| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. саббид̣̇ааяагад̇т̇зраабад̣̇аанам̣
9. Sappidāyakattheraapadānaṃ
44.
44.
‘‘нисинно баасаад̣̇аварз, наарийг̇ан̣абурагкад̇о;
‘‘Nisinno pāsādavare, nārīgaṇapurakkhato;
б̣яаад̇хид̇ам̣ саман̣ам̣ д̣̇исваа, абхинаамзсахам̣ гхарам̣.
Byādhitaṃ samaṇaṃ disvā, abhināmesahaṃ gharaṃ.
45.
45.
‘‘убавидтам̣ махаавийрам̣, д̣̇звад̣̇звам̣ нараасабхам̣;
‘‘Upaviṭṭhaṃ mahāvīraṃ, devadevaṃ narāsabhaṃ;
саббид̇злам̣ маяаа д̣̇иннам̣, сид̣̇д̇хад̇т̇асса махзсино.
Sappitelaṃ mayā dinnaṃ, siddhatthassa mahesino.
46.
46.
‘‘бассад̣̇д̇хад̣̇арат̇ам̣ д̣̇исваа, виббасаннамукинд̣̇рияам̣;
‘‘Passaddhadarathaṃ disvā, vippasannamukhindriyaṃ;
ванд̣̇ид̇ваа сад̇т̇уно баад̣̇з, анусам̣сааваяим̣ бурз.
Vanditvā satthuno pāde, anusaṃsāvayiṃ pure.
47.
47.
‘‘д̣̇исваа мам̣ суббасаннад̇д̇ам̣ 1, ид̣̇д̇хияаа баарамин̇г̇ад̇о;
‘‘Disvā maṃ suppasannattaṃ 2, iddhiyā pāramiṅgato;
набхам̣ аб̣бхуг̇г̇амий д̇хийро, хам̣сарааж̇аава амб̣арз.
Nabhaṃ abbhuggamī dhīro, haṃsarājāva ambare.
48.
48.
‘‘жад̇уннавуд̇ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Catunnavutito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, саббид̇злассид̣̇ам̣ палам̣.
Duggatiṃ nābhijānāmi, sappitelassidaṃ phalaṃ.
49.
49.
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
50.
50.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа саббид̣̇ааяаго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sappidāyako thero imā gāthāyo abhāsitthāti.
саббид̣̇ааяагад̇т̇зрассаабад̣̇аанам̣ навамам̣.
Sappidāyakattherassāpadānaṃ navamaṃ.
Footnotes:
