| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. сарад̣̇асуд̇д̇аван̣н̣анаа
3. Saradasuttavaṇṇanā
95. д̇ад̇ияз вид̣̇д̇хзд̇и д̣̇уурийбхууд̇з. д̣̇уурабхааво жа аагаасасса валаахагавиг̇амзна ход̇ийд̇и ааха ‘‘валаахагавиг̇амзна д̣̇уурийбхууд̇з’’д̇и. д̇знзва хи ‘‘вид̣̇д̇хз виг̇ад̇авалаахагз’’д̇и вуд̇д̇ам̣. набхам̣ аб̣бхуссаггамаанод̇и аагаасам̣ абхилан̇гханд̇о. иминаа д̇арун̣асуурияабхааво д̣̇ассид̇о. наад̇ид̣̇уурод̣̇ид̇з хи аад̣̇ижжз д̇арун̣асуурияасаман̃н̃аа. д̣̇увид̇хамзвасса сам̣яож̇анам̣ над̇т̇ийд̇и орамбхааг̇ияауд̣̇д̇хамбхааг̇ияавасзна д̣̇увид̇хамби сам̣яож̇анам̣ асса батамаж̇жхааналаабхино арияасаавагасса над̇т̇и. гасмаа банасса уд̣̇д̇хамбхааг̇ияасам̣яож̇анамби над̇т̇ийд̇и вуд̇д̇ам̣. орамбхааг̇ияасам̣яож̇анаанамзва хзд̇т̇а бахаанам̣ вуд̇д̇анд̇и ааха ‘‘ид̇арамбий’’д̇иаад̣̇и, ид̇арам̣ уд̣̇д̇хамбхааг̇ияасам̣яож̇анам̣ буна имам̣ логам̣ бадисанд̇хивасзна аанзд̇ум̣ асамад̇т̇ад̇ааяа над̇т̇ийд̇и вуд̇д̇анд̇и ад̇т̇о. жхааналаабхино хи саб̣б̣зби арияаа б̣рахмалогуубабаннаа хздтаа на уббаж̇ж̇анд̇и, уд̣̇д̇хам̣ уд̣̇д̇хам̣ уббаж̇ж̇анд̇ааби взхабпалам̣ аганидтам̣ бхаваг̇г̇ан̃жа бад̇ваа на бунан̃н̃ад̇т̇а ж̇ааяанд̇и, д̇ад̇т̇а д̇ад̇т̇зва арахад̇д̇ам̣ бад̇ваа бариниб̣б̣ааяанд̇и. д̇знзвааха ‘‘имасмим̣ суд̇д̇з жхаанаанааг̇аамий наама гат̇ид̇о’’д̇и. жхаанавасзна хи хздтаа на ааг̇ажчад̇ийд̇и жхаанаанааг̇аамий.
95. Tatiye viddheti dūrībhūte. Dūrabhāvo ca ākāsassa valāhakavigamena hotīti āha ‘‘valāhakavigamena dūrībhūte’’ti. Teneva hi ‘‘viddhe vigatavalāhake’’ti vuttaṃ. Nabhaṃ abbhussakkamānoti ākāsaṃ abhilaṅghanto. Iminā taruṇasūriyabhāvo dassito. Nātidūrodite hi ādicce taruṇasūriyasamaññā. Duvidhamevassa saṃyojanaṃ natthīti orambhāgiyauddhambhāgiyavasena duvidhampi saṃyojanaṃ assa paṭhamajjhānalābhino ariyasāvakassa natthi. Kasmā panassa uddhambhāgiyasaṃyojanampi natthīti vuttaṃ. Orambhāgiyasaṃyojanānameva hettha pahānaṃ vuttanti āha ‘‘itarampī’’tiādi, itaraṃ uddhambhāgiyasaṃyojanaṃ puna imaṃ lokaṃ paṭisandhivasena ānetuṃ asamatthatāya natthīti vuttanti attho. Jhānalābhino hi sabbepi ariyā brahmalokūpapannā heṭṭhā na uppajjanti, uddhaṃ uddhaṃ uppajjantāpi vehapphalaṃ akaniṭṭhaṃ bhavaggañca patvā na punaññattha jāyanti, tattha tattheva arahattaṃ patvā parinibbāyanti. Tenevāha ‘‘imasmiṃ sutte jhānānāgāmī nāma kathito’’ti. Jhānavasena hi heṭṭhā na āgacchatīti jhānānāgāmī.
сарад̣̇асуд̇д̇аван̣н̣анаа нидтид̇аа.
Saradasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. сарад̣̇асуд̇д̇ам̣ • 3. Saradasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сарад̣̇асуд̇д̇аван̣н̣анаа • 3. Saradasuttavaṇṇanā
