| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਸਪ੍ਪੁਰਿਸਦਾਨਸੁਤ੍ਤਂ
8. Sappurisadānasuttaṃ
੧੪੮. ‘‘ਪਞ੍ਚਿਮਾਨਿ , ਭਿਕ੍ਖવੇ, ਸਪ੍ਪੁਰਿਸਦਾਨਾਨਿ। ਕਤਮਾਨਿ ਪਞ੍ਚ? ਸਦ੍ਧਾਯ ਦਾਨਂ ਦੇਤਿ, ਸਕ੍ਕਚ੍ਚਂ ਦਾਨਂ ਦੇਤਿ, ਕਾਲੇਨ ਦਾਨਂ ਦੇਤਿ, ਅਨੁਗ੍ਗਹਿਤਚਿਤ੍ਤੋ 1 ਦਾਨਂ ਦੇਤਿ, ਅਤ੍ਤਾਨਞ੍ਚ ਪਰਞ੍ਚ ਅਨੁਪਹਚ੍ਚ ਦਾਨਂ ਦੇਤਿ।
148. ‘‘Pañcimāni , bhikkhave, sappurisadānāni. Katamāni pañca? Saddhāya dānaṃ deti, sakkaccaṃ dānaṃ deti, kālena dānaṃ deti, anuggahitacitto 2 dānaṃ deti, attānañca parañca anupahacca dānaṃ deti.
‘‘ਸਦ੍ਧਾਯ ਖੋ ਪਨ, ਭਿਕ੍ਖવੇ, ਦਾਨਂ ਦਤ੍વਾ ਯਤ੍ਥ ਯਤ੍ਥ ਤਸ੍ਸ ਦਾਨਸ੍ਸ વਿਪਾਕੋ ਨਿਬ੍ਬਤ੍ਤਤਿ, ਅਡ੍ਢੋ ਚ ਹੋਤਿ ਮਹਦ੍ਧਨੋ ਮਹਾਭੋਗੋ, ਅਭਿਰੂਪੋ ਚ ਹੋਤਿ ਦਸ੍ਸਨੀਯੋ ਪਾਸਾਦਿਕੋ ਪਰਮਾਯ વਣ੍ਣਪੋਕ੍ਖਰਤਾਯ ਸਮਨ੍ਨਾਗਤੋ।
‘‘Saddhāya kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo, abhirūpo ca hoti dassanīyo pāsādiko paramāya vaṇṇapokkharatāya samannāgato.
‘‘ਸਕ੍ਕਚ੍ਚਂ ਖੋ ਪਨ, ਭਿਕ੍ਖવੇ, ਦਾਨਂ ਦਤ੍વਾ ਯਤ੍ਥ ਯਤ੍ਥ ਤਸ੍ਸ ਦਾਨਸ੍ਸ વਿਪਾਕੋ ਨਿਬ੍ਬਤ੍ਤਤਿ, ਅਡ੍ਢੋ ਚ ਹੋਤਿ ਮਹਦ੍ਧਨੋ ਮਹਾਭੋਗੋ। ਯੇਪਿਸ੍ਸ ਤੇ ਹੋਨ੍ਤਿ ਪੁਤ੍ਤਾਤਿ વਾ ਦਾਰਾਤਿ વਾ ਦਾਸਾਤਿ વਾ ਪੇਸ੍ਸਾਤਿ વਾ ਕਮ੍ਮਕਰਾਤਿ 3 વਾ, ਤੇਪਿ ਸੁਸ੍ਸੂਸਨ੍ਤਿ ਸੋਤਂ ਓਦਹਨ੍ਤਿ ਅਞ੍ਞਾ ਚਿਤ੍ਤਂ ਉਪਟ੍ਠਪੇਨ੍ਤਿ।
‘‘Sakkaccaṃ kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Yepissa te honti puttāti vā dārāti vā dāsāti vā pessāti vā kammakarāti 4 vā, tepi sussūsanti sotaṃ odahanti aññā cittaṃ upaṭṭhapenti.
‘‘ਕਾਲੇਨ ਖੋ ਪਨ, ਭਿਕ੍ਖવੇ, ਦਾਨਂ ਦਤ੍વਾ ਯਤ੍ਥ ਯਤ੍ਥ ਤਸ੍ਸ ਦਾਨਸ੍ਸ વਿਪਾਕੋ ਨਿਬ੍ਬਤ੍ਤਤਿ, ਅਡ੍ਢੋ ਚ ਹੋਤਿ ਮਹਦ੍ਧਨੋ ਮਹਾਭੋਗੋ; ਕਾਲਾਗਤਾ ਚਸ੍ਸ ਅਤ੍ਥਾ ਪਚੁਰਾ ਹੋਨ੍ਤਿ।
‘‘Kālena kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; kālāgatā cassa atthā pacurā honti.
‘‘ਅਨੁਗ੍ਗਹਿਤਚਿਤ੍ਤੋ ਖੋ ਪਨ, ਭਿਕ੍ਖવੇ, ਦਾਨਂ ਦਤ੍વਾ ਯਤ੍ਥ ਯਤ੍ਥ ਤਸ੍ਸ ਦਾਨਸ੍ਸ વਿਪਾਕੋ ਨਿਬ੍ਬਤ੍ਤਤਿ, ਅਡ੍ਢੋ ਚ ਹੋਤਿ ਮਹਦ੍ਧਨੋ ਮਹਾਭੋਗੋ; ਉਲ਼ਾਰੇਸੁ ਚ ਪਞ੍ਚਸੁ ਕਾਮਗੁਣੇਸੁ ਭੋਗਾਯ ਚਿਤ੍ਤਂ ਨਮਤਿ।
‘‘Anuggahitacitto kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; uḷāresu ca pañcasu kāmaguṇesu bhogāya cittaṃ namati.
‘‘ਅਤ੍ਤਾਨਞ੍ਚ ਪਰਞ੍ਚ ਅਨੁਪਹਚ੍ਚ ਖੋ ਪਨ, ਭਿਕ੍ਖવੇ, ਦਾਨਂ ਦਤ੍વਾ ਯਤ੍ਥ ਯਤ੍ਥ ਤਸ੍ਸ ਦਾਨਸ੍ਸ વਿਪਾਕੋ ਨਿਬ੍ਬਤ੍ਤਤਿ, ਅਡ੍ਢੋ ਚ ਹੋਤਿ ਮਹਦ੍ਧਨੋ ਮਹਾਭੋਗੋ; ਨ ਚਸ੍ਸ ਕੁਤੋਚਿ ਭੋਗਾਨਂ ਉਪਘਾਤੋ ਆਗਚ੍ਛਤਿ ਅਗ੍ਗਿਤੋ વਾ ਉਦਕਤੋ વਾ ਰਾਜਤੋ વਾ ਚੋਰਤੋ વਾ ਅਪ੍ਪਿਯਤੋ વਾ ਦਾਯਾਦਤੋ વਾ 5। ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਸਪ੍ਪੁਰਿਸਦਾਨਾਨੀ’’ਤਿ। ਅਟ੍ਠਮਂ।
‘‘Attānañca parañca anupahacca kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; na cassa kutoci bhogānaṃ upaghāto āgacchati aggito vā udakato vā rājato vā corato vā appiyato vā dāyādato vā 6. Imāni kho, bhikkhave, pañca sappurisadānānī’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਸਪ੍ਪੁਰਿਸਦਾਨਸੁਤ੍ਤવਣ੍ਣਨਾ • 8. Sappurisadānasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੦. ਅਸਪ੍ਪੁਰਿਸਦਾਨਸੁਤ੍ਤਾਦਿવਣ੍ਣਨਾ • 7-10. Asappurisadānasuttādivaṇṇanā
