| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. саббурисад̇хаммасуд̇д̇аван̣н̣анаа
3. Sappurisadhammasuttavaṇṇanā
105. звам̣ мз суд̇анд̇и саббурисад̇хаммасуд̇д̇ам̣. д̇ад̇т̇а саббурисад̇хамманд̇и саббурисаанам̣ д̇хаммам̣. асаббурисад̇хамманд̇и баабабурисаанам̣ д̇хаммам̣. звам̣ маад̇игам̣ табзд̇вааби буна яат̇аа наама маг̇г̇агусало бурисо ваамам̣ мун̃жид̇ваа д̣̇агкин̣ам̣ г̇ан̣хаад̇и. батамам̣ мун̃жид̇аб̣б̣ам̣ гат̇зд̇и, звам̣ бахаад̇аб̣б̣ам̣ д̇хаммам̣ батамам̣ д̣̇зсзнд̇о гад̇амо жа, бхигкавз, асаббурисад̇хаммод̇иаад̣̇имааха. д̇ад̇т̇а ужжаагулаад̇и кад̇д̇ияагулаа ваа б̣раахман̣агулаа ваа. зд̇ад̣̇зва хи гулад̣̇ваяам̣ ‘‘ужжаагула’’нд̇и вужжад̇и. со д̇ад̇т̇а буж̇ж̇од̇и со бхигку д̇зсу бхигкуусу бууж̇аарахо. анд̇арам̣ гарид̇ваад̇и аб̣бханд̇арам̣ гад̇ваа.
105.Evaṃme sutanti sappurisadhammasuttaṃ. Tattha sappurisadhammanti sappurisānaṃ dhammaṃ. Asappurisadhammanti pāpapurisānaṃ dhammaṃ. Evaṃ mātikaṃ ṭhapetvāpi puna yathā nāma maggakusalo puriso vāmaṃ muñcitvā dakkhiṇaṃ gaṇhāti. Paṭhamaṃ muñcitabbaṃ katheti, evaṃ pahātabbaṃ dhammaṃ paṭhamaṃ desento katamo ca, bhikkhave, asappurisadhammotiādimāha. Tattha uccākulāti khattiyakulā vā brāhmaṇakulā vā. Etadeva hi kuladvayaṃ ‘‘uccākula’’nti vuccati. So tattha pujjoti so bhikkhu tesu bhikkhūsu pūjāraho. Antaraṃ karitvāti abbhantaraṃ katvā.
махаагулаад̇и кад̇д̇ияагулаа ваа б̣раахман̣агулаа ваа взссагулаа ваа. ид̣̇амзва хи гулад̇д̇аяам̣ ‘‘махаагула’’нд̇и вужжад̇и. махаабхог̇агулаад̇и маханд̇зхи бхог̇зхи саманнааг̇ад̇аа гулаа. ул̣аарабхог̇агулаад̇и ул̣аарзхи бан̣ийд̇зхи бхог̇зхи самбаннагулаа. имасмим̣ бад̣̇ад̣̇ваяз жад̇д̇аариби гулаани лаб̣бханд̇и. яад̇т̇а гад̇т̇ажи гулз ж̇аад̇о хи бун̃н̃аб̣алзхи махаабхог̇оби ул̣аарабхог̇оби ход̇иязва.
Mahākulāti khattiyakulā vā brāhmaṇakulā vā vessakulā vā. Idameva hi kulattayaṃ ‘‘mahākula’’nti vuccati. Mahābhogakulāti mahantehi bhogehi samannāgatā kulā. Uḷārabhogakulāti uḷārehi paṇītehi bhogehi sampannakulā. Imasmiṃ padadvaye cattāripi kulāni labbhanti. Yattha katthaci kule jāto hi puññabalehi mahābhogopi uḷārabhogopi hotiyeva.
106. яасассийд̇и бариваарасамбанно. аббан̃н̃аад̇аад̇и рад̇д̇им̣ кид̇д̇асараа вияа сан̇гхамаж̇жхаад̣̇ийсу на бан̃н̃ааяанд̇и. аббзсагкаад̇и аббабариваараа.
106.Yasassīti parivārasampanno. Appaññātāti rattiṃ khittasarā viya saṅghamajjhādīsu na paññāyanti. Appesakkhāti appaparivārā.
107. ааран̃н̃игод̇и самаад̣̇иннаааран̃н̃игад̇худ̇ан̇г̇о. сзсад̇худ̇ан̇г̇зсуби зсзва наяо. имасмин̃жа суд̇д̇з баал̣ияам̣ навзва д̇худ̇ан̇г̇аани ааг̇ад̇аани, вид̇т̇аарзна банзд̇аани д̇зраса хонд̇и. д̇зсу яам̣ вад̇д̇аб̣б̣ам̣, д̇ам̣ саб̣б̣ам̣ саб̣б̣аагаарзна висуд̣̇д̇химаг̇г̇з д̇худ̇ан̇г̇анид̣̇д̣̇зсз вуд̇д̇амзва.
107.Āraññikoti samādinnaāraññikadhutaṅgo. Sesadhutaṅgesupi eseva nayo. Imasmiñca sutte pāḷiyaṃ naveva dhutaṅgāni āgatāni, vitthārena panetāni terasa honti. Tesu yaṃ vattabbaṃ, taṃ sabbaṃ sabbākārena visuddhimagge dhutaṅganiddese vuttameva.
108. ад̇аммаяад̇аад̇и д̇аммаяад̇аа вужжад̇и д̇ан̣хаа, нид̇д̇ан̣хаад̇и ад̇т̇о. ад̇аммаяад̇ан̃н̃зва анд̇арам̣ гарид̇ваад̇и нид̇д̇ан̣хад̇ам̣язва гааран̣ам̣ гад̇ваа аб̣бханд̇арам̣ ваа гад̇ваа, жид̇д̇з уббаад̣̇зд̇ваад̇и ад̇т̇о.
108.Atammayatāti tammayatā vuccati taṇhā, nittaṇhāti attho. Atammayataññeva antaraṃ karitvāti nittaṇhataṃyeva kāraṇaṃ katvā abbhantaraṃ vā katvā, citte uppādetvāti attho.
нирод̇хаваарз яасмаа анааг̇аамикийн̣аасаваава д̇ам̣ самаабад̇д̇им̣ самаабаж̇ж̇анд̇и, бут̇уж̇ж̇анасса саа над̇т̇и, д̇асмаа асаббурисавааро барихийно. на ган̃жи ман̃н̃ад̇ийд̇и ган̃жи буг̇г̇алам̣ д̇ийхи ман̃н̃анаахи на ман̃н̃ад̇и. на гухин̃жи ман̃н̃ад̇ийд̇и гисмин̃жи огаасз на ман̃н̃ад̇и. на гзнажи ман̃н̃ад̇ийд̇и гзнажи вад̇т̇унааби д̇ам̣ буг̇г̇алам̣ на ман̃н̃ад̇и. сзсам̣ саб̣б̣ад̇т̇а уд̇д̇аанамзваад̇и.
Nirodhavāre yasmā anāgāmikhīṇāsavāva taṃ samāpattiṃ samāpajjanti, puthujjanassa sā natthi, tasmā asappurisavāro parihīno. Na kañci maññatīti kañci puggalaṃ tīhi maññanāhi na maññati. Nakuhiñci maññatīti kismiñci okāse na maññati. Na kenaci maññatīti kenaci vatthunāpi taṃ puggalaṃ na maññati. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
саббурисад̇хаммасуд̇д̇аван̣н̣анаа нидтид̇аа.
Sappurisadhammasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. саббурисасуд̇д̇ам̣ • 3. Sappurisasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. саббурисад̇хаммасуд̇д̇аван̣н̣анаа • 3. Sappurisadhammasuttavaṇṇanā
