| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. සප්‌පුරිසසුත්‌තවණ්‌ණනා
8. Sappurisasuttavaṇṇanā
38. අට්‌ඨමෙ අත්‌ථායාති අත්‌ථත්‌ථාය. හිතාය සුඛායාති හිතත්‌ථාය සුඛත්‌ථාය. පුබ්‌බපෙතානන්‌ති පරලොකගතානං ඤාතීනං. ඉමස්‌මිං සුත්‌තෙ අනුප්‌පන්‌නෙ බුද්‌ධෙ චක්‌කවත්‌තිරාජානො බොධිසත්‌තා පච්‌චෙකබුද්‌ධා ලබ්‌භන්‌ති, බුද්‌ධකාලෙ බුද්‌ධා චෙව බුද්‌ධසාවකා ච. යථාවුත්‌තානඤ්‌හි එතෙසං අත්‌ථාය හිතාය සුඛාය සංවත්‌තන්‌ති. බහුන්‌නං වත අත්‌ථාය, සප්‌පඤ්‌ඤො ඝරමාවසන්‌ති සප්‌පඤ්‌ඤො ඝරෙ වසන්‌තො බහූනං වත අත්‌ථාය හොති. පුබ්‌බෙති පඨමෙව. පුබ්‌බෙකතමනුස්‌සරන්‌ති මාතාපිතූනං පුබ්‌බකාරගුණෙ අනුස්‌සරන්‌තො. සහධම්‌මෙනාති සකාරණෙන පච්‌චයපූජනෙන පූජෙති. අපචෙ බ්‍රහ්‌මචාරයොති බ්‍රහ්‌මචාරිනො අපචයති, නීචවුත්‌තිතං නෙසං ආපජ්‌ජති. පෙසලොති පියසීලො.
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. සප්‌පුරිසසුත්‌තං • 8. Sappurisasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-8. සප්‌පුරිසදානසුත්‌තාදිවණ්‌ණනා • 7-8. Sappurisadānasuttādivaṇṇanā
