| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. саббасуд̇д̇аван̣н̣анаа
6. Sappasuttavaṇṇanā
142. сураагаарагаананд̇и бидтасурааяож̇анагаанам̣. госалаанам̣ иссарод̇и госало, госаларааж̇асса аяанд̇и госалигаа. барибхог̇абаад̇ийд̇и бхад̇д̇абарибхож̇анад̇т̇ааяа баад̇и барибхог̇абаад̇и. гаммааруд̣̇д̇ханабан̣аал̣ияаад̇и гаммааруд̣̇д̇ханабан̣аал̣имукз. д̇хамамаанааяаад̇и д̇хамияамаанааяа. д̇ам̣ бана яасмаа бхасд̇аваад̇зхи буурид̇ам̣ наама ход̇и, д̇асмаа ‘‘бхасд̇аваад̇зна буурияамаанааяаа’’д̇и вуд̇д̇ам̣. нияаамабхуумияанд̇и бхаг̇авад̇о бадисаллаанадтаанз сан̃жаранд̇ам̣ маарам̣ мам̣сажагкунаава д̣̇исваа. д̇знааха ‘‘виж̇ж̇улад̇аалогзнаа’’д̇и.
142.Surākārakānanti piṭṭhasurāyojanakānaṃ. Kosalānaṃ issaroti kosalo, kosalarājassa ayanti kosalikā. Paribhogapātīti bhattaparibhojanatthāya pāti paribhogapāti. Kammāruddhanapaṇāḷiyāti kammāruddhanapaṇāḷimukhe. Dhamamānāyāti dhamiyamānāya. Taṃ pana yasmā bhastavātehi pūritaṃ nāma hoti, tasmā ‘‘bhastavātena pūriyamānāyā’’ti vuttaṃ. Niyāmabhūmiyanti bhagavato paṭisallānaṭṭhāne sañcarantaṃ māraṃ maṃsacakkhunāva disvā. Tenāha ‘‘vijjulatālokenā’’ti.
сзяяад̇т̇ааяаад̇и сзяяаанисам̣сааяа. д̇знааха ‘‘тассаамий’’д̇иаад̣̇и. ад̇д̇асан̃н̃ад̇од̇и ад̇д̇абхаавзна сам̣яад̇о. д̇знааха ‘‘сам̣яад̇ад̇д̇абхааво’’д̇и. д̇ам̣сан̣тид̇ассаад̇и д̇асмим̣ хад̇т̇абаад̣̇агуггужжарахид̇з б̣уд̣̇д̇хамунисмим̣ авадтид̇асса. воссаж̇ж̇а жарзяяа д̇ад̇т̇а сод̇и иминаа бхаг̇аваа д̇ам̣ б̣яаагарамаано вибхим̣сид̇аа б̣уд̣̇д̇хаанам̣ гим̣ гариссад̇и бхаяаабхаавад̇о? гзвалам̣ бана анадтавалигам̣ уббийл̣знд̇о вияа д̇вамзва ааяаасам̣ аабаж̇ж̇иссасийд̇и маарам̣ санд̇аж̇ж̇зд̇и.
Seyyatthāyāti seyyānisaṃsāya. Tenāha ‘‘ṭhassāmī’’tiādi. Attasaññatoti attabhāvena saṃyato. Tenāha ‘‘saṃyatattabhāvo’’ti. Taṃsaṇṭhitassāti tasmiṃ hatthapādakukkuccarahite buddhamunismiṃ avaṭṭhitassa. Vossajja careyya tattha soti iminā bhagavā taṃ byākaramāno vibhiṃsitā buddhānaṃ kiṃ karissati bhayābhāvato? Kevalaṃ pana anaṭṭhavalikaṃ uppīḷento viya tvameva āyāsaṃ āpajjissasīti māraṃ santajjeti.
бхзраваад̇и авийд̇арааг̇аанам̣ бхаяаж̇анагаа. д̇ад̇т̇аад̇и д̇ам̣нимид̇д̇ам̣. палзяяаад̇и бхиж̇ж̇зяяа. сад̇д̇исалланд̇и сад̇д̇исан̇каад̇ам̣ бут̇усаллам̣. урасмим̣ жаараязяяунд̇и паасум̣ виж̇жхид̇ум̣ табзяяум̣ уг̇г̇ирзяяум̣. канд̇хубад̇хийсууд̇и канд̇хасан̇каад̇зсу убад̇хийсу. д̇аан̣ам̣ гаронд̇и наамаад̇и д̇ад̇о бхаяанимид̇д̇ад̇о ад̇д̇ано д̇аан̣ам̣ гаронд̇и наама.
Bheravāti avītarāgānaṃ bhayajanakā. Tatthāti taṃnimittaṃ. Phaleyyāti bhijjeyya. Sattisallanti sattisaṅkhātaṃ puthusallaṃ. Urasmiṃ cārayeyyunti phāsuṃ vijjhituṃ ṭhapeyyuṃ uggireyyuṃ. Khandhupadhīsūti khandhasaṅkhātesu upadhīsu. Tāṇaṃ karonti nāmāti tato bhayanimittato attano tāṇaṃ karonti nāma.
саббасуд̇д̇аван̣н̣анаа нидтид̇аа.
Sappasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саббасуд̇д̇ам̣ • 6. Sappasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саббасуд̇д̇аван̣н̣анаа • 6. Sappasuttavaṇṇanā
