| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਸਪ੍ਪਿਦਾਯਕਤ੍ਥੇਰਅਪਦਾਨવਣ੍ਣਨਾ
6. Sappidāyakattheraapadānavaṇṇanā
ਫੁਸ੍ਸੋ ਨਾਮਾਥ ਭਗવਾਤਿਆਦਿਕਂ ਆਯਸ੍ਮਤੋ ਸਪ੍ਪਿਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਫੁਸ੍ਸਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਅਹੋਸਿ। ਤਦਾ ਭਗવਾ ਭਿਕ੍ਖੁਸਙ੍ਘਪਰਿવੁਤੋ વੀਥਿਯਂ ਚਰਮਾਨੋ ਤਸ੍ਸ ਉਪਾਸਕਸ੍ਸ ਗੇਹਦ੍વਾਰਂ ਸਮ੍ਪਾਪੁਣਿ। ਅਥ ਸੋ ਉਪਾਸਕੋ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ વਨ੍ਦਿਤ੍વਾ ਪਤ੍ਤਪੂਰਂ ਸਪ੍ਪਿਤੇਲਂ ਅਦਾਸਿ, ਭਗવਾ ਅਨੁਮੋਦਨਂ ਕਤ੍વਾ ਪਕ੍ਕਾਮਿ। ਸੋ ਤੇਨੇવ ਸੋਮਨਸ੍ਸੇਨ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਤੇਨ ਪੁਞ੍ਞੇਨ ਦੇવਲੋਕੇ ਉਪ੍ਪਨ੍ਨੋ ਤਤ੍ਥ ਦਿਬ੍ਬਸੁਖਂ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਨਿਬ੍ਬਤ੍ਤੋ ਉਪ੍ਪਨ੍ਨੁਪ੍ਪਨ੍ਨਭવੇ ਸਪ੍ਪਿਤੇਲਮਧੁਫਾਣਿਤਾਦਿਮਧੁਰਾਹਾਰਸਮਙ੍ਗੀ ਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧੋ ਬੁਦ੍ਧਿਸਮ੍ਪਨ੍ਨੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਪਬ੍ਬਜਿਤ੍વਾ વਤ੍ਤਸਮ੍ਪਨ੍ਨੋ ਨਚਿਰਸ੍ਸੇવ ਅਰਹਾ ਅਹੋਸਿ।
Phussonāmātha bhagavātiādikaṃ āyasmato sappidāyakattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto phussassa bhagavato kāle kulagehe nibbatto ahosi. Tadā bhagavā bhikkhusaṅghaparivuto vīthiyaṃ caramāno tassa upāsakassa gehadvāraṃ sampāpuṇi. Atha so upāsako bhagavantaṃ disvā pasannamānaso vanditvā pattapūraṃ sappitelaṃ adāsi, bhagavā anumodanaṃ katvā pakkāmi. So teneva somanassena yāvatāyukaṃ ṭhatvā tato cuto tena puññena devaloke uppanno tattha dibbasukhaṃ anubhavitvā manussesu ca nibbatto uppannuppannabhave sappitelamadhuphāṇitādimadhurāhārasamaṅgī sukhaṃ anubhavitvā imasmiṃ buddhuppāde sāvatthiyaṃ ekasmiṃ kule nibbatto vuddhippatto saddho buddhisampanno satthu dhammadesanaṃ sutvā pasannamānaso pabbajitvā vattasampanno nacirasseva arahā ahosi.
੨੮. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਫੁਸ੍ਸੋ ਨਾਮਾਥ ਭਗવਾਤਿਆਦਿਮਾਹ। ਤਤ੍ਥ ਫੁਸ੍ਸੋਤਿ ਫੁਸ੍ਸਨਕ੍ਖਤ੍ਤਯੋਗੇਨ ਜਾਤਤ੍ਤਾ ਮਾਤਾਪਿਤੂਹਿ ਕਤਨਾਮਧੇਯ੍ਯੇਨ ਫੁਸ੍ਸੋ। ਅਥ વਾ ਨਿਬ੍ਬਾਨਂ ਫੁਸਿ ਪਸ੍ਸਿ ਸਚ੍ਛਿ ਅਕਾਸੀਤਿ ਫੁਸ੍ਸੋ। ਅਥ વਾ ਸਮਤਿਂਸਪਾਰਮਿਤਾਸਤ੍ਤਤਿਂਸਬੋਧਿਪਕ੍ਖਿਯਧਮ੍ਮੇ ਸਕਲੇ ਚ ਤੇਪਿਟਕੇ ਪਰਿਯਤ੍ਤਿਧਮ੍ਮੇ ਫੁਸਿ ਪਸ੍ਸਿ ਅਞ੍ਞਾਸੀਤਿ ਫੁਸ੍ਸੋ। ਭਗ੍ਗવਾ ਭਗ੍ਯવਾ ਯੁਤ੍ਤੋਤਿਆਦਿਪੁਞ੍ਞਕੋਟ੍ਠਾਸਸਮਙ੍ਗਿਤਾਯ ਭਗવਾ। ਆਹੁਤੀਨਂ ਪਟਿਗ੍ਗਹੋਤਿ ਆਹੁਤਿਨੋ વੁਚ੍ਚਨ੍ਤਿ ਪੂਜਾਸਕ੍ਕਾਰਾ, ਤੇਸਂ ਆਹੁਤੀਨਂ ਪਟਿਗ੍ਗਹੇਤੁਂ ਅਰਹਤੀਤਿ ਆਹੁਤੀਨਂ ਪਟਿਗ੍ਗਹੋ। ਮਹਾਜਨਂ ਨਿਬ੍ਬਾਪੇਨ੍ਤੋ વੀਰੋ ਫੁਸ੍ਸੋ ਨਾਮ ਭਗવਾ વੀਥਿਯਂ ਅਥ ਤਦਾ ਗਚ੍ਛਤੇਤਿ ਸਮ੍ਬਨ੍ਧੋ। ਸੇਸਂ ਪਾਕਟਮੇવਾਤਿ।
28. So attano pubbakammaṃ saritvā jātasomanasso pubbacaritāpadānaṃ pakāsento phusso nāmātha bhagavātiādimāha. Tattha phussoti phussanakkhattayogena jātattā mātāpitūhi katanāmadheyyena phusso. Atha vā nibbānaṃ phusi passi sacchi akāsīti phusso. Atha vā samatiṃsapāramitāsattatiṃsabodhipakkhiyadhamme sakale ca tepiṭake pariyattidhamme phusi passi aññāsīti phusso. Bhaggavā bhagyavā yuttotiādipuññakoṭṭhāsasamaṅgitāya bhagavā. Āhutīnaṃ paṭiggahoti āhutino vuccanti pūjāsakkārā, tesaṃ āhutīnaṃ paṭiggahetuṃ arahatīti āhutīnaṃ paṭiggaho. Mahājanaṃ nibbāpento vīro phusso nāma bhagavā vīthiyaṃ atha tadā gacchateti sambandho. Sesaṃ pākaṭamevāti.
ਸਪ੍ਪਿਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sappidāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਸਪ੍ਪਿਦਾਯਕਤ੍ਥੇਰਅਪਦਾਨਂ • 6. Sappidāyakattheraapadānaṃ
