| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੭. ਸਪ੍ਪਾਣਕવਗ੍ਗੋ
7. Sappāṇakavaggo
੧. ਸਞ੍ਚਿਚ੍ਚਸਿਕ੍ਖਾਪਦવਣ੍ਣਨਾ
1. Sañciccasikkhāpadavaṇṇanā
ਸਪ੍ਪਾਣਕવਗ੍ਗਸ੍ਸ ਪਠਮੇ ਪਾਣੋਤਿ ਤਿਰਚ੍ਛਾਨਗਤਪਾਣੋ ਅਧਿਪ੍ਪੇਤੋ। ਤਂ ਖੁਦ੍ਦਕਮ੍ਪਿ ਮਹਨ੍ਤਮ੍ਪਿ ਮਾਰੇਨ੍ਤਸ੍ਸ ਪਾਚਿਤ੍ਤਿਯਮੇવ, ਮਹਨ੍ਤੇ ਪਨ ਉਪਕ੍ਕਮਮਹਨ੍ਤਤਾਯ ਅਕੁਸਲਂ ਮਹਨ੍ਤਂ ਹੋਤਿ।
Sappāṇakavaggassa paṭhame pāṇoti tiracchānagatapāṇo adhippeto. Taṃ khuddakampi mahantampi mārentassa pācittiyameva, mahante pana upakkamamahantatāya akusalaṃ mahantaṃ hoti.
ਸਾવਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਪਾਣਂ ਜੀવਿਤਾ વੋਰੋਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਪਾਣੇ વੇਮਤਿਕਸ੍ਸ, ਅਪਾਣੇ ਪਾਣਸਞ੍ਞਿਨੋ, વੇਮਤਿਕਸ੍ਸ વਾ ਦੁਕ੍ਕਟਂ । ਅਪਾਣਸਞ੍ਞਿਸ੍ਸ, ਅਸਞ੍ਚਿਚ੍ਚ, ਅਜਾਨਨ੍ਤਸ੍ਸ, ਨਮਰਣਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਮਨੁਸ੍ਸવਿਗ੍ਗਹੇ વੁਤ੍ਤਨਯਮੇવਾਤਿ।
Sāvatthiyaṃ udāyittheraṃ ārabbha pāṇaṃ jīvitā voropanavatthusmiṃ paññattaṃ, sādhāraṇapaññatti, sāṇattikaṃ, pāṇe vematikassa, apāṇe pāṇasaññino, vematikassa vā dukkaṭaṃ . Apāṇasaññissa, asañcicca, ajānantassa, namaraṇādhippāyassa, ummattakādīnañca anāpatti. Sesaṃ manussaviggahe vuttanayamevāti.
ਸਞ੍ਚਿਚ੍ਚਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sañciccasikkhāpadavaṇṇanā niṭṭhitā.
੨. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ
2. Sappāṇakasikkhāpadavaṇṇanā
ਦੁਤਿਯੇ ਸਪ੍ਪਾਣਕਨ੍ਤਿ ਯੇ ਪਾਣਕਾ ਪਰਿਭੋਗੇਨ ਮਰਨ੍ਤਿ, ਤੇਹਿ ਸਪ੍ਪਾਣਕਂ, ਤਾਦਿਸਞ੍ਹਿ ਜਾਨਂ ਪਰਿਭੁਞ੍ਜਨ੍ਤਸ੍ਸ ਪਯੋਗੇ ਪਯੋਗੇ ਪਾਚਿਤ੍ਤਿਯਂ।
Dutiye sappāṇakanti ye pāṇakā paribhogena maranti, tehi sappāṇakaṃ, tādisañhi jānaṃ paribhuñjantassa payoge payoge pācittiyaṃ.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਜਾਨਂ ਸਪ੍ਪਾਣਕਂ ਉਦਕਂ ਪਰਿਭੁਞ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਸਿਞ੍ਚਨਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sāvatthiyaṃ chabbaggiye ārabbha jānaṃ sappāṇakaṃ udakaṃ paribhuñjanavatthusmiṃ paññattaṃ, sesamettha siñcanasikkhāpade vuttanayeneva veditabbanti.
ਸਪ੍ਪਾਣਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sappāṇakasikkhāpadavaṇṇanā niṭṭhitā.
੩. ਉਕ੍ਕੋਟਨਸਿਕ੍ਖਾਪਦવਣ੍ਣਨਾ
3. Ukkoṭanasikkhāpadavaṇṇanā
ਤਤਿਯੇ ਯਥਾਧਮ੍ਮਨ੍ਤਿ ਯੋ ਯਸ੍ਸ ਅਧਿਕਰਣਸ੍ਸ વੂਪਸਮਾਯ ਧਮ੍ਮੋ વੁਤ੍ਤੋ, ਤੇਨੇવ ਧਮ੍ਮੇਨ। ਨਿਹਤਾਧਿਕਰਣਨ੍ਤਿ ਨਿਹਤਂ ਅਧਿਕਰਣਂ, ਸਮਥਕ੍ਖਨ੍ਧਕੇ (ਚੂਲ਼વ॰ ੧੮੫ ਆਦਯੋ) ਸਤ੍ਥਾਰਾ વੁਤ੍ਤਧਮ੍ਮੇਨੇવ વੂਪਸਮਿਤਨ੍ਤਿ ਅਤ੍ਥੋ, વੂਪਸਮਨਨਯਂ ਪਨਸ੍ਸ ਅਧਿਕਰਣਸਮਥੇਸੁ ਦਸ੍ਸਯਿਸ੍ਸਾਮ। ਪੁਨਕਮ੍ਮਾਯ ਉਕ੍ਕੋਟੇਯ੍ਯਾਤਿ ਤਸ੍ਸ ਤਸ੍ਸ ਭਿਕ੍ਖੁਨੋ ਸਨ੍ਤਿਕਂ ਗਨ੍ਤ੍વਾ ‘‘ਅਕਤਂ ਕਮ੍ਮ’’ਨ੍ਤਿਆਦੀਨਿ (ਪਾਚਿ॰ ੩੯੪) વਦਨ੍ਤੋ ਪੁਨਕਰਣਤ੍ਥਾਯ ਉਚ੍ਚਾਲੇਯ੍ਯ। ਯਥਾਠਿਤਭਾવੇਨ ਪਤਿਟ੍ਠਾਤੁਂ ਨ ਦਦੇਯ੍ਯ, ਤਸ੍ਸੇવਂ ਕਰੋਨ੍ਤਸ੍ਸ ਪਾਚਿਤ੍ਤਿਯਂ। ਯਂ ਪਨ ਧਮ੍ਮੇਨ ਅਧਿਕਰਣਂ ਨਿਹਤਂ , ਤਂ ਸੁਨਿਹਤਮੇવ। ਸਚੇ વਿਪ੍ਪਕਤੇ ਕਮ੍ਮੇ ਪਟਿਕ੍ਕੋਸਤਿ, ਤਂ ਸਞ੍ਞਾਪੇਤ੍વਾ ਕਾਤਬ੍ਬਂ। ਇਤਰਥਾ ਕਮ੍ਮਞ੍ਚ ਕੁਪ੍ਪਤਿ, ਕਾਰਕਾਨਞ੍ਚ ਆਪਤ੍ਤਿ।
Tatiye yathādhammanti yo yassa adhikaraṇassa vūpasamāya dhammo vutto, teneva dhammena. Nihatādhikaraṇanti nihataṃ adhikaraṇaṃ, samathakkhandhake (cūḷava. 185 ādayo) satthārā vuttadhammeneva vūpasamitanti attho, vūpasamananayaṃ panassa adhikaraṇasamathesu dassayissāma. Punakammāya ukkoṭeyyāti tassa tassa bhikkhuno santikaṃ gantvā ‘‘akataṃ kamma’’ntiādīni (pāci. 394) vadanto punakaraṇatthāya uccāleyya. Yathāṭhitabhāvena patiṭṭhātuṃ na dadeyya, tassevaṃ karontassa pācittiyaṃ. Yaṃ pana dhammena adhikaraṇaṃ nihataṃ , taṃ sunihatameva. Sace vippakate kamme paṭikkosati, taṃ saññāpetvā kātabbaṃ. Itarathā kammañca kuppati, kārakānañca āpatti.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਉਕ੍ਕੋਟਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ વੇਮਤਿਕਸ੍ਸ, ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਿਨੋ, વੇਮਤਿਕਸ੍ਸ વਾ ਦੁਕ੍ਕਟਂ। ਉਭਯੇਸੁ ਅਧਮ੍ਮਕਮ੍ਮਸਞ੍ਞਿਸ੍ਸ, ‘‘ਅਧਮ੍ਮੇਨ વਾ વਗ੍ਗੇਨ વਾ ਅਕਮ੍ਮਾਰਹਸ੍ਸ વਾ ਕਮ੍ਮਂ ਕਤ’’ਨ੍ਤਿ ਜਾਨਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਯਥਾਧਮ੍ਮਂ ਨਿਹਤਭਾવੋ, ਜਾਨਨਾ, ਉਕ੍ਕੋਟਨਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
Sāvatthiyaṃ chabbaggiye bhikkhū ārabbha ukkoṭanavatthusmiṃ paññattaṃ, sādhāraṇapaññatti, anāṇattikaṃ, dhammakamme vematikassa, adhammakamme dhammakammasaññino, vematikassa vā dukkaṭaṃ. Ubhayesu adhammakammasaññissa, ‘‘adhammena vā vaggena vā akammārahassa vā kammaṃ kata’’nti jānantassa, ummattakādīnañca anāpatti. Yathādhammaṃ nihatabhāvo, jānanā, ukkoṭanāti imānettha tīṇi aṅgāni. Samuṭṭhānādīni adinnādānasadisāni, idaṃ pana dukkhavedananti.
ਉਕ੍ਕੋਟਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ukkoṭanasikkhāpadavaṇṇanā niṭṭhitā.
੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ
4. Duṭṭhullasikkhāpadavaṇṇanā
ਚਤੁਤ੍ਥੇ ਦੁਟ੍ਠੁਲ੍ਲਨ੍ਤਿ ਸਙ੍ਘਾਦਿਸੇਸਂ ਅਧਿਪ੍ਪੇਤਂ, ਤਂ ਯੇਨ ਕੇਨਚਿ ਉਪਾਯੇਨ ਞਤ੍વਾ ਪਟਿਚ੍ਛਾਦੇਨ੍ਤਸ੍ਸ ਪਾਚਿਤ੍ਤਿਯਂ। ਸਚੇਪਿ ‘‘ਨ ਦਾਨਿ ਨਂ ਕਸ੍ਸਚਿ ਭਿਕ੍ਖੁਨੋ ਆਰੋਚੇਸ੍ਸਾਮੀ’’ਤਿ ਧੁਰਂ ਨਿਕ੍ਖਿਪਿਤ੍વਾ ਪਚ੍ਛਾ ਆਰੋਚੇਤਿ, ਪਾਚਿਤ੍ਤਿਯਂ, ਆਪਜ੍ਜਿਤ੍વਾવ ਆਰੋਚੇਸ੍ਸਤਿ। ਸਚੇ ਪਨ ਏવਂ ਧੁਰਂ ਨਿਕ੍ਖਿਪਿਤ੍વਾ ਪਟਿਚ੍ਛਾਦਨਤ੍ਥਮੇવ ਅਞ੍ਞਸ੍ਸ ਆਰੋਚੇਤਿ, ਸੋਪਿ ਅਞ੍ਞਸ੍ਸਾਤਿ ਏਤੇਨੁਪਾਯੇਨ ਸਮਣਸਤਮ੍ਪਿ ਆਪਜ੍ਜਤਿਯੇવ ਤਾવ, ਯਾવ ਕੋਟਿ ਨ ਛਿਜ੍ਜਤਿ। ਕਥਂ ਪਨ ਕੋਟਿ ਛਿਜ੍ਜਤਿ? ਸਚੇ ਹਿ ਆਪਨ੍ਨੋ ਏਕਸ੍ਸ ਆਰੋਚੇਤਿ, ਸੋਪਿ ਅਞ੍ਞਸ੍ਸ ਆਰੋਚੇਤਿ, ਸੋ ਨਿવਤ੍ਤਿਤ੍વਾ ਯੇਨਸ੍ਸ ਆਰੋਚਿਤਂ, ਤਸ੍ਸੇવ ਆਰੋਚੇਤਿ, ਏવਂ ਤਤਿਯੇਨ ਪੁਗ੍ਗਲੇਨ ਦੁਤਿਯਸ੍ਸ ਆਰੋਚਿਤੇ ਕੋਟਿ ਛਿਨ੍ਨਾ ਹੋਤਿ।
Catutthe duṭṭhullanti saṅghādisesaṃ adhippetaṃ, taṃ yena kenaci upāyena ñatvā paṭicchādentassa pācittiyaṃ. Sacepi ‘‘na dāni naṃ kassaci bhikkhuno ārocessāmī’’ti dhuraṃ nikkhipitvā pacchā āroceti, pācittiyaṃ, āpajjitvāva ārocessati. Sace pana evaṃ dhuraṃ nikkhipitvā paṭicchādanatthameva aññassa āroceti, sopi aññassāti etenupāyena samaṇasatampi āpajjatiyeva tāva, yāva koṭi na chijjati. Kathaṃ pana koṭi chijjati? Sace hi āpanno ekassa āroceti, sopi aññassa āroceti, so nivattitvā yenassa ārocitaṃ, tasseva āroceti, evaṃ tatiyena puggalena dutiyassa ārocite koṭi chinnā hoti.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਦੁਟ੍ਠੁਲ੍ਲਾਪਤ੍ਤਿਪਟਿਚ੍ਛਾਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਦੁਟ੍ਠੁਲ੍ਲਾਯ ਆਪਤ੍ਤਿਯਾ ਆਦਿਪਦੇ ਪਾਚਿਤ੍ਤਿਯਂ, ਇਤਰੇਸੁ ਦ੍વੀਸੁ ਦੁਕ੍ਕਟਂ, ਅਦੁਟ੍ਠੁਲ੍ਲਾਯ ਤਿਕਦੁਕ੍ਕਟਂ, ਅਨੁਪਸਮ੍ਪਨ੍ਨਸ੍ਸ ਦੁਟ੍ਠੁਲ੍ਲੇ વਾ ਅਦੁਟ੍ਠੁਲ੍ਲੇ વਾ ਅਜ੍ਝਾਚਾਰੇ ਦੁਕ੍ਕਟਮੇવ। ‘‘ਸਙ੍ਘਸ੍ਸ ਭਣ੍ਡਨਾਦੀਨਿ ਭવਿਸ੍ਸਨ੍ਤੀ’’ਤਿ (ਪਾਚਿ॰ ੪੦੧) વਾ ‘‘ਅਯਂ ਕਕ੍ਖਲ਼ੋ ਫਰੁਸੋ ਜੀવਿਤਨ੍ਤਰਾਯਂ વਾ ਬ੍ਰਹ੍ਮਚਰਿਯਨ੍ਤਰਾਯਂ વਾ ਕਰਿਸ੍ਸਤੀ’’ਤਿ વਾ ਅਨਾਰੋਚੇਨ੍ਤਸ੍ਸ, ਪਤਿਰੂਪਂ ਭਿਕ੍ਖੁਂ ਅਪਸ੍ਸਤੋ , ਨ ਛਾਦੇਤੁਕਾਮਸ੍ਸ, ‘‘ਪਞ੍ਞਾਯਿਸ੍ਸਤਿ ਸਕੇਨ ਕਮ੍ਮੇਨਾ’’ਤਿ ਅਨਾਰੋਚੇਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਉਪਸਮ੍ਪਨ੍ਨਸ੍ਸ ਦੁਟ੍ਠੁਲ੍ਲਾਪਤ੍ਤਿਜਾਨਨਂ, ‘‘ਪਟਿਚ੍ਛਾਦੇਤੁਕਾਮਤਾਯ ਨਾਰੋਚੇਸ੍ਸਾਮੀ’’ਤਿ ਧੁਰਨਿਕ੍ਖੇਪੋਤਿ ਇਮਾਨੇਤ੍ਥ ਦ੍વੇ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਅਸਾਨੇવਾਤਿ।
Sāvatthiyaṃ aññataraṃ bhikkhuṃ ārabbha duṭṭhullāpattipaṭicchādanavatthusmiṃ paññattaṃ, asādhāraṇapaññatti, anāṇattikaṃ, duṭṭhullāya āpattiyā ādipade pācittiyaṃ, itaresu dvīsu dukkaṭaṃ, aduṭṭhullāya tikadukkaṭaṃ, anupasampannassa duṭṭhulle vā aduṭṭhulle vā ajjhācāre dukkaṭameva. ‘‘Saṅghassa bhaṇḍanādīni bhavissantī’’ti (pāci. 401) vā ‘‘ayaṃ kakkhaḷo pharuso jīvitantarāyaṃ vā brahmacariyantarāyaṃ vā karissatī’’ti vā anārocentassa, patirūpaṃ bhikkhuṃ apassato , na chādetukāmassa, ‘‘paññāyissati sakena kammenā’’ti anārocentassa, ummattakādīnañca anāpatti. Upasampannassa duṭṭhullāpattijānanaṃ, ‘‘paṭicchādetukāmatāya nārocessāmī’’ti dhuranikkhepoti imānettha dve aṅgāni. Samuṭṭhānādīni samanubhāsanasaasānevāti.
ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Duṭṭhullasikkhāpadavaṇṇanā niṭṭhitā.
੫. ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ
5. Ūnavīsativassasikkhāpadavaṇṇanā
ਪਞ੍ਚਮੇ ਊਨવੀਸਤਿવਸ੍ਸਨ੍ਤਿ ਪਟਿਸਨ੍ਧਿਗ੍ਗਹਣਤੋ ਪਟ੍ਠਾਯ ਅਪਰਿਪੁਣ੍ਣવੀਸਤਿવਸ੍ਸਂ। ਉਪਸਮ੍ਪਾਦੇਯ੍ਯਾਤਿ ਉਪਜ੍ਝਾਯੋ ਹੁਤ੍વਾ ਉਪਸਮ੍ਪਾਦੇਯ੍ਯ। ਸੋ ਚ ਪੁਗ੍ਗਲੋ ਅਨੁਪਸਮ੍ਪਨ੍ਨੋਤਿ ਜਾਨਨ੍ਤੇਨਾਪਿ ਅਜਾਨਨ੍ਤੇਨਾਪਿ ਉਪਸਮ੍ਪਾਦਿਤੋ ਅਨੁਪਸਮ੍ਪਨ੍ਨੋવ। ਸਚੇ ਪਨ ਸੋ ਦਸવਸ੍ਸਚ੍ਚਯੇਨ ਅਞ੍ਞਂ ਉਪਸਮ੍ਪਾਦੇਤਿ, ਤਞ੍ਚੇ ਮੁਞ੍ਚਿਤ੍વਾ ਗਣੋ ਪੂਰਤਿ, ਸੂਪਸਮ੍ਪਨ੍ਨੋ। ਸੋਪਿ ਯਾવ ਨ ਜਾਨਾਤਿ, ਤਾવ ਤਸ੍ਸ ਨੇવ ਸਗ੍ਗਨ੍ਤਰਾਯੋ ਨ ਮੋਕ੍ਖਨ੍ਤਰਾਯੋ, ਞਤ੍વਾ ਪਨ ਪੁਨ ਉਪਸਮ੍ਪਜ੍ਜਿਤਬ੍ਬਂ। ਤੇ ਚ ਭਿਕ੍ਖੂ ਗਾਰਯ੍ਹਾਤਿ ਠਪੇਤ੍વਾ ਉਪਜ੍ਝਾਯਂ ਅવਸੇਸਾ ਗਾਰਯ੍ਹਾ ਹੋਨ੍ਤਿ, ਸਬ੍ਬੇ ਦੁਕ੍ਕਟਂ ਆਪਜ੍ਜਨ੍ਤਿ। ਇਦਂ ਤਸ੍ਮਿਂ ਪਾਚਿਤ੍ਤਿਯਨ੍ਤਿ ਯੋ ਪਨ ਉਪਜ੍ਝਾਯੋ ਹੁਤ੍વਾ ਉਪਸਮ੍ਪਾਦੇਤਿ, ਤਸ੍ਮਿਂਯੇવ ਪੁਗ੍ਗਲੇ ਇਦਂ ਪਾਚਿਤ੍ਤਿਯਂ વੇਦਿਤਬ੍ਬਂ। ਤਸ੍ਮਾ ਯੋ ‘‘ਏવਂ ਉਪਸਮ੍ਪਾਦੇਸ੍ਸਾਮੀ’’ਤਿ ਗਣਂ વਾ ਆਚਰਿਯਂ વਾ ਪਤ੍ਤਂ વਾ ਚੀવਰਂ વਾ ਪਰਿਯੇਸਤਿ, ਸੀਮਂ વਾ ਸਮ੍ਮਨ੍ਨਤਿ (ਪਾਚਿ॰ ੪੦੪), ਉਦਕੁਕ੍ਖੇਪਂ વਾ ਪਰਿਚ੍ਛਿਨ੍ਦਤਿ, ਸੋ ਏਤੇਸੁ ਸਬ੍ਬਕਿਚ੍ਚੇਸੁ ਞਤ੍ਤਿਯਾ, ਦ੍વੀਸੁ ਚ ਕਮ੍ਮવਾਚਾਸੁ ਦੁਕ੍ਕਟਾਨਿ ਆਪਜ੍ਜਿਤ੍વਾ ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਂ ਆਪਜ੍ਜਤਿ।
Pañcame ūnavīsativassanti paṭisandhiggahaṇato paṭṭhāya aparipuṇṇavīsativassaṃ. Upasampādeyyāti upajjhāyo hutvā upasampādeyya. So ca puggalo anupasampannoti jānantenāpi ajānantenāpi upasampādito anupasampannova. Sace pana so dasavassaccayena aññaṃ upasampādeti, tañce muñcitvā gaṇo pūrati, sūpasampanno. Sopi yāva na jānāti, tāva tassa neva saggantarāyo na mokkhantarāyo, ñatvā pana puna upasampajjitabbaṃ. Te ca bhikkhū gārayhāti ṭhapetvā upajjhāyaṃ avasesā gārayhā honti, sabbe dukkaṭaṃ āpajjanti. Idaṃ tasmiṃ pācittiyanti yo pana upajjhāyo hutvā upasampādeti, tasmiṃyeva puggale idaṃ pācittiyaṃ veditabbaṃ. Tasmā yo ‘‘evaṃ upasampādessāmī’’ti gaṇaṃ vā ācariyaṃ vā pattaṃ vā cīvaraṃ vā pariyesati, sīmaṃ vā sammannati (pāci. 404), udakukkhepaṃ vā paricchindati, so etesu sabbakiccesu ñattiyā, dvīsu ca kammavācāsu dukkaṭāni āpajjitvā kammavācāpariyosāne pācittiyaṃ āpajjati.
ਰਾਜਗਹੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਊਨવੀਸਤਿવਸ੍ਸਂ ਉਪਸਮ੍ਪਾਦਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਊਨવੀਸਤਿવਸ੍ਸੇ વੇਮਤਿਕਸ੍ਸ, ਪਰਿਪੁਣ੍ਣવੀਸਤਿવਸ੍ਸੇ ਊਨਕਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਉਭਯਤ੍ਥ ਪਰਿਪੁਣ੍ਣਸਞ੍ਞਿਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਊਨવੀਸਤਿવਸ੍ਸਤਾ, ਊਨਕਸਞ੍ਞਿਤਾ, ਉਪਸਮ੍ਪਾਦਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਪਣ੍ਣਤ੍ਤਿવਜ੍ਜਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Rājagahe sambahule bhikkhū ārabbha ūnavīsativassaṃ upasampādanavatthusmiṃ paññattaṃ, asādhāraṇapaññatti, anāṇattikaṃ, ūnavīsativasse vematikassa, paripuṇṇavīsativasse ūnakasaññino, vematikassa ca dukkaṭaṃ. Ubhayattha paripuṇṇasaññissa, ummattakādīnañca anāpatti. Ūnavīsativassatā, ūnakasaññitā, upasampādananti imānettha tīṇi aṅgāni. Samuṭṭhānādīni adinnādānasadisāni, idaṃ pana paṇṇattivajjaṃ, ticittaṃ, tivedananti.
ਊਨવੀਸਤਿવਸ੍ਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ūnavīsativassasikkhāpadavaṇṇanā niṭṭhitā.
੬. ਥੇਯ੍ਯਸਤ੍ਥਸਿਕ੍ਖਾਪਦવਣ੍ਣਨਾ
6. Theyyasatthasikkhāpadavaṇṇanā
ਛਟ੍ਠੇ ਯੇ ਰਾਜਾਨਂ વਾ વਞ੍ਚੇਤ੍વਾ ਸੁਙ੍ਕਂ વਾ ਪਰਿਹਰਿਤੁਕਾਮਾ ਚੋਰਾ ਕਤਕਮ੍ਮਾ ਚੇવ ਅਕਤਕਮ੍ਮਾ ਚ ਮਗ੍ਗਪ੍ਪਟਿਪਨ੍ਨਾ, ਤੇਸੁ ਇਧ ਥੇਯ੍ਯਸਤ੍ਥਸਞ੍ਞਿਨੋ ਤਸ੍ਸ ਥੇਯ੍ਯਸਤ੍ਥਭਾવਂ ਞਤ੍વਾ ਤੇਨ ਸਦ੍ਧਿਂ ਸਂવਿਧਾਯ ਗਚ੍ਛਨ੍ਤਸ੍ਸ ਸਂવਿਧਾਨੇ ਚ ਗਮਨੇ ਚ ਓવਾਦવਗ੍ਗੇ વੁਤ੍ਤਨਯੇਨ ਆਪਤ੍ਤਿવਿਨਿਚ੍ਛਯੋ વੇਦਿਤਬ੍ਬੋ।
Chaṭṭhe ye rājānaṃ vā vañcetvā suṅkaṃ vā pariharitukāmā corā katakammā ceva akatakammā ca maggappaṭipannā, tesu idha theyyasatthasaññino tassa theyyasatthabhāvaṃ ñatvā tena saddhiṃ saṃvidhāya gacchantassa saṃvidhāne ca gamane ca ovādavagge vuttanayena āpattivinicchayo veditabbo.
ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਥੇਯ੍ਯਸਤ੍ਥੇਨ ਸਦ੍ਧਿਂ ਸਂવਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਮਨੁਸ੍ਸੇਸੁ ਅਸਂવਿਦਹਨ੍ਤੇਸੁ ਸਯਮੇવ ਸਂવਿਦਹਿਤ੍વਾ ਗਚ੍ਛਨ੍ਤਸ੍ਸ, ਥੇਯ੍ਯਸਤ੍ਥੇ વੇਮਤਿਕਸ੍ਸ, ਅਥੇਯ੍ਯਸਤ੍ਥੇ ਥੇਯ੍ਯਸਤ੍ਥਸਞ੍ਞਿਨੋ, વੇਮਤਿਕਸ੍ਸ ਚ ਦੁਕ੍ਕਟਂ। ਅਥੇਯ੍ਯਸਤ੍ਥਸਞ੍ਞਿਸ੍ਸ, ਅਸਂવਿਦਹਿਤ੍વਾ વਾ ਕਾਲવਿਸਙ੍ਕੇਤੇਨ વਾ, ਆਪਦਾਸੁ વਾ, ਗਚ੍ਛਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਥੇਯ੍ਯਸਤ੍ਥਭਾવੋ, ਜਾਨਨਂ, ਸਂવਿਧਾਨਂ, ਅવਿਸਙ੍ਕੇਤੇਨ ਗਮਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ। ਥੇਯ੍ਯਸਤ੍ਥਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Sāvatthiyaṃ aññataraṃ bhikkhuṃ ārabbha theyyasatthena saddhiṃ saṃvidhāya ekaddhānamaggaṃ paṭipajjanavatthusmiṃ paññattaṃ, sādhāraṇapaññatti, anāṇattikaṃ, manussesu asaṃvidahantesu sayameva saṃvidahitvā gacchantassa, theyyasatthe vematikassa, atheyyasatthe theyyasatthasaññino, vematikassa ca dukkaṭaṃ. Atheyyasatthasaññissa, asaṃvidahitvā vā kālavisaṅketena vā, āpadāsu vā, gacchantassa, ummattakādīnañca anāpatti. Theyyasatthabhāvo, jānanaṃ, saṃvidhānaṃ, avisaṅketena gamananti imānettha cattāri aṅgāni. Theyyasatthasamuṭṭhānaṃ, kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਥੇਯ੍ਯਸਤ੍ਥਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Theyyasatthasikkhāpadavaṇṇanā niṭṭhitā.
੭. ਸਂવਿਧਾਨਸਿਕ੍ਖਾਪਦવਣ੍ਣਨਾ
7. Saṃvidhānasikkhāpadavaṇṇanā
ਸਤ੍ਤਮੇ ਸਾવਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਮਾਤੁਗਾਮੇਨ ਸਦ੍ਧਿਂ ਏਕਦ੍ਧਾਨਮਗ੍ਗਂ ਪਟਿਪਜ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਭਿਕ੍ਖੁਨਿਯਾ ਸਦ੍ਧਿਂ ਸਂવਿਧਾਨਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Sattame sāvatthiyaṃ aññataraṃ bhikkhuṃ ārabbha mātugāmena saddhiṃ ekaddhānamaggaṃ paṭipajjanavatthusmiṃ paññattaṃ, sesamettha bhikkhuniyā saddhiṃ saṃvidhānasikkhāpade vuttanayeneva veditabbanti.
ਸਂવਿਧਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Saṃvidhānasikkhāpadavaṇṇanā niṭṭhitā.
੮. ਅਰਿਟ੍ਠਸਿਕ੍ਖਾਪਦવਣ੍ਣਨਾ
8. Ariṭṭhasikkhāpadavaṇṇanā
ਅਟ੍ਠਮੇ ਸਗ੍ਗਮੋਕ੍ਖਾਨਂ ਅਨ੍ਤਰਾਯਂ ਕਰੋਨ੍ਤੀਤਿ ਅਨ੍ਤਰਾਯਿਕਾ, ਤੇ ਕਮ੍ਮਕਿਲੇਸવਿਪਾਕਉਪવਾਦਪਞ੍ਞਤ੍ਤਿવੀਤਿਕ੍ਕਮਨવਸੇਨ ਪਞ੍ਚવਿਧਾ। ਤੇਸੁ ਮੁਦੁਕਾਨਂ ਅਤ੍ਥਰਣਾਦੀਨਂ ਫਸ੍ਸੋ વਿਯ ਇਤ੍ਥਿਸਮ੍ਫਸ੍ਸੋਪਿ વਟ੍ਟਤੀਤਿ ਮੇਥੁਨવੀਤਿਕ੍ਕਮਨੇ ਦੋਸਂ ਅਦਿਸ੍વਾ ਪਞ੍ਞਤ੍ਤਿવੀਤਿਕ੍ਕਮਨ੍ਤਰਾਯਿਕੇ ਸਨ੍ਧਾਯ ‘‘ਯੇਮੇ ਅਨ੍ਤਰਾਯਿਕਾ ਧਮ੍ਮਾ વੁਤ੍ਤਾ ਭਗવਤਾ, ਤੇ ਪਟਿਸੇવਤੋ ਨਾਲਂ ਅਨ੍ਤਰਾਯਾਯਾ’’ਤਿ વੁਤ੍ਤਂ। ਅਨੇਕਪਰਿਯਾਯੇਨਾਤਿ ‘‘ਅਟ੍ਠਿਕਙ੍ਕਲੂਪਮਾ ਕਾਮਾ’’ਤਿਆਦੀਹਿ (ਮ॰ ਨਿ॰ ੨.੪੨; ਪਾਚਿ॰ ੪੧੭; ਚੂਲ਼ਨਿ॰ ਖਗ੍ਗવਿਸਾਣਸੁਤ੍ਤਨਿਦ੍ਦੇਸ ੧੪੭) ਨੇਕੇਹਿ ਕਾਰਣੇਹਿ। ਸੋ ਭਿਕ੍ਖੁ ਭਿਕ੍ਖੂਹੀਤਿ ਯੇ ਪਸ੍ਸਨ੍ਤਿ વਾ ਸੁਣਨ੍ਤਿ વਾ, ਤੇਹਿ ਤਿਕ੍ਖਤ੍ਤੁਂ ਏવਂ વਤ੍ਤਬ੍ਬੋ ‘‘ਮਾ ਆਯਸ੍ਮਾ ਏવਂ ਅવਚ…ਪੇ॰… ਅਲਞ੍ਚ ਪਨ ਤੇ ਪਟਿਸੇવਤੋ ਅਨ੍ਤਰਾਯਾਯਾ’’ਤਿ। ਏવਂ વੁਤ੍ਤੇ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਦੁਕ੍ਕਟਂ, ਸੁਤ੍વਾ ਅવਦਨ੍ਤਾਨਮ੍ਪਿ ਦੁਕ੍ਕਟਂ। ਪੁਨ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍વਾ ਤਥੇવ વਤ੍ਤਬ੍ਬੋ, ਤਤ੍ਰਾਪਿ ਤਸ੍ਸ ਅਪ੍ਪਟਿਨਿਸ੍ਸਜ੍ਜਨੇ, ਇਤਰੇਸਞ੍ਚ ਅવਚਨੇ ਦੁਕ੍ਕਟਮੇવ। ਏવਮ੍ਪਿ ਅਪ੍ਪਟਿਨਿਸ੍ਸਜ੍ਜਨ੍ਤੋ ਪੁਨ ਞਤ੍ਤਿਚਤੁਤ੍ਥੇਨ ਕਮ੍ਮੇਨ ਯਾવਤਤਿਯਂ ਸਮਨੁਭਾਸਿਤਬ੍ਬੋ, ਅਥਸ੍ਸ ਅਪ੍ਪਟਿਨਿਸ੍ਸਜ੍ਜਤੋ ਪੁਨ ਞਤ੍ਤਿਯਾ ਚ ਦ੍વੀਹਿ ਚ ਕਮ੍ਮવਾਚਾਹਿ ਦੁਕ੍ਕਟਂ, ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਂ।
Aṭṭhame saggamokkhānaṃ antarāyaṃ karontīti antarāyikā, te kammakilesavipākaupavādapaññattivītikkamanavasena pañcavidhā. Tesu mudukānaṃ attharaṇādīnaṃ phasso viya itthisamphassopi vaṭṭatīti methunavītikkamane dosaṃ adisvā paññattivītikkamantarāyike sandhāya ‘‘yeme antarāyikā dhammā vuttā bhagavatā, te paṭisevato nālaṃ antarāyāyā’’ti vuttaṃ. Anekapariyāyenāti ‘‘aṭṭhikaṅkalūpamā kāmā’’tiādīhi (ma. ni. 2.42; pāci. 417; cūḷani. khaggavisāṇasuttaniddesa 147) nekehi kāraṇehi. So bhikkhu bhikkhūhīti ye passanti vā suṇanti vā, tehi tikkhattuṃ evaṃ vattabbo ‘‘mā āyasmā evaṃ avaca…pe… alañca pana te paṭisevato antarāyāyā’’ti. Evaṃ vutte appaṭinissajjantassa dukkaṭaṃ, sutvā avadantānampi dukkaṭaṃ. Puna saṅghamajjhampi ākaḍḍhitvā tatheva vattabbo, tatrāpi tassa appaṭinissajjane, itaresañca avacane dukkaṭameva. Evampi appaṭinissajjanto puna ñatticatutthena kammena yāvatatiyaṃ samanubhāsitabbo, athassa appaṭinissajjato puna ñattiyā ca dvīhi ca kammavācāhi dukkaṭaṃ, kammavācāpariyosāne pācittiyaṃ.
ਸਾવਤ੍ਥਿਯਂ ਅਰਿਟ੍ਠਂ ਆਰਬ੍ਭ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਜ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ। ਅਸਮਨੁਭਾਸਿਯਮਾਨਸ੍ਸ , ਪਟਿਨਿਸ੍ਸਜ੍ਜਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਧਮ੍ਮਕਮ੍ਮਤਾ, ਸਮਨੁਭਾਸਨਾ, ਅਪ੍ਪਟਿਨਿਸ੍ਸਜ੍ਜਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਦਿਸਾਨੇવਾਤਿ।
Sāvatthiyaṃ ariṭṭhaṃ ārabbha pāpikāya diṭṭhiyā appaṭinissajjanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, adhammakamme tikadukkaṭaṃ. Asamanubhāsiyamānassa , paṭinissajjantassa, ummattakādīnañca anāpatti. Dhammakammatā, samanubhāsanā, appaṭinissajjananti imānettha tīṇi aṅgāni. Samuṭṭhānādīni samanubhāsanasadisānevāti.
ਅਰਿਟ੍ਠਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ariṭṭhasikkhāpadavaṇṇanā niṭṭhitā.
੯. ਉਕ੍ਖਿਤ੍ਤਸਮ੍ਭੋਗਸਿਕ੍ਖਾਪਦવਣ੍ਣਨਾ
9. Ukkhittasambhogasikkhāpadavaṇṇanā
ਨવਮੇ ਤਥਾવਾਦਿਨਾਤਿ ‘‘ਤਥਾਹਂ ਭਗવਤਾ ਧਮ੍ਮ’’ਨ੍ਤਿਆਦਿવਾਦਿਨਾ। ਅਕਤਾਨੁਧਮ੍ਮੇਨਾਤਿ ਅਨੁਧਮ੍ਮੋ વੁਚ੍ਚਤਿ ਆਪਤ੍ਤਿਯਾ ਅਦਸ੍ਸਨੇ વਾ ਅਪ੍ਪਟਿਕਮ੍ਮੇ વਾ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ વਾ ਧਮ੍ਮੇਨ વਿਨਯੇਨ ਉਕ੍ਖਿਤ੍ਤਕਸ੍ਸ ਅਨੁਲੋਮવਤ੍ਤਂ ਦਿਸ੍વਾ ਕਤਓਸਾਰਣਾ, ਸੋ ਓਸਾਰਣਸਙ੍ਖਾਤੋ ਅਨੁਧਮ੍ਮੋ ਯਸ੍ਸ ਨ ਕਤੋ, ਅਯਂ ਅਕਤਾਨੁਧਮ੍ਮੋ ਨਾਮ, ਤਾਦਿਸੇਨ ਸਦ੍ਧਿਨ੍ਤਿ ਅਤ੍ਥੋ। ਸਮ੍ਭੁਞ੍ਜੇਯ੍ਯ વਾਤਿ ਆਮਿਸਸਮ੍ਭੋਗਂ વਾ ਧਮ੍ਮਸਮ੍ਭੋਗਂ વਾ ਕਰੇਯ੍ਯ। ਸਂવਸੇਯ੍ਯ વਾਤਿ ਉਪੋਸਥਾਦਿਕਂ ਸਙ੍ਘਕਮ੍ਮਂ ਕਰੇਯ੍ਯ । ਸਹ વਾ ਸੇਯ੍ਯਂ ਕਪ੍ਪੇਯ੍ਯਾਤਿ ਨਾਨੂਪਚਾਰੇਪਿ ਏਕਚ੍ਛਨ੍ਨੇ ਨਿਪਜ੍ਜੇਯ੍ਯ। ਤਤ੍ਥ ਆਮਿਸਪਰਿਭੋਗੇ ਏਕਪ੍ਪਯੋਗੇਨ ਬਹੂਪਿ ਦਦਤੋ વਾ ਗਣ੍ਹਤੋ વਾ ਏਕਂ ਪਾਚਿਤ੍ਤਿਯਂ, વਿਚ੍ਛਿਨ੍ਦਨੇ ਸਤਿ ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਧਮ੍ਮਸਮ੍ਭੋਗੇ ਪਦਾਦੀਹਿ ਉਦ੍ਦਿਸਨ੍ਤਸ੍ਸ વਾ ਉਦ੍ਦਿਸਾਪੇਨ੍ਤਸ੍ਸ વਾ ਪਦਸੋਧਮ੍ਮੇ વੁਤ੍ਤਨਯੇਨ, ਸਂવਾਸੇ ਕਮ੍ਮਪਰਿਯੋਸਾਨવਸੇਨ, ਸਹਸੇਯ੍ਯਾਯ ਏਕਸ੍ਮਿਂ ਨਿਪਨ੍ਨੇ ਇਤਰਸ੍ਸ ਨਿਪਜ੍ਜਨਪ੍ਪਯੋਗવਸੇਨ ਆਪਤ੍ਤਿਪਰਿਚ੍ਛੇਦੋ વੇਦਿਤਬ੍ਬੋ।
Navame tathāvādināti ‘‘tathāhaṃ bhagavatā dhamma’’ntiādivādinā. Akatānudhammenāti anudhammo vuccati āpattiyā adassane vā appaṭikamme vā pāpikāya diṭṭhiyā appaṭinissagge vā dhammena vinayena ukkhittakassa anulomavattaṃ disvā kataosāraṇā, so osāraṇasaṅkhāto anudhammo yassa na kato, ayaṃ akatānudhammo nāma, tādisena saddhinti attho. Sambhuñjeyya vāti āmisasambhogaṃ vā dhammasambhogaṃ vā kareyya. Saṃvaseyya vāti uposathādikaṃ saṅghakammaṃ kareyya . Saha vā seyyaṃ kappeyyāti nānūpacārepi ekacchanne nipajjeyya. Tattha āmisaparibhoge ekappayogena bahūpi dadato vā gaṇhato vā ekaṃ pācittiyaṃ, vicchindane sati payoge payoge pācittiyaṃ. Dhammasambhoge padādīhi uddisantassa vā uddisāpentassa vā padasodhamme vuttanayena, saṃvāse kammapariyosānavasena, sahaseyyāya ekasmiṃ nipanne itarassa nipajjanappayogavasena āpattiparicchedo veditabbo.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਰਿਟ੍ਠੇਨ ਭਿਕ੍ਖੁਨਾ ਸਦ੍ਧਿਂ ਸਮ੍ਭੁਞ੍ਜਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਉਕ੍ਖਿਤ੍ਤਕੇ વੇਮਤਿਕਸ੍ਸ, ਅਨੁਕ੍ਖਿਤ੍ਤਕੇ ਉਕ੍ਖਿਤ੍ਤਕਸਞ੍ਞਿਨੋ ਚੇવ વੇਮਤਿਕਸ੍ਸ ਚ ਦੁਕ੍ਕਟਂ। ਉਭੋਸੁ ਅਨੁਕ੍ਖਿਤ੍ਤਕਸਞ੍ਞਿਸ੍ਸ, ‘‘ਓਸਾਰਿਤੋ’’ਤਿ વਾ ‘‘ਤਂ ਦਿਟ੍ਠਿਂ ਪਟਿਨਿਸ੍ਸਟ੍ਠੋ’’ਤਿ વਾ ਜਾਨਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ। ਅਕਤਾਨੁਧਮ੍ਮਤਾ, ਜਾਨਨਾ, ਸਮ੍ਭੋਗਾਦਿਕਰਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਪਣ੍ਣਤ੍ਤਿવਜ੍ਜਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Sāvatthiyaṃ chabbaggiye ārabbha ariṭṭhena bhikkhunā saddhiṃ sambhuñjanavatthusmiṃ paññattaṃ, sādhāraṇapaññatti, anāṇattikaṃ, ukkhittake vematikassa, anukkhittake ukkhittakasaññino ceva vematikassa ca dukkaṭaṃ. Ubhosu anukkhittakasaññissa, ‘‘osārito’’ti vā ‘‘taṃ diṭṭhiṃ paṭinissaṭṭho’’ti vā jānantassa, ummattakādīnañca anāpatti. Akatānudhammatā, jānanā, sambhogādikaraṇanti imānettha tīṇi aṅgāni. Samuṭṭhānādīni adinnādānasadisāni, idaṃ pana paṇṇattivajjaṃ, ticittaṃ, tivedananti.
ਉਕ੍ਖਿਤ੍ਤਸਮ੍ਭੋਗਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ukkhittasambhogasikkhāpadavaṇṇanā niṭṭhitā.
੧੦. ਕਣ੍ਟਕਸਿਕ੍ਖਾਪਦવਣ੍ਣਨਾ
10. Kaṇṭakasikkhāpadavaṇṇanā
ਦਸਮੇ ਸਮਣੁਦ੍ਦੇਸੋਤਿ ਸਾਮਣੇਰੋ। ਚਰਾਤਿ ਗਚ੍ਛ। ਪਿਰੇਤਿ ਪਰ ਅਮਾਮਕ। વਿਨਸ੍ਸਾਤਿ ਨਸ੍ਸ , ਯਤ੍ਥ ਤਂ ਨ ਪਸ੍ਸਾਮ, ਤਤ੍ਥ ਗਚ੍ਛਾਤਿ વੁਤ੍ਤਂ ਹੋਤਿ। ਤਥਾਨਾਸਿਤਨ੍ਤਿਏਤ੍ਥ ਸਂવਾਸਨਾਸਨਾ ਲਿਙ੍ਗਨਾਸਨਾ ਦਣ੍ਡਕਮ੍ਮਨਾਸਨਾਤਿ ਤਿਸ੍ਸੋ ਨਾਸਨਾ। ਤਤ੍ਥ ਆਪਤ੍ਤਿਯਾ ਅਦਸ੍ਸਨਾਦੀਸੁ ਉਕ੍ਖੇਪਨਾ ਸਂવਾਸਨਾਸਨਾ ਨਾਮ। ਦੂਸਕੋ ਨਾਸੇਤਬ੍ਬੋ (ਪਾਰਾ॰ ੬੬), ਮੇਤ੍ਤਿਯਂ ਭਿਕ੍ਖੁਨਿਂ ਨਾਸੇਥਾਤਿ (ਚੂਲ਼વ॰ ੧੯੩; ਪਾਰਾ॰ ੩੮੪) ਅਯਂ ਲਿਙ੍ਗਨਾਸਨਾ ਨਾਮ। ‘‘ਅਜ੍ਜਤਗ੍ਗੇ ਤੇ, ਆવੁਸੋ ਸਮਣੁਦ੍ਦੇਸ, ਨ ਚੇવ ਸੋ ਭਗવਾ ਸਤ੍ਥਾ ਅਪਦਿਸਿਤਬ੍ਬੋ’’ਤਿ (ਪਾਚਿ॰ ੪੨੯) ਅਯਂ ਦਣ੍ਡਕਮ੍ਮਨਾਸਨਾ ਨਾਮ, ਅਯਂ ਇਧਾਧਿਪ੍ਪੇਤਾ। ਤੇਨ વੁਤ੍ਤਂ ‘‘ਤਥਾਨਾਸਿਤ’’ਨ੍ਤਿ। ਉਪਲਾਪੇਯ੍ਯਾਤਿ ‘‘ਪਤ੍ਤਂ વਾ ਚੀવਰਂ વਾ ਉਦ੍ਦੇਸਂ વਾ ਪਰਿਪੁਚ੍ਛਂ વਾ ਦਸ੍ਸਾਮੀ’’ਤਿ ਸਙ੍ਗਣ੍ਹੇਯ੍ਯ। ਉਪਟ੍ਠਾਪੇਯ੍ਯਾਤਿ ਚੁਣ੍ਣਮਤ੍ਤਿਕਾਦੀਨਿ ਸਾਦਿਯਨ੍ਤੋ ਤੇਨ ਅਤ੍ਤਨੋ ਉਪਟ੍ਠਾਨਂ ਕਾਰਾਪੇਯ੍ਯ। ਸਮ੍ਭੋਗਸਹਸੇਯ੍ਯਾ ਅਨਨ੍ਤਰਸਿਕ੍ਖਾਪਦੇ વੁਤ੍ਤਨਯਾ ਏવ, ਤਸ੍ਮਾ ਆਪਤ੍ਤਿਪਰਿਚ੍ਛੇਦੋਪੇਤ੍ਥ ਤਸ੍ਮਿਂ વੁਤ੍ਤਨਯੇਨੇવ વੇਦਿਤਬ੍ਬੋ।
Dasame samaṇuddesoti sāmaṇero. Carāti gaccha. Pireti para amāmaka. Vinassāti nassa , yattha taṃ na passāma, tattha gacchāti vuttaṃ hoti. Tathānāsitantiettha saṃvāsanāsanā liṅganāsanā daṇḍakammanāsanāti tisso nāsanā. Tattha āpattiyā adassanādīsu ukkhepanā saṃvāsanāsanā nāma. Dūsako nāsetabbo (pārā. 66), mettiyaṃ bhikkhuniṃ nāsethāti (cūḷava. 193; pārā. 384) ayaṃ liṅganāsanā nāma. ‘‘Ajjatagge te, āvuso samaṇuddesa, na ceva so bhagavā satthā apadisitabbo’’ti (pāci. 429) ayaṃ daṇḍakammanāsanā nāma, ayaṃ idhādhippetā. Tena vuttaṃ ‘‘tathānāsita’’nti. Upalāpeyyāti ‘‘pattaṃ vā cīvaraṃ vā uddesaṃ vā paripucchaṃ vā dassāmī’’ti saṅgaṇheyya. Upaṭṭhāpeyyāti cuṇṇamattikādīni sādiyanto tena attano upaṭṭhānaṃ kārāpeyya. Sambhogasahaseyyā anantarasikkhāpade vuttanayā eva, tasmā āpattiparicchedopettha tasmiṃ vuttanayeneva veditabbo.
ਸਾવਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਕਣ੍ਟਕਸਮਣੁਦ੍ਦੇਸਉਪਲਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਅਰਿਟ੍ਠਸਿਕ੍ਖਾਪਦੇ વੁਤ੍ਤਸਦਿਸਮੇવਾਤਿ।
Sāvatthiyaṃ chabbaggiye bhikkhū ārabbha kaṇṭakasamaṇuddesaupalāpanavatthusmiṃ paññattaṃ, sesaṃ ariṭṭhasikkhāpade vuttasadisamevāti.
ਕਣ੍ਟਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kaṇṭakasikkhāpadavaṇṇanā niṭṭhitā.
ਸਪ੍ਪਾਣਕવਗ੍ਗੋ ਸਤ੍ਤਮੋ।
Sappāṇakavaggo sattamo.
