| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੭. ਸਰਾਗવੀਤਰਾਗਨਾਨਾਕਰਣਪਞ੍ਹੋ
7. Sarāgavītarāganānākaraṇapañho
੭. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਕਿਂ ਨਾਨਾਕਰਣਂ ਸਰਾਗਸ੍ਸ ਚ વੀਤਰਾਗਸ੍ਸ ਚਾ’’ਤਿ? ‘‘ਏਕੋ ਖੋ, ਮਹਾਰਾਜ, ਅਜ੍ਝੋਸਿਤੋ, ਏਕੋ ਅਨਜ੍ਝੋਸਿਤੋ’’ਤਿ। ‘‘ਕਿਂ ਏਤਂ, ਭਨ੍ਤੇ, ਅਜ੍ਝੋਸਿਤੋ ਅਨਜ੍ਝੋਸਿਤੋ ਨਾਮਾ’’ਤਿ? ‘‘ਏਕੋ ਖੋ, ਮਹਾਰਾਜ, ਅਤ੍ਥਿਕੋ, ਏਕੋ ਅਨਤ੍ਥਿਕੋ’’ਤਿ। ‘‘ਪਸ੍ਸਾਮਹਂ, ਭਨ੍ਤੇ, ਏવਰੂਪਂ ਯੋ ਚ ਸਰਾਗੋ, ਯੋ ਚ વੀਤਰਾਗੋ, ਸਬ੍ਬੋਪੇਸੋ ਸੋਭਨਂ ਯੇવ ਇਚ੍ਛਤਿ ਖਾਦਨੀਯਂ વਾ ਭੋਜਨੀਯਂ વਾ, ਨ ਕੋਚਿ ਪਾਪਕਂ ਇਚ੍ਛਤੀ’’ਤਿ। ‘‘ਅવੀਤਰਾਗੋ ਖੋ, ਮਹਾਰਾਜ, ਰਸਪਟਿਸਂવੇਦੀ ਚ ਰਸਰਾਗਪਟਿਸਂવੇਦੀ ਚ ਭੋਜਨਂ ਭੁਞ੍ਜਤਿ, વੀਤਰਾਗੋ ਪਨ ਰਸਪਟਿਸਂવੇਦੀ ਭੋਜਨਂ ਭੁਞ੍ਜਤਿ, ਨੋ ਚ ਖੋ ਰਸਰਾਗਪਟਿਸਂવੇਦੀ’’ਤਿ।
7. Rājā āha ‘‘bhante nāgasena, kiṃ nānākaraṇaṃ sarāgassa ca vītarāgassa cā’’ti? ‘‘Eko kho, mahārāja, ajjhosito, eko anajjhosito’’ti. ‘‘Kiṃ etaṃ, bhante, ajjhosito anajjhosito nāmā’’ti? ‘‘Eko kho, mahārāja, atthiko, eko anatthiko’’ti. ‘‘Passāmahaṃ, bhante, evarūpaṃ yo ca sarāgo, yo ca vītarāgo, sabbopeso sobhanaṃ yeva icchati khādanīyaṃ vā bhojanīyaṃ vā, na koci pāpakaṃ icchatī’’ti. ‘‘Avītarāgo kho, mahārāja, rasapaṭisaṃvedī ca rasarāgapaṭisaṃvedī ca bhojanaṃ bhuñjati, vītarāgo pana rasapaṭisaṃvedī bhojanaṃ bhuñjati, no ca kho rasarāgapaṭisaṃvedī’’ti.
‘‘ਕਲ੍ਲੋਸਿ , ਭਨ੍ਤੇ ਨਾਗਸੇਨਾ’’ਤਿ।
‘‘Kallosi , bhante nāgasenā’’ti.
ਸਰਾਗવੀਤਰਾਗਨਾਨਾਕਰਣਪਞ੍ਹੋ ਸਤ੍ਤਮੋ।
Sarāgavītarāganānākaraṇapañho sattamo.
