| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. сарабхан̇г̇ад̇т̇зраг̇аат̇ааван̣н̣анаа
5. Sarabhaṅgattheragāthāvaṇṇanā
сарз хад̇т̇зхийд̇иаад̣̇игаа ааяасмад̇о сарабхан̇г̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з рааж̇аг̇ахз ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, анабхилагкид̇од̇исса гулавам̣сааг̇ад̇ам̣ наамам̣ ахоси. со ваяаббад̇д̇о гаамз бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа сарад̇ин̣аани саяамзва бхан̃ж̇ид̇ваа бан̣н̣асаалам̣ гад̇ваа васад̇и. д̇ад̇о бадтааяа сарабхан̇г̇од̇исса саман̃н̃аа ахоси. ат̇а бхаг̇аваа б̣уд̣̇д̇хажагкунаа логам̣ вологзнд̇о д̇асса арахад̇д̇уубаниссаяам̣ д̣̇исваа, д̇ад̇т̇а г̇анд̇ваа, д̇хаммам̣ д̣̇зсзси. со бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ бад̇ваа д̇ад̇т̇зва васад̇и. ат̇асса д̇аабасагаалз гад̇аа бан̣н̣асаалаа ж̇ин̣н̣аа балуг̇г̇аа ахоси. д̇ам̣ д̣̇исваа мануссаа ‘‘гисса, бханд̇з, имам̣ гудигам̣ на бадисан̇карот̇аа’’д̇и аахам̣су. т̇зро ‘‘гудигаа яат̇аа д̇аабасагаалз гад̇аа, ид̣̇аани д̇ат̇аа гаад̇ум̣ на саггаа’’д̇и д̇ам̣ саб̣б̣ам̣ багаасзнд̇о –
Sarehatthehītiādikā āyasmato sarabhaṅgattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde rājagahe aññatarassa brāhmaṇassa putto hutvā nibbatti, anabhilakkhitotissa kulavaṃsāgataṃ nāmaṃ ahosi. So vayappatto kāme pahāya tāpasapabbajjaṃ pabbajitvā saratiṇāni sayameva bhañjitvā paṇṇasālaṃ katvā vasati. Tato paṭṭhāya sarabhaṅgotissa samaññā ahosi. Atha bhagavā buddhacakkhunā lokaṃ volokento tassa arahattūpanissayaṃ disvā, tattha gantvā, dhammaṃ desesi. So paṭiladdhasaddho pabbajitvā vipassanāya kammaṃ karonto nacirasseva arahattaṃ patvā tattheva vasati. Athassa tāpasakāle katā paṇṇasālā jiṇṇā paluggā ahosi. Taṃ disvā manussā ‘‘kissa, bhante, imaṃ kuṭikaṃ na paṭisaṅkharothā’’ti āhaṃsu. Thero ‘‘kuṭikā yathā tāpasakāle katā, idāni tathā kātuṃ na sakkā’’ti taṃ sabbaṃ pakāsento –
487.
487.
‘‘сарз хад̇т̇зхи бхан̃ж̇ид̇ваа, гад̇ваана гудимажчисам̣;
‘‘Sare hatthehi bhañjitvā, katvāna kuṭimacchisaṃ;
д̇зна мз сарабхан̇г̇од̇и, наамам̣ саммуд̇ияаа аху.
Tena me sarabhaṅgoti, nāmaṃ sammutiyā ahu.
488.
488.
‘‘на маяхам̣ габбад̇з аж̇ж̇а, сарз хад̇т̇зхи бхан̃ж̇ид̇ум̣;
‘‘Na mayhaṃ kappate ajja, sare hatthehi bhañjituṃ;
сигкаабад̣̇аа но бан̃н̃ад̇д̇аа, г̇од̇амзна яасассинаа’’д̇и. – д̣̇вз г̇аат̇аа абхааси;
Sikkhāpadā no paññattā, gotamena yasassinā’’ti. – dve gāthā abhāsi;
д̇ад̇т̇а сарз хад̇т̇зхи бхан̃ж̇ид̇ваад̇и, буб̣б̣з д̇аабасагаалз сарад̇ин̣аани мама хад̇т̇зхи чинд̣̇ид̇ваа д̇ин̣агудим̣ гад̇ваа ажчисам̣ васим̣, нисийд̣̇ин̃жзва нибаж̇ж̇ин̃жа. д̇знаад̇и гудигаран̣ад̇т̇ам̣ сараанам̣ бхан̃ж̇анзна. саммуд̇ияаад̇и анвад̇т̇асаммуд̇ияаа сарабхан̇г̇од̇и, наамам̣ аху ахоси.
Tattha sare hatthehi bhañjitvāti, pubbe tāpasakāle saratiṇāni mama hatthehi chinditvā tiṇakuṭiṃ katvā acchisaṃ vasiṃ, nisīdiñceva nipajjiñca. Tenāti kuṭikaraṇatthaṃ sarānaṃ bhañjanena. Sammutiyāti anvatthasammutiyā sarabhaṅgoti, nāmaṃ ahu ahosi.
на маяхам̣ габбад̇з аж̇ж̇аад̇и аж̇ж̇а ид̣̇аани убасамбаннасса маяхам̣ сарз сарад̇ин̣з хад̇т̇зхи бхан̃ж̇ид̇ум̣ на габбад̇з на ваддад̇и. гасмаа? сигкаабад̣̇аа но бан̃н̃ад̇д̇аа, г̇од̇амзна яасассинаад̇и. д̇зна яам̣ амхаагам̣ сад̇т̇аараа сигкаабад̣̇ам̣ бан̃н̃ад̇д̇ам̣, д̇ам̣ маяам̣ ж̇ийвид̇ахзд̇унааби наад̇иггамаамаад̇и д̣̇ассзд̇и.
Na mayhaṃ kappate ajjāti ajja idāni upasampannassa mayhaṃ sare saratiṇe hatthehi bhañjituṃ na kappate na vaṭṭati. Kasmā? Sikkhāpadā no paññattā, gotamena yasassināti. Tena yaṃ amhākaṃ satthārā sikkhāpadaṃ paññattaṃ, taṃ mayaṃ jīvitahetunāpi nātikkamāmāti dasseti.
звам̣ згзна багаарзна д̇ин̣агудигааяа абадисан̇каран̣з гааран̣ам̣ д̣̇ассзд̇ваа ид̣̇аани абарзнаби барияааязна нам̣ д̣̇ассзнд̇о –
Evaṃ ekena pakārena tiṇakuṭikāya apaṭisaṅkharaṇe kāraṇaṃ dassetvā idāni aparenapi pariyāyena naṃ dassento –
489.
489.
‘‘сагалам̣ самад̇д̇ам̣ рог̇ам̣, сарабхан̇г̇о наад̣̇д̣̇асам̣ буб̣б̣з;
‘‘Sakalaṃ samattaṃ rogaṃ, sarabhaṅgo nāddasaṃ pubbe;
сояам̣ рог̇о д̣̇идто, важанагарзнаад̇ид̣̇звассаа’’д̇и. – имам̣ г̇аат̇амааха;
Soyaṃ rogo diṭṭho, vacanakarenātidevassā’’ti. – imaṃ gāthamāha;
д̇ад̇т̇а сагаланд̇и саб̣б̣ам̣. самад̇д̇анд̇и самбун̣н̣ам̣, саб̣б̣абхааг̇ад̇о анавасзсанд̇и ад̇т̇о. рог̇анд̇и д̣̇угкад̣̇угкад̇аад̣̇ивасзна руж̇анадтзна рог̇абхууд̇ам̣ убаад̣̇аанагканд̇хабан̃жагам̣ санд̇хааяа вад̣̇ад̇и. наад̣̇д̣̇асам̣ буб̣б̣зд̇и сад̇т̇у оваад̣̇абадилаабхад̇о буб̣б̣з на ад̣̇д̣̇агким̣. сояам̣ рог̇о д̣̇идто, важанагарзнаад̇ид̣̇звассаад̇и саммуд̇ид̣̇зваа убабад̇д̇ид̣̇зваа висуд̣̇д̇хид̣̇зваад̇и саб̣б̣зби д̣̇звз ад̇д̇ано сийлаад̣̇иг̇ун̣зхи ад̇иггамид̇ваа тид̇ад̇д̇аа ад̇ид̣̇звасса саммаасамб̣уд̣̇д̇хасса оваад̣̇абадигарзна сарабхан̇г̇зна со аяам̣ канд̇хабан̃жагасан̇каад̇о рог̇о вибассанаабан̃н̃аасахид̇ааяа маг̇г̇абан̃н̃ааяа бан̃жагканд̇хад̇о д̣̇идто, барин̃н̃аад̇од̇и ад̇т̇о. зд̇зна звам̣ ад̇д̇абхаавагудигааяамби анабзгко б̣аахирам̣ д̇ин̣агудигам̣ гат̇ам̣ бадисан̇кариссад̇ийд̇и д̣̇ассзд̇и.
Tattha sakalanti sabbaṃ. Samattanti sampuṇṇaṃ, sabbabhāgato anavasesanti attho. Roganti dukkhadukkhatādivasena rujanaṭṭhena rogabhūtaṃ upādānakkhandhapañcakaṃ sandhāya vadati. Nāddasaṃ pubbeti satthu ovādapaṭilābhato pubbe na addakkhiṃ. Soyaṃ rogo diṭṭho, vacanakarenātidevassāti sammutidevā upapattidevā visuddhidevāti sabbepi deve attano sīlādiguṇehi atikkamitvā ṭhitattā atidevassa sammāsambuddhassa ovādapaṭikarena sarabhaṅgena so ayaṃ khandhapañcakasaṅkhāto rogo vipassanāpaññāsahitāya maggapaññāya pañcakkhandhato diṭṭho, pariññātoti attho. Etena evaṃ attabhāvakuṭikāyampi anapekkho bāhiraṃ tiṇakuṭikaṃ kathaṃ paṭisaṅkharissatīti dasseti.
ид̣̇аани яам̣ маг̇г̇ам̣ бадибаж̇ж̇анд̇зна маяаа аяам̣ ад̇д̇абхааварог̇о яаат̇аавад̇о д̣̇идто, свааяам̣ маг̇г̇о саб̣б̣аб̣уд̣̇д̇хасаад̇хааран̣о. язна нзсам̣ оваад̣̇ад̇хаммоби маж̇жхз бхиннасуван̣н̣асад̣̇исо яад̇т̇аахам̣ бад̇идтааяа д̣̇угкагкаяам̣ бад̇д̇од̇и звам̣ ад̇д̇ано арахад̇д̇абадибад̇д̇им̣ б̣яаагаронд̇о –
Idāni yaṃ maggaṃ paṭipajjantena mayā ayaṃ attabhāvarogo yāthāvato diṭṭho, svāyaṃ maggo sabbabuddhasādhāraṇo. Yena nesaṃ ovādadhammopi majjhe bhinnasuvaṇṇasadiso yatthāhaṃ patiṭṭhāya dukkhakkhayaṃ pattoti evaṃ attano arahattapaṭipattiṃ byākaronto –
490.
490.
‘‘язнзва маг̇г̇зна г̇ад̇о вибассий, язнзва маг̇г̇зна сикий жа взссабхуу;
‘‘Yeneva maggena gato vipassī, yeneva maggena sikhī ca vessabhū;
гагусанд̇хагон̣ааг̇амано жа гассабо, д̇знан̃ж̇асзна аг̇амааси г̇од̇амо.
Kakusandhakoṇāgamano ca kassapo, tenañjasena agamāsi gotamo.
491.
491.
‘‘вийд̇ад̇ан̣хаа анаад̣̇аанаа, сад̇д̇а б̣уд̣̇д̇хаа каяог̇ад̇хаа;
‘‘Vītataṇhā anādānā, satta buddhā khayogadhā;
язхааяам̣ д̣̇зсид̇о д̇хаммо, д̇хаммабхууд̇зхи д̇аад̣̇ибхи.
Yehāyaṃ desito dhammo, dhammabhūtehi tādibhi.
492.
492.
‘‘жад̇д̇аари арияасажжаани, анугамбааяа баан̣инам̣;
‘‘Cattāri ariyasaccāni, anukampāya pāṇinaṃ;
д̣̇угкам̣ самуд̣̇аяо маг̇г̇о, нирод̇хо д̣̇угкасан̇каяо.
Dukkhaṃ samudayo maggo, nirodho dukkhasaṅkhayo.
493.
493.
‘‘яасмим̣ нивад̇д̇ад̇з д̣̇угкам̣, сам̣саарасмим̣ ананд̇агам̣;
‘‘Yasmiṃ nivattate dukkhaṃ, saṃsārasmiṃ anantakaṃ;
бхзд̣̇аа имасса гааяасса, ж̇ийвид̇асса жа сан̇каяаа;
Bhedā imassa kāyassa, jīvitassa ca saṅkhayā;
ан̃н̃о бунаб̣бхаво над̇т̇и, сувимуд̇д̇омхи саб̣б̣ад̇хий’’д̇и. –
Añño punabbhavo natthi, suvimuttomhi sabbadhī’’ti. –
имаа г̇аат̇аа абхааси –
Imā gāthā abhāsi –
д̇ад̇т̇а язнзва маг̇г̇знаад̇и язнзва сабуб̣б̣абхааг̇зна ариязна адтан̇г̇игзна маг̇г̇зна. г̇ад̇од̇и бадибанно ниб̣б̣аанам̣ ад̇хиг̇ад̇о. вибассийд̇и вибассий саммаасамб̣уд̣̇д̇хо. гагусанд̇хаад̇и авибхад̇д̇иго нид̣̇д̣̇зсо. ‘‘гагусанд̇хагон̣ааг̇аманаа’’д̇иби баато. д̇знан̃ж̇асзнаад̇и д̇знзва ан̃ж̇асзна арияамаг̇г̇зна.
Tattha yeneva maggenāti yeneva sapubbabhāgena ariyena aṭṭhaṅgikena maggena. Gatoti paṭipanno nibbānaṃ adhigato. Vipassīti vipassī sammāsambuddho. Kakusandhāti avibhattiko niddeso. ‘‘Kakusandhakoṇāgamanā’’tipi pāṭho. Tenañjasenāti teneva añjasena ariyamaggena.
анаад̣̇аанаад̇и анубаад̣̇аанаа аббадисанд̇хигаа ваа. каяог̇ад̇хаад̇и ниб̣б̣ааног̇ад̇хаа ниб̣б̣аанабад̇идтаа. язхааяам̣ д̣̇зсид̇о д̇хаммод̇и язхи сад̇д̇ахи саммаасамб̣уд̣̇д̇хзхи аяам̣ саасанад̇хаммо д̣̇зсид̇о бавзд̣̇ид̇о. д̇хаммабхууд̇зхийд̇и д̇хаммагааяад̇ааяа д̇хаммасабхаавзхи, навалогуд̇д̇арад̇хаммад̇о ваа бхууд̇зхи ж̇аад̇зхи, д̇хаммам̣ ваа бад̇д̇зхи. д̇аад̣̇ибхийд̇и, идтаад̣̇ийсу д̇аад̣̇ибхааваббад̇д̇зхи.
Anādānāti anupādānā appaṭisandhikā vā. Khayogadhāti nibbānogadhā nibbānapatiṭṭhā. Yehāyaṃ desito dhammoti yehi sattahi sammāsambuddhehi ayaṃ sāsanadhammo desito pavedito. Dhammabhūtehīti dhammakāyatāya dhammasabhāvehi, navalokuttaradhammato vā bhūtehi jātehi, dhammaṃ vā pattehi. Tādibhīti, iṭṭhādīsu tādibhāvappattehi.
‘‘жад̇д̇аари арияасажжааний’’д̇иаад̣̇инаа д̇зхи д̣̇зсид̇ам̣ д̇хаммам̣ д̣̇ассзд̇и. д̇ад̇т̇а жад̇д̇аарийд̇и г̇ан̣анабарижчзд̣̇о. арияасажжаанийд̇и барижчиннад̇хаммад̣̇ассанам̣. важанад̇т̇ад̇о бана арияаани жа авид̇ат̇адтзна сажжаани жаад̇и арияасажжаани, арияасса ваа бхаг̇авад̇о сажжаани д̇зна д̣̇зсид̇ад̇д̇аа, арияабхаавагараани ваа сажжаанийд̇и арияасажжаани. гужчид̇абхаавад̇о д̇ужчабхаавад̇о жа д̣̇угкам̣, убаад̣̇аанагканд̇хабан̃жагам̣. д̇ам̣ д̣̇угкам̣ самуд̣̇зд̇и зд̇асмаад̇и самуд̣̇аяо, д̇ан̣хаа. гилзсз маарзнд̇о г̇ажчад̇и, ниб̣б̣аанад̇т̇игзхи маг̇г̇ийяад̇ийд̇и ваа маг̇г̇о, саммаад̣̇идтиаад̣̇аяо адта д̇хаммаа. сам̣сааражаарагасан̇каад̇о над̇т̇и зд̇т̇а род̇хо, зд̇асмим̣ ваа ад̇хиг̇ад̇з буг̇г̇аласса род̇хаабхааво ход̇и, нируж̇жхад̇и д̣̇угкамзд̇т̇аад̇и ваа нирод̇хо, ниб̣б̣аанам̣. д̇знааха ‘‘д̣̇угкасан̇каяо’’д̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з вуд̇д̇анаязнзва взд̣̇ид̇аб̣б̣о.
‘‘Cattāriariyasaccānī’’tiādinā tehi desitaṃ dhammaṃ dasseti. Tattha cattārīti gaṇanaparicchedo. Ariyasaccānīti paricchinnadhammadassanaṃ. Vacanatthato pana ariyāni ca avitathaṭṭhena saccāni cāti ariyasaccāni, ariyassa vā bhagavato saccāni tena desitattā, ariyabhāvakarāni vā saccānīti ariyasaccāni. Kucchitabhāvato tucchabhāvato ca dukkhaṃ, upādānakkhandhapañcakaṃ. Taṃ dukkhaṃ samudeti etasmāti samudayo, taṇhā. Kilese mārento gacchati, nibbānatthikehi maggīyatīti vā maggo, sammādiṭṭhiādayo aṭṭha dhammā. Saṃsāracārakasaṅkhāto natthi ettha rodho, etasmiṃ vā adhigate puggalassa rodhābhāvo hoti, nirujjhati dukkhametthāti vā nirodho, nibbānaṃ. Tenāha ‘‘dukkhasaṅkhayo’’ti. Ayamettha saṅkhepo, vitthāro pana visuddhimagge vuttanayeneva veditabbo.
яасминд̇и яасмим̣ нирод̇хз ниб̣б̣аанз ад̇хиг̇ад̇з. нивад̇д̇ад̇зд̇и арияамаг̇г̇абхааванааяа сад̇и ананд̇агам̣ абарияанд̇ам̣ имасмим̣ сам̣саарз ж̇аад̇иаад̣̇ид̣̇угкам̣ на бавад̇д̇ад̇и ужчиж̇ж̇ад̇и, со нирод̇ход̇и аяам̣ д̇хаммабхууд̇зхи саммаасамб̣уд̣̇д̇хзхи д̣̇зсид̇о д̇хаммод̇и яож̇анаа. ‘‘бхзд̣̇аа’’д̇иаад̣̇инаа ‘‘рог̇о д̣̇идто’’д̇и д̣̇угкабарин̃н̃ааяа суужид̇ам̣ ад̇д̇ано арахад̇д̇аббад̇д̇им̣ саруубад̇о д̣̇ассзд̇и. ‘‘яасмим̣ ниб̣б̣ад̇д̇ад̇з д̣̇угка’’нд̇и бана баатз сагалаг̇аат̇ааяа д̇ад̇т̇ааяам̣ яож̇анаа – яасмим̣ канд̇хаад̣̇ибадибаадисан̃н̃ид̇з сам̣саарз ид̣̇ам̣ ананд̇агам̣ ж̇аад̇иаад̣̇ид̣̇угкам̣ ниб̣б̣ад̇д̇ам̣, со ид̇о д̣̇угкаббад̇д̇ид̇о ан̃н̃о бунаббунам̣ бхаванабхаавад̇о бунаб̣бхаво. имасса ж̇ийвид̇инд̣̇рияасса сан̇каяаа гааяасан̇каад̇асса канд̇хабан̃жагасса бхзд̣̇аа винаасаа уд̣̇д̇хам̣ над̇т̇и, д̇асмаа саб̣б̣ад̇хи саб̣б̣зхи гилзсзхи саб̣б̣зхи бхавзхи судту вимуд̇д̇о висам̣яуд̇д̇о амхийд̇и.
Yasminti yasmiṃ nirodhe nibbāne adhigate. Nivattateti ariyamaggabhāvanāya sati anantakaṃ apariyantaṃ imasmiṃ saṃsāre jātiādidukkhaṃ na pavattati ucchijjati, so nirodhoti ayaṃ dhammabhūtehi sammāsambuddhehi desito dhammoti yojanā. ‘‘Bhedā’’tiādinā ‘‘rogo diṭṭho’’ti dukkhapariññāya sūcitaṃ attano arahattappattiṃ sarūpato dasseti. ‘‘Yasmiṃ nibbattate dukkha’’nti pana pāṭhe sakalagāthāya tatthāyaṃ yojanā – yasmiṃ khandhādipaṭipāṭisaññite saṃsāre idaṃ anantakaṃ jātiādidukkhaṃ nibbattaṃ, so ito dukkhappattito añño punappunaṃ bhavanabhāvato punabbhavo. Imassa jīvitindriyassa saṅkhayā kāyasaṅkhātassa khandhapañcakassa bhedā vināsā uddhaṃ natthi, tasmā sabbadhi sabbehi kilesehi sabbehi bhavehi suṭṭhu vimutto visaṃyutto amhīti.
сарабхан̇г̇ад̇т̇зраг̇аат̇ааван̣н̣анаа нидтид̇аа.
Sarabhaṅgattheragāthāvaṇṇanā niṭṭhitā.
сад̇д̇аганибаад̇аван̣н̣анаа нидтид̇аа.
Sattakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. сарабхан̇г̇ад̇т̇зраг̇аат̇аа • 5. Sarabhaṅgattheragāthā
