| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩. ততিযপণ্ণাসকং
3. Tatiyapaṇṇāsakaṃ
(১১) ১. ফাসুৰিহারৰগ্গো
(11) 1. Phāsuvihāravaggo
১-৪. সারজ্জসুত্তাদিৰণ্ণনা
1-4. Sārajjasuttādivaṇṇanā
১০১-৪. ততিযস্স পঠমে নত্থি ৰত্তব্বং। দুতিযে পিণ্ডপাতাদিঅত্থায উপসঙ্কমিতুং যুত্তট্ঠানং গোচরো, ৰেসিযা গোচরো অস্সাতি ৰেসিযাগোচরো, মিত্তসন্থৰৰসেন উপসঙ্কমিতব্বট্ঠানন্তি অত্থো। ৰেসিযা নাম রূপূপজীৰিনিযো, তা মিত্তসন্থৰৰসেন ন উপসঙ্কমিতব্বা সমণভাৰস্স অন্তরাযকরত্তা, পরিসুদ্ধাসযস্সপি গরহাহেতুতো, তস্মা দক্খিণাদানৰসেন সতিং উপট্ঠপেত্ৰা উপসঙ্কমিতব্বং। ৰিধৰা ৰুচ্চন্তি মতপতিকা, পৰুত্থপতিকা ৰা। থুল্লকুমারিযোতি মহল্লিকা অনিৰিদ্ধা কুমারিযো। পণ্ডকাতি নপুংসকা। তে হি উস্সন্নকিলেসা অৰূপসন্তপরিল়াহা লোকামিসনিস্সিতকথাবহুলা, তস্মা ন উপসঙ্কমিতব্বা। ভিক্খুনিযো নাম উস্সন্নব্রহ্মচরিযা। তথা ভিক্খূপি। অঞ্ঞমঞ্ঞং ৰিসভাগৰত্থুভাৰতো সন্থৰৰসেন উপসঙ্কমনে কতিপাহেনেৰ ব্রহ্মচরিযন্তরাযো সিযা, তস্মা ন উপসঙ্কমিতব্বা, গিলানপুচ্ছনাদিৰসেন উপসঙ্কমনে সতোকারিনা ভৰিতব্বং। ততিযচতুত্থানি উত্তানত্থানেৰ।
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
সারজ্জসুত্তাদিৰণ্ণনা নিট্ঠিতা।
Sārajjasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. সারজ্জসুত্তং • 1. Sārajjasuttaṃ
২. উস্সঙ্কিতসুত্তং • 2. Ussaṅkitasuttaṃ
৩. মহাচোরসুত্তং • 3. Mahācorasuttaṃ
৪. সমণসুখুমালসুত্তং • 4. Samaṇasukhumālasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. সারজ্জসুত্তৰণ্ণনা • 1. Sārajjasuttavaṇṇanā
২. উস্সঙ্কিতসুত্তৰণ্ণনা • 2. Ussaṅkitasuttavaṇṇanā
৩. মহাচোরসুত্তৰণ্ণনা • 3. Mahācorasuttavaṇṇanā
