭhena saddhiṃ sambhuñjeyya vā saṃvaseyya vā saha vā seyyaṃkappeyya, pācittiya’’nti.

    425. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    425.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti, aññe vā tassa ārocenti, so vā āroceti.

    д̇ат̇ааваад̣̇инаад̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и звам̣ ваад̣̇инаа.

    Tathāvādināti – ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’ti evaṃ vādinā.

    агадаануд̇хаммо наама угкид̇д̇о аносаарид̇о.

    Akaṭānudhammo nāma ukkhitto anosārito.

    д̇ам̣ д̣̇идтим̣ аббадиниссадтзна сад̣̇д̇хинд̇и зд̇ам̣ д̣̇идтим̣ аббадиниссадтзна сад̣̇д̇хим̣.

    Taṃ diṭṭhiṃ appaṭinissaṭṭhena saddhinti etaṃ diṭṭhiṃ appaṭinissaṭṭhena saddhiṃ.

    самбхун̃ж̇зяяа ваад̇и самбхог̇о наама д̣̇вз самбхог̇аа – аамисасамбхог̇о жа д̇хаммасамбхог̇о жа. аамисасамбхог̇о наама аамисам̣ д̣̇зд̇и ваа бадиг̇г̇ан̣хаад̇и ваа, аабад̇д̇и баажид̇д̇ияасса. д̇хаммасамбхог̇о наама уд̣̇д̣̇исад̇и ваа уд̣̇д̣̇исаабзд̇и ваа, бад̣̇зна уд̣̇д̣̇исад̇и ваа уд̣̇д̣̇исаабзд̇и ваа, бад̣̇з бад̣̇з аабад̇д̇и баажид̇д̇ияасса. агкарааяа уд̣̇д̣̇исад̇и ваа уд̣̇д̣̇исаабзд̇и ваа, агкарагкарааяа аабад̇д̇и баажид̇д̇ияасса.

    Sambhuñjeyya vāti sambhogo nāma dve sambhogā – āmisasambhogo ca dhammasambhogo ca. Āmisasambhogo nāma āmisaṃ deti vā paṭiggaṇhāti vā, āpatti pācittiyassa. Dhammasambhogo nāma uddisati vā uddisāpeti vā, padena uddisati vā uddisāpeti vā, pade pade āpatti pācittiyassa. Akkharāya uddisati vā uddisāpeti vā, akkharakkharāya āpatti pācittiyassa.

    сам̣васзяяа ваад̇и угкид̇д̇агзна сад̣̇д̇хим̣ убосат̇ам̣ ваа бавааран̣ам̣ ваа сан̇гхагаммам̣ ваа гарод̇и, аабад̇д̇и баажид̇д̇ияасса.

    Saṃvaseyyavāti ukkhittakena saddhiṃ uposathaṃ vā pavāraṇaṃ vā saṅghakammaṃ vā karoti, āpatti pācittiyassa.

    саха ваа сзяяам̣ габбзяяаад̇и згажчаннз угкид̇д̇агз нибаннз бхигку нибаж̇ж̇ад̇и, аабад̇д̇и баажид̇д̇ияасса. бхигку нибаннз угкид̇д̇аго нибаж̇ж̇ад̇и, аабад̇д̇и баажид̇д̇ияасса. убхо ваа нибаж̇ж̇анд̇и, аабад̇д̇и баажид̇д̇ияасса. удтахид̇ваа бунаббунам̣ нибаж̇ж̇анд̇и, аабад̇д̇и баажид̇д̇ияасса.

    Sahavā seyyaṃ kappeyyāti ekacchanne ukkhittake nipanne bhikkhu nipajjati, āpatti pācittiyassa. Bhikkhu nipanne ukkhittako nipajjati, āpatti pācittiyassa. Ubho vā nipajjanti, āpatti pācittiyassa. Uṭṭhahitvā punappunaṃ nipajjanti, āpatti pācittiyassa.

    426. угкид̇д̇агз угкид̇д̇агасан̃н̃ий самбхун̃ж̇ад̇и ваа сам̣васад̇и ваа саха ваа сзяяам̣ габбзд̇и, аабад̇д̇и баажид̇д̇ияасса. угкид̇д̇агз взмад̇иго самбхун̃ж̇ад̇и ваа сам̣васад̇и ваа саха ваа сзяяам̣ габбзд̇и, аабад̇д̇и д̣̇уггадасса. угкид̇д̇агз анугкид̇д̇агасан̃н̃ий самбхун̃ж̇ад̇и ваа сам̣васад̇и ваа саха ваа сзяяам̣ габбзд̇и, анаабад̇д̇и . анугкид̇д̇агз угкид̇д̇агасан̃н̃ий, аабад̇д̇и д̣̇уггадасса. анугкид̇д̇агз взмад̇иго, аабад̇д̇и д̣̇уггадасса. анугкид̇д̇агз анугкид̇д̇агасан̃н̃ий, анаабад̇д̇и.

    426. Ukkhittake ukkhittakasaññī sambhuñjati vā saṃvasati vā saha vā seyyaṃ kappeti, āpatti pācittiyassa. Ukkhittake vematiko sambhuñjati vā saṃvasati vā saha vā seyyaṃ kappeti, āpatti dukkaṭassa. Ukkhittake anukkhittakasaññī sambhuñjati vā saṃvasati vā saha vā seyyaṃ kappeti, anāpatti . Anukkhittake ukkhittakasaññī, āpatti dukkaṭassa. Anukkhittake vematiko, āpatti dukkaṭassa. Anukkhittake anukkhittakasaññī, anāpatti.

    427. анаабад̇д̇и анугкид̇д̇од̇и ж̇аанаад̇и, угкид̇д̇о осаарид̇од̇и ж̇аанаад̇и, угкид̇д̇о д̇ам̣ д̣̇идтим̣ бадиниссадтод̇и ж̇аанаад̇и, уммад̇д̇агасса, аад̣̇игаммигассаад̇и.

    427. Anāpatti anukkhittoti jānāti, ukkhitto osāritoti jānāti, ukkhitto taṃ diṭṭhiṃ paṭinissaṭṭhoti jānāti, ummattakassa, ādikammikassāti.

    угкид̇д̇асамбхог̇асигкаабад̣̇ам̣ нидтид̇ам̣ навамам̣.

    Ukkhittasambhogasikkhāpadaṃ niṭṭhitaṃ navamaṃ.

    10. ган̣дагасигкаабад̣̇ам̣

    10. Kaṇṭakasikkhāpadaṃ

    428. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ган̣дагасса 29 наама саман̣уд̣̇д̣̇зсасса зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’д̇и. ассосум̣ ко самб̣ахулаа бхигкуу ган̣дагасса наама гира саман̣уд̣̇д̣̇зсасса зваруубам̣ баабагам̣ д̣̇идтиг̇ад̇ам̣ уббаннам̣ – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и. ат̇а ко д̇з бхигкуу язна ган̣даго саман̣уд̣̇д̣̇зсо д̇знубасан̇гамим̣су; убасан̇гамид̇ваа ган̣дагам̣ саман̣уд̣̇д̣̇зсам̣ зд̇ад̣̇авожум̣ – ‘‘сажжам̣ гира д̇з, аавусо ган̣дага, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа яз’мз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и? ‘‘звам̣б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и.

    428. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena kaṇṭakassa 30 nāma samaṇuddesassa evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā te paṭisevato nālaṃ antarāyāyā’’ti. Assosuṃ kho sambahulā bhikkhū kaṇṭakassa nāma kira samaṇuddesassa evarūpaṃ pāpakaṃ diṭṭhigataṃ uppannaṃ – ‘‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā, te paṭisevato nālaṃ antarāyāyā’’ti. Atha kho te bhikkhū yena kaṇṭako samaṇuddeso tenupasaṅkamiṃsu; upasaṅkamitvā kaṇṭakaṃ samaṇuddesaṃ etadavocuṃ – ‘‘saccaṃ kira te, āvuso kaṇṭaka, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā ye’me antarāyikā dhammā vuttā bhagavatā te paṭisevato nālaṃ antarāyāyā’’’ti? ‘‘Evaṃbyākho ahaṃ, bhante, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti.

    маа , аавусо ган̣дага, звам̣ аважа. маа бхаг̇аванд̇ам̣ аб̣бхаажигки. на хи саад̇ху бхаг̇авад̇о аб̣бхагкаанам̣. на хи бхаг̇аваа звам̣ вад̣̇зяяа. анзгабарияааязна, аавусо ган̣дага, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяа. аббассаад̣̇аа гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо…бз… звамби ко ган̣даго саман̣уд̣̇д̣̇зсо д̇зхи бхигкуухи вужжамаано д̇ат̇зва д̇ам̣ баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘‘звам̣б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и.

    Mā , āvuso kaṇṭaka, evaṃ avaca. Mā bhagavantaṃ abbhācikkhi. Na hi sādhu bhagavato abbhakkhānaṃ. Na hi bhagavā evaṃ vadeyya. Anekapariyāyena, āvuso kaṇṭaka, antarāyikā dhammā antarāyikā vuttā bhagavatā. Alañca pana te paṭisevato antarāyāya. Appassādā kāmā vuttā bhagavatā bahudukkhā bahupāyāsā, ādīnavo ettha bhiyyo…pe… evampi kho kaṇṭako samaṇuddeso tehi bhikkhūhi vuccamāno tatheva taṃ pāpakaṃ diṭṭhigataṃ thāmasā parāmāsā abhinivissa voharati – ‘‘evaṃbyākho ahaṃ, bhante, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti.

    яад̇о жа ко д̇з бхигкуу наасагким̣су ган̣дагам̣ саман̣уд̣̇д̣̇зсам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ган̣дагам̣ саман̣уд̣̇д̣̇зсам̣ бадибужчи – ‘‘сажжам̣ гира д̇з, ган̣дага, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и? ‘‘звам̣б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’’’д̇и.

    Yato ca kho te bhikkhū nāsakkhiṃsu kaṇṭakaṃ samaṇuddesaṃ etasmā pāpakā diṭṭhigatā vivecetuṃ, atha kho te bhikkhū yena bhagavā tenupasaṅkamiṃsu; upasaṅkamitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā kaṇṭakaṃ samaṇuddesaṃ paṭipucchi – ‘‘saccaṃ kira te, kaṇṭaka, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti? ‘‘Evaṃbyākho ahaṃ, bhante, bhagavatā dhammaṃ desitaṃ ājānāmi – ‘yathā yeme antarāyikā dhammā vuttā bhagavatā te paṭisevato nālaṃ antarāyāyā’’’ti.

    ‘‘гасса ну ко наама д̇вам̣, могхабуриса, маяаа звам̣ д̇хаммам̣ д̣̇зсид̇ам̣ ааж̇аанааси? нану маяаа, могхабуриса, анзгабарияааязна анд̇арааяигаа д̇хаммаа анд̇арааяигаа вуд̇д̇аа, алан̃жа бана д̇з бадисзвад̇о анд̇арааяааяа? аббассаад̣̇аа гаамаа вуд̇д̇аа маяаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. адтиган̇галуубамаа гаамаа вуд̇д̇аа маяаа…бз… саббасируубамаа гаамаа вуд̇д̇аа маяаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. ат̇а жа бана д̇вам̣, могхабуриса, ад̇д̇анаа д̣̇уг̇г̇ахид̇зна амхз жзва аб̣бхаажигкаси ад̇д̇аанан̃жа кан̣аси б̣ахун̃жа абун̃н̃ам̣ басаваси. д̇ан̃хи д̇з, могхабуриса, бхависсад̇и д̣̇ийгхарад̇д̇ам̣ ахид̇ааяа д̣̇угкааяа. нзд̇ам̣, могхабуриса, аббасаннаанам̣ ваа басаад̣̇ааяа…бз… басаннаанан̃жа згажжаанам̣ ан̃н̃ат̇ад̇д̇ааяаа’’д̇и. виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, сан̇гхо ган̣дагам̣ саман̣уд̣̇д̣̇зсам̣ наасзд̇у. зван̃жа бана, бхигкавз, наасзд̇аб̣б̣о – аж̇ж̇ад̇аг̇г̇з д̇з, аавусо ган̣дага, на жзва со бхаг̇аваа сад̇т̇аа абад̣̇исид̇аб̣б̣о. яамби жан̃н̃з саман̣уд̣̇д̣̇зсаа лабханд̇и бхигкуухи сад̣̇д̇хим̣ д̣̇ирад̇д̇ад̇ирад̇д̇ам̣ сахасзяяам̣ сааби д̇з над̇т̇и. жара бирз винассаа’’д̇и. ат̇а ко сан̇гхо ган̣дагам̣ саман̣уд̣̇д̣̇зсам̣ наасзси.

    ‘‘Kassa nu kho nāma tvaṃ, moghapurisa, mayā evaṃ dhammaṃ desitaṃ ājānāsi? Nanu mayā, moghapurisa, anekapariyāyena antarāyikā dhammā antarāyikā vuttā, alañca pana te paṭisevato antarāyāya? Appassādā kāmā vuttā mayā bahudukkhā bahupāyāsā, ādīnavo ettha bhiyyo. Aṭṭhikaṅkalūpamā kāmā vuttā mayā…pe… sappasirūpamā kāmā vuttā mayā bahudukkhā bahupāyāsā, ādīnavo ettha bhiyyo. Atha ca pana tvaṃ, moghapurisa, attanā duggahitena amhe ceva abbhācikkhasi attānañca khaṇasi bahuñca apuññaṃ pasavasi. Tañhi te, moghapurisa, bhavissati dīgharattaṃ ahitāya dukkhāya. Netaṃ, moghapurisa, appasannānaṃ vā pasādāya…pe… pasannānañca ekaccānaṃ aññathattāyā’’ti. Vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho kaṇṭakaṃ samaṇuddesaṃ nāsetu. Evañca pana, bhikkhave, nāsetabbo – ajjatagge te, āvuso kaṇṭaka, na ceva so bhagavā satthā apadisitabbo. Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpi te natthi. Cara pire vinassā’’ti. Atha kho saṅgho kaṇṭakaṃ samaṇuddesaṃ nāsesi.

    д̇зна ко бана самаязна чаб̣б̣аг̇г̇ияаа бхигкуу ж̇аанам̣ д̇ат̇аанаасид̇ам̣ ган̣дагам̣ саман̣уд̣̇д̣̇зсам̣ убалаабзнд̇иби убадтаабзнд̇иби самбхун̃ж̇анд̇иби сахааби сзяяам̣ габбзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ж̇аанам̣ д̇ат̇аанаасид̇ам̣ ган̣дагам̣ саман̣уд̣̇д̣̇зсам̣ убалаабзссанд̇иби убадтаабзссанд̇иби самбхун̃ж̇иссанд̇иби сахааби сзяяам̣ габбзссанд̇ий’’д̇и…бз… сажжам̣ гира д̇умхз, бхигкавз, ж̇аанам̣ д̇ат̇аанаасид̇ам̣ ган̣дагам̣ саман̣уд̣̇д̣̇зсам̣ убалаабзт̇ааби убадтаабзт̇ааби самбхун̃ж̇ат̇ааби сахааби сзяяам̣ габбзт̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ж̇аанам̣ д̇ат̇аанаасид̇ам̣ ган̣дагам̣ саман̣уд̣̇д̣̇зсам̣ убалаабзссат̇ааби убадтаабзссат̇ааби самбхун̃ж̇иссат̇ааби сахааби сзяяам̣ габбзссат̇а ! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

    Tena kho pana samayena chabbaggiyā bhikkhū jānaṃ tathānāsitaṃ kaṇṭakaṃ samaṇuddesaṃ upalāpentipi upaṭṭhāpentipi sambhuñjantipi sahāpi seyyaṃ kappenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū jānaṃ tathānāsitaṃ kaṇṭakaṃ samaṇuddesaṃ upalāpessantipi upaṭṭhāpessantipi sambhuñjissantipi sahāpi seyyaṃ kappessantī’’ti…pe… saccaṃ kira tumhe, bhikkhave, jānaṃ tathānāsitaṃ kaṇṭakaṃ samaṇuddesaṃ upalāpethāpi upaṭṭhāpethāpi sambhuñjathāpi sahāpi seyyaṃ kappethāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ tathānāsitaṃ kaṇṭakaṃ samaṇuddesaṃ upalāpessathāpi upaṭṭhāpessathāpi sambhuñjissathāpi sahāpi seyyaṃ kappessatha ! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

    429. ‘‘саман̣уд̣̇д̣̇зсоби жз звам̣ вад̣̇зяяа – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа д̇з бадисзвад̇о наалам̣ анд̇арааяааяаа’д̇и, со саман̣уд̣̇д̣̇зсо бхигкуухи звамасса важанийяо – ‘маавусо саман̣уд̣̇д̣̇зса, звам̣ аважа, маа бхаг̇аванд̇ам̣ аб̣бхаажигки, на хи саад̇ху бхаг̇авад̇о аб̣бхагкаанам̣, на хи бхаг̇аваа звам̣ вад̣̇зяяа. анзгабарияааязнаавусо саман̣уд̣̇д̣̇зса, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяаа’д̇и. зван̃жа 31 со саман̣уд̣̇д̣̇зсо бхигкуухи вужжамаано д̇ат̇зва баг̇г̇ан̣хзяяа, со саман̣уд̣̇д̣̇зсо бхигкуухи звамасса важанийяо – ‘аж̇ж̇ад̇аг̇г̇з д̇з, аавусо саман̣уд̣̇д̣̇зса, на жзва со бхаг̇аваа сад̇т̇аа абад̣̇исид̇аб̣б̣о. яамби жан̃н̃з саман̣уд̣̇д̣̇зсаа лабханд̇и бхигкуухи сад̣̇д̇хим̣ д̣̇ирад̇д̇ад̇ирад̇д̇ам̣ сахасзяяам̣ сааби д̇з над̇т̇и. жара бирз винассаа’д̇и. яо бана бхигку ж̇аанам̣ д̇ат̇аанаасид̇ам̣ саман̣уд̣̇д̣̇зсам̣ убалаабзяяа ваа убадтаабзяяа ваа самбхун̃ж̇зяяа ваа саха ваа сзяяам̣ габбзяяа, баажид̇д̇ияа’’нд̇и.

    429.‘‘Samaṇuddesopi ce evaṃ vadeyya – ‘tathāhaṃ bhagavatā dhammaṃ desitaṃ ājānāmi, yathā yeme antarāyikā dhammā vuttā bhagavatā te paṭisevato nālaṃ antarāyāyā’ti, so samaṇuddeso bhikkhūhi evamassa vacanīyo – ‘māvuso samaṇuddesa, evaṃ avaca, mā bhagavantaṃ abbhācikkhi, na hi sādhu bhagavato abbhakkhānaṃ, na hi bhagavā evaṃ vadeyya. Anekapariyāyenāvuso samaṇuddesa, antarāyikā dhammā antarāyikā vuttā bhagavatā. Alañca pana te paṭisevato antarāyāyā’ti. Evañca 32 so samaṇuddeso bhikkhūhi vuccamāno tatheva paggaṇheyya, so samaṇuddeso bhikkhūhi evamassa vacanīyo – ‘ajjatagge te, āvuso samaṇuddesa, na ceva so bhagavā satthā apadisitabbo. Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpi te natthi. Cara pire vinassā’ti. Yo pana bhikkhu jānaṃ tathānāsitaṃ samaṇuddesaṃ upalāpeyya vā upaṭṭhāpeyya vā sambhuñjeyya vā saha vā seyyaṃ kappeyya, pācittiya’’nti.

    430. саман̣уд̣̇д̣̇зсо наама сааман̣зро вужжад̇и.

    430.Samaṇuddeso nāma sāmaṇero vuccati.

    звам̣ вад̣̇зяяаад̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа язмз анд̇арааяигаа д̇хаммаа вуд̇д̇аа бхаг̇авад̇аа, д̇з бадисзвад̇о наалам̣ анд̇арааяааяаа’’д̇и.

    Evaṃvadeyyāti – ‘‘tathāhaṃ bhagavatā dhammaṃ desitaṃ ājānāmi, yathāyeme antarāyikā dhammā vuttā bhagavatā, te paṭisevato nālaṃ antarāyāyā’’ti.

    со саман̣уд̣̇д̣̇зсод̇и яо со звам̣ваад̣̇ий саман̣уд̣̇д̣̇зсо.

    Sosamaṇuddesoti yo so evaṃvādī samaṇuddeso.

    бхигкуухийд̇и ан̃н̃зхи бхигкуухи, яз бассанд̇и яз сун̣анд̇и д̇зхи вад̇д̇аб̣б̣о – ‘‘маа, аавусо саман̣уд̣̇д̣̇зса, звам̣ аважа. маа бхаг̇аванд̇ам̣ аб̣бхаажигки. на хи саад̇ху бхаг̇авад̇о аб̣бхагкаанам̣. на хи бхаг̇аваа звам̣ вад̣̇зяяа. анзгабарияааязнаавусо саман̣уд̣̇д̣̇зса, анд̇арааяигаа д̇хаммаа анд̇арааяигаа вуд̇д̇аа бхаг̇авад̇аа. алан̃жа бана д̇з бадисзвад̇о анд̇арааяааяаа’’д̇и. д̣̇уд̇ияамби вад̇д̇аб̣б̣о… д̇ад̇ияамби вад̇д̇аб̣б̣о…бз… сажз бадиниссаж̇ж̇ад̇и ижжзд̇ам̣ гусалам̣, но жз бадиниссаж̇ж̇ад̇и со саман̣уд̣̇д̣̇зсо бхигкуухи звамасса важанийяо – ‘‘аж̇ж̇ад̇аг̇г̇з д̇з, аавусо саман̣уд̣̇д̣̇зса, на жзва со бхаг̇аваа сад̇т̇аа абад̣̇исид̇аб̣б̣о. яамби жан̃н̃з саман̣уд̣̇д̣̇зсаа лабханд̇и бхигкуухи сад̣̇д̇хим̣ д̣̇ирад̇д̇ад̇ирад̇д̇ам̣ сахасзяяам̣ сааби д̇з над̇т̇и. жара бирз винассаа’’д̇и.

    Bhikkhūhīti aññehi bhikkhūhi, ye passanti ye suṇanti tehi vattabbo – ‘‘mā, āvuso samaṇuddesa, evaṃ avaca. Mā bhagavantaṃ abbhācikkhi. Na hi sādhu bhagavato abbhakkhānaṃ. Na hi bhagavā evaṃ vadeyya. Anekapariyāyenāvuso samaṇuddesa, antarāyikā dhammā antarāyikā vuttā bhagavatā. Alañca pana te paṭisevato antarāyāyā’’ti. Dutiyampi vattabbo… tatiyampi vattabbo…pe… sace paṭinissajjati iccetaṃ kusalaṃ, no ce paṭinissajjati so samaṇuddeso bhikkhūhi evamassa vacanīyo – ‘‘ajjatagge te, āvuso samaṇuddesa, na ceva so bhagavā satthā apadisitabbo. Yampi caññe samaṇuddesā labhanti bhikkhūhi saddhiṃ dirattatirattaṃ sahaseyyaṃ sāpi te natthi. Cara pire vinassā’’ti.

    яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

    Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

    ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

    Jānāti nāma sāmaṃ vā jānāti, aññe vā tassa ārocenti, so vā āroceti.

    д̇ат̇аанаасид̇анд̇и звам̣ наасид̇ам̣.

    Tathānāsitanti evaṃ nāsitaṃ.

    саман̣уд̣̇д̣̇зсо наама сааман̣зро вужжад̇и.

    Samaṇuddeso nāma sāmaṇero vuccati.

    убалаабзяяа ваад̇и д̇асса бад̇д̇ам̣ ваа жийварам̣ ваа уд̣̇д̣̇зсам̣ ваа барибужчам̣ ваа д̣̇ассаамийд̇и убалаабзд̇и, аабад̇д̇и баажид̇д̇ияасса.

    Upalāpeyya vāti tassa pattaṃ vā cīvaraṃ vā uddesaṃ vā paripucchaṃ vā dassāmīti upalāpeti, āpatti pācittiyassa.

    убадтаабзяяа ваад̇и д̇асса жун̣н̣ам̣ ваа мад̇д̇игам̣ ваа д̣̇анд̇агадтам̣ ваа мукод̣̇агам̣ ваа саад̣̇ияад̇и, аабад̇д̇и баажид̇д̇ияасса.

    Upaṭṭhāpeyya vāti tassa cuṇṇaṃ vā mattikaṃ vā dantakaṭṭhaṃ vā mukhodakaṃ vā sādiyati, āpatti pācittiyassa.

    самбхун̃ж̇зяяа ваад̇и самбхог̇о наама д̣̇вз самбхог̇аа – аамисасамбхог̇о жа д̇хаммасамбхог̇о жа. аамисасамбхог̇о наама аамисам̣ д̣̇зд̇и ваа бадиг̇г̇ан̣хаад̇и ваа, аабад̇д̇и баажид̇д̇ияасса. д̇хаммасамбхог̇о наама уд̣̇д̣̇исад̇и ваа уд̣̇д̣̇исаабзд̇и ваа, бад̣̇зна уд̣̇д̣̇исад̇и ваа уд̣̇д̣̇исаабзд̇и ваа, бад̣̇з бад̣̇з аабад̇д̇и баажид̇д̇ияасса. агкарааяа уд̣̇д̣̇исад̇и ваа уд̣̇д̣̇исаабзд̇и ваа, агкарагкарааяа аабад̇д̇и баажид̇д̇ияасса.

    Sambhuñjeyya vāti sambhogo nāma dve sambhogā – āmisasambhogo ca dhammasambhogo ca. Āmisasambhogo nāma āmisaṃ deti vā paṭiggaṇhāti vā, āpatti pācittiyassa. Dhammasambhogo nāma uddisati vā uddisāpeti vā, padena uddisati vā uddisāpeti vā, pade pade āpatti pācittiyassa. Akkharāya uddisati vā uddisāpeti vā, akkharakkharāya āpatti pācittiyassa.

    саха ваа сзяяам̣ габбзяяаад̇и згажчаннз наасид̇агз саман̣уд̣̇д̣̇зсз нибаннз бхигку нибаж̇ж̇ад̇и, аабад̇д̇и баажид̇д̇ияасса. бхигку нибаннз наасид̇аго саман̣уд̣̇д̣̇зсо нибаж̇ж̇ад̇и, аабад̇д̇и баажид̇д̇ияасса. убхо ваа нибаж̇ж̇анд̇и, аабад̇д̇и баажид̇д̇ияасса. удтахид̇ваа бунаббунам̣ нибаж̇ж̇анд̇и, аабад̇д̇и баажид̇д̇ияасса.

    Sahavā seyyaṃ kappeyyāti ekacchanne nāsitake samaṇuddese nipanne bhikkhu nipajjati, āpatti pācittiyassa. Bhikkhu nipanne nāsitako samaṇuddeso nipajjati, āpatti pācittiyassa. Ubho vā nipajjanti, āpatti pācittiyassa. Uṭṭhahitvā punappunaṃ nipajjanti, āpatti pācittiyassa.

    431. наасид̇агз наасид̇агасан̃н̃ий убалаабзд̇и ваа убадтаабзд̇и ваа самбхун̃ж̇ад̇и ваа саха ваа сзяяам̣ габбзд̇и, аабад̇д̇и баажид̇д̇ияасса. наасид̇агз взмад̇иго убалаабзд̇и ваа убадтаабзд̇и ваа самбхун̃ж̇ад̇и ваа саха ваа сзяяам̣ габбзд̇и, аабад̇д̇и д̣̇уггадасса. наасид̇агз анаасид̇агасан̃н̃ий убалаабзд̇и ваа убадтаабзд̇и ваа самбхун̃ж̇ад̇и ваа саха ваа сзяяам̣ габбзд̇и, анаабад̇д̇и. анаасид̇агз наасид̇агасан̃н̃ий, аабад̇д̇и д̣̇уггадасса. анаасид̇агз взмад̇иго, аабад̇д̇и д̣̇уггадасса. анаасид̇агз анаасид̇агасан̃н̃ий, анаабад̇д̇и.

    431. Nāsitake nāsitakasaññī upalāpeti vā upaṭṭhāpeti vā sambhuñjati vā saha vā seyyaṃ kappeti, āpatti pācittiyassa. Nāsitake vematiko upalāpeti vā upaṭṭhāpeti vā sambhuñjati vā saha vā seyyaṃ kappeti, āpatti dukkaṭassa. Nāsitake anāsitakasaññī upalāpeti vā upaṭṭhāpeti vā sambhuñjati vā saha vā seyyaṃ kappeti, anāpatti. Anāsitake nāsitakasaññī, āpatti dukkaṭassa. Anāsitake vematiko, āpatti dukkaṭassa. Anāsitake anāsitakasaññī, anāpatti.

    432. анаабад̇д̇и анаасид̇агод̇и ж̇аанаад̇и, д̇ам̣ д̣̇идтим̣ бадиниссадтод̇и ж̇аанаад̇и, уммад̇д̇агасса, аад̣̇игаммигассаад̇и.

    432. Anāpatti anāsitakoti jānāti, taṃ diṭṭhiṃ paṭinissaṭṭhoti jānāti, ummattakassa, ādikammikassāti.

    ган̣дагасигкаабад̣̇ам̣ нидтид̇ам̣ д̣̇асамам̣.

    Kaṇṭakasikkhāpadaṃ niṭṭhitaṃ dasamaṃ.

    саббаан̣агаваг̇г̇о сад̇д̇амо.

    Sappāṇakavaggo sattamo.

    д̇ассуд̣̇д̣̇аанам̣ –

    Tassuddānaṃ –

    сан̃жижжавад̇хасаббаан̣ам̣, уггодам̣ д̣̇удтуллачаад̣̇анам̣;

    Sañciccavadhasappāṇaṃ, ukkoṭaṃ duṭṭhullachādanaṃ;

    уунавийсад̇и сад̇т̇ан̃жа, сам̣вид̇хаанам̣ аридтагам̣;

    Ūnavīsati satthañca, saṃvidhānaṃ ariṭṭhakaṃ;

    угкид̇д̇ам̣ ган̣даган̃жзва, д̣̇аса сигкаабад̣̇аа имзд̇и.

    Ukkhittaṃ kaṇṭakañceva, dasa sikkhāpadā imeti.




    Next: 8. сахад̇хаммигаваг̇г̇о • 8. Sahadhammikavaggo




    Footnotes:
    1. взд̣̇аяаамахам̣ (сяаа.)
    2. vedayāmahaṃ (syā.)
    3. аабаж̇ж̇и (?)
    4. āpajji (?)
    5. ид̣̇ам̣ вад̇т̇у махаава. 99
    6. idaṃ vatthu mahāva. 99
    7. самманад̇и (га.)
    8. sammanati (ka.)
    9. гаммигаа (сий. сяаа.)
    10. kammikā (sī. syā.)
    11. абаяяаа (сий. сяаа.)
    12. apayyā (sī. syā.)
    13. ид̣̇ам̣ вад̇т̇у жуул̣ава. 65; ма. ни. 1.234
    14. г̇анд̇хаб̣аад̇хибуб̣б̣асса (сяаа. га.)
    15. idaṃ vatthu cūḷava. 65; ma. ni. 1.234
    16. gandhabādhipubbassa (syā. ka.)
    17. аб̣бхаажигканам̣ (ид̇иби)
    18. abbhācikkhanaṃ (itipi)
    19. зван̃жа бана (га.)
    20. evañca pana (ka.)
    21. бхигкунаа г̇ад̣̇д̇хаб̣аад̇хибуб̣б̣зна (?)
    22. бхигкунаа г̇ад̣̇д̇хаб̣аад̇хибуб̣б̣зна (?)
    23. бхигкунаа г̇ад̣̇д̇хаб̣аад̇хибуб̣б̣зна (?)
    24. бхигкунаа г̇ад̣̇д̇хаб̣аад̇хибуб̣б̣анз (?)
    25. bhikkhunā gaddhabādhipubbena (?)
    26. bhikkhunā gaddhabādhipubbena (?)
    27. bhikkhunā gaddhabādhipubbena (?)
    28. bhikkhunā gaddhabādhipubbane (?)
    29. ган̣д̣агасса (сяаа. га.)
    30. kaṇḍakassa (syā. ka.)
    31. зван̃жа бана (га.)
    32. evañca pana (ka.)



    Related texts:



    адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
    1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
    2. саббаан̣агасигкаабад̣̇аван̣н̣анаа • 2. Sappāṇakasikkhāpadavaṇṇanā
    3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
    4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
    5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
    6. т̇зяяасад̇т̇асигкаабад̣̇аван̣н̣анаа • 6. Theyyasatthasikkhāpadavaṇṇanā
    7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
    8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
    9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
    10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
    1. сан̃жижжасигкаабад̣̇аван̣н̣анаа • 1. Sañciccasikkhāpadavaṇṇanā
    2. саббаан̣агасигкаабад̣̇аван̣н̣анаа • 2. Sappāṇakasikkhāpadavaṇṇanā
    3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
    4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
    5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
    6. т̇зяяасад̇т̇асигкаабад̣̇аван̣н̣анаа • 6. Theyyasatthasikkhāpadavaṇṇanā
    8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
    9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
    10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
    1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
    2. саббаан̣агасигкаабад̣̇аван̣н̣анаа • 2. Sappāṇakasikkhāpadavaṇṇanā
    3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
    4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
    5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
    6. т̇зяяасад̇т̇асигкаабад̣̇аван̣н̣анаа • 6. Theyyasatthasikkhāpadavaṇṇanā
    7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
    8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
    9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
    10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
    1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
    2. саббаан̣агасигкаабад̣̇аван̣н̣анаа • 2. Sappāṇakasikkhāpadavaṇṇanā
    3. уггоданасигкаабад̣̇аван̣н̣анаа • 3. Ukkoṭanasikkhāpadavaṇṇanā
    4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
    5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
    6. т̇зяяасад̇т̇асигкаабад̣̇аван̣н̣анаа • 6. Theyyasatthasikkhāpadavaṇṇanā
    8. аридтасигкаабад̣̇аван̣н̣анаа • 8. Ariṭṭhasikkhāpadavaṇṇanā
    9. угкид̇д̇асамбхог̇асигкаабад̣̇аван̣н̣анаа • 9. Ukkhittasambhogasikkhāpadavaṇṇanā
    10. ган̣дагасигкаабад̣̇аван̣н̣анаа • 10. Kaṇṭakasikkhāpadavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
    1. сан̃жижжабаан̣асигкаабад̣̇а-ад̇т̇аяож̇анаа • 1. Sañciccapāṇasikkhāpada-atthayojanā
    2. саббаан̣агасигкаабад̣̇ам̣ • 2. Sappāṇakasikkhāpadaṃ
    3. уггоданасигкаабад̣̇ам̣ • 3. Ukkoṭanasikkhāpadaṃ
    4. д̣̇удтулласигкаабад̣̇ам̣ • 4. Duṭṭhullasikkhāpadaṃ
    5. уунавийсад̇ивассасигкаабад̣̇ам̣ • 5. Ūnavīsativassasikkhāpadaṃ
    6. т̇зяяасад̇т̇асигкаабад̣̇ам̣ • 6. Theyyasatthasikkhāpadaṃ
    7. сам̣вид̇хаанасигкаабад̣̇ам̣ • 7. Saṃvidhānasikkhāpadaṃ
    8. аридтасигкаабад̣̇ам̣ • 8. Ariṭṭhasikkhāpadaṃ
    9. угкид̇д̇асамбхог̇асигкаабад̣̇ам̣ • 9. Ukkhittasambhogasikkhāpadaṃ
    10. ган̣дагасигкаабад̣̇ам̣ • 10. Kaṇṭakasikkhāpadaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact