| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. саббурисад̇хаммасуд̇д̇аван̣н̣анаа
3. Sappurisadhammasuttavaṇṇanā
105. саббурисад̇хамманд̇и саббурисабхаавагарам̣ д̇хаммам̣. со бана яасмаа саббурисаанам̣ бавзн̣иго д̇хаммо ход̇и. д̇асмаа ааха – ‘‘саббурисаанам̣ д̇хамма’’нд̇и, зса наяо асаббурисад̇хамманд̇и зд̇т̇ааби. звам̣ бад̇хаанам̣ анудтаад̇аб̣б̣ан̃жа саббурисад̇хаммам̣ аад̣̇им̣ гад̇ваа маад̇игам̣ табзд̇ваа аяат̇аанубуб̣б̣ияаа нид̣̇д̣̇исанд̇о ‘‘гад̇амо жа, бхигкавз, асаббурисад̇хаммо’’д̇иаад̣̇имааха. д̇ат̇аа бана нид̣̇д̣̇исанд̇о уд̣̇аахаран̣абуб̣б̣агам̣ хзд̇ум̣ д̣̇ассзд̇ум̣, ‘‘яат̇аа наамаа’’д̇иаад̣̇и вуд̇д̇ам̣. д̇зна ижчид̇аб̣б̣абарижжааг̇абуб̣б̣агам̣ г̇ахзд̇аб̣б̣аг̇г̇ахан̣ам̣ наама н̃ааяабадибад̇д̇и, д̇асмаа саббурисад̇хаммаа самбаад̣̇зд̇аб̣б̣аад̇и д̣̇ийбзнд̇о сад̇т̇аа аяат̇аанубуб̣б̣ияаа нид̣̇д̇хаарийяад̇ийд̇и имамад̇т̇ам̣ д̣̇ассзд̇и. д̇ат̇аа ан̃н̃ад̇т̇ааби ‘‘асзванаа жа б̣аалаанам̣, бан̣д̣ид̇аанан̃жа сзванаа’’д̇и. зд̇ад̣̇зва хи гулад̣̇ваяам̣ ‘‘ужжагула’’нд̇и вужжад̇и ниббарияааяад̇о. д̇ат̇аахи анд̇имабхавигаа б̣од̇хисад̇д̇аа д̇ад̇т̇зва бадисанд̇хим̣ г̇ан̣ханд̇и. сод̇и саамийжиббадибанно бхигку. анд̇арам̣ гарид̇ваад̇и д̇ам̣ гааран̣ам̣ гад̇ваа. бадибад̣̇аа хи вин̃н̃уунам̣ бууж̇ааяа гааран̣ам̣, на ужжагулийнад̇аа. махаагулаад̇и вибулагулаа убаад̣̇ид̇од̣̇ид̇агуласамбавад̇д̇игаад̇и ад̇т̇о.
105.Sappurisadhammanti sappurisabhāvakaraṃ dhammaṃ. So pana yasmā sappurisānaṃ paveṇiko dhammo hoti. Tasmā āha – ‘‘sappurisānaṃ dhamma’’nti, esa nayo asappurisadhammanti etthāpi. Evaṃ padhānaṃ anuṭṭhātabbañca sappurisadhammaṃ ādiṃ katvā mātikaṃ ṭhapetvā ayathānupubbiyā niddisanto ‘‘katamo ca, bhikkhave, asappurisadhammo’’tiādimāha. Tathā pana niddisanto udāharaṇapubbakaṃ hetuṃ dassetuṃ, ‘‘yathā nāmā’’tiādi vuttaṃ. Tena icchitabbapariccāgapubbakaṃ gahetabbaggahaṇaṃ nāma ñāyapaṭipatti, tasmā sappurisadhammā sampādetabbāti dīpento satthā ayathānupubbiyā niddhārīyatīti imamatthaṃ dasseti. Tathā aññatthāpi ‘‘asevanā ca bālānaṃ, paṇḍitānañca sevanā’’ti. Etadeva hi kuladvayaṃ ‘‘uccakula’’nti vuccati nippariyāyato. Tathāhi antimabhavikā bodhisattā tattheva paṭisandhiṃ gaṇhanti. Soti sāmīcippaṭipanno bhikkhu. Antaraṃ karitvāti taṃ kāraṇaṃ katvā. Paṭipadā hi viññūnaṃ pūjāya kāraṇaṃ, na uccakulīnatā. Mahākulāti vipulakulā upāditoditakulasampavattikāti attho.
106. яасасад̣̇д̣̇о бариваараваажаго. яасассийд̇и жа саад̇исаяабариваараванд̇ад̇аа вужжад̇ийд̇и ааха ‘‘бариваарасамбанно’’д̇и. аад̇хибад̇зяяаабхаавад̇о барзсам̣ убаринад̇д̇и зд̇зсам̣ ийсо ийсанам̣ иссарияанд̇и агкаад̇аб̣б̣аад̇и аббзсагкаа. д̇знааха ‘‘аббабариваараа’’д̇и. абхаавад̇т̇о хи ид̇ха абба-сад̣̇д̣̇о.
106.Yasasaddo parivāravācako. Yasassīti ca sātisayaparivāravantatā vuccatīti āha ‘‘parivārasampanno’’ti. Ādhipateyyābhāvato paresaṃ uparinatti etesaṃ īso īsanaṃ issariyanti akkhātabbāti appesakkhā. Tenāha ‘‘appaparivārā’’ti. Abhāvattho hi idha appa-saddo.
107. навзва д̇худ̇ан̇г̇аани ааг̇ад̇аанийд̇и зд̇т̇а яат̇аа уггадтабам̣сугуулигасса д̇зжийваригад̇аа сугараа. звам̣ уггадтабин̣д̣абаад̇игасса сабад̣̇аанажааригад̇аа сугараа. згаасанигасса жа бад̇д̇абин̣д̣игакалубажчаабхад̇д̇игад̇аа сугараа зваад̇и – ‘‘бам̣сугуулиго ход̇ий’’д̇иаад̣̇иважанзнзва баал̣ияаа анааг̇ад̇аанамби ааг̇ад̇абхааво взд̣̇ид̇аб̣б̣о барихаран̣асугарад̇ааяа д̇зсамби самаад̣̇аанасамбхавад̇о. д̇знааха ‘‘д̇зраса хонд̇ий’’д̇и.
107.Naveva dhutaṅgāni āgatānīti ettha yathā ukkaṭṭhapaṃsukūlikassa tecīvarikatā sukarā. Evaṃ ukkaṭṭhapiṇḍapātikassa sapadānacārikatā sukarā. Ekāsanikassa ca pattapiṇḍikakhalupacchābhattikatā sukarā evāti – ‘‘paṃsukūliko hotī’’tiādivacaneneva pāḷiyā anāgatānampi āgatabhāvo veditabbo pariharaṇasukaratāya tesampi samādānasambhavato. Tenāha ‘‘terasa hontī’’ti.
108. гаамад̇ан̣хаад̣̇игааяа д̇ааяа д̇ан̣хааяа ниб̣б̣ад̇д̇аад̇и д̇аммаяаа, бут̇уж̇ж̇анаа, багад̇ибхаавуубаг̇аманзна д̇зсам̣ бхааво д̇аммаяад̇аа, д̇аббадигкзбад̇о ад̇аммаяад̇аа, нид̇д̇ан̣хад̇аа. д̇ам̣язва гааран̣ам̣ гад̇ваад̇и батамаж̇жхаанзби д̇ан̣хаабахаанам̣язва гааран̣ам̣ гад̇ваа. жид̇д̇з уббаад̣̇зд̇ваад̇и ад̇аммаяад̇аабарияааязна вуд̇д̇з д̇ан̣хааяа бадибагкад̇хаммз самбаад̣̇зд̇ваа. на ман̃н̃ад̇ийд̇и ман̃н̃анаанам̣ арияамаг̇г̇зна саб̣б̣асо самужчиннад̇д̇аа гисмин̃жи огаасз гаамабхаваад̣̇игз гзнажи вад̇т̇унаа хад̇т̇иассакзд̇д̇авад̇т̇аад̣̇инаа бад̇д̇ажийваравихаарабаривзн̣аад̣̇инаа жа буг̇г̇алам̣ на ман̃н̃ад̇и. сзсам̣ сувин̃н̃зяяамзва.
108. Kāmataṇhādikāya tāya taṇhāya nibbattāti tammayā, puthujjanā, pakatibhāvūpagamanena tesaṃ bhāvo tammayatā, tappaṭikkhepato atammayatā, nittaṇhatā. Taṃyeva kāraṇaṃ katvāti paṭhamajjhānepi taṇhāpahānaṃyeva kāraṇaṃ katvā. Citte uppādetvāti atammayatāpariyāyena vutte taṇhāya paṭipakkhadhamme sampādetvā. Na maññatīti maññanānaṃ ariyamaggena sabbaso samucchinnattā kismiñci okāse kāmabhavādike kenaci vatthunā hatthiassakhettavatthādinā pattacīvaravihārapariveṇādinā ca puggalaṃ na maññati. Sesaṃ suviññeyyameva.
саббурисад̇хаммасуд̇д̇аван̣н̣анааяа лийнад̇т̇аббагаасанаа самад̇д̇аа.
Sappurisadhammasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. саббурисасуд̇д̇ам̣ • 3. Sappurisasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. саббурисад̇хаммасуд̇д̇аван̣н̣анаа • 3. Sappurisadhammasuttavaṇṇanā
