| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. ਸਪ੍ਪਙ੍ਗਪਞ੍ਹੋ
9. Sappaṅgapañho
੯. ‘‘ਭਨ੍ਤੇ ਨਾਗਸੇਨ, ‘ਸਪ੍ਪਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਸਪ੍ਪੋ ਉਰੇਨ ਗਚ੍ਛਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਞ੍ਞਾਯ ਚਰਿਤਬ੍ਬਂ, ਪਞ੍ਞਾਯ ਚਰਮਾਨਸ੍ਸ ਖੋ, ਮਹਾਰਾਜ, ਯੋਗਿਨੋ ਚਿਤ੍ਤਂ ਞਾਯੇ ਚਰਤਿ, વਿਲਕ੍ਖਣਂ વਿવਜ੍ਜੇਤਿ, ਸਲਕ੍ਖਣਂ ਭਾવੇਤਿ। ਇਦਂ, ਮਹਾਰਾਜ , ਸਪ੍ਪਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
9. ‘‘Bhante nāgasena, ‘sappassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, sappo urena gacchati, evameva kho, mahārāja, yoginā yogāvacarena paññāya caritabbaṃ, paññāya caramānassa kho, mahārāja, yogino cittaṃ ñāye carati, vilakkhaṇaṃ vivajjeti, salakkhaṇaṃ bhāveti. Idaṃ, mahārāja , sappassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸਪ੍ਪੋ ਚਰਮਾਨੋ ਓਸਧਂ ਪਰਿવਜ੍ਜੇਨ੍ਤੋ ਚਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਦੁਚ੍ਚਰਿਤਂ ਪਰਿવਜ੍ਜੇਨ੍ਤੇਨ ਚਰਿਤਬ੍ਬਂ। ਇਦਂ, ਮਹਾਰਾਜ, ਸਪ੍ਪਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sappo caramāno osadhaṃ parivajjento carati, evameva kho, mahārāja, yoginā yogāvacarena duccaritaṃ parivajjentena caritabbaṃ. Idaṃ, mahārāja, sappassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸਪ੍ਪੋ ਮਨੁਸ੍ਸੇ ਦਿਸ੍વਾ ਤਪ੍ਪਤਿ 1 ਸੋਚਤਿ ਚਿਨ੍ਤਯਤਿ, ਏવਮੇવ ਖੋ ਮਹਾਰਾਜ ਯੋਗਿਨਾ ਯੋਗਾવਚਰੇਨ ਕੁવਿਤਕ੍ਕੇ, વਿਤਕ੍ਕੇਤ੍વਾ ਅਰਤਿਂ ਉਪ੍ਪਾਦਯਿਤ੍વਾ ਤਪ੍ਪਿਤਬ੍ਬਂ ਸੋਚਿਤਬ੍ਬਂ ਚਿਨ੍ਤਯਿਤਬ੍ਬਂ ‘ਪਮਾਦੇਨ ਮੇ ਦਿવਸੋ વੀਤਿਨਾਮਿਤੋ, ਨ ਸੋ ਪੁਨ ਸਕ੍ਕਾ ਲਦ੍ਧੁ’ਨ੍ਤਿ। ਇਦਂ, ਮਹਾਰਾਜ, ਸਪ੍ਪਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਭਲ੍ਲਾਟਿਯਜਾਤਕੇ ਦ੍વਿਨ੍ਨਂ ਕਿਨ੍ਨਰਾਨਂ –
‘‘Puna caparaṃ, mahārāja, sappo manusse disvā tappati 2 socati cintayati, evameva kho mahārāja yoginā yogāvacarena kuvitakke, vitakketvā aratiṃ uppādayitvā tappitabbaṃ socitabbaṃ cintayitabbaṃ ‘pamādena me divaso vītināmito, na so puna sakkā laddhu’nti. Idaṃ, mahārāja, sappassa tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā bhallāṭiyajātake dvinnaṃ kinnarānaṃ –
‘‘‘ਮਯੇਕਰਤ੍ਤਂ 3 વਿਪ੍ਪવਸਿਮ੍ਹ ਲੁਦ੍ਦ, ਅਕਾਮਕਾ ਅਞ੍ਞਮਞ੍ਞਂ ਸਰਨ੍ਤਾ।
‘‘‘Mayekarattaṃ 4 vippavasimha ludda, akāmakā aññamaññaṃ sarantā;
ਤਮੇਕਰਤ੍ਤਂ 5 ਅਨੁਤਪ੍ਪਮਾਨਾ, ਸੋਚਾਮ ‘ਸਾ ਰਤ੍ਤਿ ਪੁਨ ਨਹੇਸ੍ਸਤੀ’’’ਤਿ॥
Tamekarattaṃ 6 anutappamānā, socāma ‘sā ratti puna nahessatī’’’ti.
ਸਪ੍ਪਙ੍ਗਪਞ੍ਹੋ ਨવਮੋ।
Sappaṅgapañho navamo.
Footnotes:
