| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৮. সপ্পুরিসসুত্তৰণ্ণনা
8. Sappurisasuttavaṇṇanā
৩৮. অট্ঠমে অত্থাযাতি অত্থত্থায। হিতায সুখাযাতি হিতত্থায সুখত্থায। পুব্বপেতানন্তি পরলোকগতানং ঞাতীনং। ইমস্মিং সুত্তে অনুপ্পন্নে বুদ্ধে চক্কৰত্তিরাজানো বোধিসত্তা পচ্চেকবুদ্ধা লব্ভন্তি, বুদ্ধকালে বুদ্ধা চেৰ বুদ্ধসাৰকা চ। যথাৰুত্তানঞ্হি এতেসং অত্থায হিতায সুখায সংৰত্তন্তি। বহুন্নং ৰত অত্থায, সপ্পঞ্ঞো ঘরমাৰসন্তি সপ্পঞ্ঞো ঘরে ৰসন্তো বহূনং ৰত অত্থায হোতি। পুব্বেতি পঠমেৰ। পুব্বেকতমনুস্সরন্তি মাতাপিতূনং পুব্বকারগুণে অনুস্সরন্তো। সহধম্মেনাতি সকারণেন পচ্চযপূজনেন পূজেতি। অপচে ব্রহ্মচারযোতি ব্রহ্মচারিনো অপচযতি, নীচৰুত্তিতং নেসং আপজ্জতি। পেসলোতি পিযসীলো।
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. সপ্পুরিসসুত্তং • 8. Sappurisasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-৮. সপ্পুরিসদানসুত্তাদিৰণ্ণনা • 7-8. Sappurisadānasuttādivaṇṇanā
