| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๗. สปฺปาณกวโคฺค
7. Sappāṇakavaggo
๑๗๑. สญฺจิจฺจ ปาณํ ชีวิตา โวโรเปโนฺต กติ อาปตฺติโย อาปชฺชติ? สญฺจิจฺจ ปาณํ ชีวิตา โวโรเปโนฺต จตโสฺส อาปตฺติโย อาปชฺชติฯ อโนทิสฺส โอปาตํ ขณติ – ‘‘โย โกจิ ปปติตฺวา มริสฺสตี’’ติ, อาปตฺติ ทุกฺกฎสฺส; มนุโสฺส ตสฺมิํ ปปติตฺวา มรติ, อาปตฺติ ปาราชิกสฺส; ยโกฺข วา เปโต วา ติรจฺฉานคตมนุสฺสวิคฺคโห วา ตสฺมิํ ปปติตฺวา มรติ, อาปตฺติ ถุลฺลจฺจยสฺส; ติรจฺฉานคโต ตสฺมิํ ปปติตฺวา มรติ, อาปตฺติ ปาจิตฺติยสฺส – สญฺจิจฺจ ปาณํ ชีวิตา โวโรเปโนฺต อิมา จตโสฺส อาปตฺติโย อาปชฺชติฯ
171. Sañcicca pāṇaṃ jīvitā voropento kati āpattiyo āpajjati? Sañcicca pāṇaṃ jīvitā voropento catasso āpattiyo āpajjati. Anodissa opātaṃ khaṇati – ‘‘yo koci papatitvā marissatī’’ti, āpatti dukkaṭassa; manusso tasmiṃ papatitvā marati, āpatti pārājikassa; yakkho vā peto vā tiracchānagatamanussaviggaho vā tasmiṃ papatitvā marati, āpatti thullaccayassa; tiracchānagato tasmiṃ papatitvā marati, āpatti pācittiyassa – sañcicca pāṇaṃ jīvitā voropento imā catasso āpattiyo āpajjati.
ชานํ สปฺปาณกํ อุทกํ ปริภุญฺชโนฺต เทฺว อาปตฺติโย อาปชฺชติฯ ปริภุญฺชติ, ปโยเค ทุกฺกฎํ; ปริภุเตฺต อาปตฺติ ปาจิตฺติยสฺสฯ
Jānaṃ sappāṇakaṃ udakaṃ paribhuñjanto dve āpattiyo āpajjati. Paribhuñjati, payoge dukkaṭaṃ; paribhutte āpatti pācittiyassa.
ชานํ ยถาธมฺมํ นิหตาธิกรณํ ปุนกมฺมาย อุโกฺกเฎโนฺต เทฺว อาปตฺติโย อาปชฺชติฯ อุโกฺกเฎติ, ปโยเค ทุกฺกฎํ; อุโกฺกฎิเต อาปตฺติ ปาจิตฺติยสฺสฯ
Jānaṃ yathādhammaṃ nihatādhikaraṇaṃ punakammāya ukkoṭento dve āpattiyo āpajjati. Ukkoṭeti, payoge dukkaṭaṃ; ukkoṭite āpatti pācittiyassa.
ภิกฺขุสฺส ชานํ ทุฎฺฐุลฺลํ อาปตฺติํ ปฎิจฺฉาเทโนฺต เอกํ อาปตฺติํ อาปชฺชติฯ ปาจิตฺติยํฯ
Bhikkhussa jānaṃ duṭṭhullaṃ āpattiṃ paṭicchādento ekaṃ āpattiṃ āpajjati. Pācittiyaṃ.
ชานํ อูนวีสติวสฺสํ ปุคฺคลํ อุปสมฺปาเทโนฺต เทฺว อาปตฺติโย อาปชฺชติฯ อุปสมฺปาเทติ, ปโยเค ทุกฺกฎํ; อุปสมฺปาทิเต อาปตฺติ ปาจิตฺติยสฺสฯ
Jānaṃ ūnavīsativassaṃ puggalaṃ upasampādento dve āpattiyo āpajjati. Upasampādeti, payoge dukkaṭaṃ; upasampādite āpatti pācittiyassa.
ชานํ เถยฺยสเตฺถน สทฺธิํ สํวิธาย เอกทฺธานมคฺคํ ปฎิปชฺชโนฺต เทฺว อาปตฺติโย อาปชฺชติฯ ปฎิปชฺชติ, ปโยเค ทุกฺกฎํ; ปฎิปเนฺน อาปตฺติ ปาจิตฺติยสฺสฯ
Jānaṃ theyyasatthena saddhiṃ saṃvidhāya ekaddhānamaggaṃ paṭipajjanto dve āpattiyo āpajjati. Paṭipajjati, payoge dukkaṭaṃ; paṭipanne āpatti pācittiyassa.
มาตุคาเมน สทฺธิํ สํวิธาย เอกทฺธานมคฺคํ ปฎิปชฺชโนฺต เทฺว อาปตฺติโย อาปชฺชติฯ ปฎิปชฺชติ, ปโยเค ทุกฺกฎํ; ปฎิปเนฺน อาปตฺติ ปาจิตฺติยสฺสฯ
Mātugāmena saddhiṃ saṃvidhāya ekaddhānamaggaṃ paṭipajjanto dve āpattiyo āpajjati. Paṭipajjati, payoge dukkaṭaṃ; paṭipanne āpatti pācittiyassa.
ปาปิกาย ทิฎฺฐิยา ยาวตติยํ สมนุภาสนาย น ปฎินิสฺสชฺชโนฺต เทฺว อาปตฺติโย อาปชฺชติฯ ญตฺติยา ทุกฺกฎํ; กมฺมวาจาปริโยสาเน อาปตฺติ ปาจิตฺติยสฺสฯ
Pāpikāya diṭṭhiyā yāvatatiyaṃ samanubhāsanāya na paṭinissajjanto dve āpattiyo āpajjati. Ñattiyā dukkaṭaṃ; kammavācāpariyosāne āpatti pācittiyassa.
ชานํ ตถาวาทินา ภิกฺขุนา อกฎานุธเมฺมน ตํ ทิฎฺฐิํ อปฺปฎินิสฺสเฎฺฐน สทฺธิํ สมฺภุญฺชโนฺต เทฺว อาปตฺติโย อาปชฺชติฯ สมฺภุญฺชติ, ปโยเค ทุกฺกฎํ; สมฺภุเตฺต อาปตฺติ ปาจิตฺติยสฺสฯ
Jānaṃ tathāvādinā bhikkhunā akaṭānudhammena taṃ diṭṭhiṃ appaṭinissaṭṭhena saddhiṃ sambhuñjanto dve āpattiyo āpajjati. Sambhuñjati, payoge dukkaṭaṃ; sambhutte āpatti pācittiyassa.
ชานํ ตถานาสิตํ สมณุเทฺทสํ อุปลาเปโนฺต เทฺว อาปตฺติโย อาปชฺชติฯ อุปลาเปติ, ปโยเค ทุกฺกฎํ; อุปลาปิเต อาปตฺติ ปาจิตฺติยสฺสฯ
Jānaṃ tathānāsitaṃ samaṇuddesaṃ upalāpento dve āpattiyo āpajjati. Upalāpeti, payoge dukkaṭaṃ; upalāpite āpatti pācittiyassa.
สปฺปาณกวโคฺค สตฺตโมฯ
Sappāṇakavaggo sattamo.
Related texts:
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / กตาปตฺติวาราทิวณฺณนา • Katāpattivārādivaṇṇanā
