Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

8. саббурисасуд̇д̇ам̣

8. Sappurisasuttaṃ

38. ‘‘саббурисо , бхигкавз, гулз ж̇ааяамаано б̣ахуно ж̇анасса ад̇т̇ааяа хид̇ааяа сукааяа ход̇и – маад̇аабид̇уунам̣ ад̇т̇ааяа хид̇ааяа сукааяа ход̇и, буд̇д̇ад̣̇аарасса ад̇т̇ааяа хид̇ааяа сукааяа ход̇и , д̣̇аасагаммагараборисасса ад̇т̇ааяа хид̇ааяа сукааяа ход̇и, мид̇д̇аамажжаанам̣ ад̇т̇ааяа хид̇ааяа сукааяа ход̇и, буб̣б̣абзд̇аанам̣ ад̇т̇ааяа хид̇ааяа сукааяа ход̇и, ран̃н̃о ад̇т̇ааяа хид̇ааяа сукааяа ход̇и, д̣̇звад̇аанам̣ ад̇т̇ааяа хид̇ааяа сукааяа ход̇и, саман̣аб̣раахман̣аанам̣ ад̇т̇ааяа хид̇ааяа сукааяа ход̇и.

38. ‘‘Sappuriso , bhikkhave, kule jāyamāno bahuno janassa atthāya hitāya sukhāya hoti – mātāpitūnaṃ atthāya hitāya sukhāya hoti, puttadārassa atthāya hitāya sukhāya hoti , dāsakammakaraporisassa atthāya hitāya sukhāya hoti, mittāmaccānaṃ atthāya hitāya sukhāya hoti, pubbapetānaṃ atthāya hitāya sukhāya hoti, rañño atthāya hitāya sukhāya hoti, devatānaṃ atthāya hitāya sukhāya hoti, samaṇabrāhmaṇānaṃ atthāya hitāya sukhāya hoti.

‘‘сзяяат̇ааби, бхигкавз, махаамзгхо саб̣б̣асассаани самбаад̣̇знд̇о б̣ахуно ж̇анасса ад̇т̇ааяа хид̇ааяа сукааяа ¹ ход̇и; звамзвам̣ ко, бхигкавз, саббурисо гулз ж̇ааяамаано б̣ахуно ж̇анасса ад̇т̇ааяа хид̇ааяа сукааяа ход̇и – маад̇аабид̇уунам̣ ад̇т̇ааяа хид̇ааяа сукааяа ход̇и, буд̇д̇ад̣̇аарасса ад̇т̇ааяа хид̇ааяа сукааяа ход̇и, д̣̇аасагаммагараборисасса ад̇т̇ааяа хид̇ааяа сукааяа ход̇и, мид̇д̇аамажжаанам̣ ад̇т̇ааяа хид̇ааяа сукааяа ход̇и, буб̣б̣абзд̇аанам̣ ад̇т̇ааяа хид̇ааяа сукааяа ход̇и, ран̃н̃о ад̇т̇ааяа хид̇ааяа сукааяа ход̇и, д̣̇звад̇аанам̣ ад̇т̇ааяа хид̇ааяа сукааяа ход̇и, саман̣аб̣раахман̣аанам̣ ад̇т̇ааяа хид̇ааяа сукааяа ход̇ий’’д̇и.

‘‘Seyyathāpi, bhikkhave, mahāmegho sabbasassāni sampādento bahuno janassa atthāya hitāya sukhāya ² hoti; evamevaṃ kho, bhikkhave, sappuriso kule jāyamāno bahuno janassa atthāya hitāya sukhāya hoti – mātāpitūnaṃ atthāya hitāya sukhāya hoti, puttadārassa atthāya hitāya sukhāya hoti, dāsakammakaraporisassa atthāya hitāya sukhāya hoti, mittāmaccānaṃ atthāya hitāya sukhāya hoti, pubbapetānaṃ atthāya hitāya sukhāya hoti, rañño atthāya hitāya sukhāya hoti, devatānaṃ atthāya hitāya sukhāya hoti, samaṇabrāhmaṇānaṃ atthāya hitāya sukhāya hotī’’ti.

‘‘б̣ахуунам̣ ³ вад̇а ад̇т̇ааяа, саббан̃н̃о гхарамаавасам̣;

‘‘Bahūnaṃ ⁴ vata atthāya, sappañño gharamāvasaṃ;

маад̇арам̣ бид̇арам̣ буб̣б̣з, рад̇д̇инд̣̇ивамад̇анд̣̇ид̇о.

Mātaraṃ pitaraṃ pubbe, rattindivamatandito.

‘‘бууж̇зд̇и сахад̇хаммзна, буб̣б̣згад̇амануссарам̣;

‘‘Pūjeti sahadhammena, pubbekatamanussaraṃ;

анааг̇аарз баб̣б̣аж̇ид̇з, абажз б̣рахмажаараяо ⁵.

Anāgāre pabbajite, apace brahmacārayo ⁶.

‘‘нивидтасад̣̇д̇хо бууж̇зд̇и, н̃ад̇ваа д̇хаммз жа бзсало ⁷;

‘‘Niviṭṭhasaddho pūjeti, ñatvā dhamme ca pesalo ⁸;

ран̃н̃о хид̇о д̣̇звахид̇о, н̃аад̇ийнам̣ сакинам̣ хид̇о.

Rañño hito devahito, ñātīnaṃ sakhinaṃ hito.

‘‘саб̣б̣зсам̣ ⁹ со ¹⁰ хид̇о ход̇и, сад̣̇д̇хаммз суббад̇идтид̇о;

‘‘Sabbesaṃ ¹¹ so ¹² hito hoti, saddhamme suppatiṭṭhito;

винзяяа мажчзрамалам̣, са логам̣ бхаж̇ад̇з сива’’нд̇и. адтамам̣;

Vineyya maccheramalaṃ, sa lokaṃ bhajate siva’’nti. aṭṭhamaṃ;

Next: 9. абхисанд̣̇асуд̇д̇ам̣ • 9. Abhisandasuttaṃ

Footnotes:

1. хид̇ааяа…бз… (сяаа. га.)

2. hitāya…pe… (syā. ka.)

3. б̣ахуннам̣ (сий. бий.)

4. bahunnaṃ (sī. pī.)

5. б̣рахмажаарино (сяаа.)

6. brahmacārino (syā.)

7. бзсалз (га.)

8. pesale (ka.)

9. саб̣б̣зсу (га.)

10. са (сяаа. бий. га.)

11. sabbesu (ka.)

12. sa (syā. pī. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. саббурисасуд̇д̇аван̣н̣анаа • 8. Sappurisasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-8. саббурисад̣̇аанасуд̇д̇аад̣̇иван̣н̣анаа • 7-8. Sappurisadānasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact