| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. ஸப்புரிஸஸுத்தவண்ணனா
8. Sappurisasuttavaṇṇanā
38. அட்ட²மே அத்தா²யாதி அத்த²த்தா²ய. ஹிதாய ஸுகா²யாதி ஹிதத்தா²ய ஸுக²த்தா²ய. புப்³ப³பேதானந்தி பரலோகக³தானங் ஞாதீனங். இமஸ்மிங் ஸுத்தே அனுப்பன்னே பு³த்³தே⁴ சக்கவத்திராஜானோ போ³தி⁴ஸத்தா பச்சேகபு³த்³தா⁴ லப்³ப⁴ந்தி, பு³த்³த⁴காலே பு³த்³தா⁴ சேவ பு³த்³த⁴ஸாவகா ச. யதா²வுத்தானஞ்ஹி ஏதேஸங் அத்தா²ய ஹிதாய ஸுகா²ய ஸங்வத்தந்தி. ப³ஹுன்னங் வத அத்தா²ய, ஸப்பஞ்ஞோ க⁴ரமாவஸந்தி ஸப்பஞ்ஞோ க⁴ரே வஸந்தோ ப³ஹூனங் வத அத்தா²ய ஹோதி. புப்³பே³தி பட²மேவ. புப்³பே³கதமனுஸ்ஸரந்தி மாதாபிதூனங் புப்³ப³காரகு³ணே அனுஸ்ஸரந்தோ. ஸஹத⁴ம்மேனாதி ஸகாரணேன பச்சயபூஜனேன பூஜேதி. அபசே ப்³ரஹ்மசாரயோதி ப்³ரஹ்மசாரினோ அபசயதி, நீசவுத்திதங் நேஸங் ஆபஜ்ஜதி. பேஸலோதி பியஸீலோ.
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. ஸப்புரிஸஸுத்தங் • 8. Sappurisasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-8. ஸப்புரிஸதா³னஸுத்தாதி³வண்ணனா • 7-8. Sappurisadānasuttādivaṇṇanā
