| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਸਰਭਸੁਤ੍ਤਂ
4. Sarabhasuttaṃ
੬੫. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਰਾਜਗਹੇ વਿਹਰਤਿ ਗਿਜ੍ਝਕੂਟੇ ਪਬ੍ਬਤੇ। ਤੇਨ ਖੋ ਪਨ ਸਮਯੇਨ ਸਰਭੋ ਨਾਮ ਪਰਿਬ੍ਬਾਜਕੋ ਅਚਿਰਪਕ੍ਕਨ੍ਤੋ ਹੋਤਿ ਇਮਸ੍ਮਾ ਧਮ੍ਮવਿਨਯਾ। ਸੋ ਰਾਜਗਹੇ ਪਰਿਸਤਿ 1 ਏવਂ વਾਚਂ ਭਾਸਤਿ – ‘‘ਅਞ੍ਞਾਤੋ ਮਯਾ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ। ਅਞ੍ਞਾਯ ਚ ਪਨਾਹਂ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮਂ ਏવਾਹਂ ਤਸ੍ਮਾ ਧਮ੍ਮવਿਨਯਾ ਅਪਕ੍ਕਨ੍ਤੋ’’ਤਿ। ਅਥ ਖੋ ਸਮ੍ਬਹੁਲਾ ਭਿਕ੍ਖੂ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਰਾਜਗਹਂ ਪਿਣ੍ਡਾਯ ਪવਿਸਿਂਸੁ। ਅਸ੍ਸੋਸੁਂ ਖੋ ਤੇ ਭਿਕ੍ਖੂ ਸਰਭਸ੍ਸ ਪਰਿਬ੍ਬਾਜਕਸ੍ਸ ਰਾਜਗਹੇ ਪਰਿਸਤਿ ਏવਂ વਾਚਂ ਭਾਸਮਾਨਸ੍ਸ – ‘‘ਅਞ੍ਞਾਤੋ ਮਯਾ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ। ਅਞ੍ਞਾਯ ਚ ਪਨਾਹਂ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮਂ ਏવਾਹਂ ਤਸ੍ਮਾ ਧਮ੍ਮવਿਨਯਾ ਅਪਕ੍ਕਨ੍ਤੋ’’ਤਿ।
65. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Tena kho pana samayena sarabho nāma paribbājako acirapakkanto hoti imasmā dhammavinayā. So rājagahe parisati 2 evaṃ vācaṃ bhāsati – ‘‘aññāto mayā samaṇānaṃ sakyaputtikānaṃ dhammo. Aññāya ca panāhaṃ samaṇānaṃ sakyaputtikānaṃ dhammaṃ evāhaṃ tasmā dhammavinayā apakkanto’’ti. Atha kho sambahulā bhikkhū pubbaṇhasamayaṃ nivāsetvā pattacīvaramādāya rājagahaṃ piṇḍāya pavisiṃsu. Assosuṃ kho te bhikkhū sarabhassa paribbājakassa rājagahe parisati evaṃ vācaṃ bhāsamānassa – ‘‘aññāto mayā samaṇānaṃ sakyaputtikānaṃ dhammo. Aññāya ca panāhaṃ samaṇānaṃ sakyaputtikānaṃ dhammaṃ evāhaṃ tasmā dhammavinayā apakkanto’’ti.
ਅਥ ਖੋ ਤੇ ਭਿਕ੍ਖੂ ਰਾਜਗਹੇ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨਾ ਖੋ ਤੇ ਭਿਕ੍ਖੂ ਭਗવਨ੍ਤਂ ਏਤਦવੋਚੁਂ – ‘‘ਸਰਭੋ ਨਾਮ, ਭਨ੍ਤੇ, ਪਰਿਬ੍ਬਾਜਕੋ ਅਚਿਰਪਕ੍ਕਨ੍ਤੋ ਇਮਸ੍ਮਾ ਧਮ੍ਮવਿਨਯਾ। ਸੋ ਰਾਜਗਹੇ ਪਰਿਸਤਿ ਏવਂ વਾਚਂ ਭਾਸਤਿ – ‘ਅਞ੍ਞਾਤੋ ਮਯਾ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ। ਅਞ੍ਞਾਯ ਚ ਪਨਾਹਂ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮਂ ਏવਾਹਂ ਤਸ੍ਮਾ ਧਮ੍ਮવਿਨਯਾ ਅਪਕ੍ਕਨ੍ਤੋ’ਤਿ। ਸਾਧੁ ਭਨ੍ਤੇ, ਭਗવਾ ਯੇਨ ਸਿਪ੍ਪਿਨਿਕਾਤੀਰਂ 3 ਪਰਿਬ੍ਬਾਜਕਾਰਾਮੋ ਯੇਨ ਸਰਭੋ ਪਰਿਬ੍ਬਾਜਕੋ ਤੇਨੁਪਸਙ੍ਕਮਤੁ ਅਨੁਕਮ੍ਪਂ ਉਪਾਦਾਯਾ’’ਤਿ। ਅਧਿવਾਸੇਸਿ ਭਗવਾ ਤੁਣ੍ਹੀਭਾવੇਨ।
Atha kho te bhikkhū rājagahe piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘sarabho nāma, bhante, paribbājako acirapakkanto imasmā dhammavinayā. So rājagahe parisati evaṃ vācaṃ bhāsati – ‘aññāto mayā samaṇānaṃ sakyaputtikānaṃ dhammo. Aññāya ca panāhaṃ samaṇānaṃ sakyaputtikānaṃ dhammaṃ evāhaṃ tasmā dhammavinayā apakkanto’ti. Sādhu bhante, bhagavā yena sippinikātīraṃ 4 paribbājakārāmo yena sarabho paribbājako tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena.
ਅਥ ਖੋ ਭਗવਾ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨ ਸਿਪ੍ਪਿਨਿਕਾਤੀਰਂ ਪਰਿਬ੍ਬਾਜਕਾਰਾਮੋ ਯੇਨ ਸਰਭੋ ਪਰਿਬ੍ਬਾਜਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ । ਨਿਸਜ੍ਜ ਖੋ ਭਗવਾ ਸਰਭਂ ਪਰਿਬ੍ਬਾਜਕਂ ਏਤਦવੋਚ – ‘‘ਸਚ੍ਚਂ ਕਿਰ ਤ੍વਂ, ਸਰਭ, ਏવਂ વਦੇਸਿ – ‘ਅਞ੍ਞਾਤੋ ਮਯਾ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ। ਅਞ੍ਞਾਯ ਚ ਪਨਾਹਂ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮਂ ਏવਾਹਂ ਤਸ੍ਮਾ ਧਮ੍ਮવਿਨਯਾ ਅਪਕ੍ਕਨ੍ਤੋ’’’ਤਿ? ਏવਂ વੁਤ੍ਤੇ ਸਰਭੋ ਪਰਿਬ੍ਬਾਜਕੋ ਤੁਣ੍ਹੀ ਅਹੋਸਿ।
Atha kho bhagavā sāyanhasamayaṃ paṭisallānā vuṭṭhito yena sippinikātīraṃ paribbājakārāmo yena sarabho paribbājako tenupasaṅkami; upasaṅkamitvā paññatte āsane nisīdi . Nisajja kho bhagavā sarabhaṃ paribbājakaṃ etadavoca – ‘‘saccaṃ kira tvaṃ, sarabha, evaṃ vadesi – ‘aññāto mayā samaṇānaṃ sakyaputtikānaṃ dhammo. Aññāya ca panāhaṃ samaṇānaṃ sakyaputtikānaṃ dhammaṃ evāhaṃ tasmā dhammavinayā apakkanto’’’ti? Evaṃ vutte sarabho paribbājako tuṇhī ahosi.
ਦੁਤਿਯਮ੍ਪਿ ਖੋ, ਭਗવਾ ਸਰਭਂ ਪਰਿਬ੍ਬਾਜਕਂ ਏਤਦવੋਚ – ‘‘વਦੇਹਿ, ਸਰਭ, ਕਿਨ੍ਤਿ ਤੇ ਅਞ੍ਞਾਤੋ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ? ਸਚੇ ਤੇ ਅਪਰਿਪੂਰਂ ਭવਿਸ੍ਸਤਿ, ਅਹਂ ਪਰਿਪੂਰੇਸ੍ਸਾਮਿ। ਸਚੇ ਪਨ ਤੇ ਪਰਿਪੂਰਂ ਭવਿਸ੍ਸਤਿ, ਅਹਂ ਅਨੁਮੋਦਿਸ੍ਸਾਮੀ’’ਤਿ। ਦੁਤਿਯਮ੍ਪਿ ਖੋ ਸਰਭੋ ਪਰਿਬ੍ਬਾਜਕੋ ਤੁਣ੍ਹੀ ਅਹੋਸਿ।
Dutiyampi kho, bhagavā sarabhaṃ paribbājakaṃ etadavoca – ‘‘vadehi, sarabha, kinti te aññāto samaṇānaṃ sakyaputtikānaṃ dhammo? Sace te aparipūraṃ bhavissati, ahaṃ paripūressāmi. Sace pana te paripūraṃ bhavissati, ahaṃ anumodissāmī’’ti. Dutiyampi kho sarabho paribbājako tuṇhī ahosi.
ਤਤਿਯਮ੍ਪਿ ਖੋ ਭਗવਾ ਸਰਭਂ ਪਰਿਬ੍ਬਾਜਕਂ ਏਤਦવੋਚ – (‘‘ਯੋ 5 ਖੋ ਸਰਭ ਪਞ੍ਞਾਯਤਿ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ) 6 ‘‘વਦੇਹਿ, ਸਰਭ, ਕਿਨ੍ਤਿ ਤੇ ਅਞ੍ਞਾਤੋ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ? ਸਚੇ ਤੇ ਅਪਰਿਪੂਰਂ ਭવਿਸ੍ਸਤਿ, ਅਹਂ ਪਰਿਪੂਰੇਸ੍ਸਾਮਿ। ਸਚੇ ਪਨ ਤੇ ਪਰਿਪੂਰਂ ਭવਿਸ੍ਸਤਿ, ਅਹਂ ਅਨੁਮੋਦਿਸ੍ਸਾਮੀ’’ਤਿ। ਤਤਿਯਮ੍ਪਿ ਖੋ ਸਰਭੋ ਪਰਿਬ੍ਬਾਜਕੋ ਤੁਣ੍ਹੀ ਅਹੋਸਿ।
Tatiyampi kho bhagavā sarabhaṃ paribbājakaṃ etadavoca – (‘‘yo 7 kho sarabha paññāyati samaṇānaṃ sakyaputtikānaṃ dhammo) 8 ‘‘vadehi, sarabha, kinti te aññāto samaṇānaṃ sakyaputtikānaṃ dhammo? Sace te aparipūraṃ bhavissati, ahaṃ paripūressāmi. Sace pana te paripūraṃ bhavissati, ahaṃ anumodissāmī’’ti. Tatiyampi kho sarabho paribbājako tuṇhī ahosi.
ਅਥ ਖੋ ਤੇ ਪਰਿਬ੍ਬਾਜਕਾ ਸਰਭਂ ਪਰਿਬ੍ਬਾਜਕਂ ਏਤਦવੋਚੁਂ – ‘‘ਯਦੇવ ਖੋ ਤ੍વਂ, ਆવੁਸੋ ਸਰਭ, ਸਮਣਂ ਗੋਤਮਂ ਯਾਚੇਯ੍ਯਾਸਿ ਤਦੇવ ਤੇ ਸਮਣੋ ਗੋਤਮੋ ਪવਾਰੇਤਿ। વਦੇਹਾવੁਸੋ ਸਰਭ, ਕਿਨ੍ਤਿ ਤੇ ਅਞ੍ਞਾਤੋ ਸਮਣਾਨਂ ਸਕ੍ਯਪੁਤ੍ਤਿਕਾਨਂ ਧਮ੍ਮੋ? ਸਚੇ ਤੇ ਅਪਰਿਪੂਰਂ ਭવਿਸ੍ਸਤਿ, ਸਮਣੋ ਗੋਤਮੋ ਪਰਿਪੂਰੇਸ੍ਸਤਿ। ਸਚੇ ਪਨ ਤੇ ਪਰਿਪੂਰਂ ਭવਿਸ੍ਸਤਿ, ਸਮਣੋ ਗੋਤਮੋ ਅਨੁਮੋਦਿਸ੍ਸਤੀ’’ਤਿ। ਏવਂ વੁਤ੍ਤੇ ਸਰਭੋ ਪਰਿਬ੍ਬਾਜਕੋ ਤੁਣ੍ਹੀਭੂਤੋ ਮਙ੍ਕੁਭੂਤੋ ਪਤ੍ਤਕ੍ਖਨ੍ਧੋ ਅਧੋਮੁਖੋ ਪਜ੍ਝਾਯਨ੍ਤੋ ਅਪ੍ਪਟਿਭਾਨੋ ਨਿਸੀਦਿ।
Atha kho te paribbājakā sarabhaṃ paribbājakaṃ etadavocuṃ – ‘‘yadeva kho tvaṃ, āvuso sarabha, samaṇaṃ gotamaṃ yāceyyāsi tadeva te samaṇo gotamo pavāreti. Vadehāvuso sarabha, kinti te aññāto samaṇānaṃ sakyaputtikānaṃ dhammo? Sace te aparipūraṃ bhavissati, samaṇo gotamo paripūressati. Sace pana te paripūraṃ bhavissati, samaṇo gotamo anumodissatī’’ti. Evaṃ vutte sarabho paribbājako tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.
ਅਥ ਖੋ ਭਗવਾ ਸਰਭਂ ਪਰਿਬ੍ਬਾਜਕਂ ਤੁਣ੍ਹੀਭੂਤਂ ਮਙ੍ਕੁਭੂਤਂ ਪਤ੍ਤਕ੍ਖਨ੍ਧਂ ਅਧੋਮੁਖਂ ਪਜ੍ਝਾਯਨ੍ਤਂ ਅਪ੍ਪਟਿਭਾਨਂ વਿਦਿਤ੍વਾ ਤੇ ਪਰਿਬ੍ਬਾਜਕੇ ਏਤਦવੋਚ –
Atha kho bhagavā sarabhaṃ paribbājakaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā te paribbājake etadavoca –
‘‘ਯੋ ਖੋ ਮਂ, ਪਰਿਬ੍ਬਾਜਕਾ 9, ਏવਂ વਦੇਯ੍ਯ – ‘ਸਮ੍ਮਾਸਮ੍ਬੁਦ੍ਧਸ੍ਸ ਤੇ ਪਟਿਜਾਨਤੋ ਇਮੇ ਧਮ੍ਮਾ ਅਨਭਿਸਮ੍ਬੁਦ੍ਧਾ’ਤਿ, ਤਮਹਂ ਤਤ੍ਥ ਸਾਧੁਕਂ ਸਮਨੁਯੁਞ੍ਜੇਯ੍ਯਂ ਸਮਨੁਗਾਹੇਯ੍ਯਂ ਸਮਨੁਭਾਸੇਯ੍ਯਂ। ਸੋ વਤ ਮਯਾ ਸਾਧੁਕਂ ਸਮਨੁਯੁਞ੍ਜਿਯਮਾਨੋ ਸਮਨੁਗਾਹਿਯਮਾਨੋ ਸਮਨੁਭਾਸਿਯਮਾਨੋ ਅਟ੍ਠਾਨਮੇਤਂ ਅਨવਕਾਸੋ ਯਂ ਸੋ ਤਿਣ੍ਣਂ ਠਾਨਾਨਂ ਨਾਞ੍ਞਤਰਂ 10 ਠਾਨਂ ਨਿਗਚ੍ਛੇਯ੍ਯ, ਅਞ੍ਞੇਨ વਾ ਅਞ੍ਞਂ ਪਟਿਚਰਿਸ੍ਸਤਿ, ਬਹਿਦ੍ਧਾ ਕਥਂ ਅਪਨਾਮੇਸ੍ਸਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰਿਸ੍ਸਤਿ, ਤੁਣ੍ਹੀਭੂਤੋ ਮਙ੍ਕੁਭੂਤੋ 11 ਪਤ੍ਤਕ੍ਖਨ੍ਧੋ ਅਧੋਮੁਖੋ ਪਜ੍ਝਾਯਨ੍ਤੋ ਅਪ੍ਪਟਿਭਾਨੋ ਨਿਸੀਦਿਸ੍ਸਤਿ, ਸੇਯ੍ਯਥਾਪਿ ਸਰਭੋ ਪਰਿਬ੍ਬਾਜਕੋ।
‘‘Yo kho maṃ, paribbājakā 12, evaṃ vadeyya – ‘sammāsambuddhassa te paṭijānato ime dhammā anabhisambuddhā’ti, tamahaṃ tattha sādhukaṃ samanuyuñjeyyaṃ samanugāheyyaṃ samanubhāseyyaṃ. So vata mayā sādhukaṃ samanuyuñjiyamāno samanugāhiyamāno samanubhāsiyamāno aṭṭhānametaṃ anavakāso yaṃ so tiṇṇaṃ ṭhānānaṃ nāññataraṃ 13 ṭhānaṃ nigaccheyya, aññena vā aññaṃ paṭicarissati, bahiddhā kathaṃ apanāmessati, kopañca dosañca appaccayañca pātukarissati, tuṇhībhūto maṅkubhūto 14 pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako.
‘‘ਯੋ ਖੋ ਮਂ, ਪਰਿਬ੍ਬਾਜਕਾ, ਏવਂ વਦੇਯ੍ਯ – ‘ਖੀਣਾਸવਸ੍ਸ ਤੇ ਪਟਿਜਾਨਤੋ ਇਮੇ ਆਸવਾ ਅਪਰਿਕ੍ਖੀਣਾ’ਤਿ, ਤਮਹਂ ਤਤ੍ਥ ਸਾਧੁਕਂ ਸਮਨੁਯੁਞ੍ਜੇਯ੍ਯਂ ਸਮਨੁਗਾਹੇਯ੍ਯਂ ਸਮਨੁਭਾਸੇਯ੍ਯਂ। ਸੋ વਤ ਮਯਾ ਸਾਧੁਕਂ ਸਮਨੁਯੁਞ੍ਜਿਯਮਾਨੋ ਸਮਨੁਗਾਹਿਯਮਾਨੋ ਸਮਨੁਭਾਸਿਯਮਾਨੋ ਅਟ੍ਠਾਨਮੇਤਂ ਅਨવਕਾਸੋ ਯਂ ਸੋ ਤਿਣ੍ਣਂ ਠਾਨਾਨਂ ਨਾਞ੍ਞਤਰਂ ਠਾਨਂ ਨਿਗਚ੍ਛੇਯ੍ਯ, ਅਞ੍ਞੇਨ વਾ ਅਞ੍ਞਂ ਪਟਿਚਰਿਸ੍ਸਤਿ, ਬਹਿਦ੍ਧਾ ਕਥਂ ਅਪਨਾਮੇਸ੍ਸਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰਿਸ੍ਸਤਿ, ਤੁਣ੍ਹੀਭੂਤੋ ਮਙ੍ਕੁਭੂਤੋ ਪਤ੍ਤਕ੍ਖਨ੍ਧੋ ਅਧੋਮੁਖੋ ਪਜ੍ਝਾਯਨ੍ਤੋ ਅਪ੍ਪਟਿਭਾਨੋ ਨਿਸੀਦਿਸ੍ਸਤਿ, ਸੇਯ੍ਯਥਾਪਿ ਸਰਭੋ ਪਰਿਬ੍ਬਾਜਕੋ।
‘‘Yo kho maṃ, paribbājakā, evaṃ vadeyya – ‘khīṇāsavassa te paṭijānato ime āsavā aparikkhīṇā’ti, tamahaṃ tattha sādhukaṃ samanuyuñjeyyaṃ samanugāheyyaṃ samanubhāseyyaṃ. So vata mayā sādhukaṃ samanuyuñjiyamāno samanugāhiyamāno samanubhāsiyamāno aṭṭhānametaṃ anavakāso yaṃ so tiṇṇaṃ ṭhānānaṃ nāññataraṃ ṭhānaṃ nigaccheyya, aññena vā aññaṃ paṭicarissati, bahiddhā kathaṃ apanāmessati, kopañca dosañca appaccayañca pātukarissati, tuṇhībhūto maṅkubhūto pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako.
‘‘ਯੋ ਖੋ ਮਂ, ਪਰਿਬ੍ਬਾਜਕਾ, ਏવਂ વਦੇਯ੍ਯ – ‘ਯਸ੍ਸ ਖੋ ਪਨ ਤੇ ਅਤ੍ਥਾਯ ਧਮ੍ਮੋ ਦੇਸਿਤੋ, ਸੋ ਨ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’ਤਿ, ਤਮਹਂ ਤਤ੍ਥ ਸਾਧੁਕਂ ਸਮਨੁਯੁਞ੍ਜੇਯ੍ਯਂ ਸਮਨੁਗਾਹੇਯ੍ਯਂ ਸਮਨੁਭਾਸੇਯ੍ਯਂ। ਸੋ વਤ ਮਯਾ ਸਾਧੁਕਂ ਸਮਨੁਯੁਞ੍ਜਿਯਮਾਨੋ ਸਮਨੁਗਾਹਿਯਮਾਨੋ ਸਮਨੁਭਾਸਿਯਮਾਨੋ ਅਟ੍ਠਾਨਮੇਤਂ ਅਨવਕਾਸੋ ਯਂ ਸੋ ਤਿਣ੍ਣਂ ਠਾਨਾਨਂ ਨਾਞ੍ਞਤਰਂ ਠਾਨਂ ਨਿਗਚ੍ਛੇਯ੍ਯ, ਅਞ੍ਞੇਨ વਾ ਅਞ੍ਞਂ ਪਟਿਚਰਿਸ੍ਸਤਿ, ਬਹਿਦ੍ਧਾ ਕਥਂ ਅਪਨਾਮੇਸ੍ਸਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰਿਸ੍ਸਤਿ, ਤੁਣ੍ਹੀਭੂਤੋ ਮਙ੍ਕੁਭੂਤੋ ਪਤ੍ਤਕ੍ਖਨ੍ਧੋ ਅਧੋਮੁਖੋ ਪਜ੍ਝਾਯਨ੍ਤੋ ਅਪ੍ਪਟਿਭਾਨੋ ਨਿਸੀਦਿਸ੍ਸਤਿ, ਸੇਯ੍ਯਥਾਪਿ ਸਰਭੋ ਪਰਿਬ੍ਬਾਜਕੋ’’ਤਿ। ਅਥ ਖੋ ਭਗવਾ ਸਿਪ੍ਪਿਨਿਕਾਤੀਰੇ ਪਰਿਬ੍ਬਾਜਕਾਰਾਮੇ ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍વਾ વੇਹਾਸਂ ਪਕ੍ਕਾਮਿ।
‘‘Yo kho maṃ, paribbājakā, evaṃ vadeyya – ‘yassa kho pana te atthāya dhammo desito, so na niyyāti takkarassa sammā dukkhakkhayāyā’ti, tamahaṃ tattha sādhukaṃ samanuyuñjeyyaṃ samanugāheyyaṃ samanubhāseyyaṃ. So vata mayā sādhukaṃ samanuyuñjiyamāno samanugāhiyamāno samanubhāsiyamāno aṭṭhānametaṃ anavakāso yaṃ so tiṇṇaṃ ṭhānānaṃ nāññataraṃ ṭhānaṃ nigaccheyya, aññena vā aññaṃ paṭicarissati, bahiddhā kathaṃ apanāmessati, kopañca dosañca appaccayañca pātukarissati, tuṇhībhūto maṅkubhūto pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako’’ti. Atha kho bhagavā sippinikātīre paribbājakārāme tikkhattuṃ sīhanādaṃ naditvā vehāsaṃ pakkāmi.
ਅਥ ਖੋ ਤੇ ਪਰਿਬ੍ਬਾਜਕਾ ਅਚਿਰਪਕ੍ਕਨ੍ਤਸ੍ਸ ਭਗવਤੋ ਸਰਭਂ ਪਰਿਬ੍ਬਾਜਕਂ ਸਮਨ੍ਤਤੋ વਾਚਾਯਸਨ੍ਨਿਤੋਦਕੇਨ 15 ਸਞ੍ਜਮ੍ਭਰਿਮਕਂਸੁ 16 – ‘‘ਸੇਯ੍ਯਥਾਪਿ, ਆવੁਸੋ ਸਰਭ, ਬ੍ਰਹਾਰਞ੍ਞੇ ਜਰਸਿਙ੍ਗਾਲੋ ‘ਸੀਹਨਾਦਂ ਨਦਿਸ੍ਸਾਮੀ’ਤਿ ਸਿਙ੍ਗਾਲਕਂਯੇવ 17 ਨਦਤਿ, ਭੇਰਣ੍ਡਕਂਯੇવ ਨਦਤਿ 18; ਏવਮੇવਂ ਖੋ ਤ੍વਂ, ਆવੁਸੋ ਸਰਭ, ਅਞ੍ਞਤ੍ਰੇવ ਸਮਣੇਨ ਗੋਤਮੇਨ ‘ਸੀਹਨਾਦਂ ਨਦਿਸ੍ਸਾਮੀ’ਤਿ ਸਿਙ੍ਗਾਲਕਂਯੇવ ਨਦਸਿ ਭੇਰਣ੍ਡਕਂਯੇવ ਨਦਸਿ। ਸੇਯ੍ਯਥਾਪਿ, ਆવੁਸੋ ਸਰਭ, ਅਮ੍ਬੁਕਸਞ੍ਚਰੀ 19 ‘ਪੁਰਿਸਕਰવਿਤਂ 20 ਰવਿਸ੍ਸਾਮੀ’ਤਿ ਅਮ੍ਬੁਕਸਞ੍ਚਰਿਰવਿਤਂਯੇવ ਰવਤਿ; ਏવਮੇવਂ ਖੋ ਤ੍વਂ, ਆવੁਸੋ ਸਰਭ, ਅਞ੍ਞਤ੍ਰੇવ ਸਮਣੇਨ ਗੋਤਮੇਨ ‘ਪੁਰਿਸਕਰવਿਤਂ ਰવਿਸ੍ਸਾਮੀ’ਤਿ, ਅਮ੍ਬੁਕਸਞ੍ਚਰਿਰવਿਤਂਯੇવ ਰવਸਿ। ਸੇਯ੍ਯਥਾਪਿ, ਆવੁਸੋ ਸਰਭ, ਉਸਭੋ ਸੁਞ੍ਞਾਯ ਗੋਸਾਲਾਯ ਗਮ੍ਭੀਰਂ ਨਦਿਤਬ੍ਬਂ ਮਞ੍ਞਤਿ; ਏવਮੇવਂ ਖੋ ਤ੍વਂ, ਆવੁਸੋ ਸਰਭ, ਅਞ੍ਞਤ੍ਰੇવ ਸਮਣੇਨ ਗੋਤਮੇਨ ਗਮ੍ਭੀਰਂ ਨਦਿਤਬ੍ਬਂ ਮਞ੍ਞਸੀ’’ਤਿ। ਅਥ ਖੋ ਤੇ ਪਰਿਬ੍ਬਾਜਕਾ ਸਰਭਂ ਪਰਿਬ੍ਬਾਜਕਂ ਸਮਨ੍ਤਤੋ વਾਚਾਯਸਨ੍ਨਿਤੋਦਕੇਨ ਸਞ੍ਜਮ੍ਭਰਿਮਕਂਸੂਤਿ। ਚਤੁਤ੍ਥਂ।
Atha kho te paribbājakā acirapakkantassa bhagavato sarabhaṃ paribbājakaṃ samantato vācāyasannitodakena 21 sañjambharimakaṃsu 22 – ‘‘seyyathāpi, āvuso sarabha, brahāraññe jarasiṅgālo ‘sīhanādaṃ nadissāmī’ti siṅgālakaṃyeva 23 nadati, bheraṇḍakaṃyeva nadati 24; evamevaṃ kho tvaṃ, āvuso sarabha, aññatreva samaṇena gotamena ‘sīhanādaṃ nadissāmī’ti siṅgālakaṃyeva nadasi bheraṇḍakaṃyeva nadasi. Seyyathāpi, āvuso sarabha, ambukasañcarī 25 ‘purisakaravitaṃ 26 ravissāmī’ti ambukasañcariravitaṃyeva ravati; evamevaṃ kho tvaṃ, āvuso sarabha, aññatreva samaṇena gotamena ‘purisakaravitaṃ ravissāmī’ti, ambukasañcariravitaṃyeva ravasi. Seyyathāpi, āvuso sarabha, usabho suññāya gosālāya gambhīraṃ naditabbaṃ maññati; evamevaṃ kho tvaṃ, āvuso sarabha, aññatreva samaṇena gotamena gambhīraṃ naditabbaṃ maññasī’’ti. Atha kho te paribbājakā sarabhaṃ paribbājakaṃ samantato vācāyasannitodakena sañjambharimakaṃsūti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਸਰਭਸੁਤ੍ਤવਣ੍ਣਨਾ • 4. Sarabhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਸਰਭਸੁਤ੍ਤવਣ੍ਣਨਾ • 4. Sarabhasuttavaṇṇanā
