| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๗. สราควีตราคนานากรณปโญฺห
7. Sarāgavītarāganānākaraṇapañho
๗. ราชา อาห ‘‘ภเนฺต นาคเสน, กิํ นานากรณํ สราคสฺส จ วีตราคสฺส จา’’ติ? ‘‘เอโก โข, มหาราช, อโชฺฌสิโต, เอโก อนโชฺฌสิโต’’ติฯ ‘‘กิํ เอตํ, ภเนฺต, อโชฺฌสิโต อนโชฺฌสิโต นามา’’ติ? ‘‘เอโก โข, มหาราช, อตฺถิโก, เอโก อนตฺถิโก’’ติฯ ‘‘ปสฺสามหํ, ภเนฺต, เอวรูปํ โย จ สราโค, โย จ วีตราโค, สโพฺพเปโส โสภนํ เยว อิจฺฉติ ขาทนียํ วา โภชนียํ วา, น โกจิ ปาปกํ อิจฺฉตี’’ติฯ ‘‘อวีตราโค โข, มหาราช, รสปฎิสํเวที จ รสราคปฎิสํเวที จ โภชนํ ภุญฺชติ, วีตราโค ปน รสปฎิสํเวที โภชนํ ภุญฺชติ, โน จ โข รสราคปฎิสํเวที’’ติฯ
7. Rājā āha ‘‘bhante nāgasena, kiṃ nānākaraṇaṃ sarāgassa ca vītarāgassa cā’’ti? ‘‘Eko kho, mahārāja, ajjhosito, eko anajjhosito’’ti. ‘‘Kiṃ etaṃ, bhante, ajjhosito anajjhosito nāmā’’ti? ‘‘Eko kho, mahārāja, atthiko, eko anatthiko’’ti. ‘‘Passāmahaṃ, bhante, evarūpaṃ yo ca sarāgo, yo ca vītarāgo, sabbopeso sobhanaṃ yeva icchati khādanīyaṃ vā bhojanīyaṃ vā, na koci pāpakaṃ icchatī’’ti. ‘‘Avītarāgo kho, mahārāja, rasapaṭisaṃvedī ca rasarāgapaṭisaṃvedī ca bhojanaṃ bhuñjati, vītarāgo pana rasapaṭisaṃvedī bhojanaṃ bhuñjati, no ca kho rasarāgapaṭisaṃvedī’’ti.
‘‘กโลฺลสิ , ภเนฺต นาคเสนา’’ติฯ
‘‘Kallosi , bhante nāgasenā’’ti.
สราควีตราคนานากรณปโญฺห สตฺตโมฯ
Sarāgavītarāganānākaraṇapañho sattamo.
