| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៨. សប្បុរិសសុត្តវណ្ណនា
8. Sappurisasuttavaṇṇanā
៣៨. អដ្ឋមេ អត្ថាយាតិ អត្ថត្ថាយ។ ហិតាយ សុខាយាតិ ហិតត្ថាយ សុខត្ថាយ។ បុព្ពបេតានន្តិ បរលោកគតានំ ញាតីនំ។ ឥមស្មិំ សុត្តេ អនុប្បន្នេ ពុទ្ធេ ចក្កវត្តិរាជានោ ពោធិសត្តា បច្ចេកពុទ្ធា លព្ភន្តិ, ពុទ្ធកាលេ ពុទ្ធា ចេវ ពុទ្ធសាវកា ច។ យថាវុត្តានញ្ហិ ឯតេសំ អត្ថាយ ហិតាយ សុខាយ សំវត្តន្តិ។ ពហុន្នំ វត អត្ថាយ, សប្បញ្ញោ ឃរមាវសន្តិ សប្បញ្ញោ ឃរេ វសន្តោ ពហូនំ វត អត្ថាយ ហោតិ។ បុព្ពេតិ បឋមេវ។ បុព្ពេកតមនុស្សរន្តិ មាតាបិតូនំ បុព្ពការគុណេ អនុស្សរន្តោ។ សហធម្មេនាតិ សការណេន បច្ចយបូជនេន បូជេតិ។ អបចេ ព្រហ្មចារយោតិ ព្រហ្មចារិនោ អបចយតិ, នីចវុត្តិតំ នេសំ អាបជ្ជតិ។ បេសលោតិ បិយសីលោ។
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. សប្បុរិសសុត្តំ • 8. Sappurisasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-៨. សប្បុរិសទានសុត្តាទិវណ្ណនា • 7-8. Sappurisadānasuttādivaṇṇanā
