| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. саббасуд̇д̇ам̣
6. Sappasuttaṃ
142. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и.
142. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati.
ат̇а ко мааро баабимаа бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо маханд̇ам̣ саббарааж̇аван̣н̣ам̣ абхинимминид̇ваа язна бхаг̇аваа д̇знубасан̇гами. сзяяат̇ааби наама махад̇ий згаругкигаа нааваа, звамасса гааяо ход̇и. сзяяат̇ааби наама маханд̇ам̣ сон̣д̣игаагил̣ан̃ж̇ам̣, звамасса пан̣о ход̇и. сзяяат̇ааби наама махад̇ий госалигаа гам̣сабаад̇и, звамасса агкийни бхаванд̇и. сзяяат̇ааби наама д̣̇звз г̇ал̣аг̇ал̣ааяанд̇з виж̇ж̇уллад̇аа нижчаранд̇и, звамасса мукад̇о ж̇ивхаа нижчарад̇и. сзяяат̇ааби наама гаммаараг̇аг̇г̇арияаа д̇хамамаанааяа сад̣̇д̣̇о ход̇и, звамасса ассаасабассаасаанам̣ сад̣̇д̣̇о ход̇и.
Atha kho māro pāpimā bhagavato bhayaṃ chambhitattaṃ lomahaṃsaṃ uppādetukāmo mahantaṃ sapparājavaṇṇaṃ abhinimminitvā yena bhagavā tenupasaṅkami. Seyyathāpi nāma mahatī ekarukkhikā nāvā, evamassa kāyo hoti. Seyyathāpi nāma mahantaṃ soṇḍikākiḷañjaṃ, evamassa phaṇo hoti. Seyyathāpi nāma mahatī kosalikā kaṃsapāti, evamassa akkhīni bhavanti. Seyyathāpi nāma deve gaḷagaḷāyante vijjullatā niccharanti, evamassa mukhato jivhā niccharati. Seyyathāpi nāma kammāragaggariyā dhamamānāya saddo hoti, evamassa assāsapassāsānaṃ saddo hoti.
ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи аж̇жхабхааси –
Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –
‘‘яо сун̃н̃аг̇зхаани сзвад̇и,
‘‘Yo suññagehāni sevati,
сзяяо со муни ад̇д̇асан̃н̃ад̇о;
Seyyo so muni attasaññato;
воссаж̇ж̇а жарзяяа д̇ад̇т̇а со,
Vossajja careyya tattha so,
бад̇ируубан̃хи д̇ат̇аавид̇хасса д̇ам̣.
Patirūpañhi tathāvidhassa taṃ.
‘‘жарагаа б̣ахуу бхзраваа б̣ахуу,
‘‘Carakā bahū bheravā bahū,
ломамби на д̇ад̇т̇а ин̃ж̇аяз,
Lomampi na tattha iñjaye,
сун̃н̃ааг̇аараг̇ад̇о махаамуни.
Suññāgāragato mahāmuni.
‘‘набхам̣ палзяяа бат̇авий жалзяяа,
‘‘Nabhaṃ phaleyya pathavī caleyya,
саб̣б̣зби баан̣аа уд̣̇а санд̇асзяяум̣;
Sabbepi pāṇā uda santaseyyuṃ;
салламби жз ураси багаббаязяяум̣,
Sallampi ce urasi pakappayeyyuṃ,
убад̇хийсу д̇аан̣ам̣ на гаронд̇и б̣уд̣̇д̇хаа’’д̇и.
Upadhīsu tāṇaṃ na karonti buddhā’’ti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саббасуд̇д̇аван̣н̣анаа • 6. Sappasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. саббасуд̇д̇аван̣н̣анаа • 6. Sappasuttavaṇṇanā
