| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. သပ္ပုရိသသုတ္တဝဏ္ဏနာ
8. Sappurisasuttavaṇṇanā
၃၈. အဋ္ဌမေ အတ္ထာယာတိ အတ္ထတ္ထာယ။ ဟိတာယ သုခာယာတိ ဟိတတ္ထာယ သုခတ္ထာယ။ ပုဗ္ဗပေတာနန္တိ ပရလောကဂတာနံ ဉာတီနံ။ ဣမသ္မိံ သုတ္တေ အနုပ္ပန္နေ ဗုဒ္ဓေ စက္ကဝတ္တိရာဇာနော ဗောဓိသတ္တာ ပစ္စေကဗုဒ္ဓာ လဗ္ဘန္တိ, ဗုဒ္ဓကာလေ ဗုဒ္ဓာ စေဝ ဗုဒ္ဓသာဝကာ စ။ ယထာဝုတ္တာနဉ္ဟိ ဧတေသံ အတ္ထာယ ဟိတာယ သုခာယ သံဝတ္တန္တိ။ ဗဟုန္နံ ဝတ အတ္ထာယ, သပ္ပညော ဃရမာဝသန္တိ သပ္ပညော ဃရေ ဝသန္တော ဗဟူနံ ဝတ အတ္ထာယ ဟောတိ။ ပုဗ္ဗေတိ ပဌမေဝ။ ပုဗ္ဗေကတမနုသ္သရန္တိ မာတာပိတူနံ ပုဗ္ဗကာရဂုဏေ အနုသ္သရန္တော။ သဟဓမ္မေနာတိ သကာရဏေန ပစ္စယပူဇနေန ပူဇေတိ။ အပစေ ဗ္ရဟ္မစာရယောတိ ဗ္ရဟ္မစာရိနော အပစယတိ, နီစဝုတ္တိတံ နေသံ အာပဇ္ဇတိ။ ပေသလောတိ ပိယသီလော။
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. သပ္ပုရိသသုတ္တံ • 8. Sappurisasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၈. သပ္ပုရိသဒာနသုတ္တာဒိဝဏ္ဏနာ • 7-8. Sappurisadānasuttādivaṇṇanā
