| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൮. സപ്പുരിസസുത്തവണ്ണനാ
8. Sappurisasuttavaṇṇanā
൩൮. അട്ഠമേ അത്ഥായാതി അത്ഥത്ഥായ. ഹിതായ സുഖായാതി ഹിതത്ഥായ സുഖത്ഥായ. പുബ്ബപേതാനന്തി പരലോകഗതാനം ഞാതീനം. ഇമസ്മിം സുത്തേ അനുപ്പന്നേ ബുദ്ധേ ചക്കവത്തിരാജാനോ ബോധിസത്താ പച്ചേകബുദ്ധാ ലബ്ഭന്തി, ബുദ്ധകാലേ ബുദ്ധാ ചേവ ബുദ്ധസാവകാ ച. യഥാവുത്താനഞ്ഹി ഏതേസം അത്ഥായ ഹിതായ സുഖായ സംവത്തന്തി. ബഹുന്നം വത അത്ഥായ, സപ്പഞ്ഞോ ഘരമാവസന്തി സപ്പഞ്ഞോ ഘരേ വസന്തോ ബഹൂനം വത അത്ഥായ ഹോതി. പുബ്ബേതി പഠമേവ. പുബ്ബേകതമനുസ്സരന്തി മാതാപിതൂനം പുബ്ബകാരഗുണേ അനുസ്സരന്തോ. സഹധമ്മേനാതി സകാരണേന പച്ചയപൂജനേന പൂജേതി. അപചേ ബ്രഹ്മചാരയോതി ബ്രഹ്മചാരിനോ അപചയതി, നീചവുത്തിതം നേസം ആപജ്ജതി. പേസലോതി പിയസീലോ.
38. Aṭṭhame atthāyāti atthatthāya. Hitāya sukhāyāti hitatthāya sukhatthāya. Pubbapetānanti paralokagatānaṃ ñātīnaṃ. Imasmiṃ sutte anuppanne buddhe cakkavattirājāno bodhisattā paccekabuddhā labbhanti, buddhakāle buddhā ceva buddhasāvakā ca. Yathāvuttānañhi etesaṃ atthāya hitāya sukhāya saṃvattanti. Bahunnaṃvata atthāya, sappañño gharamāvasanti sappañño ghare vasanto bahūnaṃ vata atthāya hoti. Pubbeti paṭhameva. Pubbekatamanussaranti mātāpitūnaṃ pubbakāraguṇe anussaranto. Sahadhammenāti sakāraṇena paccayapūjanena pūjeti. Apace brahmacārayoti brahmacārino apacayati, nīcavuttitaṃ nesaṃ āpajjati. Pesaloti piyasīlo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. സപ്പുരിസസുത്തം • 8. Sappurisasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൭-൮. സപ്പുരിസദാനസുത്താദിവണ്ണനാ • 7-8. Sappurisadānasuttādivaṇṇanā
