| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. саббид̣̇ааяагад̇т̇зраабад̣̇аанаван̣н̣анаа
6. Sappidāyakattheraapadānavaṇṇanā
пуссо наамаат̇а бхаг̇аваад̇иаад̣̇игам̣ ааяасмад̇о саббид̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу виваддуубаниссаяаани бун̃н̃аани убажинанд̇о пуссасса бхаг̇авад̇о гаалз гулаг̇зхз ниб̣б̣ад̇д̇о ахоси. д̇ад̣̇аа бхаг̇аваа бхигкусан̇гхабаривуд̇о вийт̇ияам̣ жарамаано д̇асса убаасагасса г̇зхад̣̇ваарам̣ самбаабун̣и. ат̇а со убаасаго бхаг̇аванд̇ам̣ д̣̇исваа басаннамаанасо ванд̣̇ид̇ваа бад̇д̇абуурам̣ саббид̇злам̣ ад̣̇ааси, бхаг̇аваа анумод̣̇анам̣ гад̇ваа баггаами. со д̇знзва соманассзна яаавад̇ааяугам̣ тад̇ваа д̇ад̇о жуд̇о д̇зна бун̃н̃зна д̣̇звалогз уббанно д̇ад̇т̇а д̣̇иб̣б̣асукам̣ анубхавид̇ваа мануссзсу жа ниб̣б̣ад̇д̇о уббаннуббаннабхавз саббид̇зламад̇хупаан̣ид̇аад̣̇имад̇хураахаарасаман̇г̇ий сукам̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ згасмим̣ гулз ниб̣б̣ад̇д̇о вуд̣̇д̇хиббад̇д̇о сад̣̇д̇хо б̣уд̣̇д̇хисамбанно сад̇т̇у д̇хаммад̣̇зсанам̣ суд̇ваа басаннамаанасо баб̣б̣аж̇ид̇ваа вад̇д̇асамбанно нажирассзва арахаа ахоси.
Phussonāmātha bhagavātiādikaṃ āyasmato sappidāyakattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto phussassa bhagavato kāle kulagehe nibbatto ahosi. Tadā bhagavā bhikkhusaṅghaparivuto vīthiyaṃ caramāno tassa upāsakassa gehadvāraṃ sampāpuṇi. Atha so upāsako bhagavantaṃ disvā pasannamānaso vanditvā pattapūraṃ sappitelaṃ adāsi, bhagavā anumodanaṃ katvā pakkāmi. So teneva somanassena yāvatāyukaṃ ṭhatvā tato cuto tena puññena devaloke uppanno tattha dibbasukhaṃ anubhavitvā manussesu ca nibbatto uppannuppannabhave sappitelamadhuphāṇitādimadhurāhārasamaṅgī sukhaṃ anubhavitvā imasmiṃ buddhuppāde sāvatthiyaṃ ekasmiṃ kule nibbatto vuddhippatto saddho buddhisampanno satthu dhammadesanaṃ sutvā pasannamānaso pabbajitvā vattasampanno nacirasseva arahā ahosi.
28. со ад̇д̇ано буб̣б̣агаммам̣ сарид̇ваа ж̇аад̇асоманассо буб̣б̣ажарид̇аабад̣̇аанам̣ багаасзнд̇о пуссо наамаат̇а бхаг̇аваад̇иаад̣̇имааха. д̇ад̇т̇а пуссод̇и пуссанагкад̇д̇аяог̇зна ж̇аад̇ад̇д̇аа маад̇аабид̇уухи гад̇анаамад̇хзяязна пуссо. ат̇а ваа ниб̣б̣аанам̣ пуси басси сажчи агаасийд̇и пуссо. ат̇а ваа самад̇им̣сабаарамид̇аасад̇д̇ад̇им̣саб̣од̇хибагкияад̇хаммз сагалз жа д̇збидагз барияад̇д̇ид̇хаммз пуси басси ан̃н̃аасийд̇и пуссо. бхаг̇г̇аваа бхаг̇яаваа яуд̇д̇од̇иаад̣̇ибун̃н̃агодтаасасаман̇г̇ид̇ааяа бхаг̇аваа. аахуд̇ийнам̣ бадиг̇г̇аход̇и аахуд̇ино вужжанд̇и бууж̇аасаггаараа, д̇зсам̣ аахуд̇ийнам̣ бадиг̇г̇ахзд̇ум̣ арахад̇ийд̇и аахуд̇ийнам̣ бадиг̇г̇ахо. махааж̇анам̣ ниб̣б̣аабзнд̇о вийро пуссо наама бхаг̇аваа вийт̇ияам̣ ат̇а д̇ад̣̇аа г̇ажчад̇зд̇и самб̣анд̇хо. сзсам̣ баагадамзваад̇и.
28. So attano pubbakammaṃ saritvā jātasomanasso pubbacaritāpadānaṃ pakāsento phusso nāmātha bhagavātiādimāha. Tattha phussoti phussanakkhattayogena jātattā mātāpitūhi katanāmadheyyena phusso. Atha vā nibbānaṃ phusi passi sacchi akāsīti phusso. Atha vā samatiṃsapāramitāsattatiṃsabodhipakkhiyadhamme sakale ca tepiṭake pariyattidhamme phusi passi aññāsīti phusso. Bhaggavā bhagyavā yuttotiādipuññakoṭṭhāsasamaṅgitāya bhagavā. Āhutīnaṃ paṭiggahoti āhutino vuccanti pūjāsakkārā, tesaṃ āhutīnaṃ paṭiggahetuṃ arahatīti āhutīnaṃ paṭiggaho. Mahājanaṃ nibbāpento vīro phusso nāma bhagavā vīthiyaṃ atha tadā gacchateti sambandho. Sesaṃ pākaṭamevāti.
саббид̣̇ааяагад̇т̇зраабад̣̇аанаван̣н̣анаа самад̇д̇аа.
Sappidāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. саббид̣̇ааяагад̇т̇зраабад̣̇аанам̣ • 6. Sappidāyakattheraapadānaṃ
