| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. саббурисасуд̇д̇ам̣
3. Sappurisasuttaṃ
105. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘саббурисад̇хамман̃жа во, бхигкавз, д̣̇зсзссаами асаббурисад̇хамман̃жа. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
105. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘sappurisadhammañca vo, bhikkhave, desessāmi asappurisadhammañca. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, асаббурисад̇хаммо? ид̇ха, бхигкавз, асаббурисо ужжаагулаа баб̣б̣аж̇ид̇о ход̇и. со ид̇и бадисан̃жигкад̇и – ‘ахам̣ комхи ужжаагулаа баб̣б̣аж̇ид̇о, имз банан̃н̃з бхигкуу на ужжаагулаа баб̣б̣аж̇ид̇аа’д̇и. со д̇ааяа ужжаагулийнад̇ааяа ад̇д̇аануггам̣сзд̇и, барам̣ вамбхзд̇и. аяам̣ 1, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко ужжаагулийнад̇ааяа лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и , мохад̇хаммаа ваа баригкаяам̣ г̇ажчанд̇и. но жзби ужжаагулаа баб̣б̣аж̇ид̇о ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий , со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇ааяа ужжаагулийнад̇ааяа нзвад̇д̇аануггам̣сзд̇и на барам̣ вамбхзд̇и. аяам̣, бхигкавз, саббурисад̇хаммо.
‘‘Katamo ca, bhikkhave, asappurisadhammo? Idha, bhikkhave, asappuriso uccākulā pabbajito hoti. So iti paṭisañcikkhati – ‘ahaṃ khomhi uccākulā pabbajito, ime panaññe bhikkhū na uccākulā pabbajitā’ti. So tāya uccākulīnatāya attānukkaṃseti, paraṃ vambheti. Ayaṃ 2, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho uccākulīnatāya lobhadhammā vā parikkhayaṃ gacchanti, dosadhammā vā parikkhayaṃ gacchanti , mohadhammā vā parikkhayaṃ gacchanti. No cepi uccākulā pabbajito hoti; so ca hoti dhammānudhammappaṭipanno sāmīcippaṭipanno anudhammacārī , so tattha pujjo, so tattha pāsaṃso’ti. So paṭipadaṃyeva antaraṃ karitvā tāya uccākulīnatāya nevattānukkaṃseti na paraṃ vambheti. Ayaṃ, bhikkhave, sappurisadhammo.
‘‘буна жабарам̣, бхигкавз, асаббурисо махаагулаа баб̣б̣аж̇ид̇о ход̇и…бз… 3 махаабхог̇агулаа баб̣б̣аж̇ид̇о ход̇и…бз… ул̣аарабхог̇агулаа баб̣б̣аж̇ид̇о ход̇и. со ид̇и бадисан̃жигкад̇и – ‘ахам̣ комхи ул̣аарабхог̇агулаа баб̣б̣аж̇ид̇о, имз банан̃н̃з бхигкуу на ул̣аарабхог̇агулаа баб̣б̣аж̇ид̇аа’д̇и. со д̇ааяа ул̣аарабхог̇ад̇ааяа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко ул̣аарабхог̇ад̇ааяа лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби ул̣аарабхог̇агулаа баб̣б̣аж̇ид̇о ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇ааяа ул̣аарабхог̇ад̇ааяа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso mahākulā pabbajito hoti…pe… 4 mahābhogakulā pabbajito hoti…pe… uḷārabhogakulā pabbajito hoti. So iti paṭisañcikkhati – ‘ahaṃ khomhi uḷārabhogakulā pabbajito, ime panaññe bhikkhū na uḷārabhogakulā pabbajitā’ti. So tāya uḷārabhogatāya attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho uḷārabhogatāya lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi uḷārabhogakulā pabbajito hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tāya uḷārabhogatāya nevattānukkaṃseti, na paraṃ vambheti. Ayampi, bhikkhave, sappurisadhammo.
106. ‘‘буна жабарам̣, бхигкавз, асаббурисо н̃аад̇о ход̇и яасассий. со ид̇и бадисан̃жигкад̇и – ‘ахам̣ комхи н̃аад̇о яасассий, имз банан̃н̃з бхигкуу аббан̃н̃аад̇аа аббзсагкаа’д̇и. со д̇зна н̃ад̇д̇зна 5 ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко н̃ад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби н̃аад̇о ход̇и яасассий; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о , со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна н̃ад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
106. ‘‘Puna caparaṃ, bhikkhave, asappuriso ñāto hoti yasassī. So iti paṭisañcikkhati – ‘ahaṃ khomhi ñāto yasassī, ime panaññe bhikkhū appaññātā appesakkhā’ti. So tena ñattena 6 attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho ñattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi ñāto hoti yasassī; so ca hoti dhammānudhammappaṭipanno sāmīcippaṭipanno anudhammacārī, so tattha pujjo , so tattha pāsaṃso’ti. So paṭipadaṃyeva antaraṃ karitvā tena ñattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. со ид̇и бадисан̃жигкад̇и – ‘ахам̣ комхи лаабхий жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣, имз банан̃н̃з бхигкуу на лаабхино жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’нд̇и. со д̇зна лаабхзна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко лаабхзна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна лаабхзна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso lābhī hoti cīvarapiṇḍapātasenāsanagilānappaccayabhesajjaparikkhārānaṃ. So iti paṭisañcikkhati – ‘ahaṃ khomhi lābhī cīvarapiṇḍapātasenāsanagilānappaccayabhesajjaparikkhārānaṃ, ime panaññe bhikkhū na lābhino cīvarapiṇḍapātasenāsanagilānappaccayabhesajjaparikkhārāna’nti. So tena lābhena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho lābhena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi lābhī hoti cīvarapiṇḍapātasenāsanagilānappaccayabhesajjaparikkhārānaṃ; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena lābhena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо б̣ахуссуд̇о ход̇и. со ид̇и бадисан̃жигкад̇и – ‘ахам̣ комхи б̣ахуссуд̇о, имз банан̃н̃з бхигкуу на б̣ахуссуд̇аа’д̇и. со д̇зна б̣аахусажжзна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз , ид̇и бадисан̃жигкад̇и – ‘на ко б̣аахусажжзна лобхад̇хаммаа ваа баригкаяам̣ г̇ажчанд̇и , д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби б̣ахуссуд̇о ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна б̣аахусажжзна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso bahussuto hoti. So iti paṭisañcikkhati – ‘ahaṃ khomhi bahussuto, ime panaññe bhikkhū na bahussutā’ti. So tena bāhusaccena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave , iti paṭisañcikkhati – ‘na kho bāhusaccena lobhadhammā vā parikkhayaṃ gacchanti , dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi bahussuto hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena bāhusaccena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо винаяад̇харо ход̇и. со ид̇и бадисан̃жигкад̇и – ‘ахам̣ комхи винаяад̇харо, имз банан̃н̃з бхигкуу на винаяад̇хараа’д̇и. со д̇зна винаяад̇харад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко винаяад̇харад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби винаяад̇харо ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна винаяад̇харад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso vinayadharo hoti. So iti paṭisañcikkhati – ‘ahaṃ khomhi vinayadharo, ime panaññe bhikkhū na vinayadharā’ti. So tena vinayadharattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho vinayadharattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi vinayadharo hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena vinayadharattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо д̇хаммагат̇иго ход̇и. со ид̇и бадисан̃жигкад̇и – ‘ахам̣ комхи д̇хаммагат̇иго, имз банан̃н̃з бхигкуу на д̇хаммагат̇игаа’д̇и. со д̇зна д̇хаммагат̇игад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко д̇хаммагат̇игад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби д̇хаммагат̇иго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна д̇хаммагат̇игад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso dhammakathiko hoti. So iti paṭisañcikkhati – ‘ahaṃ khomhi dhammakathiko, ime panaññe bhikkhū na dhammakathikā’ti. So tena dhammakathikattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho dhammakathikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi dhammakathiko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena dhammakathikattena nevattānukkaṃseti, na paraṃ vambheti. Ayampi, bhikkhave, sappurisadhammo.
107. ‘‘буна жабарам̣, бхигкавз, асаббурисо ааран̃н̃иго ход̇и. со ид̇и бадисан̃жигкад̇и – ‘ахам̣ комхи ааран̃н̃иго имз банан̃н̃з бхигкуу на ааран̃н̃игаа’д̇и. со д̇зна ааран̃н̃игад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко ааран̃н̃игад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби ааран̃н̃иго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна ааран̃н̃игад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
107. ‘‘Puna caparaṃ, bhikkhave, asappuriso āraññiko hoti. So iti paṭisañcikkhati – ‘ahaṃ khomhi āraññiko ime panaññe bhikkhū na āraññikā’ti. So tena āraññikattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho āraññikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi āraññiko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena āraññikattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо бам̣сугуулиго ход̇и. со ид̇и бадисан̃жигкад̇и – ‘ахам̣ комхи бам̣сугуулиго, имз банан̃н̃з бхигкуу на бам̣сугуулигаа’д̇и. со д̇зна бам̣сугуулигад̇д̇зна ад̇д̇аануггам̣сзд̇и, барам̣ вамбхзд̇и . аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко бам̣сугуулигад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби бам̣сугуулиго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна бам̣сугуулигад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso paṃsukūliko hoti. So iti paṭisañcikkhati – ‘ahaṃ khomhi paṃsukūliko, ime panaññe bhikkhū na paṃsukūlikā’ti. So tena paṃsukūlikattena attānukkaṃseti, paraṃ vambheti . Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho paṃsukūlikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi paṃsukūliko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena paṃsukūlikattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо бин̣д̣абаад̇иго ход̇и. со ид̇и бадисан̃жигкад̇и – ‘ахам̣ комхи бин̣д̣абаад̇иго, имз банан̃н̃з бхигкуу на бин̣д̣абаад̇игаа’д̇и. со д̇зна бин̣д̣абаад̇игад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко бин̣д̣абаад̇игад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби бин̣д̣абаад̇иго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна бин̣д̣абаад̇игад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso piṇḍapātiko hoti. So iti paṭisañcikkhati – ‘ahaṃ khomhi piṇḍapātiko, ime panaññe bhikkhū na piṇḍapātikā’ti. So tena piṇḍapātikattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho piṇḍapātikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi piṇḍapātiko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena piṇḍapātikattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо ругкамуулиго ход̇и. со ид̇и бадисан̃жигкад̇и – ‘ахам̣ комхи ругкамуулиго, имз банан̃н̃з бхигкуу на ругкамуулигаа’д̇и. со д̇зна ругкамуулигад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко ругкамуулигад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби ругкамуулиго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна ругкамуулигад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso rukkhamūliko hoti. So iti paṭisañcikkhati – ‘ahaṃ khomhi rukkhamūliko, ime panaññe bhikkhū na rukkhamūlikā’ti. So tena rukkhamūlikattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho rukkhamūlikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi rukkhamūliko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena rukkhamūlikattena nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо сосааниго ход̇и…бз… аб̣бхогаасиго ход̇и… нзсаж̇ж̇иго ход̇и… яат̇аасант̇ад̇иго ход̇и… згаасаниго ход̇и. со ид̇и бадисан̃жигкад̇и – ‘ахам̣ комхи згаасаниго, имз банан̃н̃з бхигкуу на згаасанигаа’д̇и. со д̇зна згаасанигад̇д̇зна ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘на ко згаасанигад̇д̇зна лобхад̇хаммаа ваа баригкаяам̣ г̇ажчанд̇и, д̣̇осад̇хаммаа ваа баригкаяам̣ г̇ажчанд̇и, мохад̇хаммаа ваа баригкаяам̣ г̇ажчанд̇и. но жзби згаасаниго ход̇и; со жа ход̇и д̇хаммаануд̇хаммаббадибанно саамийжиббадибанно ануд̇хаммажаарий, со д̇ад̇т̇а буж̇ж̇о, со д̇ад̇т̇а баасам̣со’д̇и. со бадибад̣̇ам̣язва анд̇арам̣ гарид̇ваа д̇зна згаасанигад̇д̇зна нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso sosāniko hoti…pe… abbhokāsiko hoti… nesajjiko hoti… yathāsanthatiko hoti… ekāsaniko hoti. So iti paṭisañcikkhati – ‘ahaṃ khomhi ekāsaniko, ime panaññe bhikkhū na ekāsanikā’ti. So tena ekāsanikattena attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘na kho ekāsanikattena lobhadhammā vā parikkhayaṃ gacchanti, dosadhammā vā parikkhayaṃ gacchanti, mohadhammā vā parikkhayaṃ gacchanti. No cepi ekāsaniko hoti; so ca hoti dhammānudhammappaṭipanno sāmīcippaṭipanno anudhammacārī, so tattha pujjo, so tattha pāsaṃso’ti. So paṭipadaṃyeva antaraṃ karitvā tena ekāsanikattena nevattānukkaṃseti, na paraṃ vambheti. Ayampi, bhikkhave, sappurisadhammo.
108. ‘‘буна жабарам̣, бхигкавз, асаббурисо вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи батамаж̇жхаанасамаабад̇д̇ияаа лаабхий, имз банан̃н̃з бхигкуу батамаж̇жхаанасамаабад̇д̇ияаа на лаабхино’д̇и. со д̇ааяа батамаж̇жхаанасамаабад̇д̇ияаа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘батамаж̇жхаанасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа батамаж̇жхаанасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
108. ‘‘Puna caparaṃ, bhikkhave, asappuriso vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So iti paṭisañcikkhati – ‘ahaṃ khomhi paṭhamajjhānasamāpattiyā lābhī, ime panaññe bhikkhū paṭhamajjhānasamāpattiyā na lābhino’ti. So tāya paṭhamajjhānasamāpattiyā attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘paṭhamajjhānasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya paṭhamajjhānasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи жад̇уд̇т̇аж̇жхаанасамаабад̇д̇ияаа лаабхий, имз банан̃н̃з бхигкуу жад̇уд̇т̇аж̇жхаанасамаабад̇д̇ияаа на лаабхино’д̇и. со д̇ааяа жад̇уд̇т̇аж̇жхаанасамаабад̇д̇ияаа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко , бхигкавз, ид̇и бадисан̃жигкад̇и – ‘жад̇уд̇т̇аж̇жхаанасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа жад̇уд̇т̇аж̇жхаанасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja viharati. So iti paṭisañcikkhati – ‘ahaṃ khomhi catutthajjhānasamāpattiyā lābhī, ime panaññe bhikkhū catutthajjhānasamāpattiyā na lābhino’ti. So tāya catutthajjhānasamāpattiyā attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho , bhikkhave, iti paṭisañcikkhati – ‘catutthajjhānasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya catutthajjhānasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи аагаасаанан̃жааяад̇анасамаабад̇д̇ияаа лаабхий, имз банан̃н̃з бхигкуу аагаасаанан̃жааяад̇анасамаабад̇д̇ияаа на лаабхино’д̇и. со д̇ааяа аагаасаанан̃жааяад̇анасамаабад̇д̇ияаа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘аагаасаанан̃жааяад̇анасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа аагаасаанан̃жааяад̇анасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. So iti paṭisañcikkhati – ‘ahaṃ khomhi ākāsānañcāyatanasamāpattiyā lābhī, ime panaññe bhikkhū ākāsānañcāyatanasamāpattiyā na lābhino’ti. So tāya ākāsānañcāyatanasamāpattiyā attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘ākāsānañcāyatanasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya ākāsānañcāyatanasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи вин̃н̃аан̣ан̃жааяад̇анасамаабад̇д̇ияаа лаабхий, имз банан̃н̃з бхигкуу вин̃н̃аан̣ан̃жааяад̇анасамаабад̇д̇ияаа на лаабхино’д̇и. со д̇ааяа вин̃н̃аан̣ан̃жааяад̇анасамаабад̇д̇ияаа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘вин̃н̃аан̣ан̃жааяад̇анасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа вин̃н̃аан̣ан̃жааяад̇анасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. So iti paṭisañcikkhati – ‘ahaṃ khomhi viññāṇañcāyatanasamāpattiyā lābhī, ime panaññe bhikkhū viññāṇañcāyatanasamāpattiyā na lābhino’ti. So tāya viññāṇañcāyatanasamāpattiyā attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘viññāṇañcāyatanasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya viññāṇañcāyatanasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи аагин̃жан̃н̃ааяад̇анасамаабад̇д̇ияаа лаабхий, имз банан̃н̃з бхигкуу аагин̃жан̃н̃ааяад̇анасамаабад̇д̇ияаа на лаабхино’д̇и. со д̇ааяа аагин̃жан̃н̃ааяад̇анасамаабад̇д̇ияаа ад̇д̇аануггам̣сзд̇и, барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз, ид̇и бадисан̃жигкад̇и – ‘аагин̃жан̃н̃ааяад̇анасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа аагин̃жан̃н̃ааяад̇анасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. So iti paṭisañcikkhati – ‘ahaṃ khomhi ākiñcaññāyatanasamāpattiyā lābhī, ime panaññe bhikkhū ākiñcaññāyatanasamāpattiyā na lābhino’ti. So tāya ākiñcaññāyatanasamāpattiyā attānukkaṃseti, paraṃ vambheti. Ayampi, bhikkhave, asappurisadhammo. Sappuriso ca kho, bhikkhave, iti paṭisañcikkhati – ‘ākiñcaññāyatanasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya ākiñcaññāyatanasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, асаббурисо саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. со ид̇и бадисан̃жигкад̇и – ‘ахам̣ комхи нзвасан̃н̃аанаасан̃н̃ааяад̇анасамаабад̇д̇ияаа лаабхий, имз банан̃н̃з бхигкуу нзвасан̃н̃аанаасан̃н̃ааяад̇анасамаабад̇д̇ияаа на лаабхино’д̇и. со д̇ааяа нзвасан̃н̃аанаасан̃н̃ааяад̇анасамаабад̇д̇ияаа ад̇д̇аануггам̣сзд̇и , барам̣ вамбхзд̇и. аяамби, бхигкавз, асаббурисад̇хаммо. саббурисо жа ко, бхигкавз , ид̇и бадисан̃жигкад̇и – ‘нзвасан̃н̃аанаасан̃н̃ааяад̇анасамаабад̇д̇ияааби ко ад̇аммаяад̇аа вуд̇д̇аа бхаг̇авад̇аа. язна язна хи ман̃н̃анд̇и д̇ад̇о д̇ам̣ ход̇и ан̃н̃ат̇аа’д̇и. со ад̇аммаяад̇ан̃н̃зва анд̇арам̣ гарид̇ваа д̇ааяа нзвасан̃н̃аанаасан̃н̃ааяад̇анасамаабад̇д̇ияаа нзвад̇д̇аануггам̣сзд̇и, на барам̣ вамбхзд̇и. аяамби, бхигкавз, саббурисад̇хаммо.
‘‘Puna caparaṃ, bhikkhave, asappuriso sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. So iti paṭisañcikkhati – ‘ahaṃ khomhi nevasaññānāsaññāyatanasamāpattiyā lābhī, ime panaññe bhikkhū nevasaññānāsaññāyatanasamāpattiyā na lābhino’ti. So tāya nevasaññānāsaññāyatanasamāpattiyā attānukkaṃseti , paraṃ vambheti. Ayampi, bhikkhave, asappurisadhammo. Sappuriso ca kho, bhikkhave , iti paṭisañcikkhati – ‘nevasaññānāsaññāyatanasamāpattiyāpi kho atammayatā vuttā bhagavatā. Yena yena hi maññanti tato taṃ hoti aññathā’ti. So atammayataññeva antaraṃ karitvā tāya nevasaññānāsaññāyatanasamāpattiyā nevattānukkaṃseti, na paraṃ vambheti. Ayampi, bhikkhave, sappurisadhammo.
‘‘буна жабарам̣, бхигкавз, саббурисо саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и. бан̃н̃ааяа жасса д̣̇исваа аасаваа 7 баригкийн̣аа хонд̇и. аяам̣ 8, бхигкавз, бхигку на гин̃жи ман̃н̃ад̇и, на гухин̃жи ман̃н̃ад̇и, на гзнажи ман̃н̃ад̇ий’’д̇и.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
саббурисасуд̇д̇ам̣ нидтид̇ам̣ д̇ад̇ияам̣.
Sappurisasuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. саббурисад̇хаммасуд̇д̇аван̣н̣анаа • 3. Sappurisadhammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. саббурисад̇хаммасуд̇д̇аван̣н̣анаа • 3. Sappurisadhammasuttavaṇṇanā
