| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៨៣. សរភមិគជាតកំ (១០)
483. Sarabhamigajātakaṃ (10)
១៣៤.
134.
បស្សាមិ វោហំ អត្តានំ, យថា ឥច្ឆិំ តថា អហុ។
Passāmi vohaṃ attānaṃ, yathā icchiṃ tathā ahu.
១៣៥.
135.
អាសីសេថេវ បុរិសោ, ន និព្ពិន្ទេយ្យ បណ្ឌិតោ;
Āsīsetheva puriso, na nibbindeyya paṇḍito;
បស្សាមិ វោហំ អត្តានំ, ឧទកា ថលមុព្ភតំ។
Passāmi vohaṃ attānaṃ, udakā thalamubbhataṃ.
១៣៦.
136.
វាយមេថេវ បុរិសោ, ន និព្ពិន្ទេយ្យ បណ្ឌិតោ;
Vāyametheva puriso, na nibbindeyya paṇḍito;
បស្សាមិ វោហំ អត្តានំ, យថា ឥច្ឆិំ តថា អហុ។
Passāmi vohaṃ attānaṃ, yathā icchiṃ tathā ahu.
១៣៧.
137.
វាយមេថេវ បុរិសោ, ន និព្ពិន្ទេយ្យ បណ្ឌិតោ;
Vāyametheva puriso, na nibbindeyya paṇḍito;
បស្សាមិ វោហំ អត្តានំ, ឧទកា ថលមុព្ភតំ។
Passāmi vohaṃ attānaṃ, udakā thalamubbhataṃ.
១៣៨.
138.
ទុក្ខូបនីតោបិ នរោ សបញ្ញោ, អាសំ ន ឆិន្ទេយ្យ សុខាគមាយ;
Dukkhūpanītopi naro sapañño, āsaṃ na chindeyya sukhāgamāya;
ពហូ ហិ ផស្សា អហិតា ហិតា ច, អវិតក្កិតា មច្ចមុបព្ពជន្តិ 3។
Bahū hi phassā ahitā hitā ca, avitakkitā maccamupabbajanti 4.
១៣៩.
139.
អចិន្តិតម្បិ ភវតិ, ចិន្តិតម្បិ វិនស្សតិ;
Acintitampi bhavati, cintitampi vinassati;
ន ហិ ចិន្តាមយា ភោគា, ឥត្ថិយា បុរិសស្ស វា។
Na hi cintāmayā bhogā, itthiyā purisassa vā.
១៤០.
140.
សរភំ គិរិទុគ្គស្មិំ, យំ ត្វំ អនុសរី បុរេ;
Sarabhaṃ giriduggasmiṃ, yaṃ tvaṃ anusarī pure;
១៤១.
141.
យោ តំ វិទុគ្គា នរកា សមុទ្ធរិ, សិលាយ យោគ្គំ សរភោ ករិត្វា;
Yo taṃ viduggā narakā samuddhari, silāya yoggaṃ sarabho karitvā;
ទុក្ខូបនីតំ មច្ចុមុខា បមោចយិ, អលីនចិត្តំ តំ មិគំ 7 វទេសិ។
Dukkhūpanītaṃ maccumukhā pamocayi, alīnacittaṃ taṃ migaṃ 8 vadesi.
១៤២.
142.
វិវដ្ដច្ឆទ្ទោ នុសិ សព្ពទស្សី, ញាណំ នុ តេ ព្រាហ្មណ ភិំសរូបំ។
Vivaṭṭacchaddo nusi sabbadassī, ñāṇaṃ nu te brāhmaṇa bhiṃsarūpaṃ.
១៤៣.
143.
ន ចេវហំ តត្ថ តទា អហោសិំ, ន ចាបិ មេ កោចិ នំ 13 ឯតទក្ខា;
Na cevahaṃ tattha tadā ahosiṃ, na cāpi me koci naṃ 14 etadakkhā;
គាថាបទានញ្ច សុភាសិតានំ, អត្ថំ តទានេន្តិ ជនិន្ទ ធីរា។
Gāthāpadānañca subhāsitānaṃ, atthaṃ tadānenti janinda dhīrā.
១៤៤.
144.
អាទាយ បត្តិំ 15 បរវិរិយឃាតិំ, ចាបេ សរំ កិំ វិចិកិច្ឆសេ តុវំ;
Ādāya pattiṃ 16 paraviriyaghātiṃ, cāpe saraṃ kiṃ vicikicchase tuvaṃ;
នុន្នោ 17 សរោ សរភំ ហន្តុ ខិប្បំ, អន្នញ្ហិ ឯតំ វរបញ្ញ រញ្ញោ។
Nunno 18 saro sarabhaṃ hantu khippaṃ, annañhi etaṃ varapañña rañño.
១៤៥.
145.
អទ្ធា បជានាមិ អហម្បិ ឯតំ, អន្នំ មិគោ ព្រាហ្មណ ខត្តិយស្ស;
Addhā pajānāmi ahampi etaṃ, annaṃ migo brāhmaṇa khattiyassa;
បុព្ពេ កតញ្ច 19 អបចាយមានោ, តស្មា មិគំ សរភំ នោ ហនាមិ។
Pubbe katañca 20 apacāyamāno, tasmā migaṃ sarabhaṃ no hanāmi.
១៤៦.
146.
នេសោ មិគោ មហារាជ, អសុរេសោ ទិសម្បតិ;
Neso migo mahārāja, asureso disampati;
ឯតំ ហន្ត្វា មនុស្សិន្ទ, ភវស្សុ អមរាធិបោ។
Etaṃ hantvā manussinda, bhavassu amarādhipo.
១៤៧.
147.
១៤៨.
148.
កាមំ អហំ ជានបទា ច សព្ពេ, បុត្តា ច ទារា ច សហាយសង្ឃា;
Kāmaṃ ahaṃ jānapadā ca sabbe, puttā ca dārā ca sahāyasaṅghā;
គច្ឆេមុ តំ វេតរណិំ យមស្ស, ន ត្វេវ ហញ្ញោ មម បាណទោ យោ 29។
Gacchemu taṃ vetaraṇiṃ yamassa, na tveva hañño mama pāṇado yo 30.
១៤៩.
149.
អយំ មិគោ កិច្ឆគតស្ស មយ្ហំ, ឯកស្ស កត្តា វិវនស្មិ ឃោរេ;
Ayaṃ migo kicchagatassa mayhaṃ, ekassa kattā vivanasmi ghore;
តំ តាទិសំ បុព្ពកិច្ចំ សរន្តោ, ជានំ មហាព្រហ្មេ កថំ ហនេយ្យំ។
Taṃ tādisaṃ pubbakiccaṃ saranto, jānaṃ mahābrahme kathaṃ haneyyaṃ.
១៥០.
150.
មិត្តាភិរាធី ចិរមេវ ជីវ, រជ្ជំ ឥមំ ធម្មគុណេ 31 បសាស;
Mittābhirādhī cirameva jīva, rajjaṃ imaṃ dhammaguṇe 32 pasāsa;
នារីគណេហិ បរិចារិយន្តោ, មោទស្សុ រដ្ឋេ តិទិវេវ វាសវោ។
Nārīgaṇehi paricāriyanto, modassu raṭṭhe tidiveva vāsavo.
១៥១.
151.
អក្កោធនោ និច្ចបសន្នចិត្តោ, សព្ពាតិថី យាចយោគោ ភវិត្វា 33;
Akkodhano niccapasannacitto, sabbātithī yācayogo bhavitvā 34;
ទត្វា ច ភុត្វា ច យថានុភាវំ, អនិន្ទិតោ សគ្គមុបេហិ ឋានន្តិ។
Datvā ca bhutvā ca yathānubhāvaṃ, anindito saggamupehi ṭhānanti.
សរភមិគជាតកំ ទសមំ។
Sarabhamigajātakaṃ dasamaṃ.
តេរសកនិបាតំ និដ្ឋិតំ។
Terasakanipātaṃ niṭṭhitaṃ.
តស្សុទ្ទានំ –
Tassuddānaṃ –
វរអម្ព កុឋារិ សហំសវរោ, អថរញ្ញស្មិំ ទូតកបញ្ចមកោ;
Varaamba kuṭhāri sahaṃsavaro, atharaññasmiṃ dūtakapañcamako;
អថ ពោធិ អកិត្តិ សុតក្ករិនា, អថ រុរុមិគេនបរោ សរភោតិ។
Atha bodhi akitti sutakkarinā, atha rurumigenaparo sarabhoti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៨៣] ១០. សរភមិគជាតកវណ្ណនា • [483] 10. Sarabhamigajātakavaṇṇanā
