| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. сарабхасуд̇д̇аван̣н̣анаа
4. Sarabhasuttavaṇṇanā
65. жад̇уд̇т̇з рааж̇аг̇ахзд̇и звам̣наамагз наг̇арз. г̇иж̇жхагуудз баб̣б̣ад̇зд̇и г̇иж̇жхасад̣̇исаанисса гуудаани, г̇иж̇жхаа ваа д̇асса гуудзсу васанд̇ийд̇и г̇иж̇жхагуудо, д̇асмим̣ г̇иж̇жхагуудз баб̣б̣ад̇з. зд̇знасса рааж̇аг̇ахам̣ г̇ожараг̇аамам̣ гад̇ваа вихаранд̇асса васанадтаанам̣ д̣̇ассид̇ам̣. г̇иж̇жхагуудасмин̃хи д̇ат̇ааг̇ад̇ам̣ уд̣̇д̣̇исса вихааро гаарид̇о, г̇иж̇жхагуудавихаарод̇взвасса наамам̣. д̇ад̇т̇ааяам̣ д̇асмим̣ самаяз вихарад̇ийд̇и. сарабхо наама бариб̣б̣ааж̇аго ажирабагганд̇о ход̇ийд̇и сарабход̇и звам̣наамаго бариб̣б̣ааж̇аго имасмим̣ саасанз баб̣б̣аж̇ид̇ваа нажирассзва багганд̇о ход̇и, ад̇хунаа виб̣бханд̇од̇и ад̇т̇о. саммаасамб̣уд̣̇д̇хз хи логз уббаннз д̇ид̇т̇ияаа надталаабхасаггаараа ахзсум̣, д̇ин̣н̣ам̣ рад̇анаанам̣ махаалаабхасаггааро уббаж̇ж̇и. яат̇ааха –
65. Catutthe rājagaheti evaṃnāmake nagare. Gijjhakūṭe pabbateti gijjhasadisānissa kūṭāni, gijjhā vā tassa kūṭesu vasantīti gijjhakūṭo, tasmiṃ gijjhakūṭe pabbate. Etenassa rājagahaṃ gocaragāmaṃ katvā viharantassa vasanaṭṭhānaṃ dassitaṃ. Gijjhakūṭasmiñhi tathāgataṃ uddissa vihāro kārito, gijjhakūṭavihārotvevassa nāmaṃ. Tatthāyaṃ tasmiṃ samaye viharatīti. Sarabho nāma paribbājako acirapakkanto hotīti sarabhoti evaṃnāmako paribbājako imasmiṃ sāsane pabbajitvā nacirasseva pakkanto hoti, adhunā vibbhantoti attho. Sammāsambuddhe hi loke uppanne titthiyā naṭṭhalābhasakkārā ahesuṃ, tiṇṇaṃ ratanānaṃ mahālābhasakkāro uppajji. Yathāha –
‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараанам̣. ан̃н̃ад̇ид̇т̇ияаа бана бариб̣б̣ааж̇агаа асаггад̇аа хонд̇и аг̇аругад̇аа амаанид̇аа абууж̇ид̇аа на лаабхино жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и (уд̣̇аа.14; сам̣.ни.1.2.70).
‘‘Tena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ. Aññatitthiyā pana paribbājakā asakkatā honti agarukatā amānitā apūjitā na lābhino cīvarapiṇḍapātasenāsanagilānapaccayabhesajjaparikkhārāna’’nti (udā.14; saṃ.ni.1.2.70).
д̇з звам̣ барихийналаабхасаггаараа бан̃жасад̇амад̇д̇аа згасмим̣ бариб̣б̣ааж̇агаараамз саннибад̇ид̇ваа самманд̇аяим̣су – ‘‘бхо, маяам̣ саман̣асса г̇од̇амасса уббаннагаалад̇о бадтааяа хад̇алаабхасаггаараа ж̇аад̇аа, саман̣асса г̇од̇амасса саавагаанан̃жасса згам̣ аван̣н̣ам̣ убад̇хаарзт̇а, аван̣н̣ам̣ бад̇т̇арид̇ваа зд̇асса саасанам̣ г̇арахид̇ваа амхаагам̣ лаабхасаггаарам̣ уббаад̣̇зссаамаа’’д̇и. д̇з важ̇ж̇ам̣ ологзнд̇аа – ‘‘д̇ийсу д̣̇ваарзсу ааж̇ийвз жаад̇и жад̇уусуби таанзсу саман̣асса г̇од̇амасса важ̇ж̇ам̣ бассид̇ум̣ на саггаа, имаани жад̇д̇аари таанаани мун̃жид̇ваа ан̃н̃ад̇т̇а ологзт̇аа’’д̇и аахам̣су. ат̇а нзсам̣ анд̇арз зго звамааха – ‘‘ахам̣ ан̃н̃ам̣ на бассаами, имз анвад̣дхамаасам̣ саннибад̇ид̇ваа д̣̇ваараваад̇абаанаани бид̇хааяа сааман̣зраанамби бавзсанам̣ на д̣̇знд̇и. ж̇ийвид̇асад̣̇исааби убадтаагаа д̣̇адтум̣ на лабханд̇и, аавадданимааяам̣ осаарзд̇ваа осаарзд̇ваа ж̇анам̣ ааваддзд̇ваа ааваддзд̇ваа каад̣̇анд̇и. сажз д̇ам̣ маяам̣ аахарид̇ум̣ сагкиссаама, звам̣ но лаабхасаггаараул̣ааро бхависсад̇ий’’д̇и. абароби звамзва вад̣̇анд̇о удтааси. саб̣б̣з згаваад̣̇аа ахзсум̣. д̇ад̇о аахам̣су – ‘‘яо д̇ам̣ аахарид̇ум̣ сагкиссад̇и, д̇ам̣ маяам̣ амхаагам̣ самаяз ж̇здтагам̣ гариссаамаа’’д̇и.
Te evaṃ parihīnalābhasakkārā pañcasatamattā ekasmiṃ paribbājakārāme sannipatitvā sammantayiṃsu – ‘‘bho, mayaṃ samaṇassa gotamassa uppannakālato paṭṭhāya hatalābhasakkārā jātā, samaṇassa gotamassa sāvakānañcassa ekaṃ avaṇṇaṃ upadhāretha, avaṇṇaṃ pattharitvā etassa sāsanaṃ garahitvā amhākaṃ lābhasakkāraṃ uppādessāmā’’ti. Te vajjaṃ olokentā – ‘‘tīsu dvāresu ājīve cāti catūsupi ṭhānesu samaṇassa gotamassa vajjaṃ passituṃ na sakkā, imāni cattāri ṭhānāni muñcitvā aññattha olokethā’’ti āhaṃsu. Atha nesaṃ antare eko evamāha – ‘‘ahaṃ aññaṃ na passāmi, ime anvaḍḍhamāsaṃ sannipatitvā dvāravātapānāni pidhāya sāmaṇerānampi pavesanaṃ na denti. Jīvitasadisāpi upaṭṭhākā daṭṭhuṃ na labhanti, āvaṭṭanimāyaṃ osāretvā osāretvā janaṃ āvaṭṭetvā āvaṭṭetvā khādanti. Sace taṃ mayaṃ āharituṃ sakkhissāma, evaṃ no lābhasakkārauḷāro bhavissatī’’ti. Aparopi evameva vadanto uṭṭhāsi. Sabbe ekavādā ahesuṃ. Tato āhaṃsu – ‘‘yo taṃ āharituṃ sakkhissati, taṃ mayaṃ amhākaṃ samaye jeṭṭhakaṃ karissāmā’’ti.
д̇ад̇о годид̇о бадтааяа ‘‘д̇вам̣ сагкиссаси, д̇вам̣ сагкиссасий’’д̇и бужчид̇ваа ‘‘ахам̣ на сагкиссаами, ахам̣ на сагкиссаамий’’д̇и б̣ахуухи вуд̇д̇з сарабхам̣ бужчим̣су – ‘‘д̇вам̣ сагкиссаси аажарияаа’’д̇и. со ааха – ‘‘аг̇ару зд̇ам̣ аахарид̇ум̣, сажз д̇умхз ад̇д̇ано гат̇ааяа тад̇ваа мам̣ ж̇здтагам̣ гариссат̇аа’’д̇и. аг̇ару зд̇амаажарияа аахара, д̇вам̣ гад̇оязвааси амхзхи ж̇здтагод̇и. со ааха – ‘‘д̇ам̣ аахаранд̇зна т̇знзд̇ваа ваа вилумбид̇ваа ваа аахарид̇ум̣ на саггаа, саман̣асса бана г̇од̇амасса саавагасад̣̇исзна худ̇ваа д̇асса саавагз ванд̣̇ид̇ваа вад̇д̇абадивад̇д̇ам̣ гад̇ваа д̇зсам̣ бад̇д̇з бхад̇д̇ам̣ бхун̃ж̇ид̇ваа аахарид̇ум̣ саггаа. ружжад̇и во зд̇асса зд̇д̇агасса гирияаа’’д̇и. яам̣гин̃жи гад̇ваа аахарид̇ваа жа но д̣̇зхийд̇и. д̇зна хи мам̣ д̣̇исваа абассанд̇аа вияа бхавзяяаат̇аад̇и бариб̣б̣ааж̇агаанам̣ сан̃н̃ам̣ д̣̇ад̇ваа д̣̇уд̇ияад̣̇ивасз баад̇ова удтааяа г̇иж̇жхагуудамахаавихаарам̣ г̇анд̇ваа д̣̇идтад̣̇идтаанам̣ бхигкуунам̣ бан̃жабад̇идтид̇зна баад̣̇з ванд̣̇и. бхигкуу аахам̣су – ‘‘ан̃н̃з бариб̣б̣ааж̇агаа жан̣д̣аа парусаа, аяам̣ бана сад̣̇д̇хо бхависсад̇и басанно’’д̇и. бханд̇з, д̇умхз н̃ад̇ваа яуд̇д̇адтаанасмим̣язва баб̣б̣аж̇ид̇аа, маяам̣ бана анубад̇хаарзд̇ваа ад̇ид̇т̇знзва багканд̇аа анияяаанигамаг̇г̇з вижараамаад̇и. со звам̣ вад̇ваа д̣̇идтз д̣̇идтз бхигкуу бунаббунам̣ ванд̣̇ад̇и, нхаанод̣̇агаад̣̇ийни бадияаад̣̇зд̇и, д̣̇анд̇агадтам̣ габбияам̣ гарод̇и, баад̣̇з д̇ховад̇и магкзд̇и, ад̇ирзгабхад̇д̇ам̣ лабхид̇ваа бхун̃ж̇ад̇и.
Tato koṭito paṭṭhāya ‘‘tvaṃ sakkhissasi, tvaṃ sakkhissasī’’ti pucchitvā ‘‘ahaṃ na sakkhissāmi, ahaṃ na sakkhissāmī’’ti bahūhi vutte sarabhaṃ pucchiṃsu – ‘‘tvaṃ sakkhissasi ācariyā’’ti. So āha – ‘‘agaru etaṃ āharituṃ, sace tumhe attano kathāya ṭhatvā maṃ jeṭṭhakaṃ karissathā’’ti. Agaru etamācariya āhara, tvaṃ katoyevāsi amhehi jeṭṭhakoti. So āha – ‘‘taṃ āharantena thenetvā vā vilumpitvā vā āharituṃ na sakkā, samaṇassa pana gotamassa sāvakasadisena hutvā tassa sāvake vanditvā vattapaṭivattaṃ katvā tesaṃ patte bhattaṃ bhuñjitvā āharituṃ sakkā. Ruccati vo etassa ettakassa kiriyā’’ti. Yaṃkiñci katvā āharitvā ca no dehīti. Tena hi maṃ disvā apassantā viya bhaveyyāthāti paribbājakānaṃ saññaṃ datvā dutiyadivase pātova uṭṭhāya gijjhakūṭamahāvihāraṃ gantvā diṭṭhadiṭṭhānaṃ bhikkhūnaṃ pañcapatiṭṭhitena pāde vandi. Bhikkhū āhaṃsu – ‘‘aññe paribbājakā caṇḍā pharusā, ayaṃ pana saddho bhavissati pasanno’’ti. Bhante, tumhe ñatvā yuttaṭṭhānasmiṃyeva pabbajitā, mayaṃ pana anupadhāretvā atittheneva pakkhantā aniyyānikamagge vicarāmāti. So evaṃ vatvā diṭṭhe diṭṭhe bhikkhū punappunaṃ vandati, nhānodakādīni paṭiyādeti, dantakaṭṭhaṃ kappiyaṃ karoti, pāde dhovati makkheti, atirekabhattaṃ labhitvā bhuñjati.
д̇ам̣ иминаа нийхаарзна васанд̇ам̣ зго махаат̇зро д̣̇исваа, ‘‘бариб̣б̣ааж̇ага, д̇вам̣ сад̣̇д̇хо басанно, гим̣ на баб̣б̣аж̇асий’’д̇и. го мам̣, бханд̇з, баб̣б̣ааж̇зссад̇и. маяан̃хи жирагаалам̣ бхад̣̇анд̇аанам̣ бажжад̇т̇игаа худ̇ваа вижаримхаад̇и. т̇зро ‘‘сажз д̇вам̣ баб̣б̣аж̇ид̇угаамо, ахам̣ д̇ам̣ баб̣б̣ааж̇зссаамий’’д̇и вад̇ваа баб̣б̣ааж̇зси. со баб̣б̣аж̇ид̇агаалад̇о бадтааяа ниранд̇арам̣ вад̇д̇абадивад̇д̇амагааси. ат̇а нам̣ т̇зро вад̇д̇з басийд̣̇ид̇ваа нажирассзва убасамбаад̣̇зси. со убосат̇ад̣̇ивасз бхигкуухи сад̣̇д̇хим̣ убосат̇аг̇г̇ам̣ бависид̇ваа бхигкуу маханд̇зна уссаахзна баад̇имогкам̣ баг̇г̇ан̣ханд̇з д̣̇исваа ‘‘иминаа нийхаарзна осаарзд̇ваа осаарзд̇ваа логам̣ каад̣̇анд̇и, гад̇ибаахзна хариссаамий’’д̇и жинд̇зси. со баривзн̣ам̣ г̇анд̇ваа убаж̇жхааяам̣ ванд̣̇ид̇ваа, ‘‘бханд̇з, го наамо аяам̣ д̇хаммо’’д̇и бужчи. баад̇имогко наама, аавусод̇и. уд̇д̇амад̇хаммо зса, бханд̇з, бхависсад̇ийд̇и. аама, аавусо, сагаласаасанад̇хааран̣ий аяам̣ сигкаад̇и. бханд̇з, сажз зса сигкаад̇хаммо уд̇д̇амо, имамзва батамам̣ г̇ан̣хаамийд̇и. г̇ан̣хаавусод̇и т̇зро самбадижчи. со г̇ан̣ханд̇о бариб̣б̣ааж̇агз бассид̇ваа ‘‘гийд̣̇исам̣ аажарияаа’’д̇и бужчид̇о, ‘‘аавусо, маа жинд̇аяид̇т̇а, гад̇ибаахзна аахариссаамий’’д̇и вад̇ваа нажирассзва уг̇г̇ан̣хид̇ваа убаж̇жхааяам̣ ааха – ‘‘зд̇д̇агамзва, бханд̇з, уд̣̇ааху ан̃н̃амби ад̇т̇ий’’д̇и. зд̇д̇агамзва, аавусод̇и.
Taṃ iminā nīhārena vasantaṃ eko mahāthero disvā, ‘‘paribbājaka, tvaṃ saddho pasanno, kiṃ na pabbajasī’’ti. Ko maṃ, bhante, pabbājessati. Mayañhi cirakālaṃ bhadantānaṃ paccatthikā hutvā vicarimhāti. Thero ‘‘sace tvaṃ pabbajitukāmo, ahaṃ taṃ pabbājessāmī’’ti vatvā pabbājesi. So pabbajitakālato paṭṭhāya nirantaraṃ vattapaṭivattamakāsi. Atha naṃ thero vatte pasīditvā nacirasseva upasampādesi. So uposathadivase bhikkhūhi saddhiṃ uposathaggaṃ pavisitvā bhikkhū mahantena ussāhena pātimokkhaṃ paggaṇhante disvā ‘‘iminā nīhārena osāretvā osāretvā lokaṃ khādanti, katipāhena harissāmī’’ti cintesi. So pariveṇaṃ gantvā upajjhāyaṃ vanditvā, ‘‘bhante, ko nāmo ayaṃ dhammo’’ti pucchi. Pātimokkho nāma, āvusoti. Uttamadhammo esa, bhante, bhavissatīti. Āma, āvuso, sakalasāsanadhāraṇī ayaṃ sikkhāti. Bhante, sace esa sikkhādhammo uttamo, imameva paṭhamaṃ gaṇhāmīti. Gaṇhāvusoti thero sampaṭicchi. So gaṇhanto paribbājake passitvā ‘‘kīdisaṃ ācariyā’’ti pucchito, ‘‘āvuso, mā cintayittha, katipāhena āharissāmī’’ti vatvā nacirasseva uggaṇhitvā upajjhāyaṃ āha – ‘‘ettakameva, bhante, udāhu aññampi atthī’’ti. Ettakameva, āvusoti.
со бунад̣̇ивасз яат̇аанивад̇т̇абааруд̇ова г̇ахид̇анийхаарзнзва бад̇д̇ам̣ г̇ахзд̇ваа г̇иж̇жхагуудаа нигкамма бариб̣б̣ааж̇агаараамам̣ аг̇амааси. бариб̣б̣ааж̇агаа д̣̇исваа ‘‘гийд̣̇исам̣, аажарияа, наасагкид̇т̇а ман̃н̃з аавадданимааяам̣ аахарид̇у’’нд̇и д̇ам̣ бариваараяим̣су. маа жинд̇аяид̇т̇а, аавусо, аахадаа мз аавадданимааяаа, ид̇о бадтааяа амхаагам̣ лаабхасаггааро махаа бхависсад̇и. д̇умхз ан̃н̃аман̃н̃ам̣ самаг̇г̇аа хот̇а, маа виваад̣̇ам̣ агад̇т̇аад̇и. сажз д̇з, аажарияа, суг̇г̇ахид̇аа, амхзби нам̣ ваажзхийд̇и. со аад̣̇ид̇о бадтааяа баад̇имогкам̣ осаарзси. ат̇а д̇з саб̣б̣зби – ‘‘зт̇а, бхо, наг̇арз вижаранд̇аа саман̣асса г̇од̇амасса аван̣н̣ам̣ гат̇зссаамаа’’д̇и ануг̇гхаадид̇зсуязва наг̇арад̣̇ваарзсу д̣̇ваарасамийбам̣ г̇анд̇ваа вивадзна д̣̇ваарзна саб̣б̣абатамам̣ бависим̣су. звам̣ салин̇г̇знзва абагганд̇ам̣ д̇ам̣ бариб̣б̣ааж̇агам̣ санд̇хааяа – ‘‘сарабхо наама бариб̣б̣ааж̇аго ажирабагганд̇о ход̇ий’’д̇и вуд̇д̇ам̣.
So punadivase yathānivatthapārutova gahitanīhāreneva pattaṃ gahetvā gijjhakūṭā nikkhamma paribbājakārāmaṃ agamāsi. Paribbājakā disvā ‘‘kīdisaṃ, ācariya, nāsakkhittha maññe āvaṭṭanimāyaṃ āharitu’’nti taṃ parivārayiṃsu. Mā cintayittha, āvuso, āhaṭā me āvaṭṭanimāyā, ito paṭṭhāya amhākaṃ lābhasakkāro mahā bhavissati. Tumhe aññamaññaṃ samaggā hotha, mā vivādaṃ akatthāti. Sace te, ācariya, suggahitā, amhepi naṃ vācehīti. So ādito paṭṭhāya pātimokkhaṃ osāresi. Atha te sabbepi – ‘‘etha, bho, nagare vicarantā samaṇassa gotamassa avaṇṇaṃ kathessāmā’’ti anugghāṭitesuyeva nagaradvāresu dvārasamīpaṃ gantvā vivaṭena dvārena sabbapaṭhamaṃ pavisiṃsu. Evaṃ saliṅgeneva apakkantaṃ taṃ paribbājakaṃ sandhāya – ‘‘sarabho nāma paribbājako acirapakkanto hotī’’ti vuttaṃ.
д̇ам̣ д̣̇ивасам̣ бана бхаг̇аваа бажжуусасамаяз логам̣ ологзнд̇о ид̣̇ам̣ ад̣̇д̣̇аса – ‘‘аж̇ж̇а сарабхо бариб̣б̣ааж̇аго наг̇арз вижарид̇ваа багаасанийяагаммам̣ гариссад̇и, д̇ин̣н̣ам̣ рад̇анаанам̣ аван̣н̣ам̣ гат̇знд̇о висам̣ син̃жид̇ваа бариб̣б̣ааж̇агаараамам̣ г̇амиссад̇и, ахамби д̇ад̇т̇зва г̇амиссаами, жад̇ассоби барисаа д̇ад̇т̇зва осариссанд̇и. д̇асмим̣ самааг̇амз жад̇ураасийд̇и баан̣асахассаани амад̇абаанам̣ бивиссанд̇ий’’д̇и. д̇ад̇о ‘‘д̇асса огаасо ход̇у, яат̇ааружияаа аван̣н̣ам̣ бад̇т̇арад̇уу’’д̇и жинд̇зд̇ваа аананд̣̇ад̇т̇зрам̣ ааманд̇зси – ‘‘аананд̣̇а, адтаарасасу махаавихаарзсу бхигкусан̇гхасса маяаа сад̣̇д̇хим̣язва бин̣д̣ааяа жарид̇ум̣ аарожзхий’’д̇и. т̇зро д̇ат̇аа агааси. бхигкуу бад̇д̇ажийварамаад̣̇ааяа сад̇т̇аарамзва бариваараяим̣су. сад̇т̇аа бхигкусан̇гхам̣ аад̣̇ааяа д̣̇ваараг̇аамасамийбзязва бин̣д̣ааяа жари. сарабхоби бариб̣б̣ааж̇агзхи сад̣̇д̇хим̣ наг̇арам̣ бавидто д̇ад̇т̇а д̇ад̇т̇а барисамаж̇жхз рааж̇ад̣̇вааравийт̇ижад̇уггаад̣̇ийсу жа г̇анд̇ваа ‘‘ан̃н̃аад̇о маяаа саман̣аанам̣ сагяабуд̇д̇ияаанам̣ д̇хаммо’’д̇иаад̣̇ийни абхааси. д̇ам̣ санд̇хааяа со рааж̇аг̇ахз барисад̇и звам̣ ваажам̣ бхаасад̇ийд̇иаад̣̇и вуд̇д̇ам̣. д̇ад̇т̇а ан̃н̃аад̇од̇и н̃аад̇о аваб̣уд̣̇д̇хо, баагадам̣ гад̇ваа уг̇г̇ахид̇од̇и д̣̇ийбзд̇и. ан̃н̃ааяаад̇и ж̇аанид̇ваа. абагганд̇од̇и салин̇г̇знзва абагганд̇о. сажз хи саман̣асса г̇од̇амасса саасанз гожи сааро абхависса, наахам̣ абаггамиссам̣. д̇асса бана саасанам̣ асаарам̣ ниссаарам̣, аавадданимааяам̣ осаарзд̇ваа саман̣аа логам̣ каад̣̇анд̇ийд̇и звамад̇т̇ам̣ д̣̇ийбзнд̇о звамааха.
Taṃ divasaṃ pana bhagavā paccūsasamaye lokaṃ olokento idaṃ addasa – ‘‘ajja sarabho paribbājako nagare vicaritvā pakāsanīyakammaṃ karissati, tiṇṇaṃ ratanānaṃ avaṇṇaṃ kathento visaṃ siñcitvā paribbājakārāmaṃ gamissati, ahampi tattheva gamissāmi, catassopi parisā tattheva osarissanti. Tasmiṃ samāgame caturāsīti pāṇasahassāni amatapānaṃ pivissantī’’ti. Tato ‘‘tassa okāso hotu, yathāruciyā avaṇṇaṃ pattharatū’’ti cintetvā ānandattheraṃ āmantesi – ‘‘ānanda, aṭṭhārasasu mahāvihāresu bhikkhusaṅghassa mayā saddhiṃyeva piṇḍāya carituṃ ārocehī’’ti. Thero tathā akāsi. Bhikkhū pattacīvaramādāya satthārameva parivārayiṃsu. Satthā bhikkhusaṅghaṃ ādāya dvāragāmasamīpeyeva piṇḍāya cari. Sarabhopi paribbājakehi saddhiṃ nagaraṃ paviṭṭho tattha tattha parisamajjhe rājadvāravīthicatukkādīsu ca gantvā ‘‘aññāto mayā samaṇānaṃ sakyaputtiyānaṃ dhammo’’tiādīni abhāsi. Taṃ sandhāya so rājagahe parisati evaṃ vācaṃ bhāsatītiādi vuttaṃ. Tattha aññātoti ñāto avabuddho, pākaṭaṃ katvā uggahitoti dīpeti. Aññāyāti jānitvā. Apakkantoti saliṅgeneva apakkanto. Sace hi samaṇassa gotamassa sāsane koci sāro abhavissa, nāhaṃ apakkamissaṃ. Tassa pana sāsanaṃ asāraṃ nissāraṃ, āvaṭṭanimāyaṃ osāretvā samaṇā lokaṃ khādantīti evamatthaṃ dīpento evamāha.
ат̇а ко самб̣ахулаа бхигкууд̇и ат̇а звам̣ д̇асмим̣ бариб̣б̣ааж̇агз бхаасамаанз аран̃н̃аваасино бан̃жасад̇аа бхигкуу ‘‘асугадтаанам̣ наама сад̇т̇аа бин̣д̣ааяа жарид̇ум̣ г̇ад̇о’’д̇и аж̇аананд̇аа бхигкаажааравзлааяам̣ рааж̇аг̇ахам̣ бин̣д̣ааяа бависим̣су. д̇з санд̇хааязд̇ам̣ вуд̇д̇ам̣. ассосунд̇и сун̣им̣су. язна бхаг̇аваа д̇знубасан̇гамим̣сууд̇и ‘‘имам̣ гааран̣ам̣ д̣̇асаб̣аласса аарожзссаамаа’’д̇и убасан̇гамим̣су.
Atha kho sambahulā bhikkhūti atha evaṃ tasmiṃ paribbājake bhāsamāne araññavāsino pañcasatā bhikkhū ‘‘asukaṭṭhānaṃ nāma satthā piṇḍāya carituṃ gato’’ti ajānantā bhikkhācāravelāyaṃ rājagahaṃ piṇḍāya pavisiṃsu. Te sandhāyetaṃ vuttaṃ. Assosunti suṇiṃsu. Yenabhagavā tenupasaṅkamiṃsūti ‘‘imaṃ kāraṇaṃ dasabalassa ārocessāmā’’ti upasaṅkamiṃsu.
сиббинигаад̇ийранд̇и сиббинигаад̇и звам̣наамигааяа над̣̇ияаа д̇ийрам̣. ад̇хиваасзси бхаг̇аваа д̇ун̣хийбхаавзнаад̇и гааяан̇г̇аваажан̇г̇аани ажобзд̇ваа аб̣бханд̇арз канд̇им̣ д̇хаарзд̇ваа жид̇д̇знзва ад̇хиваасзсийд̇и ад̇т̇о. звам̣ ад̇хиваасзд̇ваа буна жинд̇зси – ‘‘гим̣ ну ко аж̇ж̇а маяаа сарабхасса ваад̣̇ам̣ мад̣̇д̣̇ид̇ум̣ г̇ажчанд̇зна згагзна г̇анд̇аб̣б̣ам̣ , уд̣̇ааху бхигкусан̇гхабаривуд̇знаа’’д̇и. ат̇асса зд̇ад̣̇ахоси – сажаахам̣ бхигкусан̇гхабаривуд̇о г̇амиссаами, махааж̇ано звам̣ жинд̇зссад̇и – ‘‘саман̣о г̇од̇амо ваад̣̇уббад̇д̇идтаанам̣ г̇ажчанд̇о багкам̣ угкибид̇ваа г̇анд̇ваа барисаб̣алзна уббаннам̣ ваад̣̇ам̣ мад̣̇д̣̇ад̇и, бараваад̣̇ийнам̣ сийсам̣ угкибид̇ум̣ на д̣̇зд̇ий’’д̇и. на ко бана маяхам̣ уббаннз ваад̣̇з барам̣ г̇ахзд̇ваа мад̣̇д̣̇анагижжам̣ ад̇т̇и, ахамзва г̇анд̇ваа мад̣̇д̣̇иссаами. анажчарияам̣ жзд̇ам̣ яваахам̣ ид̣̇аани б̣уд̣̇д̇хабхууд̇о ад̇д̇ано уббаннам̣ ваад̣̇ам̣ мад̣̇д̣̇зяяам̣, жарияам̣ жаран̣агаалз ахзд̇угабадисанд̇хияам̣ ниб̣б̣ад̇д̇знааби хи маяаа вахид̇аб̣б̣ам̣ д̇хурам̣ ан̃н̃о вахид̇ум̣ самад̇т̇о наама наахоси. имасса банад̇т̇асса саад̇ханад̇т̇ам̣ –
Sippinikātīranti sippinikāti evaṃnāmikāya nadiyā tīraṃ. Adhivāsesi bhagavā tuṇhībhāvenāti kāyaṅgavācaṅgāni acopetvā abbhantare khantiṃ dhāretvā citteneva adhivāsesīti attho. Evaṃ adhivāsetvā puna cintesi – ‘‘kiṃ nu kho ajja mayā sarabhassa vādaṃ maddituṃ gacchantena ekakena gantabbaṃ , udāhu bhikkhusaṅghaparivutenā’’ti. Athassa etadahosi – sacāhaṃ bhikkhusaṅghaparivuto gamissāmi, mahājano evaṃ cintessati – ‘‘samaṇo gotamo vāduppattiṭṭhānaṃ gacchanto pakkhaṃ ukkhipitvā gantvā parisabalena uppannaṃ vādaṃ maddati, paravādīnaṃ sīsaṃ ukkhipituṃ na detī’’ti. Na kho pana mayhaṃ uppanne vāde paraṃ gahetvā maddanakiccaṃ atthi, ahameva gantvā maddissāmi. Anacchariyaṃ cetaṃ yvāhaṃ idāni buddhabhūto attano uppannaṃ vādaṃ maddeyyaṃ, cariyaṃ caraṇakāle ahetukapaṭisandhiyaṃ nibbattenāpi hi mayā vahitabbaṃ dhuraṃ añño vahituṃ samattho nāma nāhosi. Imassa panatthassa sādhanatthaṃ –
‘‘яад̇о яад̇о г̇ару д̇хурам̣, яад̇о г̇амбхийравад̇д̇аний;
‘‘Yato yato garu dhuraṃ, yato gambhīravattanī;
д̇ад̣̇аассу ган̣хам̣ яун̃ж̇знд̇и, сваассу д̇ам̣ вахад̇з д̇хура’’нд̇и. (ж̇аа. 1.1.29) –
Tadāssu kaṇhaṃ yuñjenti, svāssu taṃ vahate dhura’’nti. (jā. 1.1.29) –
ид̣̇ам̣ ган̣хаж̇аад̇агам̣ аахарид̇аб̣б̣ам̣. ад̇ийд̇з гира зго сад̇т̇аваахо згиссаа махаллигааяа г̇зхз ниваасам̣ г̇ан̣хи. ат̇асса згиссаа д̇хзнуяаа рад̇д̇ибхааг̇асамананд̇арз г̇аб̣бхавудтаанам̣ ахоси. саа згам̣ важчагам̣ виж̇ааяи. махаллигааяа важчагам̣ д̣̇идтагаалад̇о бадтааяа буд̇д̇асинзхо уд̣̇абаад̣̇и. бунад̣̇ивасз сад̇т̇аваахабуд̇д̇о – ‘‘д̇ава г̇зхавзд̇анам̣ г̇ан̣хаахий’’д̇и ааха. махаллигаа ‘‘маяхам̣ ан̃н̃зна гижжам̣ на ад̇т̇и, имамзва важчагам̣ д̣̇зхий’’д̇и ааха. г̇ан̣ха, аммаад̇и. саа д̇ам̣ г̇ан̣хид̇ваа кийрам̣ бааязд̇ваа яааг̇убхад̇д̇ад̇ин̣аад̣̇ийни д̣̇ад̣̇амаанаа босзси. со вуд̣̇д̇химанвааяа барибун̣н̣аруубо б̣алавийрияасамбанно ахоси самбаннаажааро, гаал̣аго наама наамзна. ат̇згасса сад̇т̇аваахасса бан̃жахи сагадасад̇зхи ааг̇ажчанд̇асса уд̣̇агабхиннадтаанз сагадажаггам̣ лаг̇г̇и. со д̣̇асаби вийсамби д̇им̣самби яож̇зд̇ваа нийхараабзд̇ум̣ асаггонд̇о гаал̣агам̣ убасан̇гамид̇ваа ааха – ‘‘д̇аад̇а, д̇ава взд̇анам̣ д̣̇ассаами, сагадам̣ мз угкибид̇ваа д̣̇зхий’’д̇и. зван̃жа бана вад̇ваа д̇ам̣ аад̣̇ааяа – ‘‘ан̃н̃о иминаа сад̣̇д̇хим̣ д̇хурам̣ вахид̇ум̣ самад̇т̇о над̇т̇ий’’д̇и д̇хурасагадз яод̇д̇ам̣ б̣анд̇хид̇ваа д̇ам̣ згагам̣язва яож̇зси. со д̇ам̣ сагадам̣ угкибид̇ваа т̇алз бад̇идтаабзд̇ваа зд̇знзва нихаарзна бан̃жа сагадасад̇аани нийхари. со саб̣б̣абажчимасагадам̣ нийхарид̇ваа можияамаано ‘‘су’’нд̇и гад̇ваа сийсам̣ угкиби.
Idaṃ kaṇhajātakaṃ āharitabbaṃ. Atīte kira eko satthavāho ekissā mahallikāya gehe nivāsaṃ gaṇhi. Athassa ekissā dhenuyā rattibhāgasamanantare gabbhavuṭṭhānaṃ ahosi. Sā ekaṃ vacchakaṃ vijāyi. Mahallikāya vacchakaṃ diṭṭhakālato paṭṭhāya puttasineho udapādi. Punadivase satthavāhaputto – ‘‘tava gehavetanaṃ gaṇhāhī’’ti āha. Mahallikā ‘‘mayhaṃ aññena kiccaṃ na atthi, imameva vacchakaṃ dehī’’ti āha. Gaṇha, ammāti. Sā taṃ gaṇhitvā khīraṃ pāyetvā yāgubhattatiṇādīni dadamānā posesi. So vuddhimanvāya paripuṇṇarūpo balavīriyasampanno ahosi sampannācāro, kāḷako nāma nāmena. Athekassa satthavāhassa pañcahi sakaṭasatehi āgacchantassa udakabhinnaṭṭhāne sakaṭacakkaṃ laggi. So dasapi vīsampi tiṃsampi yojetvā nīharāpetuṃ asakkonto kāḷakaṃ upasaṅkamitvā āha – ‘‘tāta, tava vetanaṃ dassāmi, sakaṭaṃ me ukkhipitvā dehī’’ti. Evañca pana vatvā taṃ ādāya – ‘‘añño iminā saddhiṃ dhuraṃ vahituṃ samattho natthī’’ti dhurasakaṭe yottaṃ bandhitvā taṃ ekakaṃyeva yojesi. So taṃ sakaṭaṃ ukkhipitvā thale patiṭṭhāpetvā eteneva nihārena pañca sakaṭasatāni nīhari. So sabbapacchimasakaṭaṃ nīharitvā mociyamāno ‘‘su’’nti katvā sīsaṃ ukkhipi.
сад̇т̇аваахо ‘‘аяам̣ зд̇д̇агаани сагадаани угкибанд̇о звам̣ на агааси, взд̇анад̇т̇ам̣ ман̃н̃з гарод̇ий’’д̇и сагадаг̇ан̣анааяа гахаабан̣з г̇ахзд̇ваа бан̃жасад̇абхан̣д̣игам̣ д̇асса г̇ийвааяа б̣анд̇хаабзси. со ан̃н̃зсам̣ ад̇д̇ано санд̇игам̣ аллийяид̇ум̣ ад̣̇знд̇о уж̇угам̣ г̇зхамзва аг̇амааси. махаллигаа д̣̇исваа можзд̇ваа гахаабан̣абхаавам̣ н̃ад̇ваа ‘‘гасмаа, буд̇д̇а, звамагааси, маа д̇вам̣ ‘маяаа гаммам̣ гад̇ваа аабхад̇зна аяам̣ ж̇ийвиссад̇ий’д̇и сан̃н̃амагаасий’’д̇и вад̇ваа г̇он̣ам̣ ун̣ход̣̇агзна нхаабзд̇ваа д̇злзна аб̣бхан̃ж̇ид̇ваа ‘‘ид̇о бадтааяа буна маа звамагаасий’’д̇и овад̣̇и. звам̣ сад̇т̇аа ‘‘жарияам̣ жаран̣агаалз ахзд̇угабадисанд̇хияам̣ ниб̣б̣ад̇д̇знааби хи маяаа вахид̇аб̣б̣ад̇хурам̣ ан̃н̃о вахид̇ум̣ самад̇т̇о наама наахосий’’д̇и жинд̇зд̇ваа згагова аг̇амааси. д̇ам̣ д̣̇ассзд̇ум̣ ат̇а ко бхаг̇аваа сааяанхасамаяам̣ бадисаллаанаа вудтид̇од̇иаад̣̇и вуд̇д̇ам̣.
Satthavāho ‘‘ayaṃ ettakāni sakaṭāni ukkhipanto evaṃ na akāsi, vetanatthaṃ maññe karotī’’ti sakaṭagaṇanāya kahāpaṇe gahetvā pañcasatabhaṇḍikaṃ tassa gīvāya bandhāpesi. So aññesaṃ attano santikaṃ allīyituṃ adento ujukaṃ gehameva agamāsi. Mahallikā disvā mocetvā kahāpaṇabhāvaṃ ñatvā ‘‘kasmā, putta, evamakāsi, mā tvaṃ ‘mayā kammaṃ katvā ābhatena ayaṃ jīvissatī’ti saññamakāsī’’ti vatvā goṇaṃ uṇhodakena nhāpetvā telena abbhañjitvā ‘‘ito paṭṭhāya puna mā evamakāsī’’ti ovadi. Evaṃ satthā ‘‘cariyaṃ caraṇakāle ahetukapaṭisandhiyaṃ nibbattenāpi hi mayā vahitabbadhuraṃ añño vahituṃ samattho nāma nāhosī’’ti cintetvā ekakova agamāsi. Taṃ dassetuṃ atha kho bhagavā sāyanhasamayaṃ paṭisallānā vuṭṭhitotiādi vuttaṃ.
д̇ад̇т̇а бадисаллаанаад̇и бут̇уд̇д̇аарамман̣зхи жид̇д̇ам̣ бадисам̣харид̇ваа саллаанад̇о, паласамаабад̇д̇ид̇од̇и ад̇т̇о. д̇знубасан̇гамийд̇и бариб̣б̣ааж̇агзсу сагаланаг̇арз багаасанийяагаммам̣ гад̇ваа наг̇араа нигкамма бариб̣б̣ааж̇агаараамз саннибад̇ид̇ваа ‘‘сажз, аавусо сарабха, саман̣о г̇од̇амо ааг̇амиссад̇и, гим̣ гариссасий’’д̇и. саман̣з г̇од̇амз згам̣ гаронд̇з ахам̣ д̣̇вз гариссаами, д̣̇вз гаронд̇з жад̇д̇аари, жад̇д̇аари гаронд̇з бан̃жа, бан̃жа гаронд̇з д̣̇аса, д̣̇аса гаронд̇з вийсад̇и, вийсад̇и гаронд̇з д̇им̣сам̣, д̇им̣сам̣ гаронд̇з жад̇д̇аалийсам̣, жад̇д̇аалийсам̣ гаронд̇з бан̃н̃аасам̣, бан̃н̃аасам̣ гаронд̇з сад̇ам̣, сад̇ам̣ гаронд̇з сахассам̣ гариссаамийд̇и звам̣ ан̃н̃аман̃н̃ам̣ сийханаад̣̇агат̇ам̣ самудтаабзд̇ваа нисиннзсу убасан̇гами.
Tattha paṭisallānāti puthuttārammaṇehi cittaṃ paṭisaṃharitvā sallānato, phalasamāpattitoti attho. Tenupasaṅkamīti paribbājakesu sakalanagare pakāsanīyakammaṃ katvā nagarā nikkhamma paribbājakārāme sannipatitvā ‘‘sace, āvuso sarabha, samaṇo gotamo āgamissati, kiṃ karissasī’’ti. Samaṇe gotame ekaṃ karonte ahaṃ dve karissāmi, dve karonte cattāri, cattāri karonte pañca, pañca karonte dasa, dasa karonte vīsati, vīsati karonte tiṃsaṃ, tiṃsaṃ karonte cattālīsaṃ, cattālīsaṃ karonte paññāsaṃ, paññāsaṃ karonte sataṃ, sataṃ karonte sahassaṃ karissāmīti evaṃ aññamaññaṃ sīhanādakathaṃ samuṭṭhāpetvā nisinnesu upasaṅkami.
убасан̇гаманд̇о бана яасмаа бариб̣б̣ааж̇агаараамасса наг̇арамаж̇жхзнзва маг̇г̇о, д̇асмаа сурад̇д̇ад̣̇убаддам̣ ниваасзд̇ваа суг̇ад̇амахаажийварам̣ баарубид̇ваа виссадтаб̣ало рааж̇аа вияа згагова наг̇арамаж̇жхзна аг̇амааси. мижчаад̣̇идтигаа д̣̇исваа ‘‘бариб̣б̣ааж̇агаа саман̣асса г̇од̇амасса багаасанийяагаммам̣ гаронд̇аа аван̣н̣ам̣ бад̇т̇арим̣су, со зд̇з анувад̇д̇ид̇ваа сан̃н̃аабзд̇ум̣ г̇ажчад̇и ман̃н̃з’’д̇и ануб̣анд̇хим̣су. саммаад̣̇идтигааби ‘‘саммаасамб̣уд̣̇д̇хо бад̇д̇ажийварам̣ аад̣̇ааяа згагова нигканд̇о, аж̇ж̇а сарабхзна сад̣̇д̇хим̣ махаад̇хаммасан̇г̇аамо бхависсад̇и. маяамби д̇асмим̣ самааг̇амз гааяасагкино бхависсаамаа’’д̇и ануб̣анд̇хим̣су. сад̇т̇аа бассанд̇ассзва махааж̇анасса бариб̣б̣ааж̇агаараамам̣ убасан̇гами.
Upasaṅkamanto pana yasmā paribbājakārāmassa nagaramajjheneva maggo, tasmā surattadupaṭṭaṃ nivāsetvā sugatamahācīvaraṃ pārupitvā vissaṭṭhabalo rājā viya ekakova nagaramajjhena agamāsi. Micchādiṭṭhikā disvā ‘‘paribbājakā samaṇassa gotamassa pakāsanīyakammaṃ karontā avaṇṇaṃ patthariṃsu, so ete anuvattitvā saññāpetuṃ gacchati maññe’’ti anubandhiṃsu. Sammādiṭṭhikāpi ‘‘sammāsambuddho pattacīvaraṃ ādāya ekakova nikkhanto, ajja sarabhena saddhiṃ mahādhammasaṅgāmo bhavissati. Mayampi tasmiṃ samāgame kāyasakkhino bhavissāmā’’ti anubandhiṃsu. Satthā passantasseva mahājanassa paribbājakārāmaṃ upasaṅkami.
бариб̣б̣ааж̇агаа ругкаанам̣ канд̇хавидабасааканд̇арзхи самуг̇г̇ажчанд̇аа чаб̣б̣ан̣н̣агханаб̣уд̣̇д̇харасмияо д̣̇исваа ‘‘ан̃н̃ад̣̇аа зваруубо обхаасо наама над̇т̇и, гим̣ ну ко зд̇а’’нд̇и уллогзд̇ваа ‘‘саман̣о г̇од̇амо ааг̇ажчад̇ий’’д̇и аахам̣су. д̇ам̣ суд̇ваава сарабхо ж̇аан̣уганд̇арз сийсам̣ табзд̇ваа ад̇хомуко нисийд̣̇и. звам̣ д̇асмим̣ самаяз бхаг̇аваа д̇ам̣ аараамам̣ убасан̇гамид̇ваа бан̃н̃ад̇д̇з аасанз нисийд̣̇и. д̇ат̇ааг̇ад̇о хи ж̇амб̣уд̣̇ийбад̇алз аг̇г̇агулз ж̇аад̇ад̇д̇аа аг̇г̇аасанаараход̇исса саб̣б̣ад̇т̇а аасанам̣ бан̃н̃ад̇д̇амзва ход̇и. звам̣ бан̃н̃ад̇д̇з махаарахз б̣уд̣̇д̇хаасанз нисийд̣̇и.
Paribbājakā rukkhānaṃ khandhaviṭapasākhantarehi samuggacchantā chabbaṇṇaghanabuddharasmiyo disvā ‘‘aññadā evarūpo obhāso nāma natthi, kiṃ nu kho eta’’nti ulloketvā ‘‘samaṇo gotamo āgacchatī’’ti āhaṃsu. Taṃ sutvāva sarabho jāṇukantare sīsaṃ ṭhapetvā adhomukho nisīdi. Evaṃ tasmiṃ samaye bhagavā taṃ ārāmaṃ upasaṅkamitvā paññatte āsane nisīdi. Tathāgato hi jambudīpatale aggakule jātattā aggāsanārahotissa sabbattha āsanaṃ paññattameva hoti. Evaṃ paññatte mahārahe buddhāsane nisīdi.
д̇з бариб̣б̣ааж̇агаа сарабхам̣ бариб̣б̣ааж̇агам̣ зд̇ад̣̇авожунд̇и саммаасамб̣уд̣̇д̇хз гира сарабхзна сад̣̇д̇хим̣ зд̇д̇агам̣ гат̇знд̇зязва бхигкусан̇гхо сад̇т̇у бад̣̇аанубад̣̇иго худ̇ваа бариб̣б̣ааж̇агаараамам̣ самбаабун̣и, жад̇ассоби барисаа бариб̣б̣ааж̇агаараамзязва осарим̣су. д̇ад̇о д̇з бариб̣б̣ааж̇агаа ‘‘ажчарияам̣ саман̣асса г̇од̇амасса гаммам̣, сагаланаг̇арам̣ вижарид̇ваа аван̣н̣ам̣ бад̇т̇арид̇ваа багаасанийяагаммам̣ гад̇ваа ааг̇ад̇аанам̣ взрийнам̣ бадисад̇д̇уунам̣ бажжаамид̇д̇аанам̣ санд̇игам̣ ааг̇анд̇ваа т̇огамби виг̇г̇аахигагат̇ам̣ на гат̇зси, ааг̇ад̇агаалад̇о бадтааяа сад̇абаагад̇злзна магкзнд̇о вияа амад̇абаанам̣ бааязнд̇о вияа мад̇хурагат̇ам̣ гат̇зд̇ий’’д̇и саб̣б̣зби саммаасамб̣уд̣̇д̇хам̣ анувад̇д̇анд̇аа зд̇ад̣̇авожум̣.
Te paribbājakā sarabhaṃ paribbājakaṃ etadavocunti sammāsambuddhe kira sarabhena saddhiṃ ettakaṃ kathenteyeva bhikkhusaṅgho satthu padānupadiko hutvā paribbājakārāmaṃ sampāpuṇi, catassopi parisā paribbājakārāmeyeva osariṃsu. Tato te paribbājakā ‘‘acchariyaṃ samaṇassa gotamassa kammaṃ, sakalanagaraṃ vicaritvā avaṇṇaṃ pattharitvā pakāsanīyakammaṃ katvā āgatānaṃ verīnaṃ paṭisattūnaṃ paccāmittānaṃ santikaṃ āgantvā thokampi viggāhikakathaṃ na kathesi, āgatakālato paṭṭhāya satapākatelena makkhento viya amatapānaṃ pāyento viya madhurakathaṃ kathetī’’ti sabbepi sammāsambuddhaṃ anuvattantā etadavocuṃ.
яаажзяяаасийд̇и ааяаажзяяааси бад̇т̇зяяааси бихзяяааси. д̇ун̣хийбхууд̇од̇и д̇ун̣хийбхаавам̣ убаг̇ад̇о. ман̇губхууд̇од̇и нид̇д̇зж̇ад̇ам̣ аабанно. бад̇д̇агканд̇ход̇и онад̇аг̇ийво. ад̇хомукод̇и хздтаамуко. саммаасамб̣уд̣̇д̇хасса д̇з бадиж̇аанад̇од̇и ‘‘ахам̣ саммаасамб̣уд̣̇д̇хо, саб̣б̣з д̇хаммаа маяаа абхисамб̣уд̣̇д̇хаа’’д̇и звам̣ бадиж̇аанад̇о д̇ава. анабхисамб̣уд̣̇д̇хаад̇и имз наама д̇хаммаа д̇аяаа анабхисамб̣уд̣̇д̇хаа. д̇ад̇т̇аад̇и д̇зсу анабхисамб̣уд̣̇д̇хаад̇и звам̣ д̣̇ассид̇ад̇хаммзсу. ан̃н̃зна ваа ан̃н̃ам̣ бадижариссад̇ийд̇и ан̃н̃зна ваа важанзна ан̃н̃ам̣ важанам̣ бадижчаад̣̇зссад̇и, ан̃н̃ам̣ бужчид̇о ан̃н̃ам̣ гат̇зссад̇ийд̇и ад̇хиббааяо. б̣ахид̣̇д̇хаа гат̇ам̣ абанаамзссад̇ийд̇и б̣ахид̣̇д̇хаа ан̃н̃ам̣ ааг̇анд̇угагат̇ам̣ аахаранд̇о буримагат̇ам̣ абанаамзссад̇и. аббажжаяанд̇и анабхирад̣̇д̇хим̣ ад̇удтаагаарам̣ баад̇угариссад̇ийд̇и баагадам̣ гариссад̇и. зд̇т̇а жа аббажжаязна д̣̇оманассам̣ вуд̇д̇ам̣, буримзхи д̣̇вийхи манд̣̇аб̣алавабхзд̣̇о год̇хоязва.
Yāceyyāsīti āyāceyyāsi pattheyyāsi piheyyāsi. Tuṇhībhūtoti tuṇhībhāvaṃ upagato. Maṅkubhūtoti nittejataṃ āpanno. Pattakkhandhoti onatagīvo. Adhomukhoti heṭṭhāmukho. Sammāsambuddhassa te paṭijānatoti ‘‘ahaṃ sammāsambuddho, sabbe dhammā mayā abhisambuddhā’’ti evaṃ paṭijānato tava. Anabhisambuddhāti ime nāma dhammā tayā anabhisambuddhā. Tatthāti tesu anabhisambuddhāti evaṃ dassitadhammesu. Aññena vā aññaṃ paṭicarissatīti aññena vā vacanena aññaṃ vacanaṃ paṭicchādessati, aññaṃ pucchito aññaṃ kathessatīti adhippāyo. Bahiddhā kathaṃ apanāmessatīti bahiddhā aññaṃ āgantukakathaṃ āharanto purimakathaṃ apanāmessati. Appaccayanti anabhiraddhiṃ atuṭṭhākāraṃ pātukarissatīti pākaṭaṃ karissati. Ettha ca appaccayena domanassaṃ vuttaṃ, purimehi dvīhi mandabalavabhedo kodhoyeva.
звам̣ бхаг̇аваа батамавзсаараж̇ж̇зна сийханаад̣̇ам̣ над̣̇ид̇ваа буна д̣̇уд̇ияаад̣̇ийхи над̣̇анд̇о яо ко мам̣ бариб̣б̣ааж̇агаад̇иаад̣̇имааха. д̇ад̇т̇а яасса ко бана д̇з ад̇т̇ааяа д̇хаммо д̣̇зсид̇од̇и яасса маг̇г̇асса ваа паласса ваа ад̇т̇ааяа д̇аяаа жад̇усажжад̇хаммо д̣̇зсид̇о. со на нияяаад̇ийд̇и со д̇хаммо на нияяаад̇и на ниг̇г̇ажчад̇и, на д̇ам̣ ад̇т̇ам̣ саад̇хзд̇ийд̇и вуд̇д̇ам̣ ход̇и. д̇аггарассаад̇и яо нам̣ гарод̇и, д̇асса бадибад̇д̇ибуурагасса буг̇г̇алассаад̇и ад̇т̇о. саммаа д̣̇угкагкаяааяаад̇и хзд̇унаа наязна гааран̣зна сагаласса ваддад̣̇угкасса каяааяа. ат̇а ваа яасса ко бана д̇з ад̇т̇ааяа д̇хаммо д̣̇зсид̇од̇и яасса д̇з ад̇т̇ааяа д̇хаммо д̣̇зсид̇о. сзяяат̇ид̣̇ам̣ – рааг̇абадигхаад̇ад̇т̇ааяа асубхагаммадтаанам̣, д̣̇осабадигхаад̇ад̇т̇ааяа мзд̇д̇аабхааванаа, мохабадигхаад̇ад̇т̇ааяа бан̃жа д̇хаммаа, вид̇аггубажчзд̣̇ааяа аанаабаанассад̇и. со на нияяаад̇и д̇аггарасса саммаа д̣̇угкагкаяааяаад̇и со д̇хаммо яо нам̣ яат̇аад̣̇зсид̇ам̣ гарод̇и, д̇асса д̇аггарасса саммаа хзд̇унаа наязна гааран̣зна ваддад̣̇угкагкаяааяа на нияяаад̇и на ниг̇г̇ажчад̇и, д̇ам̣ ад̇т̇ам̣ на саад̇хзд̇ийд̇и аяамзд̇т̇а ад̇т̇о. сзяяат̇ааби сарабхо бариб̣б̣ааж̇агод̇и яат̇аа аяам̣ сарабхо бариб̣б̣ааж̇аго баж̇жхааяанд̇о аббадибхаано нисинно, звам̣ нисийд̣̇иссад̇ийд̇и.
Evaṃ bhagavā paṭhamavesārajjena sīhanādaṃ naditvā puna dutiyādīhi nadanto yo kho maṃ paribbājakātiādimāha. Tattha yassa kho pana te atthāya dhammo desitoti yassa maggassa vā phalassa vā atthāya tayā catusaccadhammo desito. So na niyyātīti so dhammo na niyyāti na niggacchati, na taṃ atthaṃ sādhetīti vuttaṃ hoti. Takkarassāti yo naṃ karoti, tassa paṭipattipūrakassa puggalassāti attho. Sammā dukkhakkhayāyāti hetunā nayena kāraṇena sakalassa vaṭṭadukkhassa khayāya. Atha vā yassa kho pana te atthāya dhammo desitoti yassa te atthāya dhammo desito. Seyyathidaṃ – rāgapaṭighātatthāya asubhakammaṭṭhānaṃ, dosapaṭighātatthāya mettābhāvanā, mohapaṭighātatthāya pañca dhammā, vitakkupacchedāya ānāpānassati. So na niyyāti takkarassa sammā dukkhakkhayāyāti so dhammo yo naṃ yathādesitaṃ karoti, tassa takkarassa sammā hetunā nayena kāraṇena vaṭṭadukkhakkhayāya na niyyāti na niggacchati, taṃ atthaṃ na sādhetīti ayamettha attho. Seyyathāpi sarabho paribbājakoti yathā ayaṃ sarabho paribbājako pajjhāyanto appaṭibhāno nisinno, evaṃ nisīdissatīti.
звам̣ д̇ийхи бад̣̇зхи сийханаад̣̇ам̣ над̣̇ид̇ваа д̣̇зсанам̣ нивад̇д̇знд̇ассзва д̇ат̇ааг̇ад̇асса д̇асмим̣ таанз саннибад̇ид̇аа жад̇ураасийд̇ибаан̣асахассабаримаан̣аа барисаа амад̇абаанам̣ биви, сад̇т̇аа барисааяа амад̇абаанасса бийд̇абхаавам̣ н̃ад̇ваа взхаасам̣ аб̣бхуг̇г̇анд̇ваа баггаами. д̇амад̇т̇ам̣ д̣̇ассзд̇ум̣ ат̇а ко бхаг̇аваад̇иаад̣̇и вуд̇д̇ам̣. д̇ад̇т̇а сийханаад̣̇анд̇и сздтанаад̣̇ам̣ абхийд̇анаад̣̇ам̣ аббадинаад̣̇ам̣. взхаасам̣ баггаамийд̇и абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа вудтааяа ад̇хидтааяа сад̣̇д̇хим̣ бхигкусан̇гхзна аагаасам̣ багканд̣̇и. звам̣ багканд̣̇о жа бана д̇ам̣кан̣ан̃н̃зва г̇иж̇жхагуудамахаавихаарз бад̇идтааси.
Evaṃ tīhi padehi sīhanādaṃ naditvā desanaṃ nivattentasseva tathāgatassa tasmiṃ ṭhāne sannipatitā caturāsītipāṇasahassaparimāṇā parisā amatapānaṃ pivi, satthā parisāya amatapānassa pītabhāvaṃ ñatvā vehāsaṃ abbhuggantvā pakkāmi. Tamatthaṃ dassetuṃ atha kho bhagavātiādi vuttaṃ. Tattha sīhanādanti seṭṭhanādaṃ abhītanādaṃ appaṭinādaṃ. Vehāsaṃ pakkāmīti abhiññāpādakaṃ catutthajjhānaṃ samāpajjitvā vuṭṭhāya adhiṭṭhāya saddhiṃ bhikkhusaṅghena ākāsaṃ pakkhandi. Evaṃ pakkhando ca pana taṃkhaṇaññeva gijjhakūṭamahāvihāre patiṭṭhāsi.
ваажааяа саннид̇од̣̇агзнаад̇и важанабад̇од̣̇зна. сан̃ж̇амбхаримагам̣сууд̇и самбхарид̇ам̣ ниранд̇арапудам̣ агам̣су, убари виж̇жхим̣сууд̇и вуд̇д̇ам̣ ход̇и. б̣рахааран̃н̃зд̇и махааран̃н̃з. сийханаад̣̇ам̣ над̣̇иссаамийд̇и сийхасса над̣̇ад̇о аагаарам̣ д̣̇исваа ‘‘аяамби д̇иражчаанаг̇ад̇о, ахамби, имасса жад̇д̇ааро баад̣̇аа, маяхамби, ахамби звамзва сийханаад̣̇ам̣ над̣̇иссаамий’’д̇и жинд̇зси. со сийхасса саммукаа над̣̇ид̇ум̣ асаггонд̇о д̇асмим̣ г̇ожарааяа багганд̇з згаго над̣̇ид̇ум̣ аарабхи. ат̇асса син̇г̇ааласад̣̇д̣̇оязва нижчари. д̇зна вуд̇д̇ам̣ – син̇г̇аалагам̣язва над̣̇ад̇ийд̇и. бхзран̣д̣аганд̇и д̇ассзва взважанам̣. абижа бхиннассарам̣ аманаабасад̣̇д̣̇ам̣ над̣̇ад̇ийд̇и вуд̇д̇ам̣ ход̇и. звамзва ко д̇ванд̇и иминаа обаммзна бариб̣б̣ааж̇агаа д̇ат̇ааг̇ад̇ам̣ сийхасад̣̇исам̣ гад̇ваа сарабхам̣ син̇г̇ааласад̣̇исам̣ агам̣су. амб̣угасан̃жарийд̇и куд̣̇д̣̇агагуггудигаа. бурисагаравид̇ам̣ рависсаамийд̇и махаагуггудам̣ раванд̇ам̣ д̣̇исваа ‘‘имассаби д̣̇вз баад̣̇аа д̣̇вз багкаа, маяхамби д̇ат̇зва, ахамби зваруубам̣ равид̇ам̣ рависсаамий’’д̇и саа д̇асса саммукаа равид̇ум̣ асаггонд̇ий д̇асмим̣ багганд̇з равамаанаа гуггудигааравам̣язва рави. д̇зна вуд̇д̇ам̣ – амб̣угасан̃жариравид̇ам̣язва равад̇ийд̇и. усабход̇и г̇он̣о. сун̃н̃ааяаад̇и д̇ужчааяа ж̇здтагавасабхзхи вирахид̇ааяа . г̇амбхийрам̣ над̣̇ид̇аб̣б̣ам̣ ман̃н̃ад̇ийд̇и ж̇здтагавасабхасса наад̣̇асад̣̇исам̣ г̇амбхийранаад̣̇ам̣ над̣̇ид̇аб̣б̣ам̣ ман̃н̃ад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
Vācāya sannitodakenāti vacanapatodena. Sañjambharimakaṃsūti sambharitaṃ nirantaraphuṭaṃ akaṃsu, upari vijjhiṃsūti vuttaṃ hoti. Brahāraññeti mahāraññe. Sīhanādaṃ nadissāmīti sīhassa nadato ākāraṃ disvā ‘‘ayampi tiracchānagato, ahampi, imassa cattāro pādā, mayhampi, ahampi evameva sīhanādaṃ nadissāmī’’ti cintesi. So sīhassa sammukhā nadituṃ asakkonto tasmiṃ gocarāya pakkante ekako nadituṃ ārabhi. Athassa siṅgālasaddoyeva nicchari. Tena vuttaṃ – siṅgālakaṃyeva nadatīti. Bheraṇḍakanti tasseva vevacanaṃ. Apica bhinnassaraṃ amanāpasaddaṃ nadatīti vuttaṃ hoti. Evameva kho tvanti iminā opammena paribbājakā tathāgataṃ sīhasadisaṃ katvā sarabhaṃ siṅgālasadisaṃ akaṃsu. Ambukasañcarīti khuddakakukkuṭikā. Purisakaravitaṃ ravissāmīti mahākukkuṭaṃ ravantaṃ disvā ‘‘imassapi dve pādā dve pakkhā, mayhampi tatheva, ahampi evarūpaṃ ravitaṃ ravissāmī’’ti sā tassa sammukhā ravituṃ asakkontī tasmiṃ pakkante ravamānā kukkuṭikāravaṃyeva ravi. Tena vuttaṃ – ambukasañcariravitaṃyeva ravatīti. Usabhoti goṇo. Suññāyāti tucchāya jeṭṭhakavasabhehi virahitāya . Gambhīraṃ naditabbaṃ maññatīti jeṭṭhakavasabhassa nādasadisaṃ gambhīranādaṃ naditabbaṃ maññati. Sesaṃ sabbattha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. сарабхасуд̇д̇ам̣ • 4. Sarabhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. сарабхасуд̇д̇аван̣н̣анаа • 4. Sarabhasuttavaṇṇanā
